جاڭا حابارلار

«1- مامىر» قىسقا دەمالىسىندا رايونىمىزدىڭ جەر-جەرى ساياحاتشىلاردان ءبىر ميلليون 295 مىڭ 700 ادام رەت قابىلداپ، جالپى تۇتىنۋ سوماسى 880 ميلليون يۋانعا جەتتى

    كەلۋ قاينارى: شينجياڭ حالىق راديو ىستانسياسى    2018-05-02 11:32:23  

ستانسيامىزدىڭ جيناق حابارى: 1- مامىر قىسقا دەمالىسىندا، رايونىمىزدىڭ ساياحات بازارى ورنىقتى ءارى ءتارتىپتى بولدى، جەر-جەر ساياحاتشىلاردى ءبىر ميلليون 295 مىڭ 700 ادام رەت قابىلداپ، ساياحاتشىلاردىڭ جالپى تۇتىنۋ سوماسى 880 ميلليون يۋانعا جەتتى.
 ـــ شينجياڭنىڭ جەرى كەڭ بە؟
 ـــ جەرى كەڭ!
  ـــ شينجياڭعا تاعى كەلەسىڭ بە؟
  ـــ ءيا، كەلەمىن.
كولدىڭ تۇستىگى مەن تەرىستىك بەتىنىڭ تەمپەراتۋرا پارقى سەبەبىنەن،  قىسقا دەمالىس كەزىندە سايرام كولى «ەكى ءتۇرلى كورىنىس» سيلادى، كولدىڭ تەرىستىك بەتى ءاپپاق قار جامىلسا، تۇستىك جاعىندا كوگىلدىر تولقىن شىمىرلاي تولقۋدا،  بىرنەشە كۇننەن بەرى، كورىنىس رايونى كۇنىنە 4 مىڭ ادامنان ارتىق ساياحاتشى قابىلدادى. بەيجيڭدىك ساياحاتشى جوۋ حۋشيا بىلاي دەدى: سايرام كولىنە ءبىرىنشى رەت كەلۋىم، شىنىندا ءتىلسىم ەكەن، بەيجيڭدە قازىر جاز شىقتى، ال سايرام كولىندە قازىر قار جاۋىپ جاتىر، كۇندەلىكتى قۇبىلىپ تۇرادى ەكەن، ەرەكشە عاجايىپ سەزىندى، دەسە دەگەندەي كوركەم كول ەكەن.
  1- مامىر دەمالىسىندا، نارات كورىنىس رايونى شىعارعان ءتيىمدى بەلەت باعاسى كوپتەگەن ساياحاتشىنى باۋرادى، كوپشىلىك وسى جەردىڭ كوركەم كورىنىسىن جاپپاي قول تەلەفوندارىنا ءتۇسىرىپ جاتتى. نانجيڭدىق ساياحاتشى جاۋ ليلي   شينجياڭ شىنىندا كوركەم جەر ەكەن، بۇل جەرگە كەلۋدى ارمانداۋشى ەدىم، ارمانىم ورىندالىپ، اقىرى كەلدىم، شينجياڭ راسىندا وتە كەڭ، ەرەكشە جاقسى جەر ەكەن،- دەدى. نارات كورىنىس رايونىن باسقارۋ كوميتەتى ساتۋ-وتكىزۋ ورتالىعىنىڭ مەڭگەرۋشىسى چى حۋا بىلاي دەدى: ناراتتىڭ ساياحاتى بيىل ەرەكشە قۋانارلىقتاي بولدى، قازىر، كورىنىس رايونى ساياحاتشىلاردى 28 مىڭ ادام رەت قابىلداپ، بىلتىرعى سول تۇستاعىدان %198 ارتتى. 1- مامىر دەمالىسىندا، ءوڭىر ارالىق اۆتوموبيلدەردى، اس-سۋ كاسىپورىندارىن ءبىر-بىرلەپ تەكسەرىپ، ساياحاتشىلاردى جايلى دا راحات ازىقتانۋعا، جاتىن ورىن، ساپارلاۋ ورتاسىمەن قامداۋعا كەپىلدىك ەتتى. جاراتىلىستىق كورىنىستەن سىرت، گۋمانتيارلىق كورىنىستى تاماشالايتىندار دا ەرەكشە دۋمانعا بولەندى. بيىل 1- مامىر كەزىندە، باي اۋدانىنداعى قىزىل مىڭ ءۇيدىڭ كۇندەلىكتى ساياحاتشى قابىلداۋ مولشەرى جايشىلىقتاعىنىڭ 3 ەسەسىنە جەتتى. جىجياڭدىق ساياحاتشى جاۋ جى: ىلەدەن كەلدىك، وڭتۇستىك شينجياڭنىڭ وسىنداي تاماشا مادەني مۇرالاردى قورعاپ كەلگەنىن ويلاماپپىن،  كوپتەگەن دوستاردىڭ شينجياڭعا كەلىپ ساياحاتتاۋىن ءۇمىت ەتەمىن.
 1- مامىر دەمالىسىندا، مەملەكەتتىك A4 دارەجەلى كورنىس رايونى ــــ اۋات اۋدانىنداعى دولان تايپاسى ساياحاتشىلاردى مولىنان قابىلدادى. دولان تايپاسىنىڭ 4- كەزەكتى دولاندىقتاردىڭ بالىق اۋلاۋ مەرەكەسى قيمىلىندا ساياحاتشىلار بىرلىكتە بالىق اۋلاپ، سول جىلعى دولاندىقتاردىڭ بالىق اۋلاۋ مادەنيەتىنە كۋا بولدى. ساياحاتشى ۋاڭ شي  وسىدان ىلگەرى دوستارىمىز بۇل جەر وتە تاماشا دەگەن بولاتىن، بالىق اۋلاۋ بار ەكەن، وتە كوڭىلدى وينادىق،- دەدى . قيمىلدارعا قاتىناسۋدان سىرت، ساياحاتشىلار ءدامدى تاعامدار جەپ، ءان-ءبيدى تاماشالادى. اۋات دولان تايپاسى ساياحات باستاۋشىلار ءبولىمىنىڭ باستىعى حۋاڭ حۋان بىلاي دەدى: الدىنداعى جىلعى 1- مامىرداعى ساياحاتشىلار مولشەرىنەن %50 ارتتى،  كوپتەگەن كوڭىل اشۋ نىساندارىن، ۇلتتىق عۇرىپ-ادەت ويىندارىن دايىنداپ،  ساياحاتشىلاردى دولان تايپاسىن كوڭىلدى سەرۋەندەپ، 1- مامىر قيمىلدارىنا قاتىناسۋعا باۋرادىق.  
 
ءار كۇنى كەشكى ساعات 9 جارىمدا، حوتان كەشكى بازارىنداعى ويىن قويۋ ساحناسىندا ويىن-ساۋىق ۇيىرمەسىنىڭ ارتيستەرى بۇقارا قۋانا ەستىپ، قىزىعا كورەتىن ءان-ءبي ويىندارىن ورىندادى، ويىن نومەرلەرى ارقىلى پارتيانىڭ حالىققا ءتيىمدى ءتۇرلى ساياساتتارىن جەتكىزىپ، جەر-جەردەگى ساياحاتشىلارعا ەسىك اشقان، دۋماندى كوركەم حوتاندى ايگىلەدى. شي-اندىق ساياحاتشى چىن جۇن بىلاي دەدى:  وسى رەت حوتانعا ساياحاتتاي كەلگەنىمە ەرەكشە قۋانىشتىمىن،  كەشكى بازار قاقپاسىنا تاياي بەرگەنىڭىزدە، مۇرىندى جاراتىن ادەمى ءحوش ءيىس كەلەدى، كەشكى بازارعا  كىرە سالا شاتتىققا تولى ءماشىراپ ءبيىن كوردىم، جۇرتتىڭ ءبارى بۇرالا بيگە باسىپتى، ەرەكشە دۋمانعا بولەندى. حوتان قالالىق ويىن-ساۋىق ۇيىرمەسىنىڭ ءارتيىسى لي جياجيا بىلاي دەدى: ويىن نومەرلەرىندە وتانعا العىس ايتۋ، مەكەندى جانە ۇلتتار ىنتىماعىن جىرلاۋ، كەدەيلەردى سۇيەمەلدەۋدەن قامال الۋ سياقتى ويىندار ايگىلەندى. الدا، كەدەيلىكتەن قۇتىلىپ اۋقاتتانۋ، ۇلتتار ىنتىماعى، مەكەندى كوركەيتۋ، وتانعا العىس ايتۋ جونىندەگى ويىنداردى كوپتەپ قويامىز.


بەرىپ كەت ورامالىڭدى

دوستار

الىستاعى اق ەركە