جاڭا حابارلار

«1 - مامىر» دەمالىسىندا رايونىمىزدىڭ ساياحات كاسىبىنىڭ كىرىسى 880 ميلليون يۋانعا جەتتى

    كەلۋ قاينارى: ءتاڭىرتاۋ تورابى    2018-05-03 20:07:20  

  5 - ايدىڭ 1 - كۇنى گولمۋت - كورلا تەمىر جولىنىڭ قۇرىلىسشىلارى قىزمەت ورىندارىنان تاپجىلماي، ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم دەگەن رۋحتى ءىس جۇزىندىك ارەكەتتەرىمەن بەلسەنە ايگىلەدى. سۋرەتتە: جۇڭگو تەمىر جول 1 - مەكەمە توبى گولمۋت - كورلا تەمىر جولى PJS بەلگى بولىگىنىڭ شىعىس كورلا رەليس توسەۋ بازاسىندا جۇمىسشىلار رەليستى تۇراقتاندىرۋ جۇمىسىن جۇرگىزۋدە
سۋرەتتى چىن جيانفي تۇسىرگەن

 ءتىلشىمىز جيا چۇنشيا 5 - ايدىڭ 1 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق ساياحات كاسىبىن دامىتۋ كوميتەتىنەن ۇعىسۋىنشا، «1 - مامىر» دەمالىسى كەزىندە رايونىمىزدىڭ باسىم كوپ جەرىندە كۇن اشىق بولىپ، ساياحاتتاۋعا باپ كەلگەن. ساياحات بازارىنىڭ قامداۋ مەن قاجەتسىنۋى تەڭ ارتىپ، اينالىمى تۇراقتى بولعان. 5 - ايدىڭ 1 - كۇنى ساعات 12گە دەيىن، رايونىمىز ەل ىشىنەن ءبىر ميلليون 295 مىڭ 700 ادام - رەت ساياحاتشى قابىلداپ، ساياحات كىرىسى 880 ميلليون يۋانعا جەتكەن.
  دەمالىس كەزىندە جەر - جەر جاسىل جەلەك جامىلىپ، الۋان گۇلدەر جايقالا اشىلىپ، كوركى كوز تارتاتىن تاماشا تۇسكە ەندى، ءار ۇلت بۇقاراسى ساياحاتقا اتتانىپ، كورىنىستەردى تاماشالاپ، تىنىعىپ، كوڭىلدى ساتتەردى وتكىزدى. قالا ماڭىنا ساياحاتتاۋ، تاياۋ ماڭدا ساياحاتتاۋ، وتباسىمەن بىرگە ساياحاتتاۋ، ءوز اۆتوكولىگىمەن ەركىن ساياحاتتاۋ، توپتىق ساياحاتتاۋ ساياحاتشىلاردىڭ نەگىزگى تالعامى بولدى. جەمىس ءۇزۋ، سەيىل - سەرۋەن قۇرۋ، جاياۋ ءجۇرىپ دەنە شىنىقتىرۋ، مادەنيەت ويىندارىن قويۋ سياقتى ساياحات تۇرلەرى بارىنشا كوپ ساياحاتشىلاردىڭ قارسى الۋىنا بولەنىپ، ساياحات تۇتىنۋىندا دارالىق، وزگەشەلىك، ساپالىلانۋ، كوپ تۇرلەنۋ جاعدايى جارىققا شىقتى.
  ۇعىسۋعا قاراعاندا، «1 - مامىر» دەمالىسىندا شينجياڭ ىشىندەگى ساياحاتشىلار ۇشتەن ەكى بولەگىنە تاياۋىن، شينجياڭ سىرتىنان كەلگەن ساياحاتشىلار ۇشتەن ءبىر بولەگىن يەلەگەن. مۇنىڭ ىشىندە ءوز اۆتوكولىگىمەن ساياحاتتاعاندار %70تەن اسىپ، بىلتىرعى سول تۇستاعىدان ءبىرشاما مولايعان. دۋشى كورىنىس ءوڭىرى، سايتان كەرىش، حى يۋشان تاۋى سياقتى كورىنىس رايوندارىنا ءوز اۆتوكولىكتەرىمەن ساياحاتتاي بارعاندار وتكەن جىلدارداعىدان كورنەكتى ارتىپ، كورىنىس رايونىنىڭ ءىشى - سىرتى ادامعا تولعان؛ ۋجياچۇيدا قۇلپىرا اشىلىعان قىزعالداق گۇلى توڭىرەكتەگى قالالارداعى ءوز اۆتوكولىگىمەن ساياحاتتاۋشىلاردى قاباعات باۋراعان؛ ءپىشان اۋدانىنداعى قۇمتاۋ ءشول كورىنىس رايونى دەمالىستىڭ ءبىرىنشى كۇنى ساياحاتتىڭ قاۋىرت مەزگىلىن قارسى الىپ، اۆتوكولىك توقتاتۋ الاڭىندا ينە شانشار جەر قالماعان؛ تۇرپان مەن ءپىشانداعى جوعارى قارقىندى تەمىر جول ايالدامالارى زور مولشەردە ەركىن ساياحاتتاۋعا شىققاندارعا تولعان.

«1 - مامىر» مەرەكەسىنە بەرىلگەن 3 كۇندىك دەمالىستىڭ العاشقى كۇنى − 4 - ايدىڭ 29 - كۇنى ءۇرىمجى قالاسىنىڭ تۇرعىندارى وسىمدىك باقشاسى، سۋ ءۇستى باقشاسى، حۇڭشان باقشاسى سياقتى جەرلەرگە بارىپ، دەمالىس كۇندەرىن كوڭىلدى وتكىزدى.
سۋرەتتى ءتىلشىمىز سۇي جىجيان تۇسىرگەن

 ساياحاتشىلاردىڭ مەرەكە شاتتىعىنان مەيىلىنشە ءلاززاتتانۋىنا مۇمكىندىك جاساۋ ءۇشىن، شينجياڭنىڭ جەر - جەرىندەگى ايماق، وبلىس، قالالار الۋان فورمادا، بۇقارا جاپپاي ات سالىساتىن ساياحاتتىق قۇتتىقتاۋ قيمىلدارىن بەلسەندى ورىستەتىپ، قالىڭ ساياحاتشىلاردىڭ دەمالىس كەزىندەگى تابىس سەزىمىن، باقىت سەزىمىن بارىنشا بايىتتى. قۇتىبي اۋدانى بالىق اۋلاۋ جارىسىن وتكىزىپ، قىرۋار ساياحاتشىنى باۋرادى، قارامايلى قالاسى «ۇلتتار ىنتىماعىنىڭ بەرەكەلى شاڭىراعى» قيمىلى مەن جەرگىلىكتى ورىننىڭ ساياحات كاسىبىن ۇشتاستىرعاندىقتان، شينجياڭنىڭ ءىشى - سىرتىنان كەلگەن ساياحاتشىلار مەن قالا تۇرعىندارى بۇعان بەلسەنە ات سالىستى. مۇنان تىس، قۇمىل قالاسى سانداۋليڭ كەن رايونى جۇڭگوداعى ەڭ سوڭعى بۋ پاراۆوزى جۇمىس جۇرگىزگەن جەر بولعاندىقتان، جاقىنعى جىلدارى ەل ءىشى - سىرتىنان كوپتەگەن ساياحاتشىلار ارناۋلى تۇردە وسى اراعا كەلىپ تاماشالاپ، بۋ پاراۆوزىنىڭ وزگەشە گۋدەك ءۇنىن ەستىپ ءلاززاتتاناتىن بولدى. وسى جاڭادان گۇلدەنگەن ونەركاسىپ ساياحات كورىنىس تۇيىنىنە باعىتتاي وتىرىپ، «1 - مامىر» دەمالىسى كەزىندە كوپتەگەن ساياحات مەكەمەلەرى «سانداۋليڭ كومىر كەنى − ىرباۋ ەگىنشىلىك الاڭى جەمىس - جيدەك باقشاسى − حۇڭشيڭ 2 - الاڭى توڭكەرىستىك تاربيە بازاسى» سىندى ءبىر كۇندىق ساياحات اشىپ، ساياحاتشىلاردىڭ قىزۋ القاۋىنا بولەندى.
  «1 - مامىر» دەمالىسى كەزىندە رايونىمىزدىڭ ساياحات بازارى حاۋىپسىز، ءتارتىپتى بولدى. دەمالىس قارساڭىندا، اۆتونوميالى رايوندىق ساياحات كاسىبىن دامىتۋ كوميتەتى رەسمي سايىت، ءۇنحات الەۋمەتتىك تۇعىرى سياقتى اقپارات قۇرالدارىندا ءتۇرلى فورمادا دەمالىس كەزىندەگى ساياحاتقا قاتىستى ينفورماتسيالاردى تاراتتى، سونىمەن بىرگە، «1 - مامىر» دەمالىسى كەزىندەگى ءوندىرىس حاۋىپسىزدىگى جونىندە ارناۋلى تەكسەرۋ قىزمەتىن ورىستەتىپ، ساياحات حاۋىپسىزدىگى مەن بازاردى باقىلاۋ - باسقارۋدى كۇشەيتىپ، قىزمەت كورسەتۋ ساپاسىن جوعارىلاتىپ، مادەنيەتتى ساياحاتتاۋدى دارىپتەگەندىكتەن، تۇتاس رايونىمىزدىڭ ساياحات بازارى «حاۋىپسىز، ءتارتىپتى، ساپالى، ءونىمدى، مادەنيەتتى بولۋ» نىساناسىن ىسكە اسىردى.


بەرىپ كەت ورامالىڭدى

دوستار

الىستاعى اق ەركە