جاڭا حابارلار

رايونىمىز ءتۇرلى تاسىلدەگى كاسىپتىك شەبەرلىككە تاربيەلەۋدى ىلگەرىلەتىپ، ەڭبەكشىلەردىڭ كاسىپتەنۋىن، كاسىپ اشۋىن جەبەدى

    كەلۋ قاينارى: شينجياڭ حالىق راديو ىستانسياسى    2018-05-09 16:54:34  

ستانسيامىزدىڭ تىلشىلەرى دۇڭ جىيۇڭ، ۋاڭ يىڭ، ەرىكتى ءتىلشى جاڭ جيڭيۇيدىڭ حابارى: پارتيا 19-قۇرىلتايى بايانداماسىندا، «كاسىپتىك شەبەرلىككە تاربيەلەۋدى كەڭىنەن ورىستەتۋ كەرەكتىگى» العا قويىلدى. رايونىمىز ءتۇرلى تاسىلدەگى كاسىپتىك شەبەرلىككە تاربيەلەۋدى ىلگەرىلەتىپ، تاپسىرىس قابىلداۋدى، جۇمىس ورنىن تۇراقتاندىرۋدى، باعىتتامالى تاربيەلەۋدى اتقارىپ، ەڭبەكشىلەردىڭ شەبەرلىگىن جەتىلدىرىپ، كاسىپتەنۋىن، كاسىپ اشۋىن جەبەدى.
«جۇمىرتقانى كوپ جاعىپ قويما، قالىپتى بولسا بولدى...».
تاياۋدا، نىلقى اۋدانى قاراسۋ اۋىلىنىڭ ۇلكەن قاراسۋ قىستاعى بالكۇلشە پىسىرۋدى نەگىز ەتكەن ونەرگە تاربيەلەۋ كۋرسىن اشتى، وندا، وڭاي ۇيرەنۋگە بولاتىن، دامۋ بولاشاعى جاقسى ونەرلەر ۇيرەتىلگەندىكتەن، 50 نەشە ديحاندى كۋرسكە قاتىناسۋعا باۋرادى. قىستاق تۇرعىنى بۋاتقان ساتار ادەتتە بالكۇلشە جاساۋدى ۇناتاتىن، ونىڭ دۇكەن اشۋ ويى دا بار ەدى، الايدا تەحنيكانى جەتىك بىلمەۋدەن الاڭداعان ول جوسپارىن ورىنداۋعا باتىنا الماي كەلگەن. وسى رەت قىستاقتىڭ كۋرس ۇيىمداستىراتىنىن ەستىگەن ول الدىمەن تىزىمدەلدى. بۋاتقان ساتار بىلاي دەدى: «بۇل جەردەن كوپ نارسە ۇيرەندىم، وتە-موتە، ۇساق بۇىندارىن ءبىر ءجايلى ەتۋدى ءبىلدىم، قازىر ءارى ءدامدى، ءارى ادەمى بالكۇلشە جاساي الاتىن بولدىم، بۇل مەنىڭ دۇكەن اشۋ سەنىمىمدى كۇشەيتتى، پارتيا مەن ۇكىمەتتىڭ ماعان جاقسى وراي اپەرگەنىنە راحمەت».
نىلقى اۋدانىنىڭ قاراسۋ اۋىلدىق قارۋلى ءبولىمىنىڭ باستىعى جيا جىگاڭ تىلشىگە، جىل باسىنان بەرى، اۋىلدىڭ جيىنى 300 ادام رەت كۋرسانت تاربيەلەگەنىن ايتا كەلىپ بىلاي دەدى: «وسى كۋرسانتتاردى تاربيەلەۋ ءۇشىن، ءبىز اۋەلى اۋدانداعى ازىق-تۇلىك زاۆوتى، بالكۇلشە دۇكەنى، تاعى اس-سۋ كاسىپورنى، قوناق ءۇي، مەيمانساراي سياقتىلارمەن حابارلاسىپ، العاشقى ادىمدا 160 ادامنىڭ كاسىپتەنۋىنە كومەكتەستىك. بۇدان سىرت، ءوزى دۇكەن اشقىسى كەلگەن قىستاق تۇرعىندارىنا قىستاق ورىن، كاسىپ اشۋعا قارىز اقشا بەرۋ سياقتى جاقتاردا قاجەتتى كومەك كورسەتىپ، اناعۇرلىم كوپ ونەر يگەرگەن قىستاق تۇرعىندارىنىڭ كاسىپتەنۋ ارقىلى كىرىسىن ارتتىرىپ، اۋقاتتانۋىنا مۇمكىندىك جاسادىق».
تاربيەلەۋ قۇرىلىمىنا سۇيەنۋدەن سىرت، كاسىپورىندى باستى تۇلعا ەتكەن جۇمىس ىستەۋدەن بۇرىنعى تاربيەلەۋ ءارى اۆتونوميالى رايوننىڭ ءتۇيىندى جالپىلاستىراتىن تاربيەلەۋ ءتاسىلىنىڭ ءبىرى بولدى.
4-ايدىڭ باسىندا، توقسۋ اۋدانى تاشەعىل اۋىلى ارا ءمالى قىستاعىنىڭ تۇرعىنى حاليدام ءامار توقسۋ اۋدانى جيانيڭ توقىما فابريكاسىندا تاربيەلەۋگە قاتىناستى. قازىر ول توقىما ماشيناسىن جەتىك مەڭگەرەتىن بولدى، تاعى ومىرىندەگى تۇڭعىش ەڭبەكاقىنى دا الدى. حاليدام ءامار بىلاي دەدى: «ەڭبەكاقىنى العاندا قاتتى قۋاندىم. باس شۋجي شي جينپيڭ ›باقىت كۇرەس جاساۋدان كەلەدى‹ دەگەن بولاتىن. قازىر مەن قوس قولىما سۇيەنىپ، اقشا تابا الاتىن بولدىم، بۇدان كەيىن ءتىپتى قۇلشىنىپ، اناعۇرلىم باقىتتى تۇرمىس كەشىرەمىن».
4-ايدىڭ باسىندا، توقسۋ اۋدانى جيانيڭ توقىما فابريكاسىنىڭ باس مەڭگەرۋشىسى ۋاڭ شۋلي، زاۆودتىڭ «ءبىر ادامدى كاسىپتەندىرۋدى جەبەپ، بۇكىل وتباسىن اۋقاتتاندىرۋعا باستاۋ» تانىمىن نەگىز ەتىپ، تاربيەلەۋ اۋماعىن كەڭەيتۋمەن بىرگە، تاربيەلەۋ ونىمدىلىگىنە كەپىلدىك ەتىپ، قازىرگە دەيىن جەرگىلىكتى ورىنداعى 600 دىڭ ۇستىندەگى ادامدى كاسىپتەنۋگە باستاعاندىقتارىن ايتا كەلىپ بىلاي دەدى: «توقسۋ اۋدانىنىڭ كەدەي وتباسىلارىنداعى قىرۋار ارتىق ەڭبەككۇشتى كاسىپتەنۋگە باۋرادىق، ءبىز باستىسى قولما-قول ۇيرەتۋ، قارايلاسۋ ۇلگىسىندەگى باسقارۋ ءتاسىلى ارقىلى ولاردىڭ كاسىپورىنداردا الاڭسىز، ورنىقتى قىزمەت ىستەۋىنە مۇمكىندىك جاسادىق».
ۇعىسۋعا قاراعاندا، بيىل ءبىرىنشى توقساندا، رايونىمىز كاسىپتەنۋ شەبەرلىگىنە 173 مىڭ 100 ادامدى تاربيەلەپ، 125 مىڭ 400 ادامدى كاسىپتەندىرىپ، كاسىپتەنۋ مولشەرى وتكەن جىلدىڭ وسى مەزگىلىندەگىمەن سالىستىرعاندا، 13.14 پايىز جوعارىلاعان. كاسىپ اشۋ جاعىندا 7 مىڭ 168 ادامدى تاربيەلەپ، 2 مىڭ 425 ادامنىڭ كاسىپ اشۋىن جۇزەگە اسىرىپ، كاسىپ اشىپ، تابىسقا جەتۋ مولشەرى وتكەن جىلدىڭ وسى مەزگىلىندەگىدەن 0.53 پايىز ارتقان. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەت قۇرىلىسى باسقارماسىنىڭ باستىعى گاۋ شياۋپيڭ بىلاي دەدى: «ەندىگى كەزەكتە ءبىز تاعى شەبەرلىك دارىندىلارى مەن ارناۋلى تەحنيكا دارىندىلارىنىڭ كاسىپتىك اتاعىن دايەكتىلەندىرىپ، ەڭبەكشىلەردىڭ شەبەرلىك ارقىلى كاسىپتەنۋىنە، شەبەرلىك ارقىلى جەتىلۋىنە، شەبەرلىك ارقىلى ءوزىنىڭ قوعامدىق قۇنىن ايگىلەۋىنە مۇمكىندىك جاسايمىز».


بەرىپ كەت ورامالىڭدى

دوستار

الىستاعى اق ەركە