جاڭا حابارلار

شي جينپيڭ چاڭجياڭدا قىزمەت تەكسەردى، كوپشىلىكتى انا وزەننىڭ سۋ ورتاسىن قورعاۋعا شابىتتاندىردى

    كەلۋ قاينارى: جۇڭگو قازاق راديو تورابى    2018-04-27 10:35:43  

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءساۋىردىڭ 25 ـ كۇنى چاڭجياڭدى بويلاپ جالعاستى تەكسەرىپ زەرتتەۋ جۇرگىزدى. ول: چاڭجياڭ شارۋاشىلىق بەلدەۋىن دامىتۋ وتە ماڭىزدى، ءار ءبىر قادامدى نىق باسۋ كەرەك دەگەندى باسا دارىپتەدى ءارى كوپشىلىكتى سۋ ورتاسىن قورعاۋعا شابىتتاندىردى.
ءساۋىردىڭ 25 ـ كۇنى تۇستەن بۇرىن، شي جينپيڭ جيڭجوۋ كەمەجايىنان كەمەگە وتىرىپ، چاڭجياڭدى بويلاي تەكسەرىپ زەرتتەۋ جۇرگىزدى. وزەندە قاتىناپ جاتقان جۇك كەمەلەردى كورگەندە ول قىزمەتكەرلەردەن كەمە جولىنداعى سۋ استى قۇزدارى ارىلتىلعان ـ ارىلتىلماعاندىعىن، كەمەدەگى تۇرمىستىق سۋلاردىڭ قالاي ءبىر جايلى ەتىلەتىندىگىن سۇراپ ۇعىستى. ول تاعى دا كورمە تاقتاعا قاراپ تۇرىپ چاڭجياڭنىڭ نەگىزگى تارماق سۋ جولى ورتاسىن وڭاۋ، جيڭجياڭ ۇلكەن توسپاسىن قورعاۋ قاتارلى جاعدايلاردى ۇعىستى ءارى مەملەكەتتىك دامۋ جانە رەفورما قىزمەت كوميتەتىندەگى، قاتىناس تاسىمال مينيسترلىگىندەگى، سۋ يگىلىك مينيسترلىگىندەگى جانە حۋبي ولكەسىندەگى قاتىستى جاۋاپتى جولداستاردىڭ دوكلاتىن تىڭدادى.
شي جينپيڭ مىنالاردى ناقتاپ ايتتى: ادامزات تابيعاتپەن بىرگە بولۋ، بىرگە جاساۋ جانە ونىمەن ايقاسۋ بارىسىندا بىرتىندەپ العا باسىپ كەلەدى. جاراسىمدىلىق-وتاسىمدىلىق تەڭدىكتىڭ بەينەسى، الايدا، وسى جاراسىمدىلىققا كەلىسۋ ءۇشىن كوپتەگەن كۇرەستەر جاساۋعا تۋرا كەلەدى. ادام سۋدان ايرىلا المايدى، الايدا، سۋ اپاتى ـ ادامزاتتىڭ قاس جاۋى. جۇڭحۋا ۇلتى جاراتىلىستىق اپاتتارمەن ايقاسۋ بارىسىندا وركەندەپ وسكەن اسىل ۇلت. قازىر سۋ اپاتى ءبىز ءدوپ كەلگەن ەڭ اۋىر جاراتىلىستىق اپاتتاردىڭ ءبىرى بولىپ وتىر. قوس ءجۇز جىلدىق نىسانانى ىسكە اسىرۋ كۇرەس نىساناسىن ىسكە اسىرۋ بارىسىندا اپاتتان ساقتانۋ، اپات زيانىن ازايتۋداعى ولقىلىقتار نە بولسا، سوعان باعىتتاي ستراتەگيالىق شارالار الىپ شىعۋ كەرەك.
كوپشىلىكتىڭ دوكلاتىن تىڭداعان سوڭ، شي جينپيڭ مىنالاردى باسا ايتتى: چاڭجياڭ شارۋاشىلىق بەلدەۋى وقشاۋ ينجەنەريا ەمەس، ول 11 ولكەگە سايادى، جالپى جوبالىق يدەيا ورناتۋ، جالپى جۇزدىك سايكەستىرە ارەكەتتەندىرۋ كەرەك. جول ازىقتى جورىققا شىقپاي تۇرىپ دايىنداپ الۋ كەرەك، مۇندا ايتىلىپ وتىرعان ازىق دەگەنىمىز-يدەيالىق ازىقتى كورسەتەدى. وسى رەت قىزمەت تەكسەرۋدەگى ماقسات مىناۋ: يدەيانى اناعۇرلىم بىرلىككە كەلتىرۋمەن بىرلىكتە، تۇرلەرگە ءبولىپ جەتەكشىلىك ەتۋ كەرەك. چاڭجياڭ شارۋاشىلىق بەلدەۋىن دامىتۋ اسا ماڭىزدى ينجەنەريا، كوپشىلىك ورتاق يگەرىپ، ورتاق قورعاۋ، بايلىقتى اياۋسىز اشا بەرمەۋ، ءار ءبىر قادامدى ورنىقتى باسۋ كەرەك. ەڭ اۋەلى، العى شارت رەتىندە اتقارىلاتىن شەكتەۋ بۇيرىعىن ءتۇسىرۋ كەرەك. ويتپەگەندە، بايلىق قاينارىن قاۋىرت اشۋ دەگەنگە بولا، جۇرت جابىلا قاپتاپ، جاپا تارماعاي كەمەجاي سالىپ، شاعىل تاس ءسۇزىپ، زاۆود قۇرىپ، لاس سۋ ءبولىپ شىعاراتىن بولسا، الدىمەن ەكولوگيالىق ورتانى ءبۇلدىرىپ تاستاپ ودان سوڭ قايتا باستان وڭاۋعا كىرىسۋدەي ناشار اينالىم پايدا بولادى. سوندىقتان، ەكولوگيا سىندى وسىناۋ شەكتەلگەن ءوڭىر قۇرۋ كەرەك، ءبىز اتقاراتىن كوركەيتۋ مەن قۇرۋ ءسوزسىز ەكولوگياعا زالالسىز، ۇلاسپالى داميتىن كوركەيتۋ جانە قۇرۋ بولۋعا ءتيىس.
سول كۇنى تۇستەن كەيىن، شي جينپيڭ كەمەگە وتىرىپ شىشوۋ پورتىنا باردى، ودان كەيىن، اۆتوموبيلگە وتىرىپ حۋنانداعى يۇەياڭعا بارىپ، چاڭجياڭ وزەنى جاعاسىنا ورنالاسقان يۋەياڭ قالاسىنىڭ جۇنشان دەگەن جەرىندەگى حۋالوڭ كەمەجايىنا باردى. بۇل ارا بۇرىن زاڭسىز شاعىل تاس سۇزەتىن كەمەجاي بولسا، ال، قازىر جاسىل جەلەك جامىلعان ٴجازيرا القاپ اينالعان. شي جينپيڭ وسى وڭىردەگى شارلاۋ قورعاۋ باقىلاپ تەكسەرۋ پۋنكيتىنە كىرىپ، ناق مايداندا باقىلاۋ تەكسەرۋ ارقىلى دۇڭتيڭحۋ كولى مەملەكەت دارەجەلى قورىق رايونىنىڭ ەكولوگيالىق ورتا قورعاۋ جاعدايىن كوزدەن كەشىردى. ول كوپشىلىكتى چاڭجياڭ ەكولوگياسىن قورعاۋ جانە قالپىنا كەلتىرۋدى جالعاستى جاقسى ىستەپ، وسىناۋ انا وزەننىڭ سۋ ورتاسىن قورعاۋعا شابىتتاندىردى.


بەرىپ كەت ورامالىڭدى

دوستار

الىستاعى اق ەركە