جاڭا حابارلار

رايونمىزدىڭ جاسىل اۋىل شارۋاشىلىق قوسىمشا ونىمدەرى عالامتوردا

    كەلۋ قاينارى: شينجياڭ حالىق راديو ىستانسياسى    2018-04-28 11:39:11  

ستانسيامىزدىڭ جيناق حابارى: پارتيا 19 - قۇرىلتايىنىڭ بايانداماسىندا، جاڭا دامۋ تانىمىن دايەكتىلەندىرىپ، وسىزاماندانعان ەكونوميكا جۇيەسىن قۇرىپ، عالامتوردىڭ، ءىرى ساندى مالىمەتتىڭ، جاساندى زەردەنىڭ جانە ناقتى تۇلعالى ەكونوميكانىڭ ىشكەرىلەي توعىسۋىن ىلگەرىلەتۋ كەرەك،- دەپ اتاپ كورسەتىلدى. قازىر، رايونىمىزدىڭ جەر- جەرى جاڭا دامۋ تانىمىن ىشكەرىلەي دايەكتىلەندىرىپ، عالامتوردىڭ ەلەكتروندى ساۋدا تاسىلىنەن پايدالانىپ، جاسىل اۋىل شارۋاشىلىق قوسىمشا ونىمدەرىنىڭ بۇقارانىڭ داستارقانىنا توتە شىعارىلاتىن سارا جولىن ۇزدىكسىز اشىپ، كەدەي رايونداردىڭ كەدەيلىكتەن قۇتىلدىرۋدان قامال الۋىنا اناعۇرلىم كۇش قوستى.
 بىرنەشە كۇننىڭ الدىندا، ۇشتۇرپان اۋدانى ۇشتۇرپان قالاشىعى كوڭچى قىستاعىنىڭ تۇرعىنى احىمەت ابىلا قىستاقتىڭ ەلەكتروندى ساۋدا جاعىندا قىزمەت وتەۋ ءتۇيىنى ارقىلى ۇيىندە تۇرعان 500 كيلوگرام نوقاتىن ساتتى. ول بىلاي دەدى: «ەلەكتروندى ساۋدا جاعىندا قىزمەت وتەۋ پونكيتى بىزگە كوپ قولايلىلىق اكەلدى، ساتىلىم باعاسى بازارداعىدان 40 تا 50 فىن جوعارى بولدى، بيىل بۇرىنعى جىلدارداعىدان ەكى، ءۇش مىڭ يۋان ارتىق كىرىس كىرگىزدىم، ناعىز تيىمدىلىككە يە بولدىق».
 كوڭچى قىستاعىنىڭ ەلەكتروندى ساۋدا جاعىندا قىزمەت وتەۋ پونكيتى وتكەن جىلدىڭ اياعىندا قۇرىلعاننان بەرى، قىستاق تۇرعىندارى ۇنەمى جاڭعاق، نوقات سياقتى اۋىل شارۋاشىلىق قوسىمشا ونىمدەرىن اكەلىپ ساتاتىن بولدى. سونىمەن بىرگە، قىستاق تۇرعىندارى دا توراپتان ەلىمىزدىڭ جەر- جەرىنىڭ ءتۇرى مول كۇندەلىكتى تۇتىنۋ بۇيىمدارىن ساتىپ الدى. ءسويتىپ، قىزمەت وتەۋ ءتۇيىنىنىڭ ساۋداسى دا  بىرتىندەپ جاندانا ءتۇستى. مەملەكەت بويىنشا ەلەكتروندى ساۋدانى اۋىل - قىستاقتارعا جەتكىزۋدەگى ۇلگى ءتۇيىن بولعان اقسۋ ايماعىندا بۇگىنگى كۇنى توراپ دۇكەندەرىنىڭ سانى 500 دەن اسىپ، اۋىل شارۋاشىلىق ونىمدەرىنىڭ ساتىلىم سوماسى 189 ميلليون يۋانعا جەتتى. بيىل، اقسۋ ايماعى تاعى عالامتوردىڭ وبتيكالىق سىمىن ەنگىزۋ اقىسىن %80 تومەندەتۋ، كەڭ بەلدەۋلى ينتەرنەتتى جالعاۋ اقىسىن %40 تومەندەتۋ سياقتى 10 ءتيىمدى ساياساتتى شىعارۋ ارقىلى ەلەكتروندى ساۋدا كاسىبىنىڭ دامۋىن اناعۇرلىم جەبەدى. اقسۋ ايماقتىق ساۋدا مەكەمەسىنىڭ باستىعى مۋ يۇيبەي بىلاي دەدى: «پارتيا 19 - قۇرىلتايى بايانداماسىندا، عالامتوردى، ءىرى ساندى مالىمەتتى، جاساندى زەردەنى جانە ناقتى تۇلعالى ەكونوميكانىڭ ىشكەرىلەي توعىسۋىن ىلگەرىلەتۋ كەرەك،- دەپ اتاپ كورسەتىلدى. اقسۋ ايماعى ءماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، اقسۋ ايماعىنىڭ اۋىل - قىستاقتارىنىڭ ەلەكتروندى ساۋداسىنىڭ دامۋىن ىلگەرىلەتتى. بىزدە ەلەكتروندى ساۋدامەن شۇعىلداناتىندار 530 مىڭ ادامنان اسىپ، وتكەن جىلدىڭ وسى مەزگىلىندەگىدەن %33 ارتتى؛ ايماعىمىزداعى ەلەكتروندى ساۋدا ورنى 4 مىڭىڭ 563 تەن اسىپ، وتكەن جىلدىڭ وسى مەزگىلىندەگىدەن %6.1 ارتتى، توراپتا زات ساتىپ الۋ، تۇتىنۋ سوماسى تاريحتاعى ەڭ جوعارى كورسەتكىشكە جەتىپ، 2 ميلليارد 600 ميلليون يۋاننان استى». 
باس شۋجي شي جينپيڭ، ينفورماتسيالاندىرىپ دامۋدى جەدەلدەتىپ، جاڭاشا ونەركاسىپتەندىرىپ، قالا- قالاشىقتاندىرىپ، اۋىل شارۋاشىلىعىن وسىزامانداندىرىپ دامۋدى جاپپاي جەبەۋ كەرەك،- دەپ باسا دارىپتەدى. تاياۋدا، باركول اۋدانى داحى قالاشىعى باتىس جيۋحۋ قىستاعىندا، باركول ساحارا كوكونىس كوپەراتيۆىنىڭ كوكونىس مانەرلەۋ زاۆودىنداعى قىزمەتكەرلەر جاڭادان وندىرىلگەن تۇزدالعان كوكونىستى قوراپتاپ اۋزىن بەكىتىپ، حىنان، شاڭحاي سياقتى جەرلەردەگى حاريدارلارعا جىبەرۋمەن قاربالاس بولدى. كوپەراتيۆتىڭ جاۋاپتىسى نيۋ جيانلياڭ بىلاي دەدى: «قازىر ەڭ كوپ بولعاندا كۇنىنە 40  تاپسىرىس الامىز، 40 تاپسىرىستان مولشەرمەن 3 مىڭ يۋانداي كىرىس كىرەدى. %90 تەن ارتىق حاريدارىمىز ءونىمىمىزدىڭ دامىنە وتە رازى، سوندىقتان 2018 - جىلى ءبىز تاعى 3 جاڭا ءونىم ءتۇرىن كوبەيتتىك».  جەرگىلىكتى ەرەكشە اۋىل شارۋاشىلىق ونىمدەرىنىڭ «ەلەكتروندى ساۋدا تەز پويەزىمەن» ەلىمىزدىڭ جەر - جەرىنە ساتىلۋىنا مۇمكىندىك جاساۋ ءۇشىن، باركول اۋدانى اۋدان، اۋىل، قىستاق دارەجەلى ەلەكتروندى ساۋدا جاعىندا قىزمەت وتەۋ تەكشەسى جۇيەسىن قۇرىپ، ەلەكتروندى ساۋدا ارقىلى كاسىپ كوزىن اشىپ، كاسىپتەنگەندەردىڭ سانى 400 ادامنان استى، ولار عالامتور ارقىلى بۇكىل ەلىمىزگە جەرگىلىكتى ورىندا ءوندىرىلىپ، مانەرلەنگەن سيىر، قوي ەتى، قىزىل بۇرىش قويمالجىڭى، ەسەك ءسۇتى تالقانى، كارتوپ جىپشەسى سياقتى ەرەكشە اۋىل شارۋاشىلىق قوسىمشا ونىمدەرىن ساتتى. باركول اۋدانىنىڭ حۋاچي ءسۇت كاسىبى شەكتى جاۋاپكەرلىك سەرىكتەستىگى ەلەكتروندى ساۋدا تەكشەسى ارقىلى ەسەك ءسۇتى تالقانىن ساتىپ، 500 ديقان وتباسىنىڭ كىرىسىن ارتتىرۋىنا جەتەكشىلىك ەتتى. سەرىكتەستىكتىڭ جاۋاپتىسى حۋ ۋىنبين بىلاي دەدى: «مۇنىڭ ىشىندە 470 وتباسى كەدەي وتباسى، وسى كەدەي وتباسىلارى ەسەكتەرىن سەرىكتەستىكتىڭ باسقارۋىنا وتكىزدى، ال سەرىكتەستىك ءار جىلى جىل سوڭىندا ولارعا تاعى ءبىر مىڭ 200 يۋاننان سيلىق ۇلەس بەرەدى، بۇل ەگىنشى - مالشىلاردىڭ ەسەك باعۋ بەلسەندىلىگىن بارىنشا جۇمىلدىردى، وسى ارقىلى ەگىنشى - مالشىلاردىڭ كىرىسىن ارتتىرۋعا بولادى».
 باس شۋجي شي جينپيڭ بىلاي دەپ اتاپ كورسەتتى: توراپ جانە ينفورماتسيالاندىرۋ ىستەرىن دامتىۋدا،ءسوز جوق، ادامدى ارقاۋ ەتەتىن دامۋ يدەياسىن دايەكتىلەندىرىپ، حالىقتىڭ باقىتقا كەنەلۋ سەزىمىن كۇشەيتۋدى ينفورماتسيالاندىرىپ دامۋدىڭ شىعار ءتۇيىنى جانە تابان تىرەر تياناعى ەتىپ، حالىق بۇقاراسىن ينفورماتسيالاندىرىپ دامۋدان اناعۇرلىم كوپ تيىمدىلىككە يە ەتىپ، باقىت سەزىمى مەن حاۋىپسىزدىك سەزىمىن سەزىندىرۋ كەرەك. نىلقى اۋدانى قۇجىرتاي اۋىلىنىڭ ەلەكتروندى ساۋدا جاعىندا قىزمەت وتەۋ پونكىتىندە شارباق - شارباق جەرگىلىكتى تاۋىق جۇمىرتقاسى تۇر. قىزمەت وتەۋ پونكيتىنىڭ باستىعى مىڭ دا تانىستىرا كەلىپ، پونكىتتە ايىنا ساتىلاتىن جەرگىلىكتى تاۋىق جۇمىرتقاسىنىڭ 10 مىڭنان اساتىنىن ايتتى، كەدەي وتباسى باتيگۇل شايەم قىزى جۇمىرتقا ساتۋدان جارتى جىلدا كىرىسىن 2 مىڭ يۋاننىڭ ۇستىندە ارتتىردى. ول بىلاي دەدى: «وتكەن جىلى ەلەكتروندى ساۋدا سەرىكتەستىگىنىڭ ادامدارى كەلىپ ءبىزدىڭ ۇيدەن جۇمىرتقا ساتىپ الدى، ايىنا مولشەرمەن 200  يۋانداي كىرىس كىرگىزە الاتىن بولدىم، ولارعا ەرەكشە العىس ايتامىن. مەن بيىل جەرگىلىكتى تاۋىقتى كوبىرەك باعىپ، جەرگىلىكتى تاۋىق جۇمىرتقاسىن كوبىرەك ساتىپ، ايىنا 500 يۋاننىڭ جۇمىرتقاسىن ساتۋعا كۇش سالماقپىن».


بەرىپ كەت ورامالىڭدى

دوستار

الىستاعى اق ەركە