جاڭا حابارلار

ءۇرىمجى قالاسىندا مەترو 2 - ، 3 - ، 4 - جەلىلەرىنىڭ ينجەنەريالارى تىڭعىلىقتى ىلگەرىلەۋدە

    كەلۋ قاينارى: شينجياڭ گازەتى    2018-05-03 14:23:31  

 ءوز حابارىمىز. 4 - ايدىڭ 20 - كۇنى ءتىلشىنىڭ ءۇرىمجى قالالىق رەليستى قاتىناس نىسانى قۇرىلىسىن اتقارۋ كەڭسەسىنەن ۇعىسۋىنشا، قازىر مەترو 1 - جەلىسى جەدەلدەتە جۇمىس جۇرگىزۋدەن سىرت، ءۇرىمجى قالالىق مەترو 2 - ، 3 - ، 4 - جەلىلەرىنىڭ ينجەنەريالارى دا ىلگەرىلەۋدە ەكەن.
  سول كۇنى ءتىلشى جۇڭگو تەمىر جول توبى 4 - مەكەمەسى ءۇرىمجى قالالىق رەليستى قاتىناس 3 - جەلىسىنىڭ 1 - كەزەڭدىك ينجەنەرياسى 03 بولەگى وڭتۇستىك پويەز ۆوكزالىنان ماندارين رەڭدەس 45 توننالىق رەليستى كراننىڭ جەر بەتىنەن 28 مەتر تەرەڭدەگى قۇرىلىس الاڭىنا ءتۇرلى ماتەريالداردى توقتاۋسىز جەتكىزىپ تۇرعانىن كوردى، ۇزىنى 165 مەترلىك، ەنى 23 مەترلىك بەكەت تاعان شۇڭقىرىنىڭ توپىراعىن قازۋ قۇرىلىسىنىڭ دا كوپ بولەگى ەڭسەرىلىپ قالعان ەكەن، تۇلعالىق قۇرىلىس باستاپ ءجۇرىلىپ، جۇمىسشىلار ءۇشىنشى بولەك تاعان قاباتقا بولات شىبىق بايلاپ، ءتورتىنشى بولەك تاعان قاباتتىڭ سۋ وتكىزبەۋ قۇرىلىسى ءجۇرىپ جاتىپتى.
  نىسان ديرەكتورى چا جىڭگاڭنىڭ تانىستىرۋىنشا، رەليستى قاتىناس 3 - جەلىسىنىڭ 1 - كەزەڭدىك قۇرىلىسىنىڭ 03 بولەگى ءبىر بەكەتتى (وڭتۇستىك پويەز بەكەتى)، ەكى ارالىقتى(وڭتۇستىك پويەز بەكەتى − نيانزىگوۋ بەكەتى ارالىعى، نيانزىگوۋ بەكەتى − حۇڭشان بەكەتى ارالىعى) قامتيدى، وڭتۇستىك پويەز بەكەتى جەر استىنداعى 3 قاباتتى (كەي بولەگىندە 4 قابات) ارالشا فورمالى تەكشە بەكەت، وڭتۇستىك پويەز بەكەتى − نيانزىگوۋ بەكەتى ارالىعى 1644.646مەتر، وندا ەكى جالعاسپالى وتكەلەك بار. نيانزىگوۋ بەكەتى − حۇڭشان بەكەتى ارالىعى 949.374 مەتر، وندا ءبىر جالعاسپالى وتكەلەك بار. قۇرىلىس جوسپارى بويىنشا بيىل 9 - ايدا بەكەتتىڭ نەگىزگى تۇلعالىق جۇمىسى اياقتايدى، تۋنەل قازۋ ماشيناسى 7 - ايدىڭ باسىندا وڭتۇستىك پويەز بەكەتىنىڭ سولتۇستىك باسىنان باستاپ ىسكە كىرىسىپ، 2019 - جىلدىڭ سوڭىندا ارالىقتى تۇتاستىرىپ بولادى.
  ءۇرىمجى مەتروسى 3 - جەلىسىندەگى جالپى 17 بەكەتتە تۇگەلدەي قۇرىلىس باستالدى، 3 بەكەتتە تۇلعالىق قۇرىلىس ءجۇرىلىپ، جابىق كۇيدە ۇڭعىلاپ قازۋ ارالىقتارىندا تۇگەلدەي جۇمىس باستالدى، تۋنەل قازىلاتىن بولەكتەر كەلەسى ايدا ىركەس - تىركەس جۇمىس باستاپ، بيىل تۇتاس جەلىدە 5 بەكەتتىڭ تۇلعالىق قۇرىلىسىن اياقتاتۋ مەن توبەسىن بىتەۋدى ورىنداماقشى.
  ءتىلشىنىڭ ۇعىسۋىنشا، قازىر ءۇرىمجى مەتروسى 4 - جەلىسىندەگى جالپى 30 جۇمىس تۇيىنىندە تۇگەلدەي جۇمىس جۇرىلۋدە، تۇتاس جەلىدەگى 16 بەكەتتىڭ ەكەۋىندە تۇلعالىق قۇرىلىمنىڭ بەتونى قۇيىلىپ جاتىر، 8 بەكەتتە تۇلعالىق قۇرىلىستىڭ توپىراعىن قازۋ جۇمىسى ءجۇرىلىپ، 4 بەكەتتە قورشاۋ دىڭگەكتەر سالىنۋدا، تۇتاس جەلىدەگى 16 ارالىق رايوندا 8 - ايدىڭ ورتا شەنىندە تۋنەل قازۋ قۇرىلىسى باستالىپ، بيىل 9. 3 كيلومەتر تۋنەل قازىپ، 5 بەكەتتىڭ نەگىزگى تۇلعالىق قۇرىلىسىندا توبەسىن بىتەۋ جوسپارلانىپ وتىر ەكەن.


بەرىپ كەت ورامالىڭدى

دوستار

الىستاعى اق ەركە