جاڭا حابارلار

باعبانداردىڭ كىرىسىن ارتتىرىپ، اۋقاتتانۋىنا كومەكتەستى

    كەلۋ قاينارى: شينجياڭ حالىق راديو ىستانسياسى    2018-05-03 21:25:56  

پارتيا 19-قۇرىلتايىندا العا قويىلعان «اۋىل-قىستاقتاردى كوركەيتۋ ستراتەگياسىن اتقارۋدى» مۇقيات دايەكتىلەندىرۋ، تياناقتاندىرۋ ءۇشىن، رايونىمىز «وڭتۇستىك شينجياڭنىڭ جەمىس اعاشى كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرلەتۋ، كەدەيلىكتەن قۇتىلدىرۋدان قامال الۋ ارەكەتىن جەبەۋدى» ورىستەتتى، قازىر وڭتۇستىك شينجياڭداعى 34 اۋدان، قالاداعى جەمىس اعاشى تەحنيكا ماماندارىنىڭ قىزمەت وتەۋ قوسىنى تۇراقتاپ تۇرىپ، جەمىس اعاشى عىلىم-تەحنيكاسى قىزمەتىن وتەۋ ارقىلى باعبانداردىڭ كىرىسىن ارتتىرىپ، اۋقاتتانۋىن جەبەدى. سوڭعى ءبىر مەزگىلدەن بەرى، حوتان ايماعى قاراقاش اۋدانى اقساراي اۋىلى الۋارىق قىستاعىنىڭ جاڭعاق اعاشى ورمانىندا جەمىس اعاشى تەحنيكا ماماندارى جەرگىلىكتى ورىنداعى باعباندارعا جەمىس اعاشىن بۇتاۋ، باپتاۋ ءتۇرلى تەحنيكالارىن ۇستىندە ۇيرەتتى. قىستاق تۇرعىنى روزىمامەت قادر 10 نەشە مۋ جەرگە جاڭعاق ەككەن، وسىدان ىلگەرى، جاڭعاق اعاشىنىڭ ارالىعىن جوبالاۋدان جانە اعاش بۇتاقتارىن بۇتاۋدان حابارى جوق بولعاندىقتان، جاڭعاق اعاشىنىڭ ءونىم مولشەرى مەن ءونىم ساپاسى تومەن بولىپ كەلگەن ەدى. مامانداردىڭ ۇقىپتىلىقپەن جەتەكشىلىك ەتۋىندە روزىمامەت قادر جاڭعاق اعاشىنىڭ بۇتاقتارىن دەن قويا بۇتادى، ءارى شەكتەن تىس تىعىز ورنالاسقان جاڭعاق اعاشتارىن كوشىرىپ ەكتى. ول بىلاي دەدى: «بۇرىن وسى اعاش بۇتاقتارىن بۇتاپ تاستاۋعا قيمايتىنمىن، قازىر ماماندار بىزگە ۇيرەتكەننەن كەيىن جارامسىز اعاش بۇتاقتارىن بۇتاپ تاستاعاندا عانا جاڭعاق اعاشى بۇرىنعىدان دا جاقسى وسەتىندىگىن ءتۇسىندىم. قازىر، جاڭعاق اعاشىن ەگۋگە اناعۇرلىم بەرىك سەنىم ورناتتىم، كەلەر جىلى ءونىم مولشەرىن از دەگەندە ەكى ەسەلەۋگە كۇش سالامىن». اقسۋ ايماعىنداعى اتىز باستارىندا باعباندار جەمىس اعاشىن بۇتاۋ، بۋدانداسىترۋ، تىڭايتقىش بەرۋ، دەرت-دەربەزدىڭ الدىن الۋ جانە ونى تىزگىندەۋ جۇمىستارىمەن ابىگەر بولىپ، بارلىق الاپ قاربالاس كۇيگە ەندى. ءۇشتۇرپان اۋدانى وتباسى اۋىلى قۇمبۇلۇڭ قىستاعىنىڭ تۇرعىنى ابدوللا راحىمان جەمىس اعاشى ماماندارىنىڭ كومەگىندە ورىك اعاشى مەن جاڭعاق اعاشىن باپتاۋ تەحنيكاسىن تەز ارادا يگەرىپ الدى. ول تىلشىگە: «ماماندار ايتقان ورىك اعاشىن باپتاۋ ءادىسىن ۇيرەنىپ الدىم، ولار كەلۋدەن ىلگەرى بۇلاردان حابارىم جوق بولاتىن، الدا، ورىك اعاشى مەن جاڭعاق اعاشىن ايتارلىقتاي باپتاپ كوپتەپ تابىس تابامىن»،-دەدى.
ءار جىلعى 3-، 4-ايلار جەمىس اعاشى اتىزىن باپتايتىن ءتۇيىندى مەزگىل ەسەپتەلەدى، بيىل، اۆتونوميالى رايوندىق ورمان شارۋاشىلىق مەڭگەرمەسى، شينجياڭ اۋىل شارۋاشىلىق عىلىم اكادەمياسى، شينجياڭ ورمان شارۋاشىلىق عىلىم اكادەمياسى جانە شينجياڭ اۋىل شارۋاشىلىق ۋنيۆەرسيتەتى بىرلىكتە جىبەرگەن 120 دان ارتىق مامان جەمىس اعاشى تەحنيكاسى ماماندار قىزمەت وتەۋ قوسىنىن قۇرىپ، وڭتۇستىك شينجياڭداعى جەمىس اعاشى شىعاتىن 34 اۋدانعا بارىپ، وڭتۇستىك شينجياڭنىڭ جەمىس اعاشى كاسىبىنىڭ ساپاسىن جوعارىلاتىپ، ونىمدىلىگىن ارتتىرۋ ءۇشىن، ءار قىرىنان تەحنيكالىق قىزمەت وتەدى. اۆتونوميالى رايوندىق جەمىس اعاشى كاسىبى كەڭسەسى پارتيا ياچەيكاسىنىڭ شۋجيى جاڭ بيڭ بىلاي دەدى: «قازىر ديحاندارعا تەحنيكانى ۇستىندە ۇيرەتەمىز، ەندى ءبىر جاعىنان، ديحاندارعا ۇگىت-لەكسيا جاساپ، بازارعا دۇرىس سانامەن قارايمىز، وسى كاسىپتى دامىتۋعا بەرىك سەنىم بايلاپ وتىرمىز». قازىرگە دەيىن، وڭتۇستىك شينجياڭداعى 3 ايماق، 2 وبلىس ءبىر ميلليون 161 مىڭ مۋ جەرگە جاڭعاق، شىلان ەگىپ، 7 ميلليون 797 مىڭ مۋ جەرگە كۇكىرت قوسىندىسىن بۇرىكتى، ءبىر مىڭ 594 كەزەك كۋرس اشىپ، باعبانداردى 220 مىڭ ادام رەت تاربيەلەدى. حوتان ايماقتىق اكىمشىلىك مەكەمەسىنىڭ ورىنباسار ءۋاليى عالىپ ءابلىميت بىلاي دەدى: الدا، جەمىس اعاشىنىڭ ساپاسىن جوعارىلاتىپ، ونىمدىلىگىن ارتتىرۋدى مىقتى يگەرىپ، «عىلىم-تەحنيكا مەن اكىمشىلىكتى بىرلەستىرۋ» تەبىنىن ارتتىرامىز، اۆتونوميالى رايوندىق ورمان شارۋاشىلىق مەڭگەرمەسى عىلىم-تەحنيكالىق قىزمەت وتەۋ قوسىنىنىڭ جەتەكشىلىگى مەن كومەگىندە، حوتان ايماعىنىڭ اۋىل شارۋاشىلىق كاسىبى ارقىلى كەدەيلىكتەن قۇتىلدىرۋدان قامال الۋ ارەكەت جوسپارىنىڭ ورنالاستىرۋىنا ساي، ايماقتاعى 3 ميلليون 150 مىڭ مۋ جەمىس اعاشىنىڭ ساپاسىن جوعارىلاتىپ، ونىمدىلىگىن ارتتىرۋدى جاپپاي ىلگەرلەتىپ، ايماقتىڭ كەدەيلىكتەن قۇتىلدىرۋدان قامال الۋىنا بەرىك نەگىز قالايمىز.


بەرىپ كەت ورامالىڭدى

دوستار

الىستاعى اق ەركە