جاڭا حابارلار


رەفورمانى، جاڭالىق اشۋدى، ستراتەگيالىق ءبىر تۇتاس جوسپارلاۋدى، جوبا ارقىلى جەتەكتەۋدى كۇشەيتىپ، چاڭجياڭ ەكونوميكالىق بەلدەۋىنىڭ دامۋى ارقىلى ەكونوميكانىڭ ساپالى دامۋىن ىلگەرىلەتۋ باسا دارپتەلدى

    كەلۋ قاينارى: شينجياڭ گازەتى    2018-04-29 02:31:40  

   شي جينپيڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى اڭگىمە ماجىلىستە

حان جىڭ ماجىلىسكە  قاتىناستى جانە ءسوز  سويلەدى

 4 - ايدىڭ 26 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۋحاندا چاڭجياڭ ەكونوميكالىق بەلدەۋىنىڭ دامۋىن ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى جانە ماڭىزدى ءسوز سويلەدى. سۋرەتتە: اڭگىمە ماجىلىستەن بۇرىن شي جينپيڭ 4 - ايدىڭ 25 - كۇنى تۇستەن بۇرىن كەمەمەن چاڭجياڭدى بويلاپ، ەكى جاعاداعى ەكولوگيالىق ورتا جانە دامۋ قۇرىلىسى احۋالىن تەكسەردى. (شينحۋا اگەنتتىگى)
 
شينحۋا اگەنتتىگىنىڭ 4 - ايدىڭ 26 - كۇنى ۋحاننان بەرگەن حابارى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 26 - كۇنى تۇستەن كەيىن ۋحاندا چاڭجياڭ ەكونوميكالىق بەلدەۋىنىڭ دامۋىن ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى جانە ماڭىزدى ءسوز سويلەدى. ول مىنالاردى باسا دارىپتەدى: چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ − پارتيا ورتالىق كوميتەتى جاساعان كەلەلى شەشىم، مەملەكەت دامۋىنىڭ جالپى جاعدايىنا ساياتىن كەلەلى ستراتەگيا. جاڭا جاعدايدا چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋدە، باستىسى، ءبىر تۇتاس ىلگەرىلەتۋ مەن ءتۇيىندى تۇردە سەرپىلىس جاساۋدىڭ، ەكولوگيالىق ورتانى قورعاۋ مەن ەكونوميكانى دامىتۋدىڭ، جالپى جاقتان جوسپارلاۋ مەن ۇزاق ۋاقىت تاباندى ەڭبەك ەتۋدىڭ، كونە قوزعاۋشى ەنەرگيانى جويۋ مەن جاڭا قوزعاۋشى ەنەرگيا جەتىلدىرۋدىڭ، ءوزىن دامىتۋ مەن سايكەستى دامۋدىڭ قاتىناسىن دۇرىس يگەرىپ، جاڭا دامۋ ۇستانىمىنا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، جاپپاي قورعاۋدى بىرگە يگەرۋگە، قاۋىرت اشۋعا سالىنباۋعا تاباندى بولىپ، رەفورمانى، جاڭالىق اشۋدى، ستراتەگيالىق ءبىر تۇتاس جوسپارلاۋدى، جوبا ارقىلى جەتەكتەۋدى كۇشەيتىپ، چاڭجياڭ ەكونوميكالىق بەلدەۋىنىڭ دامۋى ارقىلى ەكونوميكانىڭ ساپالى دامۋىن ىلگەرىلەتۋ كەرەك .

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋگە باسشىلىق ەتۋ گرۋپپاسىنىڭ باستىعى حان جىڭ ماجىلىسكە قاتىناستى جانە ءسوز سويلەدى  , وسى رەتكى اڭگىمە ءماجىلىستى ويداعىداي اشۋ ءۇشىن، 4 - ايدىڭ 24 -، 25 - كۇندەرى شي جينپيڭ ىلگەرىندى - كەيىندى حۋبەي ولكەلىك پارتكومنىڭ شۋجيى جياڭ چاۋلياڭنىڭ، ولكە باستىعى ۋاڭ شياۋدۇڭنىڭ، حۋنان ولكەلىك پارتكومنىڭ شۋجيى دۋ جياحاۋدىڭ، ولكە باستىعى شۇي داجىنىڭ سەرىك بولۋىندا، حۋبەيدىڭ يچاڭ قالاسى مەن جيڭجوۋ قالاسى، حۋناننىڭ يۋەياڭ قالاسى جانە ءۇش قىساڭ توسپا رايونى سياقتى جەرلەردى ارالاپ، حيميا ونەركاسىپ كاسىپورىندارىن كوشىرۋ، زاڭسىز كەمەتۇراقتاردى رەتتەۋ - جونگە سالۋ، وزەن سۋىنىڭ لاستانۋىن جونگە سالۋ، وزەن جاعدايىن مەڭگەرۋ جانە جاعالاۋدى قورعاۋ ينجەنەرياسى، سۋ جولىن جونگە سالۋ، سازدىقتاردى قالپىنا كەلتىرۋ، گيدرولوگيالىق ستانسيا جانە گيدرولوگيالىق باقىلاۋ - ولشەۋ قىزمەتى سياقتى جاعدايلار جونىندە قىزمەت تەكسەرىپ، چاڭجياڭ ەكونوميكالىق بەلدەۋىن دامىتۋ ستراتەگياسىنىڭ اتقارىلۋ جاعدايىمەن تانىستى  4 - ايدىڭ 24 - كۇنى تۇستە شي جينپيڭ ۇشاقتان تۇسىسىمەن شيڭفا توبى يچاڭ جاڭا ماتەريالدار ونەركاسىپ باقشاسىنا كەلىپ، حيميا ونەركاسىپ كاسىپورىندارىن كوشىرۋ، وزگەرتۋ جانە كەمەتۇراقتاردى قايتا جاسىلداندىرۋ جاعدايىن كوزدەن كەشىردى. شيڭفا توبى فوسفوردى جىنتىكتەي وڭدەۋ سالاسىندا مەملەكەت بويىنشا ەڭ ۇلكەن حيميا ونەركاسىپ كاسىپورنى، سونداي - اق ءۇش قىساڭ سۋ قويماسى رايونىندا كوشىرىلگەن ەڭ ۇلكەن كاسىپورىن. توپتىڭ باقشا رايونىندا بۇرىنعى وزەن جاعالاي سالىنعان ءوندىرىس قۇرىلعىلارى مەن كەمەتۇراقتار كوشىرىلىپ نەمەسە شاعىلىپ، 950 مەترلىك جاعا بوساتىلىپ، 800 مۋدان استام جەر قايتارىلعان، سونىمەن بىرگە، ول جاپپاي جاسىلداندىرىلعان. كوشىرۋ، جاسىلداندىرۋ جۇمىس باسىنا قويىلعان كورمە تاقتالاردا حۋبەي ولكەسى مەن يچاڭ قالاسىنداعى حيميا ونەركاسىپ كاسىپورىندارىنىڭ كوشىرىلۋى، لاستانۋدى رەتتەۋ، جونگە سالۋ جالپى جاعدايى كورسەتىلىپتى. شي جينپيڭ مالىمەتتى دەن قويا تىڭداپ، قاتىستى ماسەلەلەر جونىندە جەرگىلىكتى ورىنداعى قاتىستى جاۋاپتى جولداستارمەن اڭگىمەلەستى. ول توپتىڭ ورتالىق مەڭگەرۋ بولمەسىنە كىرىپ، ۇلكەن ەكران ارقىلى كاسىپورىننىڭ ءوندىرىس سەحىنىڭ جۇمىس جاعدايىن كورىپ، كاسىپورىننىڭ تەحنيكالىق وزگەرتۋ جانە ونەركاسىپتىك دەڭگەيدى جوعارىلاتۋ، اينالمالى كاسىپ سالاسىن جوسپارلاۋ - قۇرۋ جاعدايىنان جاساعان مالىمەتىن تىڭدادى، سونىمەن بىرگە، تەحنيكالىق قىزمەتكەرلەرمەن ىقىلاستى تۇردە اڭگىمەلەستى. شي جينپيڭ وزەن بويىنداعى كەمەتۇراقتىڭ قيا جولىمەن جاياۋ ءجۇرىپ، وزەن بويىنداعى قۇرىلعىلاردىڭ شاعىلۋى، كەمەتۇراقتى جاسىلداندىرۋ، لاس زات شىعارۋ اۋزىن رەتتەۋ - جونگە سالۋ جاعدايىن تەكسەردى. ول مىنالاردى باسا دارىپتەدى: چاڭجياڭ وزەنى − جۇڭحۋا ۇلتىنىڭ انا وزەنى، ونى، ءسوز جوق، ويداعىداي قورعاۋ كەرەك. كاسىپورىن − چاڭجياڭ وزەنى ەكولوگيالىق ورتاسىن قورعاۋ قۇرىلىسىنىڭ نەگىزگى تۇلعاسى جانە ماڭىزدى كۇشى، كاسىپورىنداردىڭ جاۋاپكەرشىلىگىن كۇشەيتىپ، تەحنيكالىق جاڭارتۋدى تەزدەتىپ، مەشەۋ وندىرىستىك قۋاتتى قاتاردان قالدىرىپ، تازا ءوندىرىستى دامىتىپ، كاسىپورىنداردىڭ ەكولوگيالىق ورتانى قورعاۋ قۇرىلىسى قابىلەتىن جوعارىلاتۋ كەرەك. چاڭجياڭ وزەنى جاعالاۋىنداعى لاستاۋشى كاسىپورىنداردىڭ بارلىعىن باتىلدىقپەن كوشىرۋ، كاسىپورىندار كوشكەندە ادامدى، جابدىقتاردى تۇگەل اكەتۋگە، قوقسىقتاردى، جەردى تازارتۋعا كەپىلدىك ەتۋ، چاڭجياڭ وزەنىنىڭ لاستانۋ كومەسكى قاتەرىن تۇبەگەيلى جويۋ كەرەك. چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ قىزمەتىندەگى ماڭىزدى ورىنعا قويۋعا تاباندى بولىپ، جاپپاي قورعاۋدى بىرگە يگەرىپ، قاۋىرت اشۋعا سالىنباۋ كەرەك. قاۋىرت اشۋعا سالىنباۋ اشپاۋ دەگەندىك ەمەس، قايتا ويرانداۋ سيپاتتى اشۋعا سالىنباۋ دەگەندىك، مۇندا ەكولوگيانى الدىمەن ويلاستىرۋ، جاسىل دامۋ جولىمەن ءجۇرۋ كەرەك.
  4 - ايدىڭ 24 - كۇنى تۇستەن كەيىن شي جينپيڭ ءۇش قىساڭ توسپا رايونىنا كەلىپ، ءۇش قىساڭ ينجەنەرياسى مەن توسپا رايونىنىڭ توڭىرەگىندەگى ەكولوگيالىق ورتانى تەكسەردى. ءۇش قىساڭ ينجەنەرياسى الەمگە ايگىلى، قازىرگە دەيىن دۇنيە ءجۇزى بويىنشا كولەمى ەڭ ۇلكەن سۋ يگىلىگى تورابى ينجەنەرياسى جانە جالپىلىق ونىمدىلىگى ەڭ كەڭ سۋ ەلەكتر ينجەنەرياسى. ءۇش قىساڭ توسپاسىندا تۇرىپ، شي جينپيڭ الىسقا كوز سالدى، كوز الدىدا ايبىندى توسپا تۇلعاسى، تولقىندى تولقىن قۋعان وزەن بەتى، جاسىل جەلەك جامىلعان وزەن جاعاسى جاتتى. ءۇش قىساڭ ينجەنەرياسىنىڭ دامۋ تاريحىن، جالپىلىق ونىمدىلىگىن، عىلىم - تەحنيكالىق جاسامپازدىعىن تانىستىرعان سۋرەتتەر مەن ساندى مالىمەتتەر كورسەتىلگەن تاقتا الدىندا شي جينپيڭ ءۇش قىساڭ توبىنىڭ جاۋاپتىسى جاساعان مالىمەتتى تىڭداپ، ءۇش قىساڭ ينجەنەرياسىنىڭ دامۋىنا قاتىستى ماسەلەلەر جونىندە كوپشىلىكپەن تالقى جۇرگىزدى. وسىدان سوڭ، شي جينپيڭ توسپانىڭ سول جاق باسىنا بارىپ، چاڭجياڭ ەكولوگيالىق ورتاسىن قالپىنا كەلتىرۋ جانە باعالى، سيرەك كەزدەسەتىن وسىمدىكتەردى قورعاۋ جاعدايىنان جاسالعان تانىستىرۋدى تىڭدادى. شي جينپيڭ باعالى، سيرەك كەزدەسەتىن وسىمدىكتەردەن ۇلگى كورسەتۋ باقشاسىنا كىردى، باقشا ىشىندە اعاش - ءشوپ قاۋلاپ ءوسىپ، گۇل - بايشەشەك قۇلپىرىپ تۇر ەكەن، ول جاڭا وتىرعىزىلعان ءبىر ءتۇپ جۇپار اعاشتىڭ تۇبىنە ءوز قولىمەن توپىراق قومداپ، سۋ قۇيدى. الىستاعى تاۋدى بۇلت باسىپ، جاڭبىر سەبەزگىلەي باستادى. شي جينپيڭ سەبەزگى جاۋىنعا قاراماي، ىلگەرىندى - كەيىندى كەمە وتكىزەتىن قوس جەلى 5 ساتىلى كەمە توسپاسىنىڭ 3 - توسپا باسىنا، كەمە كوتەرۋ ماشيناسى تۇعىرىنا بارىپ، سۋ تاسىمالىن باسقارۋ سياقتى جاعدايلارمەن تانىستى .

  ءۇش قىساڭ سۋ ەلەكتر ستانسياسى قازىر دۇنيە ءجۇزى بويىنشا ەڭ ۇلكەن سۋ ەلەكتر ستانسياسى بولىپ تابىلادى، ول ورتا جۇڭگو، شىعىس جۇڭگو، گۋاڭدۇڭ سياقتى جەرلەرگە تاۋلىك بويى ەلەكتر جەتكىزەدى. شي جينپيڭ توسپانىڭ سول جاعالاۋىنداعى ەلەكتر ستانسياسىنا كەلىپ، گەنەراتور اگراگاتتارىنىڭ اينالىم جاعدايىن كورىپ، ءۇش قىساڭ سۋ ەلەكتر ستانسياسىنىڭ ەلەكتر شىعارۋ ونىمدىلىگى جانە ەلەكتر جەلىسىنىڭ حاۋىپسىزدىگىن باقىلاۋ - مەڭگەرۋ سياقتى جاعدايلارمەن تانىستى، سونداي - اق تەحنيكتەرمەن، ەڭبەك ەرلەرىمەن، قىزمەتكەرلەردىڭ ۋاكىلدەرىمەن ىقىلاستى تۇردە پىكىرلەستى. ستانسيا سىرتىندا ول كىسى كەلدى دەگەن حاباردى ەستىپ جەتكەن كاسىپورىن قىزمەتشىلەرى باس شۋجيدىڭ قاسىنا قاۋمالاي كەلىپ، باس شۋجيمەن الاقايلاي سالەمدەستى. شي جينپيڭ تەرەڭ ىقىلاسپەن كوپشىلىككە بىلاي دەدى: ءۇش قىساڭ ينجەنەرياسى − مەملەكەتىمىزدىڭ ماڭىزدى اسىلى، ونى ەڭبەكشىلەر قاجىرلى ەڭبەگىمەن، ءوز كۇشىنە سۇيەنە وتىرىپ جاساپ شىققان، مەن مۇنى كورىپ، ايرىقشا جەلپىندىم. ءۇش قىساڭ ينجەنەرياسىنىڭ ءساتتى سالىنۋى جانە ىسكە قوسىلۋى سان ۇرپاق جۇڭگولىقتىڭ ءۇش قىساڭ بايلىعىن اشۋ جانە پايدالانۋ ارمانىن جۇزەگە اسىرىپ، رەفورما جاساپ، ەسىك اشقاننان بەرگى ەلىمىز دامۋىنىڭ ماڭىزدى بەلگىسىنە اينالدى. بۇل ەلىمىز سوتسياليستىك ءتۇزىمىنىڭ كۇشتى شوعىرلاندىرىپ، ءىرى ءىس تىندىراتىن ارتىقشىلىعىنىڭ تيپتىك ۇلگىسى، جۇڭگو حالقىنىڭ پاراسات پەن جاسامپازدىققا باي ەكەندىگىنىڭ تيپتىك ۇلگىسى، جۇڭحۋا ۇلتىنىڭ كۇن سايىن گۇلدەنىپ، قۇدىرەتتەنۋگە قادام تاستاۋىنىڭ تيپتىك ۇلگىسى. ءىرى مەملەكەتتىڭ ناعىز اسىلى، ءسوز جوق، ءوز قولىمىزدا بولۋى كەرەك. وزەكتى تەحنولوگيا، شەشۋشى تەحنولوگيا ساداقا سۇراۋمەن قولعا كەلمەيدى، وعان قول جەتكىزۋ ءۇشىن ءوزىمىز تالپىنۋىمىز كەرەك. ءبىر ميلليارد 300 ميلليوننان استام جۇڭگو حالقى ءبىر نيەتپەن كۇش قوسىپ، جىگەرلەنە كۇرەس جاساپ، جۇڭگو ارمانىن بىرگە جۇزەگە اسىرۋى كەرەك!    

4 - ايدىڭ 25 - كۇنى تاڭەرتەڭ شي جينپيڭ جيڭجوۋ قالاسى جيڭجوۋ پورتىنىڭ كەمەتۇراعىنا بارىپ، كەمەگە وتىرىپ، وزەندى بويلاپ، ەكى جاعالاۋداعى ەكولوگيالىق ورتانىڭ جانە دامۋ قۇرىلىسىنىڭ جاعدايىن تەكسەردى. جولدا شي جينپيڭ حۋبەي ولكەسى مەن جيڭجوۋ قالاسىنىڭ زاڭسىز كەمەتۇراقتاردى رەتتەۋ - جونگە سالۋ جاعدايىنان جاساعان مالىمەتتەرىن جەكە - جەكە تىڭداپ، قاتىناس - تاسىمال مينيسترلىگىنىڭ چاڭجياڭ وزەنىندەگى سۋ تاسىمالىن، سۋ جولدارىن جونگە سالۋ جاعدايى جونىندە جاساعان مالىمەتىن جانە سۋ يگىلىگى مينيسترلىگىنىڭ وزەن جاعدايىن مەڭگەرۋ، جاعالاۋدى قورعاۋ  .ينجەنەرياسىنىڭ جاعدايى جونىندە جاساعان مالىمەتىن تىڭدادى
  تۇستەن كەيىن ساعات 3 مولشەرىندە كەمە جيڭجوۋدىڭ شىشوۋ پورتىنا جەتتى، شي جينپيڭ جاعاعا شىعىپ، اۆتوكولىككە وتىرىپ، حۋنان ولكەسى يۋەياڭ قالاسى جۇنشان حۋالۇڭ كەمەتۇراعىنا بارىپ، زاڭسىز قۇم - شاعىل كەمەتۇراقتارىن كۇشىنەن قالدىرۋ جانە رەتتەۋ - جونگە سالۋ، جاسىلداندىرۋ، سازدىقتى قالپىنا كەلتىرۋ جاعدايىن تەكسەردى. جۇنشان حۋالۇڭ كەمەتۇراعى چاڭجياڭ وزەنىنىڭ نەگىزگى ارناسىنىڭ وزەن قايراڭىنا ورنالاسقان، بۇل بۇرىن لاس سۋ ساسىپ جاتاتىن، زاڭسىز قۇم - شاعىل تاسيتىن كەمەتۇراق بولاتىن، رەتتەۋ - جونگە سالۋ، جاسىلداندىرۋ، سازدىقتى قالپىنا كەلتىرۋ ارقىلى قازىر بۇل جەردىڭ بەت - بەينەسى مۇلدە جاڭارعان. شي جينپيڭ شىعىس دۇڭتيڭ كولى مەملەكەتتىك جاراتىلىستىق قورىعىنداعى شارلاۋ - قورعاۋ، باقىلاۋ - ولشەۋ پۋنكتىنە كىرىپ، ناقتى ۋاقىتتىق باقىلاۋ - ولشەۋ جۇيەسىن تەكسەردى. سازدىقتا نۋ قامىس - قۇراق ءوسىپ، وزەندە دەلفيندەر اسىر سالىپ، اينالادان جالىندى تىرشىلىك لەبى ەسىپ تۇر. ول بىلاي دەدى: چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋ − جاڭا ءداۋىردىڭ بىزگە جۇكتەگەن ماشاقاتتى مىندەتتى، سونداي - اق حالىق بۇقاراسىنىڭ ىستىق ىقىلاستى تىلەگى. قازىرگى كوكەي تەستى مىندەت − جۇيەسىز اشۋدى توقتاتىپ، لاس زات شىعارۋدىڭ جالپى مولشەرىن تەجەپ، زاڭسىز لاس زات شىعارۋ، زاڭسىز قۇم - شاعىل قازۋ سياقتى وزەن جاعالاۋىنىڭ ەكولوگياسىن بۇلدىرەتىن ارەكەتتەرگە زاڭ بويىنشا، قاتاڭ، جەدەل سوققى بەرۋ. چاڭجياڭ وزەنى ەكولوگيالىق ورتاسىنىڭ ءبىزدىڭ قولىمىزدا ونان ارى بۇلىنۋىنە استە جول بەرمەۋىمىز، كەيىنگى ۇرپاققا، ءسوز جوق، تازا، كورىكتى، 10 مىڭ شاقىرىمدىق چاڭجياڭ وزەنىن قالدىرۋىمىز كەرەك!   

 يۋەياڭ قالاسىندا شي جينپيڭ تاعى چىڭليڭجي گيدرولوگيالىق ستانسياسىندا قىزمەت تەكسەرىپ، چاڭجياڭ وزەنىنىڭ حۋنان .بولەگىندەگى الابى مەن دۇڭتيڭ كولى الابىنىڭ سۋ بايلىعىن جالپىلىق باقىلاۋ - .ولشەۋ، باسقارۋ، اپاتتان ساقتانۋ، اپات زيانىن ازايتۋ جاعدايىمەن تانىستى

4 - ايدىڭ 26 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۋحاندا چاڭجياڭ ەكونوميكالىق بەلدەۋىنىڭ دامۋىن ىشكەرىلەي ىلگەرىلەتۋ جونىندەگى اڭگىمە ءماجىلىستى باسقارىپ اشتى جانە ماڭىزدى ءسوز سويلەدى. (شينحۋا اگەنتتىگى)

4 - ايدىڭ 26 - كۇنى تۇستەن كەيىن شي جينپيڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى اڭگىمە ءماجىلىستى باسقارىپ اشتى. مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ، ەكولوگيالىق ورتا مينيسترى لي گانجيە، قاتىناس - تاسىمال مينيسترى لي شياۋپيڭ، سۋ يگىلىگى مينيسترى ى جيڭپيڭ، چۇڭچيڭ قالالىق پارتكومنىڭ شۋجيى چىن مين - ىر، حۋبەي ولكەلىك پارتكومنىڭ شۋجيى جياڭ چاۋلياڭ، شاڭحاي قالالىق پارتكومنىڭ شۋجيى لي چياڭ سىندى 7 جولداس ىلگەرىندى - كەيىندى لەبىز ءبىلدىرىپ، تۇرلىشە تۇرعىدان قىزمەت اسەرلەرىنەن مالىمەت بەرىپ، پىكىر جانە ۇسىنىس ورتاعا قويدى
  كوپشىلىكتىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: جالپى العاندا، چاڭجياڭ ەكونوميكالىق بەلدەۋىن دامىتۋ ستراتەگياسىن اتقارۋ سەرپىنىن كۇشەيتۋ كەرەك. ءسوز جوق، جۇڭحۋا ۇلتىنىڭ ۇزاق بولاشاقتىق مۇددەسىن ەسكەرە وتىرىپ، چاڭجياڭنىڭ ەكولوگيالىق ورتاسىن قالپىنا كەلتىرۋدى تەگەۋرىندى ورىنعا قويىپ، جاپپاي قورعاۋدى بىرگە يگەرىپ، قاۋىرت اشۋعا سالىنباي، چاڭجياڭ ەكونوميكالىق بەلدەۋىن ەكولوگياسى نەعۇرلىم كوركەم، قاتىناسى نەعۇرلىم ىركىلىسسىز، ەكونوميكاسى نەعۇرلىم سايكەستى، بازارى نەعۇرلىم بىرلىككە كەلگەن، مەحانيزمى نەعۇرلىم عىلمي التىن ەكونوميكالىق بەلدەۋ ەتىپ قۇلشىنا قۇرىپ، ەكولوگيانى الدىمەن ويلاستىرۋدىڭ، جاسىل دامۋدىڭ جاڭا جولىن قاراستىرۋ كەرەك   شي جينپيڭ بىلاي دەپ اتاپ كورسەتتى: 2 جىلدان استام ۋاقىتتان بەرى، پارتيا ورتالىق كوميتەتىنىڭ پارمەندى باسشىلىعىندا، قاتىستى تاراۋلار مەن چاڭجياڭنىڭ بويىنداعى ولكە، قالالار قىرۋار جۇمىستار ىستەپ، شوقتىقتى جوبانى كۇشەيتۋ، ەكولوگيالىق ورتانى جاقسارتۋ، تيپىن جاڭالاپ دامۋدى جەبەۋ، ءتۇزىلىس - مەحانيزم رەفورماسى ۇستىندە ىزدەنىس جاساۋ سياقتى جاقتاردا بەلسەندى ىلگەرىلەۋشىلىكتەرگە قول جەتكىزدى. سونىمەن قاتار ءدوپ كەلىپ وتىرعان قيىنشىلىقتاردى، سىن - سايىستاردى جانە كورنەكتى ماسەلەلەردى ايقىن كورۋىمىز كەرەك، مىسالى، چاڭجياڭ ەكونوميكالىق بەلدەۋىن دامىتۋ ستراتەگياسى جونىندە ءبىراز سىڭار جاقتى تانىم ورىن تەۋىپ وتىر، ەكولوگيالىق ورتا جاعدايى ءالى دە اۋىر، ەكولوگيالىق ورتانى سايكەسىپ قورعاۋ ءتۇزىلىس - مەحانيزمىن ورناتۋعا، كەمەلدەندىرۋگە ءزارۋمىز، الاپتىڭ دامۋىنىڭ بىركەلكى، سايكەستى بولماۋ ماسەلەسى كورنەكتى، قاتىستى جاقتاردىڭ سۋبيەكتتىك بەلسەندىلىگىن جوعارىلاتۋعا تۋرا كەلەدى  

 شي جينپيڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋدى دۇرىس يگەرۋگە ءتيىستى 5 قاتىناستى ايقىن العا قويدى

  ءبىرىنشى، ءبىر تۇتاس ىلگەرىلەتۋ مەن ءتۇيىندى تۇردە سەرپىلىس جاساۋدىڭ قاتىناسىن دۇرىس يگەرىپ، چاڭجياڭنىڭ ەكولوگيالىق ورتاسىن قورعاۋ، قالپىنا كەلتىرۋ قىزمەتىن جاپپاي جاقسى ىستەۋ كەرەك. چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋدىڭ العى شارتى − ەكولوگيانى الدىمەن ويلاستىرۋعا تاباندى بولۋ. ەكولوگيالىق جۇيەنىڭ جالپى تۇلعالىعى مەن چاڭجياڭ الابىنىڭ جۇيەلىگىنە نازار اۋدارىپ، تاۋ، سۋ، ورمان، اتىز، كول، جايلىم سياقتى ەكولوگيالىق فاكتورلاردى ءبىر تۇتاس جوسپارلاپ، ەكولوگيانى قالپىنا كەلتىرۋ جانە قورشاعان ورتانى قورعاۋ ينجەنەرياسىن ويداعىداي اتقارۋ كەرەك. ءبىر تۇتاس ىلگەرىلەتۋگە تاباندى بولىپ، ءتۇرلى شارالاردىڭ ىلىكتەستىگى مەن بايلانىسىن كۇشەيتىپ، اۋىتقۋدان، جەكە - دارا ىلگەرىلەۋدەن، بىرىنە ءمان بەرىپ، ەكىنشىسىن ەلەۋسىز قالدىرۋدان ساقتانۋ كەرەك. ءتۇيىندى تۇردە سەرپىلىس جاساۋعا تاباندى بولىپ، ءبىر تۇتاس ىلگەرىلەتۋ نەگىزىندە باستى قايشىلىق پەن قايشىلىقتىڭ باستى جاعىن يگەرىپ، جالپى جاعداي مەن ءىشىنارالىقتى سايكەستىرۋدى، تۇبىرىنەن وڭاۋ مەن ۇستىنەن وڭاۋدى ۇشتاستىرۋدى، بىرتىندەپ ىلگەرىلەتۋ مەن قامال الۋدى ۇلاستىرۋدى، جالپى تۇلعالىق ىلگەرىلەتۋ مەن تۇيىندەردە قامال الۋدىڭ بىرلىگىن ىسكە .اسىرۋدى قۇلشىنا ورىنداۋ كەرەك  

 ەكىنشى، ەكولوگيالىق ورتانى قورعاۋ مەن ەكونوميكانى دامىتۋدىڭ قاتىناسىن دۇرىس يگەرىپ، ەكولوگيانى الدىمەن ويلاستىرۋ مەن جاسىل دامۋدى سايكەستى ىلگەرىلەتۋدىڭ جاڭا جولىن قاراستىرۋ كەرەك. چاڭجياڭ ەكونوميكالىق بەلدەۋىنىڭ جاسىل دامۋىن ىلگەرىلەتۋدىڭ كىلتى − تۇنىق سۋ، جاسىل تاۋ مەن بايلىقتىڭ قاتىناسىن ويداعىداي ءبىر جاقتى ەتۋ. بۇل باياندى دامۋدى جۇزەگە اسىرۋدىڭ ىشكى تالابى بولىپ قانا قويماي، سونىمەن قاتار وسىزامانداندىرۋ قۇرىلىسىن ىلگەرىلەتۋدىڭ كەلەلى پرينسيبى. ەكولوگيالىق ورتانى قورعاۋ مەن ەكونوميكالىق دامۋ قايشىلىقتىڭ قاراما - قارسىلىعىنىڭ قاتىناسى ەمەس، قايتا ديالەكتيكالىق بىرلىك قاتىناسى. ەكولوگيالىق ورتانى قورعاۋدىڭ ءساتتى - ءساتسىز بولۋىن، سايىپ كەلگەندە، ەكونوميكالىق قۇرىلىم مەن ەكونوميكالىق دامۋ ءتاسىلى بەلگىلەيدى. دامىتۋ بارىسىندا قورعاۋعا، قورعاۋ بارىسىندا دامىتۋعا تاباندى بولۋ كەرەك، ەكولوگيالىق ورتانى قورعاۋ مەن ەكونوميكانى دامىتۋدى بولۋگە بولمايدى، قاراما - قارسى قويۋعا ءتىپتى بولمايدى   ءۇشىنشى، جالپى جاقتان جوسپارلاۋ مەن ۇزاق ۋاقىت ەڭبەك ەتۋدىڭ قاتىناسىن دۇرىس يگەرىپ، جوبانى تاباندىلىقپەن سوڭىنا دەيىن ىسكە اسىرۋ كەرەك. چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ − جۇيەلى قۇرىلىس، ونى بىردەن جۇزەگە اسىرا سالۋ مۇمكىن ەمەس. شوقتىقتى جوبانى جاقسى جاساپ، شەگە قاعۋ رۋحىمەن، ونىمدىلىكتى تاباندىلىقپەن يگەرۋ كەرەك. «چاڭجياڭ ەكونوميكالىق بەلدەۋىنىڭ دامۋ جوباسى تەزيسىنىڭ» دايەكتىلەندىرىلۋىن، تياناقتاندىرىلۋىن ىشكەرىلەي ىلگەرىلەتىپ، اتقارۋ جاعدايىنا، سونداي - اق ەل ءىشى - سىرتىنداعى دامۋ ورتاسىنداعى جاڭا وزگەرىستەرگە ۇشتاستىرا وتىرىپ، «جوبا تەزيسىن» ورتا مەزگىلدىك باعالاۋدى ورىستەتىپ، جاڭا جاعداي، جاڭا تالاپ بويىنشا جوبا مازمۇنىن كەمەلدەندىرۋ كەرەك. بەلگىلەنگەن نىسانانى جۇزەگە اسىرۋدىڭ ايقىن ۋاقىت كەستەسىن، جول كارتاسىن جاساپ، تىڭعىلىقتى جۇرگىزىپ، ساتىلار بويىنشا ىلگەرىلەتۋ كەرەك

.  ءتورتىنشى، كونە قوزعاۋشى ەنەرگيانى جويۋ مەن جاڭا قوزعاۋشى ەنەرگيانى جەتىلدىرۋدىڭ قاتىناسىن دۇرىس يگەرىپ، چاڭجياڭ ەكونوميكالىق بەلدەۋىنىڭ وسىزاماندانعان ەكونوميكالىق جۇيەسىن قۇرۋدى ىلگەرىلەتۋ كەرەك. دامۋدىڭ قوزعاۋشى كۇشى دامۋ جىلدامدىعىن، دامۋ ونىمدىلىگىن، باياندىلىعىن بەلگىلەيدى. قامداۋ جاعىنداعى قۇرىلىمدىق رەفورمانى تىڭعىلىقتى ىلگەرىلەتىپ، چاڭجياڭ ەكونوميكالىق بەلدەۋىن دامىتۋدىڭ قوزعاۋشى كۇشىنە بۇرىلىس جاساۋدى ىلگەرىلەتىپ، وسىزاماندانعان ەكونوميكالىق جۇيەنى قۇرۋ كەرەك. قايتپاس قايسارلىقپەن، سۇيەكتى قىرىپ اۋرۋدى ەمدەۋ بەكىمىمەن كونە قوزعاۋشى ەنەرگيانى بەلسەندى، ورنىقتى تۇردە شەگىندىرىپ، ارىلتىپ، ءونىمسىز قامداۋدى الاستاپ، قارجى سالۋ مەن فاكتورلاردى قوسۋدى جەتەكشى ەتكەن كونە جولدى تۇبەگەيلى تاستاپ، جاڭا قوزعاۋشى ەنەرگيانى دامىتۋعا شارت - جاعداي ازىرلەپ، كەڭىستىك دايىنداپ، كونە قوزعاۋشى ەنەرگيانىڭ ورنىنا جاڭا قوزعاۋشى ەنەرگيانى اۋىستىرۋ كەرەك
  بەسىنشى، ءوزىن دامىتۋ مەن سايكەستى دامۋدىڭ قاتىناسىن دۇرىس يگەرىپ، چاڭجياڭ ەكونوميكالىق بەلدەۋىن جاندى توعىسقان جوعارى ءونىمدى ەكونوميكالىق تۇلعاعا اينالدىرۋعا قۇلشىنۋ كەرەك. چاڭجياڭ ەكونوميكالىق بەلدەۋى الاپ ەكونوميكاسى رەتىندە سۋ، جول، پورت، جاعا، ءوندىرىس، قالا سياقتى كوپ جاققا سايادى، جۇيە تەورياسى ءادىسىن قولدانىپ، وزىندىك دامۋ مەن سايكەستى دامۋدىڭ قاتىناسىن دۇرىس يگەرۋ كەرەك. چاڭجياڭ ەكونوميكالىق بەلدەۋىندەگى رايوندار، قالالار وزدەرىنىڭ دامۋى بارىسىندا، ءسوز جوق، جالپى تۇلعانى ارقاۋ ەتىپ، «ءبىر تۇتاس جۇيە» يدەياسىن ورناتىپ، كەزەكتەستىرىپ دامىتۋدى، سايكەستى دامىتۋدى، جاندى توعىستىرۋدى ىسكە اسىرىپ، جالپىلىق بىرىككەن كۇش قالىپتاستىرۋ كەرەك .

  شي جينپيڭ بىلاي دەپ باسا دارىپتەدى: قاتىستى تاراۋلار مەن چاڭجياڭ بويىنداعى ولكە، قالالار پارتيا ورتالىق كوميتەتىنىڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى جالپىلىق ورنالاستىرۋى مەن قىزمەت ورنالاستىرۋىن مۇقيات دايەكتىلەندىرىپ، تياناقتاندىرىپ، ۇيىمدىق باسشىلىقتى كۇشەيتىپ، ءار جاقتاعى كۇشتەردى جۇمىلدىرىپ، ءتۇزىلىس - مەحانيزمدى كۇشەيتىپ، ىشكى قوزعاۋشى كۇش تۋىنداتىپ، سەنىمدى بەكەمدەپ، جاۋاپكەرلىكتى باتىل ارقالاپ، تەمىرگە تاپ، تاسقا تاڭبا قالدىراتىن تاباندىلىقپەن قىزمەتتى ويداعىداي يگەرىپ، چاڭجياڭ ەكونوميكالىق بەلدەۋىن دامىتۋ .ستراتەگياسىن ويداعىداي اتقارۋ جولىندا بىرگە كۇرەس جۇرگىزۋى كەرەك  

 حان جىڭ سوزىندە مىنالاردى ايتتى: باس شۋجي شي جينپيڭنىڭ چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى ماڭىزدى ستراتەگيالىق يدەياسىن ىشكەرىلەي ۇيرەنىپ، ۇعىنىپ، جاپپاي قورعاۋدى بىرگە يگەرۋدىڭ، قاۋىرت اشۋعا سالىنباۋدىڭ كەلەلى ماڭىزىن جەتە تانىپ، جاپپاي قورعاۋدىڭ بىرگە يگەرۋدەگى يدەيالىق سانالىلىق پەن ارەكەت سانالىلىعىن كۇشەيتۋ كەرەك. قىزمەت تۇيىندەرىن كورنەكتىلەندىرىپ، چاڭجياڭنىڭ سۋ ساپاسىن ۇزدىكسىز جاقسارتۋدى وزەك ەتىپ، سۋدىڭ لاستانۋىن جونگە سالۋدى، سۋ ەكولوگياسىن قالپىنا كەلتىرۋدى، سۋ بايلىعىن قورعاۋدى تىڭعىلىقتى ىلگەرىلەتۋ كەرەك. جۇيەلى جونگە سالۋدى كۇشەيتىپ، وزەنگە قۇياتىن لاس سۋ شىعارۋ اۋىزداردى باقىلاۋ - ولشەۋ جۇيەسى قۇرىلىسىن كۇشەيتىپ، قيما بەتتىك سۋ ساپاسىن باقىلاپ، ولشەپ ساقتاندىرۋ جۇمىسىن بىرلەسىپ اتقارىپ، جاپپاي قورعاۋدى بىرگە يگەرۋدىڭ جالپى تۇلعالىق سيپاتىن كۇشەيتۋ كەرەك. ءتۇزىلىس - مەحانيزمدى كەمەلدەندىرىپ، ءوڭىردىڭ سەلبەستىك، ىنتىماقتاستىق مەحانيزمىنىڭ رولىن ساۋلەلەندىرىپ، ەكولوگيالىق تولەم بەرۋ مەن قورعاۋدىڭ ۇزاق ءونىمدى مەحانيزمىن ورناتىپ، كەمەلدەندىرىپ، جاپپاي قورعاۋدى بىرگە يگەرۋدىڭ سايكەستىلىگىن كۇشەيتۋ كەرەك   ديڭ شۋەشياڭ، ليۋ حى، حى ليفىڭ، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە، اۆتونوميالى رايون، قالالارداعى جاۋاپتى جولداستار تەكسەرۋدە بىرگە بولدى ءارى اڭگىمە ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە