جاڭا حابارلار

اۆتوموبيلدىڭ ءراسمياتتارى ۇيگە پوچتا ارقىلى جەتكىزىلەتىن بولدى

    كەلۋ قاينارى: شينجياڭ حالىق راديو ىستانسياسى    2018-04-29 10:55:37  

ستانسيامىزدىڭ ءتىلشىسى لان تيان مەن پراكتيكانت ءتىلشى ۋاڭ لانجيننىڭ حابارى: اۆتوموبيلگە ءنومىر العاندا، اۆتوموبيل باسقارۋ ورىنىنا بارۋدىڭ قاجەتى قالمادى، اۆتوموبيلدىڭ ءراسمياتتارى ۇيگە پوچتا ارقىلى جەتكىزىلەتىن بولدى، تاياۋدا، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوموبيل باسقارۋ ورىنى حالىققا تيىمدىلىك جەتكىزەتىن ارناۋلى قىزمەت وتەۋ كاسىبىن اشتى، جاڭادان اۆتوموبيل ساتىپ العاندار اۆتوموبيل تۇتىنۋشىلارىنا ۋاكىلدىك قىزمەت وتەۋ دۇكەنىنە (ياعني 4S قا) قاتىستى ماتەريالدى دايىنداپ تاپسىرىپ بەرسە بولعانى، ءۇش كۇن ىشىندە جاڭا اۆتوكولىكتىڭ قاتىستى ءراسمياتى پوچتا ارقىلى اۆتوموبيل يەسىنىڭ ۇيىنە جەتكىزىلەدى.
بۇرىن جاڭا اۆتوكولىك ساتىپ العان ادام اۆتوكولىگىنە ءنومىر الاردا ءبىر-ەكى كۇن ۋاقىتىن ءبولىپ، اۆتوموبيل باسقارۋ ورىنىنا بارىپ تىزىمگە الدىراتىن، ونان سوڭ تاعى 3 تە 5 كۇن كۇتكەننەن كەيىن، اۆتوموبيلدىڭ ءنومىرى قولىنا تيەتىن. جاڭا اۆتوكولىكتىڭ يەسىنىڭ جاڭا اۆتوكولىكتى تىزىمگە الدىرۋ ءراسمياتىن بىتىرۋىنە قولايلىلىق جاساۋ ءۇشىن، 4-ايدىڭ 18-كۇنىنەن باستاپ، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوموبيل باسقارۋ ورىنى جۇڭگو پوچتاسىمەن بىرلەسىپ، « جاڭا اۆتوكولىككە ءنومىر العاندا،اۆتوموبيل باسقارۋ ورنىنا كەلىپ اۋىرەلەنبەي، اۆتوموبيلدىڭ ءراسمياتتارىن ۇيىنە پوچتا ارقىلى جەتكىزۋ» سىندى حالىققا تيىمدىلىك جاسايتىن ارناۋلى قىزمەت وتەۋ كاسىبىن سىناق رەتىندە اشتى. ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوموبيل باسقارۋ ورنى اۆتوموبيل باسقارۋ ءبولىمىنىڭ حالىق ساقشىسى جاڭ دان بىلاي دەدى: جاڭا اۆتوموبيلدىڭ يەسى اۆتوموبيل تۇتىنۋشىلارىنا ۋاكىلدىك قىزمەت وتەۋ (ياعني 4Sدا) دۇكەنىنەن اۆتوموبيل العاندا، سول اراداعى قىزمەتكەرلەردىڭ كومەگىندە ءبىزدىڭ 12123 ءنومىرلى APP قولدانىلمالى باعدارلامامىز ارقىلى اۆتوموبيلىنە ءنومىر تاڭداۋىنا بولادى، ءنومىر تاڭداعاننان كەيىن، تەكسەرۋشى قىزمەتكەر اۆتوموبيلدى تەكسەرىپ ساراپتاعاننان كەيىن، اۆتوموبيل يەسىنىڭ جاڭادان ساتىپ العان اۆتوموبيلىنىڭ بارلىق ءراسمياتىن قوراپتاپ اۆتوموبيل باسقارۋ ورنىنا جىبەرىپ تىزىمگە الدىرادى. اۆتوموبيلدىڭ يەسى اۆتوموبيل تۇتىنۋشىلارىنا ۋاكىلدىك قىزمەت وتەۋ (ياعني4S) دۇكەنىنەن اۆوموبيلىنە ۋاقىتتىق ءنومىر العاننان سوڭ، اۆتوموبيلىن ۇيىنە الىپ قايتۋىنا بولادى. اۆتوموبيلدىڭ يەسى 3 كۇن ىشىندە ءبىز جىبەرگەن جاڭا اۆتوموبيلدى تىزىمگە الدىرۋ ءراسمياتىن تاپسىرىپ الادى، ونىڭ ىشىندە اۆتوموبيلدىڭ ءنومىرى، اۆتوموبيل جۇرگىزۋ كۋالىگى، دارەجە كۋالىگى جانە تولىمدىلىق بەلگىسى سياقتىلار بار.
10 كۇن سىناق رەتىندە اينالىمعا تۇسكەننەن كەيىن، قازىر، بۇل كاسىپ تيانحىڭجي اۆتوموبيل مادەنيەت بازارى، شينجياڭ تيانحۇي اۆتوموبيل قىزمەتىن وتەۋ شەكتى سەرىكتەستىگى سياقتى اۆتوموبيل تۇتىنۋشىلارىنا ۋاكىلدىك قىزمەت وتەيتىن (ياعني 4S دا) دۇكەن مەن اۆتوموبيل بازارىنىڭ قىزمەت وتەۋ ورىنىندا اتقارىلدى. ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوموبيل باسقارۋ ورىنىنىڭ ۋاقىتتىق باستىعى سۇن شيڭجۇن بىلاي دەدى: ءبىز ەكى اي ۋاقىت جۇمساپ، بۇل كاسىپتى ءۇرىمجى قالاسىنداعى اۆتوموبيل تۇتىنۋشىلارىنا ۋاكىلدىك قىزمەت وتەۋ (ياعني 4Sدا) دۇكەنى مەن وسى كاسىپتى اتقارتىن تۇيىندەردىڭ %80 نە جالپىلاستىرۋدى جوسپارلاپ وتىرمىز، الدا اۆتوموبيل باسقارۋ ورنىنىڭ ءتۇرلى كاسىپتەرىندە ۇكىمەت قۇرىلىمىن ىقشامداپ، ۇقىقتى تومەنگە بەرۋ، باسقارۋ، قىزمەت وتەۋدى اتقارۋ جاعىندا ۇزدىكسىز قۇلشىنامىز، مۇنداعى ماقساتىمىز بۇقارانى ءراسمياتتارىن ءبىر جەردە ءبىتىرىپ، ارتىق اۋرە-سارساڭعا سالماۋ بولىپ تابىلادى.


بەرىپ كەت ورامالىڭدى

دوستار

الىستاعى اق ەركە