جاڭا حابارلار

لي جانشۋ قازاقستان پارلامەنتى تومەنگى پالاتاسى باستىعىنىڭ ورىنباسارىمەن كەزدەستى

    كەلۋ قاينارى: حالىق تورابى    2018-04-25 17:15:13  

حالىق تورابى، 24 – ءساۋىر، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 23 – ءساۋىر كۇنى حالىق سارايىندا قازاقستان پارلامەنتى تومەنگى پالاتاسى باستىعىنىڭ ورىنباسارى ەسەنبايەۆامەن كەزدەستى.

  ەسەنبايەۆامەن كەزدەسكەندە لي جانشۋ بىلاي دەدى: بيىل ءتوراعا شي جينپيڭنىڭ «ءبىر بەلدەۋ ءبىر جول» دارىپتەمەسىن ورتاعا قويعانىنا 5 جىل تولدى. قازاقستان جىبەك جولى ەكونوميكالىق بەلدەۋىندەگى جۇڭگونىڭ باتىسقا بەت الۋىنداعى ءبىرىنشى بەكەتى، جۇڭگونىڭ جىبەك جولى ەكونوميكالىق بەلدەۋىندەگى مەملەكەتتەرمەن ءوندىرىس قۋاتى سەلبەستىگىندەگى ءبىرىنشى وبيەكتى مەملەكەتى ءارى جىبەك جولى ەكونوميكالىق بەلدەۋىندەگى مەملەكەتتەرىنىڭ ىشىندەگى دامۋ ستراتەگياسى تۇتاسقان ءبىرىنشى مەملەكەتى. جۇڭگو كوممۋنيستىك پارتياسىنىڭ 19 – قۇرىلتايى جۇڭگونىڭ دامۋىنا ءتىپتى دە نۇرلى جول اشتى، سونىمەن قاتار جۇڭگو – قازاقستان ستراتەگيالىق ناقتى سەلبەستىگىن تەرەڭدەتۋدە جاڭا ماڭىزدى ورايلاردى الا كەلدى. جۇڭگو مەملەكەتتىك حالىق قۇرىلتايى قازاقستان پارلامەنتىمەن ءوزارا پىكىر الماستىرىپ، سەلبەستىكتى كۇشەيتىپ، ەكى ەل باسشىلارىنىڭ ورتاق تانىمعا كەلگەن كەلىسىمدەرىن دايەكتىلەندىرۋدى جەدەلدەتىپ، «ءبىر بەلدەۋ ءبىر جول» دارىپتەمەسى مەن جۇڭگو – قازاقستان تاعدىرى ورتاق تۇلعاسىن قۇرۋعا زاڭدىق قولداۋ، جاقسى ورتا جاراتۋعا پەيىلدى.  ەسەنبايەۆا بىلاي دەدى: قازاقستان پارلامەنتى جۇڭگو مەملەكەتتىك حالىق قۇرىلتايىمەن تىعىز قارىم – قاتىناس جاساپ، ەكى ەلدىڭ دامۋ ستراتەگياسىن تۇتاستىرىپ، قازاقستان – جۇڭگو ەجەلگى دوستىعىن ۇزدىكسىز بەكەمدەۋگە پەيىلدى.


بەرىپ كەت ورامالىڭدى

دوستار

الىستاعى اق ەركە