جاڭا حابارلار

رايونىمىز ماڭىندا باسقا سالادا كاسىپتەندىرۋ تەبىنىن ۇزدىكسىز ارتتىردى

    كەلۋ قاينارى: شينجياڭ حالىق راديو ىستانسياسى    2018-05-04 10:39:30  

پارتيا 19–قۇرىلتايىنىڭ بايانداماسىندا بىلاي دەپ اتاپ كورسەتىلدى: «الەۋمەتتىك جۇمىستانۋعا جان-جاقتى قىزمەت وتەپ، جوعارى وقۋ ورىندارىنان وقۋ تاۋىسقان وقۋشىلار سياقتى جاستار قاۋىمىنىڭ، ديحان جۇمىسكەرلەردىڭ كوپ جولدارمەن جۇمىستانىپ، شارۋاشىلىق قۇرۋىن جەبەۋ كەرەك». كەزەكتە، رايونىمىز قالا مەن اۋىلداعى ارتىق ەڭبەككۇشتەردى تۇرعان جەرىندە، ماڭىندا باسقا سالادا كاسىپتەندىرۋ تەبىنىن ۇزدىكسىز ارتتىرىپ، بۇقارانىڭ ءۇيىنىڭ قاسىندا ىستەيتىن جۇمىسى، تاباتىن اقشاسى بولۋىنا مۇمكىندىك جاساۋدا.
تاياۋدان بەرگى كۇننىڭ جىلۋىنا ساي، ءبىر قىس جەر استىندا كومىلىپ جاتقان ءجۇزىم ساباعى كوكتەي باستادى. باي اۋدانىنىڭ قىساي 10 مىڭ مۋلىق ءجۇزىم بازاسىندا،ماڭىنداعى قالا مەن اۋىلدان ءار كۇنى وسى جەرگە نەشە ءجۇز ديحان كەلىپ، ءجۇزىم ساباعىن توپىراقتان قازۋ، ءجۇزىم سورەسىنە شىعارۋ، ءجۇزىم ساباعىن بايلاۋ ، ديزەنفەكسيالاۋ سياقتى جۇمىستاردى ىستەيدى. باي اۋدانى باي قالاشىعىنىڭ ديحانى جاۋ چاڭرۇڭ بىلاي دەدى: «كۇنىنە 120 يۋان ەڭبەكاقى بەرىلەدى، كۇندەلىك تۇرمىسىمىز دا جامان ەمەس، 11-ايعا دەيىن ىستەسەك، جىلىنا 30 مىڭ دا 40 مىڭ يۋان اينالاسىندا كىرىس كىرگىزە الامىز».
كاسىپ قۇرىلىمىن رەتتەۋدە، باي اۋدانى حالىقتىق قارجىلاندىرۋدى باۋراۋ ارقىلى ءجۇزىمدى نەگىز ەتكەن جەمىس اعاشى كاسىبىن دامىتىپ، اۋداننىڭ سولتۇستىگىندەگى قۇمدى بوران قاتتى سوعاتىن اۋىل-قالاشىقتارعا ەكونوميكالىق ورمان ەگۋدى جالپىلاستىرىپ، اناعۇرلىم كوپ ادامدى كاسىپتەنىپ، كىرىسىن ارتتىرۋعا جەتەلەدى. باي اۋدانى حىشىڭ اۋىل شارۋاشىلىعىن دامىتۋ شەكتى جاۋاپكەرلىك سەرىكتەستىگىنىڭ جاۋاپتىسى يۋ لايچىڭ بىلاي دەدى: «ءار جىلعى جۇمىسشى ىستەتۋ جاعدايىنا قاراي ۇزاق ۋاقىتتىق جۇمىسشى، قىسقا ۋاقىتتىق جۇمىسشى دەپ بولەمىز، ۇزاق ۋاقىتتىق جۇمىسشىلار ءار كۇنى مولشەرمەن 120 يۋان دا 130 يۋان ەڭبەكاقى الىپ، جىلىنا 30 مىڭ يۋان دا 40 مىڭ يۋان كىرىس كىرگىزەدى، ال قىسقا مەرزىمدىك جۇمىسشىلار ءار كۇنى مولشەرمەن 100 يۋاننان 200 يۋانعا دەيىن كىرىس كىرگىزەدى، وسى ارقىلى جىلىنا جەرگىلىكتى ورىنداعى 3 مىڭ ادام رەتتەن ارتىق ەڭبەككۇشتىڭ كاسىپتەنۋ ماسەلەسىن شەشەمىز، ولارعا بەرىلەتىن ەڭبەكاقى شىعىسى 2 ميلليون يۋان اينالاسىندا بولادى».
رايونىمىز تاعى جەرگىلىكتى جاعدايعا ساي، «شاعىن زاۆوت»، «حالىق تۇرمىسىن جاقسارتۋ جۇمىس ورنى» سياقتى فورمالار ارقىلى كاسىپتەنۋشىلەردى باۋرادى. قاراقاش اۋدانى ياۋا اۋىلى شاقلىق قىستاعىنىڭ تۇرعىنى امينيگۇل ابەي وسىدان بۇرىن سىرتقا شىعىپ جۇمىس ىستەمەك بولعان، الايدا بالاسىن قارايتىن ادام بولماعاندىقتان، ارمانىنا دارمەنى جەتپەگەن ەدى. تاياۋدا، قاراقاش اۋدانىنىڭ ياۋا اۋىلى ساۋداگەر شاقىرىپ، قارجى ەنگىزۋ جولىمەنءبىر توقىما كيىم-كەشەك كاسىپورنىن ەنگىزىپ، قىستاقتا «شاعىن زاۆوت » قۇرىپ، امينيگۇل ابەيگە ءۇيىنىڭ قاسىندا كاسىپتەنىپ، كىرىسىن ارتتىرۋ وراي جاراتتى. ول بىلاي دەدى: «مەن زاۆوتقا ەندى كەلدىم، كيىم ءپىشۋ مەن تىگۋدى ۇيرەنىپ جاتىرمىن، بۇل جەر ايىنا ءبىر مىڭ 800 نەشە يۋان ەڭبەكاقى بەرەدى».
قازىر، وسى سەرىكتەستىك ياۋا اۋىلىندا 12 زاۆوت قۇردى، مۇنىڭ ىشىندە التاۋى وندىرىسكە قوسىلىپ، 460 ادامدى كاسىپتەندىردى. سەرىكەستىكتىڭ باس جوراسى نيڭ جينلۇڭ بىلاي دەدى: «قازىر مەنىڭ ياۋا اۋىلىندا ›شاعىن زاۆوت‹ قۇرۋعا قوسقان قارجىم 13 ميلليون 800 مىڭ يۋانعا جەتتى، مەجەمەن جىل سوڭىنان بۇرىن 2 مىڭنان ارتىق ادامدى كاسىپتەندىرەمىز».
بيىل ءبىرىنشى توقساندا، رايونىمىز بويىنشا قالا مەن اۋىلداعى ارتىق ەڭبەكۇشتەن باسقا سالادا 461 مىڭ ادام رەت كاسىپتەندىرىلدى، مۇنىڭ ىشىندە، تۇرعان جەرىندە، ماڭىندا باسقا سالادا كاسىپتەنگەنى 404 مىڭ ادام رەت بولىپ، باسقا سالادا كاسىپتەنگەندەر ساننىڭ %87 ءىن يەلەدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ەگىس جۇمىسكەرلەرى باسقارماسىنىڭ مەڭگەرۋشى قىزمەتكەرى پارحات تۇرسىن بىلاي دەدى: «ەندىگى كەزەكتە ›شاعىن زاۆوتتار‹ مەن ›حالىق تۇرمىسىن جاقسارتۋ جۇمىس ورىندارىنىڭ‹ كاسىپتەنۋگە باۋراۋىن جالعاستى قولداپ جانە سۇيەمەلدەپ، اۋىل-قىستاقتاردا ›شاعىن زاۆوت‹ قۇرىلىسىن جالعاستى كەڭەيتىپ، ەڭبەكشىلەر مەن ەكونوميكالىق سەلبەسىك كوپەراتيۆتەرىن ۇيىمداستىرىپ، ءوز الدىنا دەربەس زاۆوت قۇرۋدى ۇيىرمە ۇلگىسىنە وزگەرتەمىز. وسى جولدار ارقىلى تۇرعان جەرىندە، ماڭىندا كاسىپتەنۋدى قولداپ، اۋىل-قىستاقتاعى ەڭبەكشىلەردى ۇيىنەن ۇزاپ شىقپاي زاۆوتتا ىستەۋىنە، ءۇيىنىڭ قاسىندا كاسىپتەنىپ، كىرىسىن ارتتىرۋىنا مۇمكىندىك جاساپ، كەدەيلىكتەن قۇتىلدىرۋدان قامال الۋعا كۇش قوسامىز».


بەرىپ كەت ورامالىڭدى

دوستار

الىستاعى اق ەركە