جاڭا حابارلار

رايونىمىز ماماندار قىزمەت وتەۋ ۇيىرمەسىن وڭتۇستىك شينجياڭداعى ارناۋلى جەمىس اعاشىن وندىرەتىن 34 اۋدانعا جىبەرىپ تەحنيكالىق جاقتان قولدادى

    كەلۋ قاينارى: شينجياڭ حالىق راديو ىستانسياسى    2018-04-26 12:23:54  

ستانسيامىزدىڭ ءتىلشىسى سۇن ۋي مەن ايبىنعازى راحىمان ۇلىنىڭ حابارى : بيىل، اۆتونوميالى رايوندىق ورمان شارۋاشىلىق مەڭگەرمەسى، شينجياڭ اۋىل شارۋاشىلىق عىلىم اكادەمياسى، شينجياڭ ورمان شارۋاشىلىق عىلىم اكادەمياسى جانە شينجياڭ اۋىل شارۋاشىلىق ۋنيۆەرسيتەتى 120 دان استام ماماننان ۇيىمداسقان ماماندار قىزمەت وتەۋ ۇيىرمەسىن وڭتۇستىك شينجياڭداعى ارناۋلى جەمىس اعاشىن وندىرەتىن 34 اۋدانعا بارىپ، جەتەكشىلىك قىزمەتىن وتەپ، جەرگىلىكتى ورىننىڭ جەمىس اعاشى كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى تەحنيكالىق جاقتان قولداۋعا جىبەردى. «4-ايدىڭ 25-كۇنى سەندەرگە شىلان اعاشىن قالاي بۇتاۋدى تۇسىندىرەيىن، ءتۇپ ارالىعى تىم تىعىز بولسا قايتەدى؟ وندا جەتكىلىكتى كۇن نۇرىن سىمىرە المايدى». ءار جىلى 3-، 4-ايلار جەمىس اعاشى كاسىبى ءوندىرىسىن باسقاراتىن ءتۇيىندى مەزگىل. بىرنەشە كۇننەن بەرى، مەكىت اۋدانى قىزىلاۋات اۋىلى تاللىق قىستاعىنداعى شىلان اتىزىندا، شينجياڭ ورمان شارۋاشلىق عىلىم اكەدەمياسىنىڭ تەتە اعا زەرتتەۋشىسى مۇحتار زارا شىلان ەگەتىن ديحاندارعا اتىزدى قالاي باپتاۋدى ۇستىندە ۇيرەتتى. قىستاق تۇرعىنى تۇراق قۋان بىلتىر 20 مۋ جەردى كوتەرمەگە الىپ، شىلان ەگۋ ارقىلى وتباسىنىڭ كىرىسىن ارتتىرۋدى جوسپارلاپ كەلگەن، الايدا، تەحنيكادان حابارى جوق بولعاندىعى سەبەپتى ءبىر جىل ابىگەر بولسا دا زيانعا ۇشىرايدى. بيىل، مامانداردىڭ شىلان ەگۋ تەحنيكاسىن ءتۇسىندىرىپ، جەتەكشىلىك ەتۋىنىڭ ناتيجەسىندە، ول ءونىم مولشەرىن جوعارىلاتۋعا كۇشتى سەنىم ارتىپ وتىرعانىن ايتا كەلىپ بىلاي دەدى: «بۇتاقتارى كوپ بولعان سايىن شىلان دا كوپ بولادى دەپ ويلاۋشى ەدىم. كۋرىستە ساباق تىڭداعاننان كەيىن عىلمي جولمەن قالاي باپتاۋدى ۇيرەندىم، بيىل جىل سوڭىندا، ءونىم مولشەرى مەن كىرىستى جوعارىلاتۋعا سەنىمىم كامىل، ءبىر مۋ جەردەن 500 كيلوگرام ساپالى شىلان الۋعا كۇش سالامىن».
بيىل، رايونىمىز ەرەكەشە جەمىس اعاشى كاسىبىنىڭ ساپاسىن جوعارىلاتىپ، ونىمدىلىگىن ارتتىرۋ قۇرىلىس ءتۇيىنىن وڭتۇستىك شينجياڭداعى 34 اۋدان، قالاعا ورنالاستىرىپ، شىلان، جاڭعاق، الما، المۇرتتى نەگىز ەتكەن ابزال جەمىس اعاشى كاسىپ رايونىن قالىپتاستىرۋدى جوسپارلادى. 2-ايدىڭ 27-كۇنىنەن باستاپ، ماماندار قىزمەت وتەۋ ۇيىرمەسى توپقا ءبولىنىپ وسى اۋدان، قالالارداعى اتىز باسىنا باردى، ءارى ايماق، وبلىس، اۋدان، قالالاردىڭ قىزمەت وي جەلىسىن اداقتاۋىنا كومەكتەسىپ، قىزمەت ءتۇيىنىن ايقىندادى. قازىرگە دەيىن ماماندار ءبىر ميلليون 161 مىڭ مۋ جەردەگى جاڭعاق پەن شىلاننىڭ تىعىزدىق جانە سيرەكتىك دارەجەسىن ايقىنداپ، ءبىر مىڭ 594 كەزەك كۋرس اشىپ، باعىبانشىلاردى 220 مىڭ ادام رەت كۋرسكە قاتىناستىردى. سونىمەن بىرگە، ايماق، اۋدان، اۋىل سىندى 3 دارەجە بويىنشا اۋدانى 720 مىڭ مۋ كەلەتىن 3 مىڭ 640 ۇلگى كورسەتۋ باقشاسىنىڭ ورنىن تاڭداپ سالۋعا كومەكتەستى.
ۇعىسۋعا قاراعاندا، بيىل رايونىمىزدىڭ جەمىس اعاشى ءونىم مولشەرى 7 ميلليون 600 مىڭ تونناعا، ءونىم قۇنى 54 ميلليارد يۋانعا جەتەتىندىگى مەجەلەنگەن، جەمىس اعاشىن وندىرەتىن نەگىزگى رايونداعى ديحانداردىڭ جەمىس اعاشى كاسىبىنەن ورتا ەسەپپەن كىرەتىن كىرىسى %35 تەن اساتىن كورىنەدى. وڭتۇستىك شينجياڭدا ەرەكشە جەمىس اعاشى كاسىبى جەرگىلىكتى ورىنداعى جالپىلاسۋ اۋماعى كەڭ، قامتيتىن جان سانى كوپ، دامۋ كومەسكى قۋاتى زور بولعان حالىقتى اۋقاتتاندىراتىن كاسىپكە اينالدى. اۆتونوميالى رايوندىق جەمىس اعاشى كاسىبى كەڭسەسى پارتيا ياچەيكاسىنىڭ شۋجيى جاڭ بيڭ بىلاي دەدى: ماماندار قىزمەت وتەۋ ۇيىرمەسى نەگىزگى ساتىعا جالعاستى بارادى، ماماندار ۇيىرمەسى تۇتاس جىلدا وزدەرى تۇرعان جەردە 6 ايدان ارتىق ۋاقىت تۇرىپ، جەمىس اعاشى كاسىبىنىڭ جوعارى ساپالى دامۋىن جەبەپ، كەدەيلىكتەن قۇتىلدىرۋدان قامال الۋ شايقاسىنا قولعابىس ەتۋگە كۇش سالادى. قازىر، ءبىر جاعىنان ديحاندارعا تەحنيكانى بەتپە-بەت ۇيرەتسەك، ەندى ءبىر جاعىنان ديحاندارعا ۇگىت لەكسيا جاساپ، بازارعا بايىپپەن قاراپ، وسى كاسىپتى دامىتۋعا بەرىك سەنىم ورناتۋدامىز.


بەرىپ كەت ورامالىڭدى

دوستار

الىستاعى اق ەركە