جاڭا حابارلار

ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسى بەيجيڭدە وتكىزىلدى

    كەلۋ قاينارى: شينجياڭ گازەتى    2018-05-06 23:10:53  

شي جينپيڭ ماڭىزدى ءسوز سويلەدى

 


 5 - ايدىڭ 4 - كۇنى ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسى بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 


 
 لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، ۋاڭ چيشان جينالىسقا قاتىناستى، ۋاڭ حۋنيڭ جينالىستى باسقاردى 

 شينحۋا اگەنتتىگىنىڭ 5 - ايدىڭ 4 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، حۋاڭ شياۋشي).ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسى 5 - ايدىڭ 44 - كۇنى تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، مىنالاردى باسا دارىپتەدى: ءبىز ادامزات تاريحىنداعى ەڭ ۇلى ويشىلعا قۇرمەت ەتۋ ءۇشىن، سونداي - اق ماركسيزمنىڭ عىلمي اقيقاتى جونىندەگى بەرىك سەنىمىمىزدى ايگىلەۋ ءۇشىن، ماركستى ەسكە الىپ وتىرمىز. ماركسيزم باستان - اياق پارتيامىز بەن مەملەكەتىمىزدىڭ جەتەكشى يدەياسى، ءبىزدىڭ دۇنيەنى تانۋداعى، زاڭدىلىقتى يگەرۋدەگى، اقيقاتقا تالپىنۋداعى، دۇنيەنى وزگەرتۋدەگى قۇدىرەتتى يدەيالىق قارۋىمىز بولىپ كەلدى. جاڭا داۋىردە جۇڭگو كوممۋنيستەرى ءالى دە ماركستى ۇيرەنۋى، ماركسيزمدى ۇيرەنۋى جانە امالياتتان وتكىزۋى، ماركسيزم ۇلى تۋىن بيىك جەلبىرەتۋى، ونان ۇزدىكسىز عىلمي اقىل - پاراسات پەن كۇش - قۋات قابىلداۋى، جاڭا داۋىردەگى جۇڭگوشا سوتسياليزمگە اناعۇرلىم تاباندىلىقپەن، اناعۇرلىم سەنىممەن، اناعۇرلىم پاراساتپەن تاباندى بولىپ جانە ونى دامىتىپ، ماركس، ەنگەلس بولجاعان ادامزات قوعامىنىڭ كوركەم بولاشاعىن جۇڭگونىڭ ۇلان - بايتاق جەرىندە جالىندى بەينەمەن جارىققا شىعارۋى كەرەك. (ءسوزدىڭ تولىق مازمۇنى ايىرىم بەرىلەدى)   لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.  حالىق سارايىنىڭ ۇلكەن زالىنان ايبىندى دا جالىندى لەپ ەسەدى. ءتوراعالار مىنبەسىنىڭ ۇستىڭگى جاعىنا «ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسى» دەگەن جازۋ جازىلعان ءماجىلىس بەلگىسى، ءماجىلىس مىنبەسىنىڭ ارتىنداعى شىمىلدىقتىڭ ورتاسىنا ماركستىڭ سۋرەتى مەن «2018 − 1818» دەگەن جازۋ جازىلعان بەلگى ىلىنگەن، 10 قىزىل تۋ جەكە - جەكە ەكى جاققا قويىلعان. ۇلكەن زالدىڭ ەكىنشى قاباتىنداعى مىنبەنىڭ الدىنا «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، ماركسيزمدە تاباندى بولىپ جانە ونى دامىتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك!» دەگەن ۇران جازىلعان كەرمە تۋ ىلىنگەن.  تۇستەن بۇرىن ساعات 10دا جينالىس باستالدى، كوپشىلىك ورىندارىنان تۇرىپ، مەملەكەت ءانىن اسقاقتاتا شىرقادى.  دۋ قول شاپالاق ءۇنى ىشىندە، شي جينپيڭ ماڭىزدى ءسوز سويلەدى. ول بىلاي دەدى: ماركس دۇنيە جۇزىندەگى پرولەتاريات پەن ەڭبەكشى حالىقتىڭ توڭكەرىستىك ۇستازى، ماركسيزمنىڭ باستى نەگىزىن سالۋشى، ماركسيزمدىك ساياسي پارتيانىڭ قۇرۋشىسى جانە حالىقارالىق كوممۋنيزمنىڭ ءىزاشارى، تاياۋ زاماننان بەرگى ەڭ ۇلى ويشىل. ماركستىڭ ءومىرى وسكەلەڭ مۇراتقا تولى، ادامزاتتىڭ ازاتتىعى جولىندا تالىقپاي كۇرەس جۇرگىزگەن ءومىر، قيىندىق پەن كەدەرگىلەردەن قورىقپاي، اقيقات ءۇشىن يدەيانىڭ بيىك شىڭىنا جۇرەكتىلىكپەن قۇلاش ۇرعان ءومىر، كونە دۇنيەنى قۇلاتىپ، جاڭا دۇنيەنى قۇرۋ جولىندا تىنباي كۇرەس جۇرگىزگەن ءومىر.  شي جينپيڭ بىلاي دەپ باسا دارىپتەدى: ماركستىڭ بىزگە قالدىرعان ەڭ قىمباتتى، ەڭ ىقپالدى رۋحاني بايلىعى − ونىڭ اتىمەن اتالعان عىلمي نازاريا − ماركسيزم بولدى. بۇل نازاريا ارايلاپ اتقان اق تاڭداي ادامزاتتىڭ تاريحي زاڭدىلىقتاردى ىزدەۋ جانە ءوز ازاتتىعىن تابۋ جولىنا جارىق ءتۇسىردى. ماركستىڭ يدەيالىق نازارياسى سول داۋىردەن قاينار الدى، ءارى سول داۋىردەن اسىپ ءتۇستى، ءارى سول ءداۋىر رۋحىنىڭ جاۋھارى، ءارى بۇكىل ادامزات رۋحىنىڭ جاۋھارى. ماركسيزم − عىلمي نازاريا، ادامزات قوعامىنىڭ دامۋ زاڭدىلىعىن جاسامپازدىقپەن اشتى. ماركسيزم − حالىقتىڭ نازارياسى، تۇڭعىش رەت حالىقتىڭ ءوز ازاتتىعىن ىسكە اسىرۋىنىڭ يدەيالىق جۇيەسىن ورناتتى. ماركسيزم − امالي نازاريا، حالىقتىڭ دۇنيەنى وزگەرتۋ ارەكەتىنە ءجون سىلتەيدى. ماركسيزم ۇزدىكسىز داميتىن اشىق نازاريا رەتىندە، قاشاندا ءداۋىردىڭ الدىڭعى لەبىندە ءجۇردى. ماركسيزمنىڭ دامۋ تاريحى − ماركس، ەنگەلستەردىڭ، سونداي - اق ولاردىڭ ءىزىن باسۋشىلاردىڭ ۇزدىكسىز تۇردە ءداۋىردىڭ، امالياتتىڭ، تانىمنىڭ دامۋىنا سايكەس دامۋ تاريحى، ادامزات تاريحىنداعى بارلىق تاڭداۋلى يدەيا، مادەنيەت جەتىستىكتەرىن ۇزدىكسىز قابىلداي وتىرىپ ءوزىن بايىتۋ تاريحى. سوندىقتان ماركسيزم ءوزىنىڭ كوركەم جاستىق ورالىن ماڭگى ساقتاپ، ءداۋىردىڭ دامۋ العا قويعان جاڭا تاقىرىپتارىن ۇزدىكسىز زەرتتەپ، ادامزات قوعامى ءدوپ كەلگەن جاڭا سىن - سايىستارعا جاۋاپ بەردى.     شي جينپيڭ مىنالاردى اتاپ كورسەتتى: «كوممۋنيستىك پارتيا جارناماسى» جاريالانعان 170 جىلدان بەرى، ماركسيزم دۇنيە جۇزىندە كەڭىنەن تارالدى. ادامزاتتىڭ يدەيا تاريحىندا ادامزاتقا ماركسيزمدەي كەڭ ءارى تەرەڭ ىقپال جاساعان يدەيالىق نازاريا جوق. ماركسيزم ادامزات وركەنيەتىنىڭ ۇدەرىسىن بارىنشا ىلگەرىلەتىپ، قازىرگە دەيىن ماڭىزدى حالىقارالىق ىقپالعا يە يدەيالىق جۇيە مەن ءسوز جۇيەسى بولىپ وتىر، ماركس قازىرگە دەيىن ءالى دە «مىڭ جىلدا ءبىر تۋاتىن ءبىرىنشى ويشىل» رەتىندە مويىندالىپ وتىر.    شي جينپيڭ بىلاي دەپ باسا دارىپتەدى: ماركسيزم دۇنيە جۇزىنە تەرەڭ وزگەرىس جاساپ قانا قويماي، جۇڭگوعا دا تەرەڭ وزگەرىس جاسادى. اماليات ماركسيزمنىڭ تاعدىرىنىڭ ءاۋ باستان جۇڭگو كوممۋنيستىك پارتياسىنىڭ تاعدىرىمەن، جۇڭگو حالقىنىڭ تاعدىرىمەن، جۇڭحۋا ۇلتىنىڭ تاعدىرىمەن تىعىز بايلانىسىپ جاتقانىن، ونىڭ عىلميلىعى مەن اقيقاتتىلىعىنىڭ جۇڭگودا تولىق سىننان وتكەنىن، ونىڭ حالىقتىعى مەن امالياتتىعىنىڭ جۇڭگودا تولىق دايەكتىلەندىرىلگەندىگىن، ونىڭ اشىقتىعى مەن داۋىرلىگىنىڭ جۇڭگودا تولىق ايگىلەنگەنىن دالەلدەدى. اماليات تاعى ماركسيزمنىڭ جۇڭگونىڭ توڭكەرىسىنە، قۇرىلىسىنا، رەفورماسىنا قۇدىرەتتى يدەيالىق قارۋ ازىرلەپ، جۇڭگوداي شىعىستاعى بايىرعى ءىرى ەلدىڭ ادامزات تاريحىندا بۇرىن بولماعان دامۋ كەرەمەتتەرىن جارىققا شىعارۋىنا مۇمكىندىك جاساعانىن ايگىلەدى. تاريح پەن حالىقتىڭ ماركسيزمدى تاڭداۋى بۇكىلدەي دۇرىس، جۇڭگو كوممۋنيستىك پارتياسىنىڭ ماركسيزمدى ءوزىنىڭ تۋىنا جازۋى بۇكىلدەي دۇرىس، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولۋدىڭ، ماركسيزمنىڭ جۇڭگوشالانۋىن، داۋىرلىك ءتۇس الۋىن ۇزدىكسىز ىلگەرىلەتۋىنىڭ بۇكىلدەي دۇرىس ەكەنىن دالەلدەدى. ماركسيزمنىڭ جۇڭگونىڭ سوتسياليستىك وسىزاماندانعان قۇدىرەتتى مەملەكەت قۇرۋدىڭ داڭعىل جولىنا ءساتتى تۇسۋىنە جەتەكشىلىك ەتكەنىن، جۇڭگو كوممۋنيستەرىنىڭ ماركسيزمنىڭ ادال سەنۋشىلەرى، تاباندى امالياتشىلارى رەتىندە، ماركسيزمگە تاباندى بولۋ جانە ونى دامىتۋ جولىندا تاباندى قۇلشىنىستار جاساپ وتىرعانىن ماركستىڭ رۋحى الدىندا ايتا الامىز.    شي جينپيڭ مىنالاردى اتاپ كورسەتتى: ماركستى ۇيرەنۋدە ماركسيزمنىڭ ادامزات قوعامىنىڭ دامۋ زاڭدىلىعى جونىندەگى يدەياسىن ۇيرەنۋىمىز جانە امالياتتا ايگىلەۋىمىز، كوممۋنيزم ۇلى مۇراتىن جۇڭگوشا سوتسياليزم ورتاق مۇراتىمەن بىرلىككە كەلتىرۋىمىز، ءوزىمىز ىستەپ جاتقان ىستەرمەن بىرلىككە كەلتىرۋىمىز، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن بەكەمدەۋىمىز، كوممۋنيستەردىڭ مۇرات - سەنىمىن بەرىك ساقتاۋىمىز كەرەك. ماركستى ۇيرەنۋدە ماركسيزمنىڭ حالىق تۇرعىسىندا بەرىك تۇرۋ يدەياسىن ۇيرەنۋىمىز جانە امالياتتا ايگىلەۋىمىز، بۇكىل ىنتا - پەيىلمەن حالىق ءۇشىن قىزمەت ىستەۋ سىندى ءتۇبىرلى ماقساتتا تاباندى بولىپ، قاشاندا حالىق بۇقاراسىمەن ەتەنە بايلانىستا بولىپ، حالىقتى ىنتىماقتاستىرا باستاپ، تاريحي ۇلى ىستەردى بىرگە جاراتۋىمىز كەرەك. ماركستى ۇيرەنۋدە ماركسيزمنىڭ وندىرگىش كۇش پەن وندىرىستىك قاتىناس جونىندەگى يدەياسىن ۇيرەنۋىمىز جانە امالياتتا ايگىلەۋىمىز، رەفورمانى جاپپاي تەرەڭدەتۋگە باتىل بولىپ، سانالى تۇردە وندىرىستىك قاتىناستاردى رەتتەۋ ارقىلى قوعامدىق وندىرگىش كۇشتىڭ دامۋ ومىرشەڭدىگىنە دەم بەرىپ، سانالى تۇردە قوندىرمانى كەمەلدەندىرۋ ارقىلى بازيستىڭ دامۋ تالابىنا ۇيلەستىرىپ، جۇڭگوشا سوتسياليزمدى زاڭدىلىققا اناعۇرلىم ۇيلەستىرە وتىرىپ العا دامىتۋىمىز كەرەك. ماركستى ۇيرەنۋدە ماركسيزمنىڭ حالىق دەموكراتياسى جونىندەگى يدەياسىن ۇيرەنۋىمىز جانە امالياتتا ايگىلەۋىمىز، جۇڭگوشا سوتسياليستىك ساياسي دامۋ جولىمەن بۇلجىماي ءجۇرۋىمىز، حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، حالىق دەموكراتياسىن اناعۇرلىم شىنايى، اناعۇرلىم ناتيجەلى جۇرگىزۋىمىز كەرەك. ماركستى ۇيرەنۋدە ماركسيزمنىڭ مادەنيەت قۇرىلىسى جونىندەگى يدەياسىن ۇيرەنۋىمىز جانە امالياتتا ايگىلەۋىمىز، ماركسيزمنىڭ يدەولوگيا سالاسىنداعى جەتەكشى ورنىن بەكەمدەۋىمىز، سوتسياليستىك وزىق مادەنيەتتى دامىتۋىمىز، سوتسياليستىك رۋحاني وركەنيەت قۇرىلىسىن نىعايتۋىمىز، جۇڭحۋا مادەنيەتىنىڭ شۇلەن شۇعىلاسىن ۇزدىكسىز تۇلعالاۋىمىز كەرەك. ماركستى ۇيرەنۋدە ماركسيزمنىڭ قوعامدىق قۇرىلىس جونىندەگى يدەياسىن ۇيرەنۋىمىز جانە امالياتتا ايگىلەۋىمىز، حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، قوعامدىق ادىلدىك پەن تۋراشىلدىقتى جەبەپ، دامۋ تابىستارىنان بارشا حالىقتى اناعۇرلىم كوپ، اناعۇرلىم ءادىل يگىلىكتەندىرىپ، بارشا حالىقتىڭ بىرگە بايۋىن جۇزەگە اسىرۋعا قاراي ۇزدىكسىز قادام تاستاۋىمىز كەرەك. ماركستى ۇيرەنۋدە ماركسيزمنىڭ ادام مەن تابيعاتتىڭ قاتىناسى جونىندەگى يدەياسىن ۇيرەنۋىمىز جانە امالياتتا ايگىلەۋىمىز، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، قوعامدىق كۇشتەردى ەكولوگيالىق وركەنيەت قۇرىلىسىن ىلگەرىلەتىپ، كورىكتى جۇڭگو قۇرۋعا جۇمىلدىرۋىمىز كەرەك. ماركستى ۇيرەنۋدە ماركسيزمنىڭ دۇنيە تاريحى جونىندەگى يدەياسىن ۇيرەنۋىمىز جانە امالياتتا ايگىلەۋىمىز، بەيبىت دامۋ جولىنان جازباي، دەربەس، ءوز - وزىنە قوجا بولۋ بەيبىت ديپلوماتيالىق ساياساتقا تاباندى بولىپ، ءوزارا پايدا جەتكىزىپ، تەڭ يگىلىككە كەنەلەتىن ەسىك اشۋ ستراتەگياسىنان جازباي، ءار ەل حالىقتارىمەن بىرگە ادامزاتتىڭ تاعدىرلاس ورتاق تۇلعاسىن قۇرىپ، دۇنيە ءجۇزىن ءتىپتى دە كوركەم ەتىپ قۇرىپ شىعۋىمىز كەرەك. ماركستى ۇيرەنۋدە ماركسيزمنىڭ ساياسي پارتيا قۇرىلىسى جونىندەگى يدەياسىن ۇيرەنۋىمىز جانە امالياتتا ايگىلەۋىمىز، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، پارتيانى جاپپاي قاتاڭ جونگە سالۋدى باياندى ىلگەرىلەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، كوممۋنيستەردىڭ ساياسي قاسيەتىن ماڭگى ساقتاۋىمىز كەرەك.

 5 - ايدىڭ 4 - كۇنى ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسى بەيجيڭدەگى حالىق سارايىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 


 شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى − ماركسيزممەن قارۋلانعان ساياسي پارتيا، ماركسيزم − جۇڭگو  كوممۋنيستەرىنىڭ مۇرات - سەنىمىنىڭ جانى. پارتيانىڭ كۇرەس جاساۋ بارىستارىنان جۇڭگو كوممۋنيستىك پارتياسىنىڭ قيىن - قىستاۋ جاعدايلاردى باستان كەشىرە ءجۇرىپ ۇزدىكسىز دامىپ، نىعايۋىنداعى وتە ماڭىزدى ءبىر سەبەپتىڭ پارتيامىزدىڭ پارتيانى يدەيالىق جاقتان قۇرۋعا، پارتيانى نازاريالىق جاقتان كۇشەيتۋگە باستان - اياق ءمان بەرىپ، بۇكىل پارتيانىڭ بىرلىككە كەلگەن يدەيانى، بەرىك ەرىك - جىگەردى، سايكەسكەن ارەكەتتى، كۇشتى جاۋىنگەرلىك قۋاتتى باستان - اياق ساقتاۋىنا مۇمكىندىك جاساعاندىعىندا ەكەنىن بايقاي الامىز. قازىر رەفورمانىڭ، دامۋدىڭ، ورنىقتىلىقتىڭ مىندەتىنىڭ سالماقتىلىعى، قايشىلىقتاردىڭ، حاۋىپ - قاتەرلەردىڭ، باسەكەلەردىڭ مولدىعى، مەملەكەتتى جونگە سالىپ، ەل بيلەۋدىڭ سىن - سىناقتارىنىڭ اۋىرلىعى بۇرىن بولىپ كورمەگەن. ءبىز باسىمدىقتارعا، ىرىقتىلىقتارعا، بولاشاققا قول جەتكىزۋدە ءىس جۇزىندىك ماسەلەلەرگە ماركسيزمنەن پايدالانىپ تالداۋ جاساۋ جانە ونى شەشۋ قابىلەتىمىزدى، ءسوز جوق، جوعارىلاتىپ، عىلمي نازاريانىڭ جەتەكشىلىگىنەن پايدالانىپ، ءىرى سايىستارعا توتەپ بەرۋ، ۇلكەن حاۋىپ - قاتەرلەردى تەجەۋ، اۋىر كەدەرگىلەردى جەڭۋ، كەلەلى قايشىلىقتاردى ساباسىنا ءتۇسىرۋ، كەلەلى ماسەلەلەردى شەشۋ قابىلەتىمىزدى ۇزدىكسىز ءوسىرىپ، بولاشاق دامۋدا ءدوپ كەلەتىن ءبىرسىپىرا كەلەلى ماسەلەلەرگە اناعۇرلىم كەڭ كوز ايامەن، اناعۇرلىم الىستى بولجايتىن كورەگەندىكپەن وي جۇگىرتىپ، ماركستىك سەنىم مەن كوممۋنيزمدىك مۇراتتى ۇزدىكسىز بەكەمدەۋىمىز كەرەك.   شي جينپيڭ مىنالاردى اتاپ كورسەتتى: بۇكىل پارتياداعى جولداستار، اسىرەسە، ءار دارەجەلى پارتيالى كادرلار ماركسيزم، لەنينيزمدى اناعۇرلىم سانالى، اناعۇرلىم قۇلشىنا ۇيرەنۋى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن ۇيرەنۋى، جاڭا ءداۋىر جۇڭگوشا سوتسياليزم يدەياسىن ۇيرەنۋى كەرەك. ىشكەرىلەي ۇيرەنىپ، ۇزبەي ۇيرەنىپ، قۇلشىنا ۇيرەنىپ، ماسەلەنى بويلاي ۇيرەنىپ، ماسەلەنى نىسانا ەتە ۇيرەنىپ، ءىس جۇزىندىكپەن بىرلەستىرە ۇيرەنىپ، عىلمي يدەيا مەن نازاريانى دۇنيەنى تانۋدىڭ، دۇنيەنى وزگەرتۋدىڭ كۇشتى ماتەريالدىق قۋاتىنا اناعۇرلىم جاقسى اينالدىرۋ كەرەك. كوممۋنيستەر ماركسيزم كلاسسيك شىعارمالارىن وقۋدى، ماركسيزم قاعيدالارىن ءتۇسىنۋدى تۇرمىس ادەتىنە، رۋحاني تالپىنىسىنا اينالدىرىپ، كلاسسيك شىعارمالار ارقىلى دۇرىس سالتتى جەتىلدىرىپ، يدەياسىن نارلەندىرىپ، وي ءورىسىن كەڭەيتىپ، امالياتقا جەتەكشىلىك ەتۋى كەرەك.  شي جينپيڭ بىلاي دەپ باسا دارىپتەدى: عىلمي نازارياعا مامىلە جاساۋدا، ءسوز جوق، عىلمي پوزيتسيا بولۋ كەرەك. نازاريانىڭ ومىرشەڭدىك قۋاتى ۇزدىكسىز جاڭالىق اشۋدا. ماركسيزمنىڭ ۇزدىكسىز دامۋىن ىلگەرىلەتۋ − جۇڭگو كوممۋنيستەرىنىڭ قاسيەتتى بورىشى. ءبىز ماركسيزم ارقىلى ءداۋىردى باقىلاۋعا، ءداۋىردى تۇسىنۋگە، داۋىرگە جەتەكشىلىك ەتۋگە تاباندى بولىپ، ماركسيزمنىڭ دامۋىن زامانىمىزداعى جۇڭگونىڭ شىت جاڭا، باي مازمۇندى امالياتى ارقىلى ىلگەرىلەتىپ، ادامزات جاراتقان بارلىق تاڭداۋلى وركەنيەت جەتىستىكتەرىن كەڭ وي ورىسپەن قابىلداپ، رەفورما بارىسىندا دۇرىستىقتى ساقتاپ، جاڭالىققا ۇمتىلۋعا، ءوز شەڭبەرىنەن شارىقتاپ شىعۋعا تاباندى بولىپ، ەسىك اشۋ بارىسىندا كوپتىڭ ارتىقشىلىقتارىن كەڭىنەن قابىلداپ، ءوزىمىزدى ۇزدىكسىز كەمەلدەندىرىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى تولاسسىز تەرەڭدەتىپ، زامانىمىزداعى جۇڭگونىڭ ماركسيزمىنىڭ، 21 - عاسىرداعى ماركسيزمنىڭ جاڭا ءورىسىن ۇزدىكسىز اشۋىمىز كەرەك.  ۋاڭ حۋنيڭ جينالىستى باسقارعاندا بىلاي دەدى: باس شۋجي شي جينپيڭنىڭ ماڭىزدى ءسوزى بيىكتە تۇرىپ الىسقا كوز جىبەرگەن، اياسى كەڭ، يدەياسى تەرەڭ، مازمۇنى باي، ماركسيزم نۇر - شۇعىلاسى شاشىلعان باعدارنامالىق حۇجات. ءبىز ونى مۇقيات ۇيرەنىپ، ىشكەرىلەي ءتۇسىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە بارىنشا تىعىز توپتاسىپ، بارىنشا اسقاق جىگەرمەن، بارىنشا جارامدى شارالار ارقىلى «قوس 100 جىلدىق» كۇرەس نىساناسىن ىسكە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا تالىقپاي كۇرەس جاساۋىمىز كەرەك.  جينالىس ايبىندى «ينتەرناتسيونال ءانى» ىشىندە اياقتادى.  بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.  ورتالىقتاعى پارتيا، ۇكىمەت، ارميا، بۇقارالىق ۇيىمداردىڭ ءارقايسى تاراۋلارىنىڭ جانە بەيجيڭ قالاسىنىڭ نەگىزگى جاۋاپتى جولداستارى، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى، سونداي - اق پارتيادا، توپتا جوق قايراتكەرلەردىڭ ۋاكىلدەرى، ورتالىقتىڭ ۇگىت - مادەنيەت ورىندارىنىڭ باسشىلىق القاسى قۇرامىنداعىلار، ماركس دۇنيەگە كەلگەندىگىنىڭ 200 جىلدىعىن اتاپ ءوتۋ بايلانىسىمەن وتكىزىلگەن نازاريالىق زەتتەۋ - تالقىلاۋ ماجىلىسىنە، 2 - كەزەكتى دۇنيە جۇزىلىك ماركسيزم جينالىسىنا قاتىناسقان ۋاكىلدەر، استاناداعى قوعامدىق عىلىم نازارياسى سالاسى مەن جوعارى مەكتەپتەردىڭ ماركسيزم شۋەيۋاندارىنداعى وقىتۋشى - وقۋشىلار ۋاكىلدەرى، نەگىزگى ساتى پارتيا مۇشەلەرى جانە حالىق بۇقاراسى ۋاكىلدەرى، ازاتتىق ارميا جانە قارۋلى ساقشى بولىمىندەگى كوماندير - جاۋىنگەرلەر ۋاكىلدەرى قاتارلى 3000عا جۋىق ادام جينالىسقا قاتىناستى.
 


بەرىپ كەت ورامالىڭدى

دوستار

الىستاعى اق ەركە