جاڭا حابارلار

22 - كەزەكتى قىسقى وليمپيادا سپورت جارىسى سوچيدە اياقتادى

    كەلۋ قاينارى: شينجياڭ گازەتى    2018-04-26 21:31:18  

 

جۇڭگو ۋاكىلدەر ۇيىرمەسى 3 التىن مەدال، 4 كۇمىس مەدال، 2 مىس مەدال الىپ، مەدال تاقت

شينحۋا اگەنتتىگىنىڭ 23 - اقپاندا سوچيدەن بەرگەن حابارى. 22 - كەزەكتى قىسقى وليمپيادا سپورت جارىسى 23 - اقپاندا رەسەيدىڭ سوچي قالاسىنداعى فيشت وليمپيادا سپورت الاڭىندا سالتاناتپەن اياقتادى.  اياقتاۋ سالتىندا حالىقارالىق وليمپيادا سپورت كوميتەتىنىڭ ءتوراعاسى باح: وسى جارىسقا قاتىناسقاندار مەن سپورتشىلار اتىنان «بۇل سپورتشىلاردىڭ سپورت جارىسى بولدى»، بۇدان ارتىق باعا بولماسا كەرەك، - دەدى. وسى كەزەكتى وليمپيادا سپورت جارىسى تاريحتاعى ەڭ كولەمدى، جارىس ءتۇرى ەڭ كوپ قىسقى وليمپيادا سپورت جارىسى بولدى. 17 كۇندە 88 ۋاكىلدەر ۇيىرمەسىنەن 2856 سپورتشى 7 ۇلكەن ءتۇر، 15 تارماق ءتۇر، 98 كىشى ءتۇر بويىنشا جارىسقا قاتىناستى، جيىنى 11 تۇردەن رەكورد جاڭالادى.  وتاعاسى ەل رەسەي 13 التىن مەدال، 11 كۇمىس مەدال، 9 مىس مەدال الىپ، مەدال تاقتاسىندا ماڭداي الدى ورىندى يەلەدى، جۇڭگو ۋاكىلدەر ۇيىرمەسى 3 التىن مەدال، 4 كۇمىس مەدال، 2 مىس مەدال الىپ، مەدال تاقتاسىندا 12 - ورىندى يەلەدى. جاڭ حۇڭ ايەلدەردىڭ مۇزدا تەز سىرعاناۋىنىڭ 1000 مەترلىك جارىسىندا التىن مەدال الىپ، جۇڭگونىڭ قىسقى وليمپيادا سپورت جارىسىنداعى نەگىزگى ۇلكەن تۇرلەردە التىن مەدال الا الماۋ تاريحىن اياقتاتتى.  شەتەل اقپاراتى سوچي قىسقى وليمپياداسىنىڭ قاراجاتى 51 ميلليارد دوللارعا جەتىپ، وليمپيادا تاريحىنداعى ەڭدەردىڭ ءبىرى بولعانىن جاريالادى.  «ماحاببات» ەسىمدى كىشكەنتاي قىز جابىلۋ سالتىندا تاعى دا بوي كورسەتىپ، ءوزىنىڭ كەرەمەت ساپارى ارقىلى كورەرمەندەرگە رەسەيدىڭ شۇعىلالى مادەنيەتىن ايگىلەدى. 23 - كەزەكتى قىسقى وليمپيادا سپورت جارىسىن وتكىزەتىن وڭتۇستىك كورەيانىڭ پيونچان قالاسى حالىقارالىق وليمپيادا سپورت كوميتەتىنىڭ تۋىن وتكىزىپ الدى ءارى اياقتاۋ سالتىندا «پيونچاننىڭ 8 مينۋتىن» الا كەلدى، وڭتۇستىك كورەيالىق ونەرپازدار جەرگىلىكتى ەرەكشەلىككە يە كونسەرت قويدى.  قىسقى وليمپيادا سپورت جارىسىنىڭ قۇت بەلگىسى − اق ايۋدىڭ سۋىق جەل ۇرلەۋىمەن، وليمپيادا الاۋى باياۋ عانا ءسوندى، سونىمەن قىسقى وليمپيادا سپورت جارىسى «پيونچان ۋاقىتىنا» رەسمي قادام تاستادى.  23 - اقپان كۇنى وليمپيادانىڭ بەس ساقيناسى جابىلۋ سالتىندا كورسەتىلدى. (شينحۋا اگەنتتىگى)


بەرىپ كەت ورامالىڭدى

دوستار

الىستاعى اق ەركە