جاڭا حابارلار

تومەن باعالى ءدارى–دارمەك تىزىمدىگى ءتۇزىمى بويىنشا باسقارۋ كۇشىنەن قالدىرىلدى

    كەلۋ قاينارى: شينجياڭ حالىق راديو ىستانسياسى    2018-05-04 10:55:43  

تاياۋدا، اۆتونوميالى رايوندىق دامۋ-رەفورما كوميتەتى ۇقتىرۋ شىعارىپ، رايونىمىزدىڭ تومەن باعالى ءدارى–دارمەكتەردىڭ باعاسىن باسقارۋ ءتاسىلىن رەتكە سالىپ، تومەن باعالى ءدارى–دارمەك تىزىمدىگى ءتۇزىمى بويىنشا باسقارۋدى كۇشىنەن قالدىردى.
«ۇقتىرۋدا» بىلاي دەپ ايقىن تۇراقتاندىرىلدى: ءدارى–دارمەكتىڭ ءىس جۇزىندىك ساتىلىم باعاسى تومەن باعالى ءدارى–دارمەكتىڭ كۇندىك ورتاشا اقى ولشەمىنە ۇيلەسەتىندەرىنە تۇگەلدەي مەملەكەتتىڭ تومەن باعالى ءدارى–دارمەككە قاتىستى ساياساتى اتقارىلادى؛ ءدارى–دارمەكتىڭ كۇندىك ورتاشا اقى ولشەمىنە ۇيلەسپەيتىندەرىنە تومەن باعالى ءدارى–دارمەككە قاتىستى ساياساتىن اتقارۋعا بولمايدى. باسقارۋ ۇقىق شەگى بويىنشا، مەملەكەتتىڭ تومەن باعالى ءدارى-دارمەك تىزىمدىگى ءتۇزىمى بويىنشا باسقارۋ جالعاستى اتقارىلادى.
تومەن باعالى ءدارى–دارمەك تىزىمدىگى ءتۇزىمى بويىنشا باسقارۋ كۇشىنەن قالدىرىلعاننان كەيىن، ءدارى-دارمەك وندىرەتىن، تيجارات ەتەتىن كاسىپورىنداردىڭ تومەن باعالى ءدارى–دارمەكتى باسقارۋ كولەمىنە ءوزى كىرۋىنە نەمەسە ودان شەگىنۋىنە بولادى.
مۇنىڭ ىشىندە، اۆتونوميالى رايوننىڭ ءدارى–دارمەكتەردى شوعىرلى ساتىپ الاتىن ەمدەۋ قۇرىلىمدارى مەن ورىندارى تۇگەلدەي مەملەكەتتىڭ تومەن باعالى ءدارى–دارمەككە قاتىستى بەلگىلەمەلەرى مەن اۆتونوميالى رايوننىڭ ءدارى-دارمەكتەردى شوعىرلى ساتىپ الۋعا قاتىستى بەلگىلەمەرى بويىنشا، تومەن باعالى ءدارى–دارمەكتەردى توراپ ارقىلى ساتىپ الۋ قىزمەتىن ورسىتەتۋىنە بولادى، تومەن باعالى ءدارى-دارمەكتى باسقارۋ كولەمىنەن شەگىنگەن ءدارى–دارمەك وندىرەتىن، تيجارات ەتەتىن كاسىپورىندار ءادىل، زاڭدى جانە ادال بولۋ پرينسىبىنە بويسىنىپ، باعانى ۇيلەسىمدى تۇراقتاندىرۋ كەرەك.
اۆتونوميالى رايوندىق دامۋ-رەفورما كوميتەتى مىنانى تالاپ ەتتى: ەمدەۋ قۇرىلىمدارى مەن بولشەك ساتۋ دۇكەندەرى باعانى ايقىن قويىپ، باعانىڭ سالىستىرمالى ورنىقتىلىعىن ساقتاۋ كەرەك. سونىمەن بىرگە، ءار دارەجەلى باعانى باسقارۋ تاراۋلارى باقىلاۋ-تەكسەرۋدى كۇشەيتىپ، تومەن باعالى ءدارى–دارمەكتەردى باسقارۋ باعاسى ساياساتىنا بويسىنباۋ سياقتى زاڭعا قايشى ارەكەتتەردى زاڭ بويىنشا تەكسەرىپ ءبىر جايلى ەتۋ ءتيىس.
تومەن باعالى ءدارى–دارمەك تىزىمدىگى ـــ مەملەكەتتىك دامۋ-رەفورما كوميەتىنىڭ 2014-جىلى تومەن باعالى ءدارى–دارمەك ءتۇزىمىن اتقارعاننان بەرى، ءدارى–دارمەكتىڭ كۇندىك اقى ولشەمىندەگى باتىسشا ءدارى-دارمەكتىڭ باعاسى 3 يۋاننان، جۇڭگوشا ءدارى–دارمەكتىڭ باعاسى 5 يۋاننان اسپاۋعا ساي جاريالانعان ءدارى–دارمەك تىزىمدىگى. ىلە-شالا، اۆتونوميالى رايون مەملەكەتتىڭ تومەن باعالى ءدارى–دارمەك تىزىمدىگى نەگىزىندە، شينجياڭ كولەمىندەگى تومەن باعالى ءدارى–دارمەك تىزىمدىگىن جاريالادى.
قازىر، بەيجيڭ، حۋنان، سىچۋان سياقتى ولكە-قالالار تۇگەلدەي تومەن باعالى ءدارى–دارمەك تىزىمدىگى تۇزىمىندەگى باسقارۋدى كۇشىنەن قالدىردى. كاسىپورىنداردىڭ دەربەس بەلگىلەگەن باعاسىنا نەگىزدەلىپ ەسەپتەگەندە، تومەن باعالى ءدارى–دارمەكتىڭ كۇندىك اقى ولشەمىنە ۇيلەسەتىندەرىنە تۇگەلدەي تومەن باعالى ءدارى–دارمەككە قاتىستى ساياساتتاردى اتقارۋعا بولادى، ال ءدارى–دارمەكتىڭ كۇندىك ورتاشا اقى ولشەمىنە ۇيلەسپەيتىندەرىنە تومەن باعالى ءدارى–دارمەككە قاتىستى ساياساتتى اتقارۋعا بولمايدى.


بەرىپ كەت ورامالىڭدى

دوستار

الىستاعى اق ەركە