جاڭا حابارلار

شينجياڭ 2018-جىلعى ادەتتەگى جوعارى مەكتەپتەرگە وقۋشى قابىلداۋ قىزمەت بەلگىلەمەسى اتقارىلادى

    كەلۋ قاينارى: ءتاڭىرتاۋ تورابى    2018-04-30 09:10:51  

 4-ايدىڭ 24-كۇنى، «اۆتونوميالى رايوندىق ادەتتەگى جوعارى مەكتەپتەردىڭ وقۋشى قابىلداۋ قىزمەت بەلگىلەمەسى» (تومەندە قىسقارتىلىپ «بەلگىلەمە» دەلىنەدى) رەسمي جاريالاندى. بىلتىرعىمەن سالىستىرعاندا، «بەلگىلەمە» بيىل جوعارى مەكتەپتەردىڭ ءنومىر قوسۋ ساياساتى، قابىلداۋ ۋاقىتى، تالاپ جيناۋ قاتارلى مازمۇنداردى تەڭشەدى جانە كەمەلدەندىردى.
  2018-جىلعى ادەتتەگى جوعارى مەكتەپ ەمتيحان ۋاقىتى 6-ايدىڭ 7-كۇنىنەن 9-كۇنىنە دەيىن، جالعاستى حانزۋ ءتىلى (حانزۋ تىلىندە وقىعان ۇلتتىق وقۋشىلار)، ۇيعۇر ءتىلى، قازاق تىلى، قىرعىز ءتىلى، موڭعۇل ءتىلى قاتارلى بەس تىلدە الىنادى. بۇنىڭ ىشىندە، شەتەل ءتىلى پانى اعىلشىن ءتىلى، ورىس تىلى، جاپون ءتىلى، فرانسۋز ءتىلى، نەمىس ءتىلى، يسپانيا ءتىلى قاتارلى 6 تۇرگە بولىنەدى، وقۋشىلار كەزكەلگەن بىرەۋىن تاڭدايدى. شينجياڭ 2018-جىلى بۇرىنعىداي شەتەل تىلىنەن اۋىزشا ەمتيحان المايدى.
  6-ايدىڭ 24-كۇنى جوعارى مەكتەپ ەمتيحانى ناتيجەسى جاريالانادى، 6-ايدىڭ 26-كۇنى ءارقايسى تىلدەردەگى ءارقايسى قارارلار ەڭ تومەنگى ءنومىر شەگىن جاريالايدى. 6-ايدىڭ سوڭىنان 7-ايدىڭ 1-كۇنىنە دەيىن تالاپ تولتىرىلادى، بۇندا، تولىق كۋرس 0-قاراردىڭ تالاپ تولتىرۋ ۋاقىت شەگى 6-ايدىڭ 28-كۇنى بەيجيڭ ۋاقىتى ساعات 18 اقىرلاسادى، باسقا قارارلاردىڭ ۋاقىت شەگى 7-ايدىڭ 1-كۇنى اقىرلاسادى.
  2018-جىلعى امالياتپەن ۇشتاستىرعاندا، بيىل قابىلداۋ قىزمەتى مەجەمەن 7-ايدىڭ 5-كۇنى باستالىپ، 8-ايدىڭ 27-كۇنى اقىرلاسادى، بىلتىرعىدان 5 كۇن ىلگەرى بولادى. قابىلداۋ قارارىنا ءبولۋ 2017-جىلعىمەن ۇقساس بولادى.
  بيىل 1-قارار تالاپ جيناعاننان باستاپ، وقۋشىلار تولتىرعان تالابىن وزگەرتۋىنە بولادى، بۇل وقۋشىلاردىڭ تالاپ تولتىرۋ قاتەرىن ازايتىپ، قاناعاتتاندىرۋ مولشەرىن جوعارىلاتادى.
  تولىق كۋرس 1-، 2- قارار، جوعارى تەحنيكۋم (ارناۋلى كۋرس) قارارىنىڭ تالاپ جيناۋ سانى 6 دان 9 عا تەڭشەلدى. جوعارى تەحنيكۋم (ارناۋلى كۋرس) قارارىنىڭ تالاپ جيناۋى بۇرىنعى ءبىر رەتتەن ەكى رەتكە ارتتى، ەكىنشى رەت تالاپ جيناعاندا شينجياڭداعى جوعارى تەحنيكۋم (ارناۋلى كۋرس) مەكتەپتەرىنە قاراتا تالاپ جينايدى. كەدەي ارناۋلى نىسان، وڭتۇستىك شينجياڭدى سۇيەمەلدەيتىن تولىق كۋرس 1-قارار، تولىق كۋرس 1-قارار، تولىق كۋرس 2-قارارعا قابىلداۋ اقىرلاسقاننان كەيىن، ءارقايسىسى ءبىر رەت تالاپ جينايدى.
  2018-جىلدان باستاپ، شينجياڭ مەن ەلىمىزدەگى باسقا ولكە، قالا، رايوندار ۇقساس قادامدا تومەندەگى ءنومىر قوسۋ ساياساتىن كۇشىنەن قالدىرادى : (1) بيىل جوعارى، ورتا دارەجەلى وقۋ-اعارتۋ مەكتەپتەرىنەن بىتىرەتىن وقۋشىلاردىڭ جوعارى، ورتا دارەجەلى وقۋ-اعارتۋ ساتىسىندا ەلىمىزدەگى ورتا مەكتەپ وقۋشىلارىنىڭ (ماتەماتيكا، فيزيكا، حيميا، بيولوگيا، ينفورماتسيا) ولمپيادا زەيىن سىناۋ جارىسىندا ەلىمىز بويىنشا 1-، 2-، 3-، دارەجەلى سيلىق العاندار؛ (2) بيىل وقۋشىلار جوعارى، ورتا دارەجەلى وقۋ-اعارتۋ مەكتەپتەرىنەن بىتىرەتىن ەلىمىز بويىنشا وسپىرىمدەردىڭ تەحنيكالىق جاڭالىق اشۋ جارىسىندا (ەلىمىز بويىنشا وسپىرىمدەردىڭ بيولوگيا جانە ورتانى قورعاۋ امالياتتىق قيمىلىن قامتيدى) سيلىق العان وقۋشىلار، «بولاشاقتاعى عالىم» سيىلعى قيمىلى نەمەسە ەلىمىزدەگى ورتا-باستاۋىش مەكتەپتەردىڭ كومپيۋتەردە جاساۋ قيمىلىندا 1-، 2-دارەجەلى سيلىق العاندار؛ (3) بيىل جوعارى، ورتا دارەجەلى وقۋ-اعارتۋ مەكتەپتەرىنەن بىتىرەتىن وقۋشىلاردىڭ جوعارى، ورتا دارەجەلى وقۋ-اعارتۋ ساتىسىندا، حالىقارالىق عىلىم - تەحنيكا جانە ينجەنەريا جارىسىندا نەمەسە حالىقارالىق ورتانى قورعاۋ زەرتتەۋ نىسانى وليمپيادا زەيىن سىناۋ جارىسىندا سيلىق العاندار؛ (4) بيىل جوعارى، ورتا دارەجەلى وقۋ-اعارتۋ مەكتەپتەرىنەن بىتىرەتىن وقۋشىلاردىڭ جوعارى، ورتا دارەجەلى وقۋ-اعارتۋ ساتىسىندا، ءىرى حالىقارالىق دەنەتاربيە جارىسىندا كوللەكتيۆ نەمەسە جەكە سيلىق العانداردىڭ ىشىندەگى الدىڭعى 6 ۇزدىككە كىرگەندەرى، ەلىمىز سيپاتىنداعى دەنەتاربيە جارىسىندا الدىڭعى 6 ۇزدىكتەر قاتارىنا كىرگەندەر.
  تومەندەگى ءتيىمدى ساياسات قوسىلدى : (1) مۇگەدەك حالىق ساقشىسى ادەتتەگى جوعارى مەكتەپ ەمتيحانىنا قاتىناسسا باسقالارمەن ۇقساس شارت-جاعداي استىندا الدىمەن قابىلدانادى. (2) قوعام حاۋىپسىزدىگى قۇرباندارى، قوعام حاۋىپسىزدىگى قاھارماندارى مەن ۇكىمەت قىزمەتى ۇستىندە جارالانىپ ءبىرىنشى دارەجەلىدەن تورتىنشى دارەجەلىگە دەيىن مۇگەدەك حالىق ساقشىسىنىڭ پەرەزەنتتەرى، قوعام حاۋىپسىزدىگى ىستەرىنە ءوزىن ارناعاندار قوعام حاۋىپسىزدىگى مەكتەپتەرىنە ۇيرەنۋگە جىبەرىلەدى. (3) قوعام حاۋىپسىزدىگى قاھارماندارى مەن كوپتىڭ مۇددەسى جولىندا قۇربان بولعاندار، ۇكىمەت قىزمەتى ۇستىندە جارالانىپ مۇگەدەك بولعان حالىق ساقشىلارىنىڭ پەرەزەنتتەرى ادەتتەگى جوعارى مەكتەپتەرگە تىزىمدەلسە ۇقساس شارت-جاعداي استىندا الدىمەن قابىلدانادى.
  ناقتى مازمۇندى شينجياڭ وقۋشى قابىلداۋ سايىتىنان كورە الاسىز. http://www.xjzk.gov.cn


بەرىپ كەت ورامالىڭدى

دوستار

الىستاعى اق ەركە