جاڭا حابارلار

شي جينپيڭ  ٴۇش قىساڭ ينجەنەرياسىن كوزدەن كەشىردى

    كەلۋ قاينارى: جۇڭگو قازاق راديو تورابى    2018-04-25 20:20:56  

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءساۋىردىڭ 24-كۇنى حۋبي ولكەسىنىڭ ييچاڭ اۋدانىندا تەكسەرىپ زەرتتەۋ جۇرگىزىپ، چاڭجياڭ شارۋاشىلىق بەلدەۋ قۇرىلىسى جاعدايىن ۇعىستى.
24ـ ءساۋىر كۇنى تۇستەن كەيىن، شي جينپيڭ بەيجيڭنەن حۋبيدىڭ ييچاڭ اۋدانىنا ايروپلانمەن توتە باردى. ايروپلاننان تۇسە سالا چاڭجياڭدى بويلاي ساپار شەگىپ چاڭجياڭ ەكولوگيالىق ورتاسىن قالپىنا كەلتىرۋ قىزمەتىن تەكسەرىپ زەرتتەپ، چاڭجياڭ شارۋاشىلىق بەلدەۋ قۇرىلىسىنىڭ جاعدايىن ۇعىستى. ييچاڭ اۋدانىنىڭ شيڭفا توپ سەرىكتىگىنىڭ جاڭا ماتەريالدار كاسىپ باقشاسى چاڭجياڭ وزەنىنىڭ جاعالاۋىنا ورنالاسقان ەدى، شي جينپيڭ زاۆود رايونىن كوزدەن كەشىرىپ، جاعداي تانىستىرۋلاردى تىڭداپ، بۇل حيميالىق زاۆودتىڭ ەكولوگيا قورعاۋ، بۇرىلىس جاساپ دامۋ جاعدايلارىن ۇعىستى. ول كوپشىلىككە بىلاي دەدى: چاڭجياڭ ەكولوگياسىن وڭاۋدى ماڭداي الدى ورىنعا قويۋ، ەرەجە ورناتىپ، كاسىپتەردى بۇرىلىس جاساپ ساپالاندىرۋعا قامشىلاۋ، ەكولوگيانى قورعاۋ العى شارتىندا ۇيلەسىمدى كاسىپتەردى دامىتۋ، عىلمي دامۋدى، تارتىپپەن دامۋدى، جوعارى ساپالى دامۋدى ىسكە اسىرۋ كەرەك. جالپىلاي قورعاۋدى ورتاق يگەرۋ، بايلىق قاينارىن اياۋسىز اشپاۋ دەگەندىك زور دامۋدان بەزۋ دەگەندىك ەمەس، قايتا ول عىلمي دامۋدى، تارتىپپەن دامۋدى كورسەتەدى. مۇندا ەڭ اۋەلى، جۇڭحۋا ۇلتىنىڭ انا وزەنىن ويداعىداي قورعاۋ، بايلىق قاينارىن اشۋ ءۇشىن ەكولوگيانى بۇلدىرمەۋ كەرەك، ەڭ اۋەلى ەرەجە ورناتۋ قاجەت.
سول كۇنى تۇستەن كەيىن، شي جينپيڭ 3 قىساڭ سۋ قويماسىنا تاياۋ وڭىردەگى تايپيڭشي قالاشىعىنىڭ شۇيجياچوڭ قىستاعىنا بارىپ، كوشپەندى قىستاق تۇرعىنداردىڭ كوشىقون جانە ەرەكشەلىككە يە كاسىپتەردى دامىتۋى قاتارلى جاعدايلارىن ۇعىستى. قىستاقتاعى كىر جۋاتىن ورىندا كىر جۋىپ جاتقان بىرنەشە تۇرعىندار باس شۋجيگە وتكەندە وزەن جاعاسىندا كىر جۋاتىن بولسا، ال، قازىر قىستاقتا كىر جۋاتىن ارناۋلى ورىن دايىندالعاندىعىن،قۇبىر سۋى جەتكىزىلگەندىگىن، لاس سۋلاردىڭ شوعىرلى ءبىر جايلى ەتىلەتىندىگىن، ءسويتىپ، تۇرمىس داعدىلارى قۇرمەتتەلەۋمەن بىرگە، ەكولوگيادا ويداعىداي قورعالعاندىعىن ايتتى. وسىدان سوڭ، باس شۋجي ءۇش قىساڭ سۋ قويماسىنا بارىپ، توسپا باسىنا شىعىپ، شالقار شاڭجياڭعا كوز سالىپ، ءۇش قىساڭ ينجەنەرياسىنىڭ قۇرىلىس، ەلەكتر تاراتۋ، سۋ يگىلىك، كەمە قاتناۋ، ەكولوگيا قورعاۋ قاتارلى جاقتارداعى جاعدايلارىن ۇعىستى. ول كەمە بالكونىنا بارىپ، كەمە شىعارۋ قۇرىلعىسى جانە سولتۇستىك جاعا ەلەكتر ستانسياسى مايدانىندا تەكسەرىپ زەرتتەۋ جۇرگىزدى. ول ينجەنەرلەرگە بىلاي دەدى: مەملەكەتتىڭ وسىنداي ۇلى ناتيجەگە يە بولۋىندا سىزدەردىڭ ۇلەستەرىڭىز بار. مەملەكەتتى قۇدىرەتتەندىرىپ، ۇلتتى كوركەيتۋدە، ءسوزسىز ءوزىمىزدىڭ ەڭبەككەرلىكپەن قاجىماي-تالماي كۇرەس جاساۋىمىزعا تۋرا كەلەدى. جۇڭحۋا ۇلتىنىڭ ۇلى كوركەيۋى دابىرا تۋعىزىپ، دابىل قاعۋمەن ىسكە اسا قوياتىن ءىس ەمەس. ءبىز ءوز قۇلشىنىستارىمىزعا سۇيەنۋىمىز، ءىرى ەلدىك تۇتقانى ءسوزسىز ءوز قولىمىزدا مىقتى ۇستاۋىمىز،ءوز كۇشىمىزگە سۇيەنىپ ءومىر سۇرە ءبىلۋىمىز، دەربەس جاڭالىق جاراتۋ قابىلەتىن وسىرۋگە قامشىلانۋىمىز كەرەك. سوناۋ كەزدەردەگى 3 قىساڭ قۇرىلىسى يىنجەنەرياسىن ويعا الساق، ەگەر بارلىعىندا سىرتتان ەتكىزۋگە، باسقالاردان الۋعا عانا يەك ارتساق، وندا قازىرگىدەي سەركەلىك قابىلەتكە دە يە بولا الماس ەدىك. ءبىز قيىن قامالداردى ءوزىمىز جەڭىپ، 3 قىساڭ ينجەنەرياسى سىندى وسىنداي ناتيجە جاراتۋمەن بىرگە، ءبىر توپ دارىندىلار جەتىلدىرىپ الدىق، مەن سىزدەردى ماقتانىش ەتەمىن، ەلىمىزدىڭ وسىنداي قابىلەتكە يە بولعاندىعىن ماقتانىش ەتەمىن. سىزدەردىڭ بىلەكتەس-تىلەكتەس بولا ورتاق قۇلشىنىپ، ءبىر ميلليارد 300 ميلليون جۇڭگولىقتارمەن تىزە قوسا كۇش سالىپ جۇڭگو ارمانىن ايدىكتەۋلەرىڭىزدى ءۇمىت ەتەمىن.


بەرىپ كەت ورامالىڭدى

دوستار

الىستاعى اق ەركە