جاڭا حابارلار

رايونىمىز «1- مامىر» حالىقارالىق ەڭبەكشىلەر مەرەكەسىن قۇتتىقتاۋ جانە ماداقتاۋ-سيلاۋ جينالىسىن اشتى

    كەلۋ قاينارى: شينجياڭ حالىق راديو ىستانسياسى    2018-04-29 11:50:34  

ستانسيامىزدىڭ ءتىلشىسى ديڭ شياۋدان حابارلايدى: اۆتونوميالى رايون 4-ايدىڭ 27-كۇنى تۇستەن بۇرىن «1-مامىر» حالىقارالىق ەڭبەكشىلەر مەرەكەسىن قۇتتىقتاۋ جانە ماداقتاۋ-سيلاۋ جينالىسىن اشتى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق باس جۇمىسشى ۇيىمىنىڭ ءتوراعاسى سارقىت اقان ۇلى ماجىلىسكە قاتىناستى، ءارى ءسوز سويلەدى، اۆتونوميالى رايوننىڭ ورىنباسار ءتوراعاسى جاۋ چيڭ ءماجىلىستى باسقاردى.
ماجىلىستە، رايونىمىزدان مەملەكەتتىك 1-مامىر ەڭبەك سيلىعىن العان 3 ورىن، مەملەكەتتىك 1-مامىر ەڭبەك ەرى وردەنىن العان 16 جەكە، مەملەكەتتىك جۇمىسشىلار اتويشىسى داڭىقتى اتاعىن العان 22 كوللەكتيۆ ماداقتالىپ سيلاندى. شينجياڭدى اشۋ، كوركەيتۋ سيلىعىن العان 52 ورىن، شينجياڭدى اشۋ، كوركەيتۋ وردەنىن العان 143 ادام، اۆتونوميالى رايوندىق جۇمىسشىلار اتويشىسى داڭقتى اتاعىن العان 136 كوللەكتيۆ ماداقتالىپ سيلاندى.
ماجىلىستە بىلاي دەپ اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مىزعىماس باسشىلىعىندا، اۆتونوميالى رايوندىق پارتكوم نازاردى باس نىساناعا شوعىرلاندىرىپ، «كەشەندى شارالاردى» ويداعىداي قولدانىپ، رايونىمىزداعى ءار ۇلت كادرلارى مەن بۇقاراسىن بەرەكەگە شاقىرىپ، باستاماشى بولىپ، قىرۋار تىندىرىمدى قىزمەت ىستەدى. ماداقتاپ سيلانعان وزات كوللەكتيۆتەر مەن وزاتتار ءىس جۇزىندىك ارەكەتتەرى ارقىلى جاڭا داۋىردەگى ۇلى ەڭبەك ۇلگىلەرىنىڭ قالتقىسىز رۋحىن ايگىلەپ، رايونىمىزداعى كادرلار مەن جۇمىسشى-قىزمەتكەرلەرىنە ۇلگى بولدى.
ءماجىلىس مىناعان ۇندەدى: رايونىمىزداعى ءار ۇلت جۇمىسشى-قىزمەتكەرلەرى وزات كوللەكتيۆتەر مەن وزاتتاردى ۇلگى ەتىپ، قىزمەتتى بەرىلە ىستەپ، ىسكە تاسقىنداعان رۋحپەن كىرىسىپ، ناتيجە جاراتىپ، بەرەكەلى دە جاراسىمدى، كوركەيىپ-گۇلدەنگەن باي، وركەنيەتتى العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇرۋ جولىندا ۇلەس قوسۋ كەرەك.


بەرىپ كەت ورامالىڭدى

دوستار

الىستاعى اق ەركە