جاڭا حابارلار

اۆتونوميالى رايوندىق پارتكوم تۇراقتى كوميتەتتىڭ كەڭەيتىلگەن ءماجىلىسىن اشتى

    كەلۋ قاينارى: شينجياڭ حالىق راديو ىستانسياسى    2018-04-29 13:50:08  

ستانسيامىزدىڭ حابارى: 4-ايدىڭ 28-كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەتتىڭ كەڭەيتىلگەن ءماجىلىسىن اشىپ، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ ماجىلىسىندە، ورتالىق كوميتەت ساياسي بيۋروسىنىڭ 5-رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن جانە جۇڭگولىق ساياحاتشىلاردىڭ چاۋشياندا اۋىر قاتىناس شىرعالاڭىنا ۇشىراعاندىعى جونىندە جاساعان ماڭىزدى نۇسقاۋىنىڭ رۋحىن جەتكىزىپ ۇيرەنىپ،رايونىمىزدىڭ دايەكتىلەندىرۋ، تياناقتاندىرۋ پىكىرىن تالقىلادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ماجىلىستە بىلاي دەپ اتاپ كورسەتىلدى: باس شۋجي شي جينپيڭنىڭ ورتالىق كوميتەت ساياسي بيۋروسىنىڭ ماجىلىسىندە قازىرگى ەكونوميكالىق جاعداي مەن ەكونوميكا قىزمەتىنە تالداۋ جاساپ زەرتتەگەن كەزدەگى ماڭىزدى سوزدەرى، قازىرگى جانە الداعى ءبىر مەزگىلدەگى ەكونوميكا قىزمەتىن جاقسى ىستەپ، جوعارى ساپالى دامۋدى جەبەۋدە العا ىلگەرلەۋ باعىتىن سىلتەپ، ءتۇبىرلى نەگىز قالادى. رايونىمىزداعى ءار دارەجەلى، ءار قايسى تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحى بويىنشا شىن مانىندە بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ، ورتالىقتىڭ ەكونوميكا قىزمەتى ءماجىلىسىنىڭ ورنالاستىرۋلارىن مۇقيات تياناقتاندىرىپ، ەكونوميكانىڭ جوعارى ساپالى دامۋىن جەبەۋ قاجەت. ورنىقتىلىق بارىسىندا ىلگەرلەۋ قىزمەت نەگىزگى اۋەنىنەن جازباي، جاڭا دامۋ تانىمىن دايەكتىلەندىرۋ، ىشكى ءوندىرىستىڭ جالپى ءونىم قۇنىن بىردەن-ءبىر ولشەم ەتۋ دەگەن نازاريانى جويۋعا تاباندى بولىپ، دامۋدى حالىق تۇرمىسىن جاقسارتۋ، جەرگىلىكتى ورىنعا تيىمدىلىك جاساۋ، بەرەكە-بىرلىكتى ىلگەرلەتۋ جاعىندا شىن مانىندە تياناقتاندىرۋ ءتيىس. 3 ءىرى قامال الۋ شايقاسىن ويداعىداي جۇرگىزىپ، ۇكىمەتتىڭ قارىزىن باسقارۋدى قاتاڭداتىپ، كومەسكى سيپاتتى قارىز ماسەلەسىن بەلسەنە ءارى لايىقتى شەشىپ، جۇيە سيپاتتى حاۋىپ-قاتەر تۋدىرماۋدىڭ تومەنگى شەگىنەن جازباۋ كەرەك؛ نەگىزى، جولى، جاۋاپكەرلىگى، قارجىسى ايقىن بولۋعا تاباندى بولىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە ۋاعىندا جەتۋگە كەپىلدىك ەتۋ؛ قىزىل سىزىق تومەنگى شەگىنە قاتاڭ بويسىنىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋ قاجەت. 3 ءتۇيىندى كورنەكتىلەندىرىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن، اۋىل-قىستاقتاردى كوركەيتۋ ستراتەگياسىن، ساياحات كاسىبىن دامىتۋدى كۇش سالا مىقتى يگەرىپ، جوعارى ساپالى دامۋعا ماڭىزدى قولداۋ كورسەتۋ ءتيىس. رەفورما جاساپ ەسىك اشۋ كولەمىن كەڭەيتىپ، قامداۋ جاعىنداعى قۇرىلىمدىق رەفورمانى تەرەڭدەتۋ، رەفورمانى جاپپاي تەرەڭدەتۋدەن جازباي، اناعۇرلىم جوعارى ساتىلى رەفورما جاساپ، ەسىك اشۋدىڭ جاڭا جاعدايىن كۇش سالا قالىپتاستىرۋ، ءتۇزىلىس مەحانيزمىندە جاڭالىق اشىپ، جاڭالىق اشۋ، يگىلىك جاراتۋ ورتاسىن قالىپتاستىرىپ، ەسىك اشۋ دەڭگەيىن جاپپاي جوعارىلاتۋ قاجەت. نازاردى باس نىساناعا شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇدايىلانۋىن، ۇزاق ۋاقىقت ءونىم بەرۋىن جەبەپ، قوعامدىق جالپى جاعدايدىڭ باياندى جاراسىمدىلىعى مەن ورنىقتىلىعىنا كەپىلدىك ەتىپ، ەكونوميكانى دامىتۋعا تاماشا قوعامدىق ورتا ازىرلەۋ كەرەك. ءتۇزىلىس مەحانيزمىن جاقسارتىپ، جوعارى ساپالى دامۋدىڭ كورسەتكىش جۇيەسىن، ساياسات جۇيەسىن، ولشەم جۇيەسىن، ساناق جۇيەسىن، ناتيجەنى باعالاۋ، ساياسي ناتيجەنى باعالاۋ ءادىسىن بەلگىلەپ جانە وعان سايكەسىپ، جوعارى ساپالى دامۋدى جەبەيتىن تاماشا بەتالىس قالىپتاستىرۋ ءتيىس. قىزمەت ستيلىنە بۇرىلىس جاساپ، ماسەلە بەتالىسىنا تاباندى بولىپ، جوعارى ساپالى دامۋعا ىقپال جاسايتىن، تەجەيتىن قيىن ماسەلەلەردى كوزدەپ، مۇقيات زەرتتەپ، جەدەل شەشىپ، پارتيا ورتالىق كوميتەتىنىڭ ورنالاستىرۋلارى مەن تالاپتارىن بۇلجىتپاي اتقارۋعا، تامىر تارتىپ وركەن جايۋىنا كەپىلدىك ەتۋ كەرەك.
ماجىلسىتە بىلاي دەپ باسا دارىپتەلدى: باس شۋجي شي جينپيڭنىڭ جاڭا داۋىردە پارتيا، ۇكىمەت، ارميا، ساقشى، حالىقتىڭ كۇشىن بىرىكتىرە وتىرىپ شەكارانى بەكەمدەپ، قورعانىستى نىعايتۋ جونىندەگى ماڭىزدى ءسوزىنىڭ رۋحىن مۇقيات ۇيرەنىپ دايەكتىلەندىرىپ، جالپى تۇلعالىق مەملەكەت حاۋىپسىزدىگى كوزقاراسىن باتىل دايەكتىلەندىرۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شوعىرلى ءبىر تۇتاس باسشىلىعىندا، تۇلعالىق جاۋاپكەرلىكتى تياناقتاندىرىپ، ارميا مەن حالىقتى توعىستىرۋعا تاباندى بولىپ، ءبىر تۇتاس جوسپارلاپ، سايكەستىرۋدى كۇشەيتىپ، ارميا مەن حالىق، ساقشى مەن حالىق، شەكارا حالقى بىرلەسىپ قورعانۋ، ادامدىق قورعانۋ، زاتتىق قورعانۋ، تەحنيكالىق قورعانۋدى ءوزارا ۇشتاستىرىپ، بەرىك شەكارا قورعانىس لەنياسىن قۇرۋ، شەكارا رايوننىڭ دامۋىن ىلگەرلەتىپ، قۇدىرەتتى دە بەرىك وسىزاماندانعان شەكارا، تەڭىز قورعانىسىن قۇرۋ جولىندا بەلسەنە ۇلەس قوسۋ كەرەك.
ماجىلىستە بىلاي دەپ اتاپ كورسەتىلدى: ماركستىڭ دۇنيەگە كەلگەندىگىنىڭ 200 جىلدىعى، «كوممۋنيستىك پارتيا جارناماسى» جاريالانعاندىعىنىڭ 170 جىلدىعى قارساڭىندا، باس شۋجي شي جينپيڭ پارتيا ورتالىق كوميتەتى ساياسي بيۋروسىنداعى جولداستاردى باستاپ «كوممۋنيستىك پارتيا جارناماسى» جانە ونىڭ داۋىرلىك ءمانى جونىندە 5-رەتكى توپتىق ۇيرەنۋىن وتكىزدى، بۇل كەلەلى ناقتىلى مانگە، ۇزاق بولاشاقتىق تاريحي مانگە يە. باس شۋجيدىڭ ماڭىزدى ءسوزى، «كوممۋنيستىك پارتيا جارناماسىنىڭ» ماركسيزمدەگى ماڭىزدى ورنىن، دۇنيە ءجۇزى سوتسياليزمىنە جاساعان تەرەڭ ىقپالىن جانە جۇڭگو كوممۋنيستىك پارتياسىنىڭ ماركسيزمنىڭ نەگىزگى پرەنسيبىن جۇڭگونىڭ ناقتىلى امالياتىمەن ۇشتاستىرۋ ۇلى تابىسىن ىشكەرىلەي باياندادى، ول ماركسيزم اقيقاتىنىڭ نۇر شۇعىلاسىنا بولەنگەن پروگراممالىق قۇجات، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداسى بولەگى. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ماركسيزم اقيقاتىنىڭ كۇش-قۋاتىن جەتە ءتۇسىنىپ جانە ونى يگەرىپ، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ تىڭ داستانىن ۇزبەي جازۋىمىز كەرەك. يدەيالىق ۇستانىمعا، ماركسيزم سەنىمىنە تاباندى بولىپ، «ءتورت سەنىمدى» كۇشەيتىپ، كوممۋنيزمنىڭ ۇلى مۇراتى مەن جۇڭگوشا سوتسياليزمنىڭ ورتاق مۇراتىنا سانالىلىقپەن سەنۋشىلەردەن جانە ونى ادالدىلىقپەن امالياتتا ايگىلەۋشىلەردەن بولۋ ءتيىس. نازاريامەن قارۋلاندىرۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى سىندى ماركسيزمنىڭ جۇڭگوشالانۋىنىڭ تىڭ تابىسىن، 21-عاسىرداعى ماركسيزمدى، قازىرگى داۋىردەگى جۇڭگو ماركسيزمىن ىشكەرىلەي ۇيرەنىپ، اۋەلگى نۇسقانى وقۋ، ۇيرەنۋ، قاعيداسىنءتۇسىنۋ، شىنايى ۇيرەنىپ شىنايى يگەرۋ، شىنايى سەنىپ شىنايى پايدالانۋ،وي-سانانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن قارۋلاندىرىپ، ونى امالياتتا ايگىلەۋگە جەتەكشىلىك ەتۋ جانە قىزمەتتى ىلگەرىلەتۋ كەرەك. ۇيتقىنى باتىل قورعاپ، «ءتورت تانىمدى» شىن مانىندە كۇشەيتىپ، قاشاندا شي جينپيڭنىڭ پارتيا ورتالىق كوميتەتىندەگى، پارتيامىزداعى ۇيتقىلىق ورنىن قورعاۋدى ەڭ ماڭىزدى ساياسي، ەڭ ماڭىزدى ساياسي ءتارتىپ جانە ساياسي قاعيدا ەتىپ، ساياسي تۇرعى، ساياسي بەتالىس، ساياسي پرينسيپ، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز ءتيىس. حالىققا باقىت جاراتىپ، قاشاندا حالىقتى كوكەيدەگى ەڭ جوعارى ورىنعا قويىپ، حالىق تۇرمىسىن جاقسارتۋعا بارىنشا كەپىلدىك ەتىپ، بالالار باقشاسى بولۋ، وقيتىن مەكتەپ بولۋ، ەڭبەك تابىسىنا قول جەتكىزۋ، اۋىرسا ەمدەلەتىن بولۋ، قارتايعاندا كۇتىمدەلە الۋ، تۇرار جايى بولۋ، ءال-اۋقاتى ناشار بولسا سۇيەمەلدەۋ جاعىندا ۇزدىكسىز تىڭ ىلگەرلەۋشىلىككە قول جەتكىزۋگە كۇش سالۋ قاجەت. پارتيا قۇرىلىسىن كۇشەيتىپ، پارتيا 19-قۇرىلتايىندا العا قويىلعان جاڭا داۋىردەگى پارتيا قۇرىلىسىنىڭ باس تالابى مەن ماڭىزدى ورنالاستىرۋىن مۇقيات دايەكتىلەندىرىپ، تياناقتاندىرىپ، ساياسي قۇرىلىستى باستى ورىنعا قويىپ، پارتيانىڭ ءتۇرلى قۇرىلىسىن تۇلعالىق ىلگەرىلەتىپ، پارتيانىڭ العا باسارلىعىن، كىرشىكسىزدىگىن ۇزدىكسىز كۇشەيتىپ، پارتيامىزدىڭ ماڭگى قۇدىرەتتەنۋ ومىرشەڭدىك قۋاتى مەن مىعىم جاۋىنگەرلىك قۋاتىنا شىنايى كەپىلدىك ەتۋ كەرەك.
ماجىلىستە بىلاي دەپ اتاپ كورسەتىلدى: باس شۋجي شي جينپيڭنىڭ جۇڭگولىق ساياحاتشىلاردىڭ چاۋشياندا اۋىر قاتىناس شىرعالاڭىنا ۇشىراعاندىعى جونىندە ماڭىزدى نۇسقاۋ بەرىپ، شىرعالاڭنىڭ سوڭعى جۇمىستارىن ءبىر جاقتىلى ەتۋ مەن «1-مامىر» دەمالىسى كەزىندەگى ءوندىرىس حاۋىپسىزدىگى قىزمەتى جونىندە ايقىن تالاپتاردى العا قويۋى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقتىڭ باس اماندىعى مەن مال-مۇلكىنىڭ حاۋىپسىزدىگىنە ەرەكشە كوڭىل بولەتىنىن تولىق ايگىلەدى، باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىم-ورنالاستىرۋى بويىنشا شىن مانىندە بىرلىككە كەلتىرۋ قاجەت. تانىمدى جوعارلاتىپ، حالىقتى نەگىز ەتۋدەي دامۋ يدەياسىن بەرىك ورناتىپ، ءوندىرىس حاۋىپسىزدىگى قىزمەتىنىڭ ەرەكشە ماڭىزىن جەتە تانىپ، ءوندىرىس حاۋىپسىزدىگى قىزمەتىن بار كۇشپەن ويداعىداي ىستەپ، حالىقتىڭ باس اماندىعى مەن مال-مۇلكىنىڭ حاۋىپسىزدىگىنە شىنايى كەپىلدىك ەتۋ ءتيىس. شارانى تياناقتاندىرىپ، ۇستىنەن وڭاۋ مەن تۇبىرىنەن وڭاۋعا، جان-جاقتىلى وڭاۋعا، جۇيە قۇرىلىسىنا تاباندى بولىپ، ءوندىرىس حاۋىپسىزدىگى زاڭ-ەرەجەسىن كەمەلدەندىرىپ جانە ولشەمىن ارناعا تۇسىرىپ، ءتۇرلى ءتۇزىمدى، تەحنيكانى جانە باسقارۋ شاراسىن قاز-قالپىندا تياناقتاندىرۋ ءتيىس. كومەسكى كىناراتتاردى تەكسەرىپ انىقتاپ، ءتۇيىندى رايون، ءتۇيىندى سالا، ءتۇيىندى كاسىپ، ءتۇيىندى كاسىپورىن جانە ءتۇيىندى ورىندا كومەسكى كىناراتتادى تەكسەرىپ انىقتاپ، ءتۇرلى قاتەرلى، ورنىقسىز فاكتورلاردى تۋ باستان جويىپ، «1-مامىر» دەمالىسى كەزىندە كەزەكشىلىك ىستەۋ مەن شۇعىل جاعدايعا توتەپ بەرۋ قىزمەتىن قۇلشىنا ويداعىداي ىستەپ، تۋ باستان ساقتانۋ قاجەت. جاۋاپكەرلىكتى كۇشەيتىپ، ءوندىرىس حاۋىپسىزدىگى جاۋاپكەرلىك ءتۇزىمىن جانە جاۋاپكەرلىگىن قۋزاستىرۋ ءتۇزىمىن قاتاڭ تياناقتاندىرىپ، پارتيا-ۇكىمەت ورىندارى تەڭ جاۋاپتى بولۋعا، ءبىر قىزمەت ورنىندا قوس جاۋاپكەرلىك بولۋعا، تىزە قوسا وتىرىپ ورتاق باسقارۋعا، قىزمەتتە جاۋاپكەرسىزدىك ىستەگەندەردىڭ جاۋاپكەرلىگىن قۋزاستىرۋعا تاباندى بولىپ، ءار دارەجەلى باسشى كادرلاردىڭ باسشىلىق جاۋاپكەرلىگىن، نەگىزگى باسقارۋ تاراۋىنىڭ باقىلاپ-باسقارۋ جاۋاپكەرلىگىن، كاسىپورىنداردىڭ تۇتاس تۇلعالىق جاۋاپكەرلىگىن كۇشەيتىپ، ءوندىرىس حاۋىپسىزدىگى قىزمەتىن ويداعىداي مىقتى يگەرۋدىڭ مىعىم بىرىككەن كۇشىن قالىپتاستىرۋ كەرەك.
ماجىلىستە اۆتونوميالى رايوننىڭ وزەن-كول باستىعى ءتۇزىمىن جاپپاي ىلگەرىلەتۋىنە قاتىستى قۇجات قاراپ ماقۇلداندى.
شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي ۋي، شۇي حايرۇڭ، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، پىڭ جيارۇيلەر ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە