جاڭا حابارلار

22 - كەزەكتى «جۇڭگو جاستار 4 - مامىر مەدالىنىڭ» يەگەرى جاريالاندى

    كەلۋ قاينارى: شينجياڭ گازەتى    2018-05-08 18:29:43  

بيڭتۋاننان شاۋ شۋچين وسى ەرەكشە داڭققا بولەندى

  ءتىلشىمىز جاڭ شياۋيان 5 - ايدىڭ 5 - كۇنى ۇرىمجىدەن حابارلايدى. ءتىلشىنىڭ جۇڭگو كوممۋنيستىك جاستار وداعى شينجياڭ ءوندىرىس - قۇرىلىس بيڭتۋانى كوميتەتىنەن ۇعىسۋىنشا، 22 - كەزەكتى «جۇڭگو جاستار 4 - مامىر مەدالىن» تاراتۋ سالتى جۋىقتا وتكىزىلگەن، بيڭتۋان 3 - شى تويۇن مال فەرماسى الەۋمەتتىك اۋماق پارتيا ياچەيكاسىنىڭ شۋجيى شاۋ شۋچينعا «جۇڭگو جاستار 4 - مامىر مەدالى» بەرىلگەن.
  «جۇڭگو جاستار 4 - مامىر مەدالى» يەگەرىن باعالاۋ قيمىلىنىڭ ماقساتى زامانىمىزداعى تاڭداۋلى جاستاردىڭ رۋحاني قاسيەتىن جانە قۇن تالپىنىسىن شوعىرلى ايگىلەپ، بۇكىل ەلدەگى قالىڭ جاستاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جاپپاي سوتسياليستىك وسىزاماندانعان ەل قۇرۋدىڭ تىڭ ساپارىندا جالىندى كۇش جانە اتويشىلدىق رولىن ساۋلەلەندىرۋگە شابىتتاندىرۋ. باعالاۋ قيمىلى ادام تاربيەلەۋ بەتالىسىن كوزدە ۇستاپ، ءبىر توپ تاڭداۋلى تيپتەردى بايقاپ، سۇرىپتاپ، تاربيەلەپ، جۇرتتىڭ نازارىن اۋدارىپ، ولاردى جۇرتقا تانىستىرىپ، ولاردىڭ جۇمىس جاساۋدىڭ، شارۋاشىلىق قۇرۋدىڭ اناعۇرلىم كەڭ ارناسىنا تۇسۋىنە مۇمكىندىك تۋدىرۋ. ۇعىسۋعا قاراعاندا، 22 - كەزەكتە بۇكىل ەل بويىنشا جالپى 30 جاس وسى داڭققا بولەنگەن.
  شاۋ شۋچين بيڭتۋانداعى تاڭداۋلى جاستاردىڭ ۋاكىلى. 2013 - جىلى ول ستۋدەنتتەردىڭ باتىسقا ەرىكتى قىزمەت كورسەتۋ جوسپارىنا قاتىناسىپ، شارت - جاعدايى ناشار بيڭتۋان 3 - شى تويۇن مال فەرماسىنا كەلىپ، نەگىزگى ساتى قوعامىن باسقارۋ قىزمەتىنە ارالاسادى.
  قىزمەت وتەۋ كەزىندە، شاۋ شۋچين جەرگىلىكتى جاعدايعا تەز ارادا ۇيىرلەسىپ، ءوزىنىڭ كاسىپتىك ەرەكشەلىگىنەن پايدالانىپ قىزمەتتەردى ايتارلىقتاي ورىندايدى ءارى كوپتەگەن قيمىلداردى جوبالاپ، جەرگىلىكتى بۇقارانىڭ مادەنيەت تۇرمىسىن بايىتادى. قىزمەت وتەۋ ۋاقىتى تولعاننان كەيىن، شاۋ شۋچين شەكارا وڭىردە تامىر تارتىپ، مال فەرماسىندا ۇزدىكسىز قىزمەت ىستەۋدى ءوتىنىش ەتەدى ءارى وزىندەگى ەرەكشەلىكتەن پايدالانىپ، جەرگىلىكتى ورىنداعى جاستاردى شارۋاشىلىق قۇرۋعا، جۇمىستانۋعا، ەلەكتروندى ساۋدا جاساۋعا باۋلۋ بازاسىن باستاماشىلدىقپەن ىسكە قوسىپ، جۇمىسشى - قىزمەتكەرلەردىڭ شارۋاشىلىق قۇرۋىنا، جاڭالىق اشۋىنا دەم بەرەدى. شاۋ شۋچيننىڭ باستاماشىلدىعىندا، الەۋمەتتىك اۋماق پارتيا ياچەيكاسىنىڭ جاۋىنگەرلىك قۋاتى ايتارلىقتاي كۇشەيىپ، الەۋمەتتىك اۋماقتىڭ قىزمەتتەرى ءساتتى جۇرىلەدى.


بەرىپ كەت ورامالىڭدى

دوستار

الىستاعى اق ەركە