جاڭا حابارلار

شي جينپيڭ شاڭحاي سەلبەستىك ۇيىمىنا مۇشە ەلدەردىڭ قورعانىس مينيسترلەرىمەن كەزدەستى

    كەلۋ قاينارى: جۇڭگو قازاق راديو تورابى    2018-04-24 14:21:15  

ءوز حابارىمىز: مەملەكەت ٴتوراعاسى شي جينپيڭ 23-ٴساۋىر كۇنى حالىق سارايىندا شاڭحاي سەلبەستىك ۇيىمىنا مۇشە ەلدەردىڭ مەملەكەت قورعانىس مينيسترلەرىمەن توپتىق كەزدەستى. رەسەيدىڭ مەملەكەت قورعانىس مينيسترى شويگۋ، قازاقستاننىڭ مەملەكەت قورعانىس مينيسترى جاسۇزاقوۆ، قىرعىزىستان رەسپۋبليكالىق قارۋلى كۇشىنىڭ باس قولباسشىسى دۇيسەنبايەۆ، پاكيستاننىڭ مەملەكەت قورعانىس مينيسترى داستگيرحان، تاجىكستاننىڭ مەملەكەت قورعانىس مينيسترى مەرزو، وزبەكستاننىڭ مەملەكەت قورعانىس مينيسترى ازىزوۆ، شاڭحاي سەلبەستىك ۇيىمى باس حاتشىسىنىڭ ورىنباسارى سوۆيتوۆيچ، شاڭحاي سەلبەستىك ۇيىمى وڭىرلىك تەررورلىققا قارسى تۇرۋ قۇرىلىمى اتقارۋ كوميتەتىنىڭ ورىنباسار مەڭگەرۋشىسى گيەيوسف، يندىستاننىڭ جۇڭگوداعى باس ەلشىسى بامحاۋلە، سونداي-اق وسى رەتكى ماجىلىسكە ەرەكشە ۇسىنىس ەتىلىپ، سىرتتاي قاتىناسقان بەلرۋسسيانىڭ مەملەكەت قورعانىس مينيسترى راۆكوۆ قاتارلىلار كەزدەسۋگە قاتىناستى.
شي جينپيڭ بىلاي دەدى: 24-ٴساۋىر كۇنى شاڭحاي سەلبەستىك ۇيىمى كەڭەيتىپ مۇشە قابىلداعاننان كەيىنگى تۇڭعىش رەتكى مەملەكەت قورعانىس مينيسترلەر ٴماجىلىسى وتكىزىلەدى. حاۋىپسىزدىك دامۋدىڭ ىرگە تاسى. ٴبىز وڭىردىڭ حاۋىپسىزدىگى مەن ورنىقتىلىعىن بۇرىنعىداي قورعاۋدى ۇيىم قىزمەتىنىڭ نەگىزگى باعىتى ەتۋىمىز كەرەك. جۇڭگو شاڭحاي سەلبەستىك ۇيىمى جۇلگەسىندە قورعانىس حاۋىپسىزدىگى سەلبەستىگىن ورىستەتۋگە وسكەلەڭ ٴمان بەرەدى، ٴار جاقپەن بىرلىكتە اناعۇرلىم كەمەلدى حاۋىپسىز سەلبەستىك جۇيەسىن قۇرىپ، وسى ۇيىمنىڭ رەال حاۋىپ-قاتەرگە توتەپ بەرۋ قۋاتىن شىنايى جوعارىلاتۋدى قالايدى. جۇڭگو بەيبىت دامۋ جولىنان اۋىتقىمايدى، قاي-قاشان دا دۇنيە بەيبىتشىلىگىن قۇرۋشى، دۇنيەنىڭ دامۋىنا ۇلەس قوسۋشى، حالىقارالىق ٴتارتىپتى قورعاۋشى بولىپ، دۇنيەدەگى ٴار ەلمەن بىرگە، ادامزاتتىڭ تاعدىرلاس ورتاق تۇلعاسىن قۇرۋدى جەبەۋگە پەيىل.


بەرىپ كەت ورامالىڭدى

دوستار

الىستاعى اق ەركە