جاڭا حابارلار

جوعارى دارەجەلى تاس جولداعى جەڭىل اۆتوموبيلدەر مەن ءىرى اۆتوموبيلدەردىڭ ءجۇرۋ جىلدامدىعىن رەتتەيتىن بولدى

    كەلۋ قاينارى: شينجياڭ حالىق راديو ىستانسياسى    2018-04-30 09:19:06  

ستانسيامىزدىڭ ءتىلشىسى لان تيان مەن پراكتيكانىت ءتىلشى ۋاڭ لانشىننىڭ حابارىن تىڭداڭىزدار: جول قاتىناس حاۋىپسىزدىگىنە كەپىلدىك ەتۋ ءۇشىن، بيىلعى «1-مامىر مەرەكەسىنىڭ» دەمالىسىندا، اۆتونوميالى رايوندىق قوعام حاۋىپسىزدىگى مەڭگەرمەسىنىڭ قاتىناس ساقشى باس اتىرەتىنە قاراستى جوعارى دارەجەلى تاس جول تارماق اتىرەتى قاراستىلىعىنداعى جول بولەكتەرىندە جەڭىل اۆتوموبيلدەردىڭ ءجۇرۋ جىلدامدىعىن ساعاتىنا100 كيلومەترگە، ءىرى اۆتوموبيلدەردىڭ ساعاتتىق جىلدامدىعىن 80 كيلومەترگە رەتتەيتىن بولدى.
قاتىناس ساقشى تاراۋىنىڭ مەجەلەۋىنشە، وسى جولعى «-1مامىر مەرەكەسىنىڭ» دەمالىسىندا ءۇرىمجى مەن ماڭىنداعى جوعارى قارقىندى تاس جولدا جۇرەتىن اۆتوكولىكتەر قىسقا ارالىققا قاتىنايتىن جەكە اۆتوكولىكتى نەگىز ەتەدى ەكەن. مەجەگە قاراعاندا، مەرەكەنىڭ ءار كۇنى ساعات 10 نان 12 گە دەيىنگى ارالىق اۆتوكولىك كوپ بولاتىن مەزگىل، ال تۇستەن كەيىن ساعات 18 دەن 20 عا دەيىنگى ارالىق قايتاتىن جولدا اۆتوكولىك كوپ بولاتىن مەزگىل ەسەپتەلەدى ەكەن. وسى مەزگىلدە، اۆتونوميالى رايوندىق قوعام حاۋىپسىزدىگى مەڭگەرمەسىنىڭ قاتىناس ساقشى باس اتىرەتىنە قاراستى جوعارى دارەجەلى تاس جول تارماق اتىرەتىنىڭ باسقارۋ كولەمىندەگى جولدىڭ كوپ جەرىندە قۇرىلىس جۇمىسى ىستەلىپ جاتقاندىقتان، ونىڭ قاتىناسقا ىقپالى زور بولعالى وتىر. اۆتونوميالى رايوندىق قوعام حاۋىپسىزدىگى مەڭگەرمەسىنىڭ قاتىناس ساقشى باس اتىرەتىنە قاراستى جوعارى دارەجەلى تاس جول تارماق اتىرەتى ۇگىت ءبولىمىنىڭ حالىق ساقشىسى جاڭ شاۋبو بىلاي دەدى: بيىلعى «-1مامىر مەرەكەسىنىڭ» دەمالىسىندا، مەملەكەت تاس جولىنىڭ 30-لەنياسىنداعى شين-ي جولىنداعى ايقاسپالى كوپىردەن شيشان جولى ايقاسپالى كوپىرىنىڭ ۇرىمجىدەن كۇيتۇنگە باراتىن باعىتىندا، الدىنداعى اۆتوموبيلدەن جاناسالاپ ءوتۋ جولى بەكىتىلەدى ؛ باتىس پويەز ۆوگزالى ايقاسپالى كوپىرىنىڭ سانجىدان ميچۋانعا جانە اۋەجايعا باراتىن باعىتىنداعى جاناما جول توسىلىپ قۇرىلىس جۇمىسى ىستەلەدى، بۇل كەزدە جاناما جولدا اۆتوموبيل جۇرمەيدى. مەملەكەت تاس جولىنىڭ 30-لەنياسىنداعى ليانيۇنگاڭ-قورعاس جوعارى قارقىندى تاسجولى، 30 شاقىرىمدىق جەلدى ءوڭىر جول بولەكتەرىندەگى ۇرىمجىگە كىرىپ-شىعاتىن باعىتتاعى اۆتوموبيلدەر تۇگەل ءبىر جولدا عانا قاتىنايدى، وسى جول بولەگىنىڭ ساعاتتىق جىلدامدىعى 60 كيلومەتر. قۇرىلىس جۇمىسى ىستەلىپ جاتقان جول بولەكتەرىندە الدىنداعى اۆتوموبيلدەن جانامالاپ وتە شىعۋعا تيىم سالىنادى، شوفەر جولداستارعا بەلگىلەنگەن قارقىن ولشەمى بويىنشا بەلگىگە قاراپ ءجۇرۋىن ەسكەرتەمىز. جاڭ شاۋبو تانىستىرىپ بىلاي دەدى: «اۆتونوميالى رايوندىق قوعام حاۋىپسىزدىگى مەڭگەرمەسىنىڭ قاتىناس ساقشى باس اتىرەتىنە قاراستى جوعارى دارەجەلى تاس جول تارماق اتىرەتى قۇرىلىس جۇمىسى ىستەلىپ جاتقان جول بولەگى مەن جۇرەتىن اۆتوموبيل كوپ بولۋ جاعدايىنا قاراتا ورنالاستىرۋ جاساپ، شوفەرلاردىڭ تارتىپتى، حاۋىپسىز اكوكولىك جۇرگىزۋىنە كەپىلدىق ەتەدى. بيىلعى «-1مامىر مەرەكەسىنىڭ» دەمالىسىندا، جوعارى دارەجەلى تاس جول تارماق اتىرەتىنىڭ باسقارۋ كولەمىندەگى جول بولەگىندە جەڭىل اۆتوموبيلدەردەن ءجۇرۋ جىلدامدىعىن ساعاتىنا 100 كيلومەترگە، ءىرى اۆتوموبيلدەردىڭ ساعاتتىق جىلدامدىعىن 80 كيلومەترگە رەتتەلدى؛ ساعاتتىق جىلدامدىعى وسى ولشەمنەن تومەن بولعان قۇرىلىس جۇمىسى ىستەلىپ جاتقانجول بولەكتەرى مەن -1دارەجەلى تاس جولدار دا بۇرىنعى ولشەم بويىنشا جۇرسە بولادى. بۇل ارادا ءبىز شوفەر جولداستارعا بەلگىلەنگەن قارقىن ولشەمىن قاتاڭ اتقارۋدى قاداعالاي ەسكەرتەمىز».


بەرىپ كەت ورامالىڭدى

دوستار

الىستاعى اق ەركە