جاڭا حابارلار

اۆتونوميالى رايوندىق پارتكوم تۇراقتى كوميتەتتىڭ كەڭەيتىلگەن ءماجىلىسىن اشىپ، باس شۋجي شي جينپيڭنىڭ مەملەكەتتىك توراپ حاۋىپسىزدىگى جانە ينفورماتسيالاندىرۋ قىزمەتى ماجىلىسىندەگى ماڭىزدى ءسوزىنىڭ رۋحىن جەتكىزىپ ۇيرەندى

    كەلۋ قاينارى: شينجياڭ حالىق راديو ىستانسياسى    2018-04-26 12:24:03  

ستانسيامىزدىڭ حابارى: 4-ايدىڭ 24-كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەتتىڭ كەڭەيتىلگەن ءماجىلىسىن اشىپ، باس شۋجي شي جينپيڭنىڭ مەملەكەتتىك توراپ حاۋىپسىزدىگى جانە ينفورماتسيالاندىرۋ قىزمەتى ماجىلىسىندەگى ماڭىزدى ءسوزىنىڭ رۋحىن جەتكىزىپ ۇيرەنىپ، رايونىمىزدىڭ دايەكتىلەندىرۋ-تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى. ماجىلىستە بىلاي دەپ اتاپ كورسەتىلدى: باس شۋجي شي جينپيڭنىڭ مەملەكەتتىك توراپ حاۋىپسىزدىگى جانە ينفورماتسيالاندىرۋ قىزمەتى ماجىلىسىندەگى ماڭىزدى ءسوزى پارتيا مەن مەملەكەت ىستەرىنىڭ جالپى جاعداي دەڭگەيىندە تۇرىپ، پارتيا 18-قۇرىلتايىنان بەرگى ەلىمىزدىڭ توراپ حاۋىپسىزدىگى جانە ينفورماتسيالاندىرۋ قىزمەتىندە قول جەتكىزگەن تاريحي سيپاتتى تابىستارىن جاپپاي قورتىندىلاپ، توراپ حاۋىپسىزدىگى جانە ينفورماتسيالاندىرۋ ىستەرىندە ءدوپ كەلگەن جاعداي مەن ءبىز ارقالاعان تاريحي بورىشقا عىلمي تالداۋ جاساپ، توراپ جاعىنداعى قۇدىرەتتى ەل ستراتەگيالىق يدەياسىنىڭ مول ىشكى ءمانىن جۇيەلى بايىمداپ، توراپ حاۋىپسىزدىگى جانە ينفورماتسيالاندىرۋ ىستەرىنىڭ ۇزاق بولاشاقتىق دامۋىنا قاتىستى ءبىر قىدىرۋ كەلەلى نازاريا مەن امالياتتىق ماسەلەلەرگە ىشكەرلەي جاۋاپ قايتارىپ، توراپ جاعىنداعى قۇدىرەتتى ەل قۇرۋدى جەدەل ىلگەرلەتۋگە باعدار نۇسقاپ، ءتۇبىرلى قاعيدامەن قامدادى، بۇل جاڭا داۋىردەگى توراپ حاۋىپسىزدىگى مەن ينفورماتسيالاندىرىپ دامۋعا نۇسقاۋشىلىق ەتۋدىڭ باعدارنامالىق حۇجاتىنا اينالدى. تۇتاس رايونىمىزداعى ءار دارەجەلى، ءار قايسى تاراۋلار باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، لي كىچياڭ زۇڭلي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭنىڭ تالابى بويىنشا، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توراپ حاۋىپسىزدىگى جانە ينفورماتسيالاندىرۋ قىزمەتىنىڭ ستراتەگيالىق ورنالاستىرۋلارىمەن بىرلىككە كەلتىرىپ، تياناقتاندىرۋدى مىزعىماي مىقتى يگەرۋ كەرەك.
ءبىرىنشى، مۇقيات ۇيرەنۋ، ءتۇسىنۋ قاجەت. توراپ جاعىنداعى قۇدىرەتتى ەل ستراتەگيالىق يدەياسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولەگى، پارتيامىزدىڭ نازاريالىق جاڭالىق جاساۋ مەن امالياتتىق جاڭالىق جاساۋدى ۇزدىكسىز ىلگەرلەتۋىنىڭ عىلمي جەمىسى، توراپ حاۋىپسىزدىگى جانە ينفورماتسيالاندىرۋ قىزمەتىن ويداعىداي ىستەۋدىڭ ءتۇبىرلى قاعيداسى، ءسوزسىز، ۇزاق مەرزىم باتىل دايەكتىلەندىرۋ، ۇزدىكسىز بايىتىپ دامىتۋ كەرەك. توراپ جاعىنداعى قۇدىرەتتى ەل ستراتەگيالىق يدەياسىن ۇيرەنۋ دايەكتىلەندىرۋ مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنىپ دايەكتىلەندىرۋدى پارتيا 19-قۇرىلتايىنىڭ رۋحىمەن بىرلەستىرۋ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋ، وتە-موتە، قوعام ورنىقتىلىعى مەن باياندى تىنشىتىق باس نىساناسىمەن بىرلەستىرۋ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋ رۋحىن دايەكتىلەندىرۋ-تياناقتاندىرۋمەن بىرلەستىرۋ، مۇقيات ۇيرەنۋ، قايتا-قايتا ۇيرەنۋ، ىشكەرلەي ۇيرەنۋ، وي سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرلەتۋ قاجەت.
ەكىنشى، دۇرىس باعداردا تاباندى بولۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توراپ حاۋىپسىزدىگى جانە ينفورماتسيالاندىرۋ قىزمەتىنە شوعىرلى ءبىر تۇتاس باسشىلىق ەتۋىنە تاباندى بولىپ، توراپ جاعىنداعى قۇدىرەتتى ەل ستراتەگيالىق يدەياسىنا بەرىك تۇرىپ، توراپ حاۋىپسىزدىگى جانە ينفورماتسيالاندىرۋ قىزمەتىنىڭ پارتيا مەن مەملەكەت ىستەرى جالپى جاعدايىنداعى ماڭىزدى ورنىن، توراپ جاعىنداعى قۇدىرەتتى ەل قۇرۋدىڭ ستراتەگيالىق نىساناسى مەن پرينسيپتىك تالاپتارىن، عالامتوردىڭ دامۋىن رەتتەۋدىڭ حالىقارالىق قۋاتتاماسىن، توراپ حاۋىپسىزدىگى مەن ينفورماتسيالاندىرۋ قىزمەتىن ويداعىداي ىستەۋدىڭ نەگىزگى ءادىسىن دۇرىس يگەرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، توراپ حاۋىپسىزدىگى مەن ينفورماتسيالاندىرۋ ىستەرىنىڭ قاشاندا دۇرىس باعدار بويىنشا العا ىلگەرلەۋىنە كەپىلدىك ەتىپ، شينجياڭنىڭ توراپ حاۋىپسىزدىگى مەن ينفورماتسيالاندىرۋ قىزمەتىنىڭ تىڭ ساتىعا كوتەرىلۋىن ىلگەرلەتۋ قاجەت.
ءۇشىنشى، سەنترلەس شەڭبەردى ويداعىداي قۇرۋ كەرەك. دۇرىس ساياسي بەتالىسقا، جۇرىتشىلىق پىكىرى بەتالىسىنا، قۇن باعدارىنا ايقىن تۋ ۇستاپ، بەرىك تۇرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19-قۇرىلتايىنىڭ رۋحىن پارمەندى ۇگىتتەپ، جاڭا داۋىردەگى جۇڭگوشا سوتسياليزم مەن جۇڭگو ارمانى جونىندەگى ۇگىت-تاربيەنى ىشكەرلەي ورىستەتىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، توراپتاعى ۇگىتتىڭ ۇستانىمىنا، مازمۇنىنا، فورماسىنا، ءادىسىنە،تاسىلىنە جاڭالىق ەنگىزىپ، توراپتاستاردى اسا كۇشتى وڭ ەنەرگيامەن پارتيانىڭ توڭىرەگىنە ۇيىستىرىپ، ءار ۇلتتىڭ ىنتىماقتاسا كۇرەس جاسايتىن ورتاق يدەيالىق نەگىزىن بەكەمدەۋ قاجەت.
ءتورتىنشى، توراپ حاۋىپسىزدىگىنە كەپىلدىك ەتۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ تياناقتاندىرىپ، دۇرىس توراپ حاۋىپسىزدىگى كوزقاراسىن ورناتىپ، توراپ حاۋىپسىزدىگى تانىمىن ارتتىرىپ، توراپ حاۋىپسىزدىگى قورعانىسىن كۇشەيتىپ، مەحانيزم،ءادىس-امال تەكشە قۇرىلىسىن كۇشەيتىپ، شۇعىل جاعدايعا توتەپ بەرۋ قولباسشىلىق ەتۋ قابىلەتىن ارتتىرىپ، توراپ حاۋىپسىزدىگى كاسىبىن بەلسەنە دامىتىپ، شەشۋشى ينفورماتسيا نەگىزگى قۇرىلعىلار تيجاراتشىلارىنىڭ باستى تۇلعالى قورعانۋ جاۋاپكەرشىلىگى مەن نەگىزگى باسقارۋ تاراۋلارىنىڭ باقىلاۋ-باسقارۋ جاۋاپكەرلىگىن تياناقتاندىرىپ، توراپ قىلمىسىنا زاڭ بويىنشا قاتاڭ سوققى بەرىپ، حالىق بۇقاراسىنىڭ زاڭدى ۇقىق-مۇددەسىن قورعاپ، مەملەكەتتىڭ توراپ حاۋىپسىزدىگى قالتقىسىن بەرىك ورناتۋ قاجەت.
بەسىنشى، جاڭا دامۋ تانىمىن امالياتتا ايگىلەۋ كەرەك. ينفورماتسيالاندىرىپ دامۋ ورايىن مىقتى يگەرىپ، جاڭا دامۋ تانىمىن ىشكەرلەي دايەكتىلەندىرىپ، ينفورماتسيالاندىرۋ مەن ناقتى تۇلعالى ەكونوميكانىڭ جەدەل توعىسۋىن ىلگەرلەتىپ، توراپ حاۋىپسىزدىگى جانە ينفورماتسيالاندىرۋ كاسىپورىندارىنىڭ قۇدىرەتتەنۋىن قولداپ، وزەكتى، شەشۋشى سيپات الاتىن تەحنيكالاردا جاڭالىق اشۋعا قولداۋ كورسەتىپ، ينفورماتسيالاندىرۋ ارقىلى جاڭاشا ونەركاسپتەندىرۋدىڭ، قالا-قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ دەڭگەيىن جوعارىلاتىپ، وسىزاماندانعان ەكونوميكالىق جۇيەنى قۇرۋعا، جوعارى ساپالى دامۋدى جۇزەگە اسىرۋعا پارمەندى تىرەك ازىرلەۋ قاجەت. توراپ حاۋىپسىزدىگى مەن ينفورماتسيالاندىرۋداعى ارميا مەن حالىقتىڭ توعىسا دامۋىن بەلسەنە ىلگەرلەتىپ، جالپى فاكتورلى، كوپ سالالى، جوعارى ونىمدىلىكتەگى ارميا مەن حالىقتىڭ ىشكەرلەي توعىسىا دامۋ جاعدايىن جەدەل قالىپتاستىرۋ كەرەك.
التىنشى، مىعىم بىرىككەن كۇشتى توعىستىرۋ قاجەت. ءار دارەجەلى پارتكومدار توراپ حاۋىپسىزدىگى مەن ينفورماتسيالاندىرۋ قىزمەتىنە وسكەلەڭ ءمان بەرىپ، توراپ حاۋىپسىزدىگى جانە ينفورماتسيالاندىرۋ قىزمەتىن ماڭىزدى كۇن تارتىپكە شىنايى ەنگىزىپ، توراپتى جان-جاقتىلى وڭاۋ قابىلەتىن ارتتىرۋ، ءار دارەجەلى، ءار قايسى تاراۋلار ابزالدىلىقتارىن ساۋلەلەندىرىپ، ءبىر نيەتتە تىزە قوسا توراپ حاۋىپسىزدىگى جانە ينفورماتسيالاندىرۋ قىزمەتىن ويداعىداي ىستەپ، پارتكوم باسشىلىق ەتەتىن، ۇكىمەت باسقاراتىن، كاسىپورىن مىندەتىن ادا ەتەتىن، قوعام باقىلايتىن، توراپ قولدانۋشىلار تەجەمدى بولۋ سياقتى كوپ سوبيەكت اتسالىساتىن، ەكونوميكا، زاڭ، تەحنيكا سياقتى كوپءتۇرلى تاسىل ءوزارا ۇشتاسقان توراپتى جان-جاقتىلى جونگە سالۋ جاعدايىن قالپتاستىرۋ كەرەك.
جەتىنشى، قىزمەت قابىلەتىن جوعارىلاتۋ قاجەت. ءار دارەجەلى باسشى كادرلار جاڭا اۋقىم مەن تىڭ تالاپقا سايكەسىپ، ۇيرەنۋدى كۇشەيتىپ، ءوزىن ۇدىكسىز كۇشەيتۋ، عالامتور قاعيداسىن يگەرۋ قابىلەتىن، توراپ جۇرتشىلىق پىكىرىنە جەتەكشىلىك ەتۋ قابىلەتىن، ينفورماتسيالاندىرىپ دامىتۋدى مەڭگەرۋ قابىلەتىن، توراپ حاۋىپسىزدىگىن قامتاماسىزداندىرۋ قابىلەتىن جوعارىلاتىپ، عالامتور ارقىلى بۇقارانى ۇيىمداستىرۋ، بۇقاراعا ۇگىت جۇرگىزۋ، بۇقارانى باستاۋ، بۇقاراعا قىزمەت ەتۋ ونەرىن ارتتىرىپ، توراپتى ۇيرەنەتىن، تۇسىنەتىن، پايدالاناتىن، باسقاراتىن، كۇشەيتەتىن مامانعا اينالۋعا ۇمتىلۋ كەرەك. سەگىزىنشى، قوسىن قۇرىلىسىن كۇشەيتۋ قاجەت. «ءتورت تانىمدى» كۇشەيتىپ، پارتيا قۇرىلىسىن ماڭداي الدى ورىنعا قويۋعا تاباندى بولىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي سانانى قارۋلاندىرۋدا تاباندى بولىپ، مۇرات سەنىمدى بەكەمدەپ، ساياسي تۇرعىدا بەرىك تۇرىپ، باس شۋجي شي جينپيڭنىڭ پارتيا ورتالىق كوميتەتىندەگى، تۇتاس پارتياداعى ۇيتقىلىق ورنىن باتىل قورعاۋ؛ توراپ حاۋىپسىزدىگى مەن ينفورماتسيالاندىرۋ دارىندىلارىن جەتىلدىرۋدى كۇشەيتىپ، دارىندىلاردى دامىتۋ ءتۇزىلىس مەحانيزمى رەفورماسىن ىلگەرلەتىپ، ءار دارەجەلى توراپ حاۋىپسىزدىگى جانە ينفورماتسيالاندىرۋ كادرلارىن ويداعىداي سارالاپ كۇشەيتىپ، توراپ حاۋىپسىزدىگى مەن ينفورماتسيالاندىرۋ ىستەرىنىڭ اقاۋسىز دامۋىن پارمەندى قامتاماسىزداندىرۋ كەرەك. اۆتونوميالى رايوننىڭ باسشىلارىنان شوكىرات زاكىر، شاۋكەت ءيمىن، نۇرلان ءابىلماجىن ۇلى، سۇن جينلۇڭ، لي پىڭشين، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە