جاڭا حابارلار

ءۇرىمجى قالاسى جاسىل باۋ-باقشا ينجەنەرياسىنىڭ باستالۋ سالتى ءوتتى

    كەلۋ قاينارى: شينجياڭ حالىق راديو ىستانسياسى    2018-04-25 11:05:43  

ستانسيامىزدىڭ ءتىلشىسى ديڭ شياۋدان مەن پراكتيكانت ءتىلشى لو يۋانميڭنىڭ حابارلايدى: ءۇرىمجى قالاسى جاسىل باۋ-باقشا ينجەنەرياسىنىڭ باستالۋ سالتى 4-ايدىڭ 24-كۇنى تيانشان رايوندىق فاڭيۋان تۇرعىندار رايونىندا وتكىزىلدى.
قالا بويىنشا جۇزدەن ارتىق الەۋمەتتىك اۋماق ءبىر ۋاقىتتا وتباسىلارىنا گۇل، جەمىس اعاشىن جەتكىزۋ، ەگۋ قيمىلىن ورىستەتتى.
ءۇرىمجى قالاسى تيانشان رايوندىق فاڭيۋان تۇرعىندار رايونى الاڭىنىڭ ورماندى وڭىرىندە، شاعىن رايون تۇرعىندارىنىڭ ۋاكىلى مەن الەۋمەتتىك اۋماقتىڭ قىزمەتكەرلەرى بىرلىكتە ءۇرىمجى قالالىق باۋ-باقشا باسقارۋ مەكەمەسى دايىنداعان اعاش، بۇتا-بۇرگەن، گۇل سياقتىلاردىڭ قالامشا، مايسالارىن ەكتى، وسىلايشا، كونە تۇرعىندار شاعىن رايونى جاسىل تۇسكە بولەندى. شاعىن رايوننىڭ تۇرعىنى ۋاڭ رۇيپيڭ بىلاي دەدى: «بۇگىن وسى قيمىلعا قاتىناسقانىما ەرەكشە قۋانىشتامىن، وسى قيمىل ارقىلى اۋلامىز كورىكتەندى، مەن دە ءبىر ءتۇپ پرۋنۋس اعاشىن وسىرۋگە جاۋاپتى بولدىم، مۇقيات باپتاۋدىڭ ارقاسىندا تەز ارادا گۇل اشىپ، جەمىس بەرۋىن، تۇرعىندارعا ومىرشەڭدىك قۋات سيلاۋىن ءۇمىت ەتەمىن».

2018-جىلعى ءۇرىمجى قالاسىنىڭ «حالىق تۇرمىسىنداعى 10 ءىرى ءىستىڭ» ءبىرى بولعان «جاسىل باۋ-باقشا ينجەنەرياسى» بويىنشا تۇرعىندارعا اعاش، بۇتا-بۇرگەن، گۇل قالامشا مايسالارىنان 2 ميلليون 740 مىڭ ءتۇپ بەرىلدى، مۇنىڭ ءبىر ميلليون 740 مىڭ ءتۇبى اعاش، بۇتا-بۇرگەن قالامشاسى، ءبىر ميلليون ءتۇبى گۇل مايساسى، اعاش، بۇتا-بۇرگەن، گۇل قالامشا مايسالارىن تاراتۋ قيمىلى 6-ايدىڭ اياق شەنىندە تۇتاس اياقتايدى، سونداي-اق 9 جەتەكشىلىك ەتۋ، تەكسەرۋ گرۋپپاسى قۇرىلىپ، قالا تۇرعىندارىنىڭ اعاش، گۇل ەگۋ جۇمىسىنا قىزمەت وتەۋ، قامتاماسىز ەتۋ قىزمەتىن ويداعىداي ىستەپ، تۇرعىندار رايوندارىن كورىكتەندىرىپ جاسىلداندىرادى. ءۇرىمجى قالالىق جاسىلداندىرۋ كوميتەتىنىڭ ارناۋلى ورىنباسار مەڭگەرۋشىسى لي كۋانجۇڭ بىلاي دەدى: «ءۇرىمجى قالاسىنداعى تۇراقتى قالا تۇرعىندارىنىڭ بارىنە جەتكىزىپ، كوپشىلىكتىڭ ءوز مەكەنىن، كوركەم ورتالىق قالانى جاسىلداندىرۋىنا، كوپشىلىكتى جاسىلداندىرۋعا ات سالىسۋعا، جاسىل القاپتى قورعاۋعا، اعاش ەگىپ جاسىلداندىرۋ تانىمىن جوعارىلاتۋىنا مۇمكىندىك جاسايمىز».


بەرىپ كەت ورامالىڭدى

دوستار

الىستاعى اق ەركە