جاڭا حابارلار

حالىق بانكەسىنىڭ ءۇرىمجى ورتالىق تارماق بانكەسى شينجياڭنىڭ ناقتى ەكونوميكاسىنىڭ جوعارى ساپالى دامۋىن قولدادى

    كەلۋ قاينارى: شينجياڭ گازەتى    2018-04-26 14:10:09  

 ءتىلشىمىز ۋاڭ يۇڭفەي 4 - ايدىڭ 25 - كۇنى ۇرىمجىدەن حابارلايدى. «جۇڭگو حالىق بانكەسى ءۇرىمجى ورتالىق تارماق بانكەسىنىڭ شينجياڭ ناقتى ەكونوميكاسىنىڭ جوعارى ساپالى دامۋىنا فينانس جاعىنان قولداۋ كورسەتۋ جونىندەگى پىكىرى» تاياۋدا شىعارىلدى. «پىكىردە» اۋىل - قىستاقتاردى كوركەيتۋ ستراتەگياسىن، كەدەيلىكتەن دالمە - ءدال قۇتىلدىرۋدان قامال الۋ شايقاسىن، قامداۋ جاعىنداعى قۇرىلىمدىق رەفورمانى، جاڭادان گۇلدەنگەن جاسىل كاسىپتىڭ تەز قارقىنمەن دامۋىن فينانس كاسىبى ارقىلى قولداۋ سياقتى 9 جاقتان 34 ءتۇرلى ناقتى شارا العا قويىلدى.
  «پىكىردە» مىنالار العا قويىلدى: الداعى ءبىر مەزگىلدە شينجياڭنىڭ فينانس كاسىبى ناقتى ەكونوميكانىڭ دامۋىن قولداعاندا ورنىقتىلىق بارىسىندا العا ىلگەرىلەۋدەي نەگىزگى اۋەننەن جازباي، جاڭا دامۋ ۇستانىمىنا تاباندى بولۋ، اقشا ساياساتى مەن ماكرولىق جاقتا بايىپتى بولۋ ساياساتىنىڭ «قوس تىرەكتى» مەڭگەرۋ جۇلگەسىنە تاباندى بولۋ، قامداۋ جاعىنداعى قۇرىلىمدىق رەفورمانى نەگىزگى ارقاۋ ەتۋدەن جازباي، جۇيەلى فينانس قاتەرى تۋىلمايتىن تومەنگى شەكتى باتىل ساقتاۋى كەرەك.
  حالىق بانكەسى ءۇرىمجى ورتالىق تارماق بانكەسىنىڭ باستىعى گو جيانۋي بىلاي تانىستىردى: «پىكىردە» «قوس تىرەكتى» ماكرولىق مەڭگەرۋ جۇلگەسىنە تاباندى بولۋ كورنەكتى تۇردە باسا دارىپتەلدى. اقشا ساياساتى، باستىسى، جالپى تۇلعالىق ەكونوميكاعا جانە اقشامەن قامداۋ جالپى مولشەرى ماسەلەسىنە قاتىستى بولادى، ماكرولىق جاقتا بايىپتى بولۋ ساياساتى كاپيتال سۇيمەنىنەن پايدالانىپ، قۇرىلىمدىق ماسەلەنى ءبىر جايلى ەتەدى، بۇل ەكەۋى ءبىر - ءبىرىن تولىقتايدى ءارى ءارقايسىنىڭ ءوزى باسا ءمان بەرەتىن ءتۇيىنى بولادى، وسى ارقىلى فينانستىڭ ناقتى ەكونوميكانى مەڭگەرۋ رولىن ءتىپتى دە جاقسى ساۋلەلەندىرىپ، اۆتونوميالى رايون ناقتى ەكونوميكاسىنىڭ دامۋىن بەلسەنە قولدايدى.
  گو جيانۋي بىلاي دەدى: «پىكىر» مەملەكەت پەن اۆتونوميالى رايوننىڭ كەلەلى ستراتەگيالىق ورنالاستىرۋلارىمەن اناعۇرلىم تىعىز ۇشتاستىرىلعان، مىندەتتەر اناعۇرلىم ايقىندالعان، مەڭگەرۋگە اناعۇرلىم قولايلى. ماسەلەن، كەدەيلىكتەن قۇتىلدىرۋدان قامال الۋ شايقاسى الداعى 3 جىلدا ەلىمىزدىڭ جاپپاي دوڭگەلەك داۋلەتتى قوعام ورناتۋدا ويداعىداي ورىستەتەتىن «3 ۇلكەن قامال الۋ شايقاسىنىڭ» ءبىرى، كەدەيلىكتەن قۇتىلدىرۋدان قامال الۋ شايقاسىن جاقسى جۇرگىزۋگە قولداۋ كورسەتۋدى ارقاۋ ەتكەن وسى رەتكى «پىكىردە» نازاردى وڭتۇستىك شينجياڭداعى 3 ايماق، ءبىر وبلىستاعى اۋىر كەدەي اۋداندارعا، اۋىر كەدەي قىستاقتارعا، اۋىر كەدەيلەرگە شوعىرلاندىرىپ، فينانستىق قىزمەت كورسەتۋ قىزمەتىن ويداعىداي ىستەۋ العا قويىلدى؛ 2017 - جىلى تەكسەرىپ انىقتالعاننان كەيىن جاڭادان قوسىلعان كەدەيلەرگە، سونداي - اق بيڭتۋانداعى كەدەيلەرگە مەڭزەس، «پىكىردە» قارىز بەرۋ قىزمەتىن جاقسى ىستەۋ دە العا قويىلدى.
  گو جيانۋي بىلاي دەدى: «پىكىردە» مەملەكەتتىك كەڭەستىڭ وسى رەتكى قۇرىلىم رەفورماسىنىڭ ەڭ جاڭا جەتىستىكتەرىن ساۋلەلەندىرۋگە، حالىق بانكەسىنىڭ فينانس جۇيەسىندەگى جوعارى دەڭگەيدە جوبالاۋ يقۋاتىن كورنەكتىلەندىرۋگە، «ءىرى فينانس» ۇستانىمىن ءتىپتى دە كورنەكتىلەندىرۋگە، «ءىرى فينانستىڭ» بىرىككەن كۇشىن ساۋلەلەندىرۋگە، بانكەلەر ارا قارىز بەرۋ، قارجى قۇراۋ ىستەرىنىڭ دامۋىن ورنىقتى قاداممەن ىلگەرىلەتۋگە، كاسىپورىنداردىڭ كوپ ساتىلى جارنا بازارىندا قارجى قۇراۋىن قولداۋعا، قامسىزداندىرۋ كاسىبىنىڭ دامۋىن بەلسەنە قولداۋعا، تىكەلەي قارجى قۇراۋدىڭ سالىستىرماسىن جوعارىلاتۋعا، تىكەلەي قارجى قۇراۋدىڭ ەكونوميكانى جەبەۋ رولىن ساۋلەلەندىرۋگە ءمان بەرىلدى.


بەرىپ كەت ورامالىڭدى

دوستار

الىستاعى اق ەركە