جاڭا حابارلار

اۆتونوميالى رايونىمىزدىڭ ءبىرىنشى توقسانداعىGDPى 202 ميلليارد يۋانعا جەتتى

    كەلۋ قاينارى: شينجياڭ گازەتى    2018-05-02 11:38:23  

بىلتىرعى سول تۇستاعىدان  %6.7 ارتتى


 4 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسى اشقان ءبىرىنشى توقسانداعى شينجياڭنىڭ حالىق شارۋاشىلىعىنىڭ اينالىم جاعدايى جونىندەگى اقپار جاريالاۋ ماجىلىسىنەن ۇعىسۋىمىزشا، مەملەكەتتىك ساناق مەكەمەسىنىڭ تۇراقتاندىرۋىمەن اۆتونوميالى رايونىمىزدىڭ ءبىرىنشى توقسانداعى ءوندىرىس جالپى ءونىم قۇنى )GDP( 202 ميلليارد يۋانعا جەتكەن، باعا بويىنشا ەسەپتەگەندە بىلتىرعى سول تۇستاعىدان %6.7 ارتقان. اۆتونوميالى رايونىمىزدىڭ ەكونوميكاسىنىڭ ارتۋ مولشەرى ءۇرتىس 7 توقساندا %7 ارالىعىن ساقتاعان.
  ساناققا قاراعاندا، ءبىرىنشى توقساندا اۆتونوميالى رايونىمىزدا 1 - كاسىپتىڭ ارتقان قۇنى 12 ميلليارد 234 ميلليون يۋانعا جەتىپ، %3.4 ارتقان، ەكونوميكانىڭ ارتۋىن 0.2 پايز ىلگەرىلەتكەن؛ 2 - كاسىپتىڭ ارتقان قۇنى 79 ميلليارد 349 ميلليون يۋانعا جەتىپ، %5.3 ارتقان، ەكونوميكانىڭ ارتۋىن2.1 پايز ىلگەرىلەتكەن؛ 3 - كاسىپتىڭ ارتقان قۇنى 110 ميلليارد 417 ميلليون يۋانعا جەتىپ، %8.1 ارتقان، ەكونوميكانىڭ ارتۋىن 4.4 پايز ىلگەرىلەتەن. ۇلەس قوسۋ دەڭگەيىنەن الىپ قاراعاندا، 1 - كاسىپتىڭ ەكونوميكالىق ارتۋعا قوسقان ۇلەس مولشەرى %3.3، 2 - كاسىپتىڭ ەكونوميكالىق ارتۋعا قوسقان ۇلەس مولشەرى %30.9 ، 3- كاسىپتىڭ ەكونوميكالىق ارتۋعا قوسقان ۇلەس مولشەرى %65.8بولعان.   اۆتونوميالى رايوندىق ساناق مەكەمەسىنىڭ اقپارات مالىمدەمەشىسى، مەكەمەنىڭ ورىنباسار باستىعى ۋاڭ يۋە بىلاي دەدى: بيىل ءبىرىنشى توقساندا شينجياڭنىڭ ەكونوميكاسى بىلتىردان بەرگى جاقسى دامۋ تەبىنىن ساقتادى، ونەركاسىپ ءوندىرىسى ورنىقتى بولىپ، تۇتىنۋ بازارى بىرتىندەپ جاقساردى، زات باعاسى ورنىقتى جوعارىلادى، قازىنا فينانسپەن قامداۋى پارمەندى بولدى، حالىق شارۋاشىلىعىندا جاقسى باستاما جارىققا شىقتى، ءبىرىنشى توقسانداعى ەكونوميكالىق ارتۋدىڭ جالپى تۇلعاسى ورنىقتى بولدى، ورنىقتىلىق بارىسىندا ىلگەرىلەدى، ورنىقتىلىق بارىسىندا جاقساردى، ورنىقتىلىق بارىسىندا جاڭالاندى
  ءبىرىنشى توقساندا اۆتونوميالى رايونىمىزدىڭ ەكونوميكالىق اينالىمنىڭ تۇلعالىق جاعدايىندا ارتۋ ورنىقتى، جۇمىستانۋ كولەمى كەڭەيگەن، زات باعاسى تۇراقتى بولعان تاماشا اينالىم جارىققا شىقتى. ەگىن شارۋاشىلىق ءوندىرىسى ورنىقتى بولدى، نەگىزگى ەگىن شارۋاشىلىق ونىمدەرىندە «استىق مولشەرى ورنىقتى بولۋ، ماقتا ءونىم مولشەرى ارتۋ» جاعدايى كورىلدى، مال شارۋاشىلىق، ونەركاسىپ ءوندىرىسى ورنىقتى جاعدايدى ساقتادى، ونەركاسىپتىڭ ونىمدىلىگى ءبىرشاما تەز ارتتى، جوعارى ونەركاسىپ تەز قارقىنمەن دامۋ جاعدايىن ساقتادى، ونەركاسىپ كاسىپورىندارىنىڭ ونىمدىلىگى ءبىرشاما تەز ارتتى، سونىمەن بىرگە، قاتىناس - تاسىمال، قامبا جانە پوچتا ىستەرى سياقتى نەگىزدىك قۇرىلعىلارعا قوسىلعان قارجى ءبىرشاما تەز ارتۋ ارىنىن ساقتادى، وقۋ - اعارتۋ، دەنساۋلىق ساقتاۋ سياقتى حالىق تۇرمىسىنداعى ءتۇيىندى سالالارعا قارجى قوسۋ تەبىنى تەزدەدى، تاۋار ءۇيدىڭ ساتىلۋ مولشەرى ءبىرشاما تەز ارتتى. تۇتىنۋ بازارى بىرتىندەپ جاندانىپ، قالا، اۋىل بازارلارى بىردەي دامىدى. قازىنالىق كىرىس ورنىقتىلىقتى ساقتادى، قازىنالىق شىعىستىڭ ارتۋى تەزدەدى. فينانس قۇرىلىمدارىنىڭ امانات اقشاسى شاعىن كولەمدە تاراتىلىپ، قارىز اقشا مولشەرىنىڭ ارتۋ قارقىنى ورنىقتىلىقتى ساقتادى. قالا - قالاشىق تۇرعىندارىنىڭ كىرىسى ورنىقتى بولدى، اۋىل - قىستاق تۇرعىندارىنىڭ كىرىسى تەز قارقىنمەن ارتتى.
  ۋاڭ يۋە بىلاي دەدى: ءبىرىنشى توقساندا اۆتونوميالى رايونىمىزدىڭ ەكونوميكالىق قۇرىلىمى اناعۇرلىم ساپالىلانىپ، دامۋدىڭ سايكەسىمدىلىگى كۇشەيدى، تۇتىنۋدىڭ ەكونوميكانى قامتاماسىز ەتۋ رولى اناعۇرلىم كورنەكتىلەندى. كاسىپ سالاسى قۇرىلىمىنان الىپ قاراعاندا، قىزمەت وتەۋ كاسىبىنىڭ جەتەكشىلىك رولى ۇزدىكسىز ارتتى. ءبىرىنشى توقساندا تۇتاس اۆتونوميالى رايونىمىزداعى قىزمەت وتەۋ كاسىبىنىڭ ەكونوميكاداعى يەلەگەن سالىستىرماسى %54.7كە جەتتى. 3 - كاسىپتە باسقا دا پايدا سيپاتتى قىزمەت وتەۋ كاسىبىنىڭ ارتۋ مولشەرى ءبىرشاما تەزدەدى، مۇندا ينتەرنەت جانە قاتىستى قىزمەت وتەۋ كاسىبىنىڭ تيجارات كىرىسى 2. 2 ەسە، ساۋدا جاعىنان قىزمەت وتەۋ كاسىبىنىڭ كىرىسى %18.7، تۇرعىندارعا قىزمەت وتەۋ كاسىبىنىڭ كىرىسى %12.5،راديو - تەلەۆيزيا - كينو جانە كينو فيلم ءتۇسىرۋ، جاساۋ، دىبىس بەرۋ كاسىبىنىڭ كىرىسى 0. 1 ەسە، كوڭىل اشۋ كاسىبىنىڭ كىرىسى %28.6 ارتتى. 4A، 5A دارەجەلى كورىنىس رايونىنىڭ ساياحاتشى قابىلداۋ مولشەرى بارىنشا ارتتى. 4A، 5A دارەجەلى كورىنىس رايونى ساياحاتتىڭ تىرەگى رەتىندە قابىلداعان ساياحاتشىلار كەڭ كولەمدە ارتىپ، ساياحات بازارىنىڭ گۇلدەنۋىن جەبەۋمەن بىرگە، قونالقى، اس - سۋ، بولشەك ساتۋ سياقتىلارعا دا بەلگىلى جەتەكتەۋ رولىن اتقاردى . 

 ۋاڭ يۋە بىلاي دەدى: قىسقاسى، ءبىرىنشى توقسانداعى حالىق شارۋاشىلىعى بىلتىرعى ورنىقتىلىق بارىسىندا جاقسارۋداي دامۋ ارىنىن ساقتاپ، تىرەكتى شارۋاشىلىق جوعارى ساپالى دامۋعا قاراي قادام تاستاۋدىڭ پايدالى شارت - جاعدايلارىن ۇزدىكسىز جيناقتاپ، تۇتاس جىلداعى ەكونوميكانىڭ ورنىقتى، اقاۋسىز دامۋىنا تاماشا نەگىز قالادى. دەسەدە، وسىمەن بىرگە، حالىقارالىق ورتانىڭ تۇراقسىزدىعىنان ەكونوميكالىق دامۋدىڭ بىركەلكى، جەتكىلىكتى بولماۋ ماسەلەلەرىنىڭ ءالى دە كورنەكتى بولىپ وتىرعاندىعىن، رەفورما، دامۋ مىندەتتەرىنىڭ جاپالى ەكەندىگىن كورە ءبىلۋىمىز كەرەك. تۇتاس اۆتونوميالى رايونىمىزدىڭ جەر - جەرى عنازاردى باس نىساناعا شوعىرلاندىرىپ، دامۋدىڭ ىشكى قوزاۋشى كۇشىن جانداندىرىپ، كوزدەۋلى مەزگىلدى ورنىقتىرۋعا باستاپ، ەكونوميكانىڭ ءۇرتىس، اقاۋسىز دامۋىن ىلگەرىلەتۋ كەرەك.
 


بەرىپ كەت ورامالىڭدى

دوستار

الىستاعى اق ەركە