جاڭا حابارلار

ۋاڭ حايرۋ تيانشان بوعدا كولىنىڭ باۋرايىنداعى بۇيرەك شاپتول باعىندا كۇرەس جاسادى

    كەلۋ قاينارى: شينجياڭ حالىق راديو ىستانسياسى    2018-05-03 22:26:13  

ستانسيامىزدىڭ تىلشىلەرى جيڭ لەي مەن ارزىگۇلدىڭ حابارى: ەندى عانا 30 جاسقا تولعان شينجياڭ اۋىل شارۋاشىلىق ۋنيۆەرسيتەتىنىڭ دوكتورى ۋاڭ حايرۋ تيانشان بوعدا كولىنىڭ باۋرايىنداعى بۇيرەك شاپتول باعىندا كۇرەس جاسادى. 5-ايدا، ۋاڭ حايرۋ جوسپارلاپ، باسقارۋعا جاۋاپتى ءبىر مىڭ مۋ جەردەگى شاپتول باعىنان حوش ءيىس اڭقيدى، 2015-جىلدىڭ باسىندا، ۋاڭ حايرۋ دوكتورلىقتى تامامداپ، مەكتەپتە قالىپ، جەمىس اعاشى عىلمي زەرتتەۋىمەن شۇعىلدانادى، كەڭسەدە ءتۇرلى تاجىريبە جابدىقتارىن ءبىر مەزگىل ىستەتكەننەن كەيىن تىڭ ويعا كەلەدى. شينجياڭ دىتيانلي اۋىل شارۋاشىلىق دامىتۋ شەكتى جارنا جاۋاپكەرلىك سەرىكتەستىگى تيانشان بوعدا كولىنىڭ باۋرايىنا كەڭ كولەمدە شاپتول اعاشىن ەگۋگە شۇعىل تەحنيك قاجەت ەتەدى. سول جىلى كوكتەمدە، ۋاڭ حايرۋ تاۋەكەلگە كەلىپ، كورپە-جاستىعىن كوتەرىپ شاپتول باعىنا بارىپ تۇرادى. ول بىلاي دەدى: «الدىمەن تەكسەرۋ قىزمەتىن ىستەدىم، نەداۋىر قاراپايىم، ىشتەي دارمەنسىز كۇيدە بولسام دا، الايدا، وسى جولدى تاڭداعان ەكەنمىن، ءبىرىنشى شەپتەن، نەگىزگى ساتىدان باستاپ ىسكە كىرىسىپ، كۇرەسشەڭدىڭ تۇرعىدا جۇمىس ىستەۋگە بەكىدىم».
3 جىل قاجىرلىقپەن قۇلشىنۋدىڭ ناتيجەسىندە، ۋاڭ حايرۋ تاجىريبە جاساعان كومۋ ارقىلى ايازدان قورعاۋ تەحنيكاسىنىڭ ارقاسىندا شاپتولدىڭ سولتۇستىك شينجياڭنىڭ قىسقى قاقاعان ايازىندا ءونۋ مولشەرى %99 كە جەتىپ، جەرگىلىكتى ورىنداعى باعبانداردىڭ جىلدىق ورتاشا كىرىسى ءبىر مىڭ يۋان ارتادى. بۇگىنگى كۇندە، ۋاڭ حايرۋ شينجياڭ دىتيانلي اۋىل شارۋاشىلىق دامىتۋ شەكتى جارنا جاۋاپكەرلىك سەرىكتەستىگىنىڭ ورىنباسار باس مەڭگەرۋشىسى. ول تاعى 3 جىل جالعاستى كۇرەس جاساۋ ارقىلى شاپتول باعى تۇرعان فۋكاڭ قالاسىنىڭ جيۋيۇنگاي قالاشىعىن الىس-جۋىققا ايگىلى بۇيرەك شاپتول قالاشىعىنا اينالدىرۋ ويىندا ەكەندىگىن ايتا كەلىپ بىلاي دەدى: باس شۋجي شي جينپيڭ: جاڭا ءداۋىر كۇرەسكەرلەردىڭ ءداۋىرى، باقىت كۇرەس جاساۋدان كەلەدى،-دەگەن بولاتىن. جالعاستى كۇش سالۋ ارقىلى تيانشان بوعدا كولىنىڭ باۋرايىندا بۇيرەك شاپتول گۇلدەرى جايقالىپ، كوپشىلىكتى كوپتەگەن ساپالى شاپتولدارمەن قامدايتىنىما سەنىمىم كامىل. ۇزدىكسىز كۇرەس جاساعاندا عانا ءومىرىم اناعۇرلىم تارتىمدى، اناعۇرلىم كەمەلدى، ءارى باقىتتى بولادى.


بەرىپ كەت ورامالىڭدى

دوستار

الىستاعى اق ەركە