جاڭا حابارلار

ساياحات ارناۋلى پويەزى ساياحاتشىلارعا تاماشا قولايلىقتار اكەلدى

    كەلۋ قاينارى: شينجياڭ حالىق راديو ىستانسياسى    2018-05-04 11:10:11  

ستانسيامىزدىڭ ءتىلشىسى لەي ميڭنىڭ حابارى: «1-مامىر» قىسقا دەمالىسىندا، شينجياڭ تەمىر جول تاراۋلارى قاتىناتقان ۇقساماعان لەنياداعى ساياحات ارناۋلى پويەزى ساياحاتشىلارعا تاماشا قولايلىقتار اكەلدى.
ءۇرىمجى پويەز ۆاگزالىندا، ىلەگە بارىپ قايتقان ءۇرىمجى قالاسىنىڭ تۇرعىنى ۋاڭ يۇي تىلشىگە بىلاي دەدى: «3 كۇندىك دەمالىستا شينجياڭ كولەمىندە ساياحاتتاۋدىءجون كوردىم كۇرە بايىرعى قالاسىن، ورىكتى سايدى تاماشالادىم، كوپتەگەن كورىنىستەردى سۋرەتكە الدىم، قازىر پويەزبەن كەشتە اتتانىپ تاڭەرتەڭ جەتەمىز، وتە قولايلى، تەز دە حاۋىپسىز».
ءۇرىمجى پويەز ۆاگزالىنىڭ پويەز كۇتۋ زالىندا، چين شيۋحۋا مەن وتباسىنداعىلار لانجوۋعا باراتىن پويەزدى كۇتىپ تۇر ەكەن، قارامايلىداعى 3 كۇندىك ەستەن كەتپەس ساياحاتىنا ايالداعان ول بىلاي دەدى: مەن قارامايلىعا بارعاندا جولشىباي پويەز اۋىستىردىم، بۇرىن پويەز ۆاگزالىنان شىعىپ، بەلەت الىپ،قايتا پويەز ۆاگزالىنا كىرەتىنبىز، قازىر، پويەز اۋىستىرساق، پويەز ۆاگزالىنان شىقپايتىن بولىپپىز، كوپ ۋاقىتىمىز ۇنەمدەلەدى. شينجياڭدا بارماعان تاعى كوپ جەرلەرىم بار، قازىر پويەزبەن ساياحاتتاۋ وتە قولايلى بولىپتى، جازدا تاعى دا ساياحاتتاي كەلەمىز.
بىلتىر شينجياڭ تەمىر جول تاراۋلارى ۇرىمجىدەن دۇنحۋاڭعا باراتىن «دۇنحۋاڭدا كەزدەسۋ» اتتى تۇڭعىش كەزەكتى ساياحات پويەزىن قاتىناتقاننان كەيىن، بيىل تەمىر جول تاراۋلارى وسى ساياحات پويەزىن تاعى دا قاتىناتتى. «1-مامىر» دەمالىسىندا، كۇنىنە قاتىنايتىن «سولتۇستىك شينجياڭدى اينالا ساياحاتتاۋ»، «وڭتۇستىك شينجياڭعا ساياحات»، «دۇنحۋاڭدا كەزدەسۋ» اتتى ساياحات ارناۋلى پويەزدەرىنەن سىرت، شينجياڭ تەمىر جول تاراۋلارى تاعى ۇرىمجىدەن قۇمىل، قارامايلى، قۇلجا سياقتى جەرلەرگە 54 ارناۋلى جولاۋشى پويەزىن قاتىناتتى.


بەرىپ كەت ورامالىڭدى

دوستار

الىستاعى اق ەركە