جاڭا حابارلار

شي جينپيڭ مەملەكەتتىك توراپ حاۋىپسىزدىگى جانە ينفورماتسيالاندىرۋ قىزمەت ءماجىلىسىن باسقارىپ اشتى

    كەلۋ قاينارى: جۇڭگو قازاق راديو تورابى    2018-04-23 12:18:05  

ءوز حابارىمىز. مەملەكەتتىك توراپ حاۋىپسىزدىگى جانە ينفورماتسيالاندىرۋ قىزمەت ءماجىلىسى ءساۋىردىڭ 20-، 21-كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق توراپ حاۋىپسىزدىگى جانە ينفورماتسيالاندىرۋ كوميتەتىنىڭ مەڭگەرۋشىسى شي جينپيڭ ماجىلىسكە قاتىناستى جانە ماڭىزدى ءسوز سويلەپ مىنالاردى باسا دارىپتەدى: ينفورماتسيالاندىرۋ جۇڭحۋا ۇلتىنا مىڭ دا ءبىر كەزىگەتىن تاماشا وراي جاراتتى، ءبىز ءسوز جوق ينفورماتسيا دامىعان تاريحي ورايدى قاعىلەزدىكپەن يگەرىپ، توراپتا دۇرىس حابارلاۋدى كۇشەيتىپ، توراپ حاۋىپسىزدىگىن قورعاپ، ينفورماتسيا سالاسىنداعى وزەكتى تەحنيكادان قامال الۋدى جەبەپ، ينفورماتسيالاندىرۋدىڭ شارۋاشىلىق قوعامنىڭ دامۋىنداعى جەتەكشى رولىن كورنەكتىلەندىرىپ، توراپ حاۋىپسىزدىگى جانە ينفورماتسيالاندىرۋ سالاسىندا ارميا مەن حالىقتى توعىستىرىپ، توراپ كەڭىستىگىن باسقارۋعا بەلسەنە قاتىناسىپ، دەربەس جاڭالىق جاراتىپ، توراپتاعى ەگەي ەل قۇرىلسىن ىلگەرلەتىپ، دوڭگەلەك داۋلەتتى قوعامدى جالپى بەتتىك قۇرۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزىمىنىڭ ۇلى جەڭىسىنە قول جەتكىزۋگە، جۇڭحۋا ۇلتىن ۇلى گۇلدەندىردەي جۇڭگو ارمانىن ىسكە اسىرۋعا ۇلەس قوسۋىمىز كەرەك.
 
ج ك پ ورتالىق كوميتەتى ساياسي بيرۋسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق توراپ حاۋىپسىزدىگى جانە ينفورماتسيالاندىرۋ كوميتەتىنىڭ ورىنباسار مەڭگەرۋشىسى لي كىچياڭ ءماجىلىستى باسقاردى. ج ك پ ورتالىق كوميتەتى ساياسي بيرۋسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، ج ك پ ورتالىق كوميتەتى ساياسي بيرۋسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيرۋسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيرۋسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قاتارلى باسشىلار ماجىلىسكە قاتىناستى. ج ك پ ورتالىق كوميتەتى ساياسي بيرۋسىنىڭ تۇراقتى مۇشەسى، ورتالىق شۋجيچۋدىڭ شۋجيى، ورتالىق توراپ حاۋىپسىزدىگى جانە ينفورماتسيالاندىرۋ كوميتەتىنىڭ ورىنباسار مەڭگەرۋشىسى ۋاڭ حۋنيڭ قورتىندى ءسوز سويلەدى.
 شي جينپيڭ مىنالاردى باسا دارىپتەدى: پارتيا 18-قۇرىلتايىنان بەرى پارتيا ورتالىعى عالامتوردى دامىتۋعا، باسقارۋعا وسكەلەڭ ءمان بەرىپ كەلدى، ساياسي، شارۋاشىلىق، وركەنيەت، قوعام، اسكەري ىستەر قاتارلى سالاداعى ينفورماتسيالاندىرۋ مەن توراپ حاۋىپسىزدىگىندەگى كەلەلى ماسەلەلەردى ءبىر تۇتاس سايكەستىرىپ، ءبىر قىدىرۋ ماڭىزدى شەشىمدەر جاساپ، ءبىر سىپرا كەلەلى شارالاردى ورتاعا قويىپ، توراپ حاۋىپسىزدىگى جانە ينفورماتسيالاندىرۋ كاسىبىن جەبەۋدە تاريحي تابىستارعا قول جەتكىزدى. مىنە وسى ناتيجەلەر پارتيا 18-قۇرىلتايىنان بەرى پارتيا ورتالىق كوميتەتىنىڭ پارتيانىڭ توراپ حاۋىپسىزدىگى جانە ينفورماتسيالاندىرۋ قىزمەتىندەگى ورتالىقتانعان ءبىر تۇتاس باسشىلعىن كۇشەيتۋدە جاساعان شەشىمىنىڭ جانە توراپ حاۋىپسىزدىگى مەن ينفورماتسيالاندىرۋ قىزمەتىنە شىعارعان ءبىر سىپرا ستراتەگيالىق ورنالاستىرۋدىڭ بۇكىلدەي دۇرىس ەكەندىگىن تۇسىندىرەدى. ءبىز نازاريادا جانە امالياتتا ۇزدىكسىز جاڭالىق جاراتىپ، جۇڭگوشا ەرەكشەلىككە يە توراپ باسقارۋ سارا جولىن سالۋمەن قابات ءبىر سىپرا جاڭا وي جاڭا كوزقاراس جاڭا تۇجىرىمداردى ورتاعا قويىپ عالامتورداعى ەگەي ەل قۇرۋ ستراتەگيالىق يدەياسىن قالىپتاستىردىق.
 
شي جينپيڭ مىنالاردى اتاپ كورسەتتى: توراپتى ۋەنيۋرسال وڭاۋ قۋاتىن جوعارىلاتىپ، پارتيا كوميتەتى باسشىلىق ەتەتىن، ۇكىمەت باسقاراتىن، كاسىپورىن جاۋاپكەرشىلىك ارقالايتىن، قوعام باقىلايتىن، توراپكەرلەر تارتىپشەڭ بولاتىن ، كوپ جاق اتسالىساتىن، شارۋاشىلىق، زاڭ، تەحنيكا قاتارلى ءتۇرلى تاسىلدەر ءوزارا ۇشتاسقان ۋەنيۋرسال توراپ جۇلگەسىن قالىپتاستىرۋ كەرەك. توراپتا دۇرىس ۇگىت جۇرگىزۋدى كۇشەيتىپ، تۋى ايقىن تۇردە دۇرىس ساياسي باعىت، دۇرىس جۇرتشىلىق پكىرى، قۇن بەتالىسى باعىتىندا تاباندى بولىپ، جاڭا داۋىردەگى جۇڭگوشا سوتسياليزىم يدەياسى مەن پارتيا 19-قۇرىلتاي رۋحىنا ساي سان ميلليون توراپتاستى ىنتىماقتاستىرىپ، مۇرات –سەنىم تاربيەسىن پارمەندى ورىستەتىپ، جاڭا داۋىردەگى جۇڭگوشا سوتسياليزىم مەن جۇڭگو ارمانى ۇگىت تاربيەسىن كۇشەيتىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتان وتكىزىپ، توراپ ۇگىتىندە تانىم، مازمۇن، فورما، ۇلگى قاتارلى جاقتاردا جاڭالىق جاراتىپ، ۋاقىت پەن ونىمدىلىكتى ويداعىداي يگەرىپ، قوعامداعى ورتاق تانىمدى اناعۇرلىم ۇيىستىرىپ، بۇكىل پارتيا بۇكىل ەلىمىز حالقىنىڭ ىنتىماقتاسا كۇرەس جاساعان ورتاق ساياسي نەگىزىن بەكەمدەۋ كەرەك. عالامتور كاسىپورىندارىنىڭ تۇلعالىق جاۋاپكەرشىلىگىن ارتتىرىپ، عالامتوردىڭ زياندى ينفورماتسيا، كەسىرلى وسەك- اياڭ تاراتاتىن تەكشەگە اينالۋىنا استە جول قويماۋ كەرەك. عالامتور كاسىبىنىڭ ءتارتىبىن كۇشەيتىپ، توراپكەرلەردىڭ بەلسەندىلىگىن جۇمىلدىرىپ، ءارقايسى جاقتى عالامتور ورتاسىن وڭاۋ مەن باسقارۋعا اتتانىسقا كەلتىرۋ كەرەك.
 
شي جينپيىڭ مىنانى باسا دارىپتەدى: توراپ حاۋىپسىزدىگى بولماعان جاعدايدا مەملەكەت حاۋىپسىزدىگى بولمايدى، شارۋاشىلىق پەن قوعامنىڭ ورنىقتى اينالىمى دا بولمايدى، قالىڭ حالىق بۇقاراسىنىڭ مۇددەسى دە كەپىلدىككە يە بولمايدى. دۇرىس توراپ حاۋىپسزدىك كوزقاراسىن ورناتىپ، ينفورماتسيا نەگىزگى قۇرىلعىلارىنىڭ توراپ حاۋىپسىزدىك قورعانىسىن كۇشەيتىپ، توراپ حاۋىپسىزدىگى ينفورماتسياسىن ءبىرتۇتاس جوسپارلاۋ مەحانيزمىن، ءادىسىن، مىنبە قۇرلىسىن نىعايتىپ، توراپ حاۋىپسىزدىك ۋاقيعالارىنا شۇعىل قولباسشىلىق ەتۋ قابىلەت قۇرلىسىن كۇشەيتىپ، توراپ حاۋىپسىزدىك كاسىبىن بەلسەندى دامىتىپ، الدىن الا ساقتانىپ، كىناراتتاردىڭ الدىن الۋ كەرەك. شەشۋشى ينفورماتسيا نەگىزگى قۇرىلعىلارىن قورعاۋ جاۋاپكەرشىلىگىن تياناقتاندىرۋ، سالا مەن كاسپورىندار شەشۋشى ينفورماتسيا نەگىزگى قۇرىلعىلارىنىڭ تيجاراتشىسى تۇرعىسىنان تۇلعالىق قورعاۋ جاۋاپكەرشىلىگىن ارقالاۋى، نەگىزگى باسقارۋ تاراۋلارى باقىلاۋ-باسقارۋ جاۋاپكەرشىلىگىن ويداعىداي وتەۋى كەرەك. توراپ قاسكەرلەرى، تەلەگراف توراپ الدامكوستىگى، ازاماتتاردىڭ جەكەلىك قۇپياسىنا قول سۇعۋ سياقتى زاڭعا قايشى قىلمىستى ارەكەتتەرگە زاڭ بويىنشا قاتاڭ سوققى بەرىپ، توراپ قىلمىسىنىڭ مۇددە تىزبەگىن ۇزىپ، قىراعىلىقتى ارتتىرىپ، حالىق بۇقاراسىنىڭ زاڭدى ۇقىق-مۇددەسىن قورعاۋ تيىس. توراپ حاۋىپسىزدىك بىلىمدەرى مەن ونەرىن ۇگىتتەپ جالپىلاستىرۋدى كۇشەيتىپ، حالىق بۇقاراسىنىڭ توراپ حاۋىپسىزدىگى جونىندەگى تانىمى مەن قورعانۋ قابىلەتىن ارتتىرۋ كەرەك.
 
شي جينپيڭ بىلاي دەدى: وزەكتى تەحنيكا- مەملەكەتتىڭ ماڭىزدى قۇرالى. بەرىك بەكىم جاساپ جانە وندا تاباندى بولىپ تۇيىندى دۇرىس يگەرۋ، ينفورماتسيا سالاسىندا وزەكتى تەحنيكادا جاڭالىق جاراتۋ قادامىن تەزدەتۋ كەرەك. كاسىپ تۇزىلىسى قۇرلىسىن مىقتى يگەرىپ، تەحنيكادا، كاسىپتە جانە ساياساتتا بىرگە العا باسۋ كەرەك. تەحنيكانىڭ دامۋ قاعيداسى بويىنشا جۇيەلەندىرۋ تەحنيكالىق ورنالاستىرۋىن ويداعىداي ىستەپ، ۇزدىكتەردىڭ ىشىنەن ۇزدىگىن تاڭداپ، تۇيىندى بۋىنداردا كورنەكتى تابىسقا جەتۋ. ورتالىقتانعان ءبىرتۇتاس باسشىلىقتى كۇشەيتىپ، فينانس، قازىنا باجى، حالىقارالىق ساۋدا، قابىلەت يەسى، ءبىلىم مەنشىك ۇقىعىن قورعاۋ قاتارلى تۇزىم ورتاسىن كەمەلدەندىرىپ، بازار ورتاسىن ساپالاندىرىپ، جاڭالىق جاراتاتىن الۋان نەگىزگى تۇلعالاردىڭ جاڭالىق جاراتۋ ومىرشەڭدىك قۋاتىن ويداعىداي ساۋلەلەندىرۋ كەرەك. ءادىل بازار ورتاسىن جەتىلدىرىپ، ءبىلىم مەنشىك ۇقىعىن قورعاۋدى كۇشەيتىپ، مونوپولياۋ مەن ۇيلەسىمسىز باسەكەگە قارسى تۇرۋ. نەگىزدىك زەرتتەۋ مەن تەحنيكادا جاڭالىق جاراتۋدى ۇشتاستىراتىن بوگەتسىز ارنا قۇرىپ، نەگىزدىك زەرتتەۋ ارقىلى قولدانىلمالى تەحنيكادا توپتىق جاڭالىق جاراتۋعا كۇش سالۋ كەرەك.
 
شي جينپيڭ مىنالاردى باسا دارىپتەدى: توراپ ينفورماتسيا كاسىبى تىڭءوندىرگىش كۇش پەن جاڭا دامۋ باعىتىنا ۋاكىلدىك ەتەدى، سوندىقتان تىڭ دامۋ كوزقاراسىن اتقارۋ بارىسىندا ءبىر قادام الدا ءجۇرۋى، وسىزاماندانعان شارۋاشىلىق جۇيەسىن ورناتۋ مەن جوعارى ساپالى دامۋدى تۇيىن ەتە وتىرىپ، ينفورماتسيالانعان دامۋدى تەزدەتۋ نەگىزىندە جاڭاشا ونەركاسىپتەنۋ، قالا-قالاشىقتانۋ، اۋىلشارۋاشىلىعىن وسىزامانداندىرىپ دامىتۋعا جالپى بەتتىك باستاماشىلىق ەتۋ جانە ونىڭ دارەجەسىن جوعارلاتۋى كەرەك. سيفرلى شارۋاشىلىقتى دامىتىپ، سيفرلى كاسىپتەنۋ قادامىن تەزدەتىپ، ينفورماتسيا تەحنيكاسىندا جاڭالىق جاراتۋدى قوزعاۋشى كۇش ەتۋگە سۇيەنىپ، جاڭا كاسىپ، تىڭ كاسىپ جاعدايى، جاڭا ادىستەردىڭ تولاسسىز جارىققا شىعۋىن جەبەپ، تىڭ قوزعاۋشى كۇش ارقىلى تىڭ دامۋدى جەبەۋ كەرەك. كاسىپتى سيفرلاندىرۋ قادامىن تەزدەتىپ، ينتەرنەت جاڭا تەحنيكاسى مەن جاڭا قولدانىمىنىڭ ءداستۇرلى كاسىپتەرگە جان-جاقتىلى، تولىق قامتىلىمدى، تۇتاس تىزبەكتى وڭاۋىنان پايدالانىپ، جالپى فاكتورلى ءوندىرىس سالىسترماسىن ارتتىرىپ، سيفىردىڭ شارۋاشىلىقتى دامىتۋداعى كولەمدى، قات-قابات، ەسەلەندىرۋ رولىن ساۋلەلەندىرۋ كەرەك. ينتەرنەت، ءىرى ساندى مالىمەت، جاساندى زەيىن جۇيەسى مەن ناقتى شارۋاشىلىقتىڭ ىشكەرلەي توعىسۋىن جەبەپ، جاساۋ كاسىبى، اۋىلشارۋاشىلىعى، قىزمەت وتەۋ كاسىبىن سيفرلاندىرۋ، توراپتاندىرۋ، زەيىندەندىرۋ قادامىن تەزدەتۋ تيىس، توراپ ينفورماتسيا كاسپورىندارىنىڭ ىرگەسىن كەڭەيتۋ مەن قۇدىرەتتەندىرۋدى تاباندى قولداپ، جۇيەلى جەتەكشىلىك ەتۋدى كۇشەيتىپ، اقاۋسىز ءتارتىپتى دامۋىن جەبەۋ. كاسپورىندار دامۋ بارىسىندا شارۋاشىلىق ونىمدىلىك پەن قوعامدىق ونىمدىلىكتى ءوزارا ۇشتاستىرىپ، قوعامدىق جاۋاپكەرشىلىك پەن ءمورال جاۋاپكەرشىلىگىن ويداعىداي ارقالاۋى كەرەك. ينفورماتسيالاندىرۋ ءادىسى ارقىلى ۇكىمەت ىستەرى مەن پارتيا ىستەرىن جاريا ۇستاپ، ۇكىمەت ىستەرىن ەلەكترونداندىرۋدى تەزدەتىپ، تۇتاس بارىس ءبىرتۇلعالانعان قىزمەت وتەۋ تەكشەسىن قۇرىپ، كاسپورىندار مەن جۇرتشىلىق اڭىسى كۇشى بولعان ءىس ءبىتىرۋ قيىن بولۋ، باياۋ بولۋ، كۇردەلى بولۋ ماسەلەلەرىن ويداعىداي شەشۋ كەرەك. توراپ ينفورماتسيا ىستەرىن دامىتۋدا ادام وزەك ەتىلگەن دامۋ وي جەلىسىن دايەكتىلەندىرىپ، حالىقتى باقىتقا كەنەلتۋدى ينفورماتسيالاندىرۋدى دامىتۋدىڭ شىعار تۇيىنى جانە تياناعى ەتىپ، حالىق بۇقاراسىن ينفورماتسيالانۋدىڭ دامۋ بارىسىندا اناعۇرلىم كوپ تابىس سەزىمىنە، باقىت سەزىمىنە جانە حاۋىپسىزدىك سەزىمىنە يە ەتۋ كەرەك.
 
شي جينپيڭ بىلاي دەدى: توراپ ينفورماتسياسىندا ارميا مەن حالىقتى توعىستىرۋ- ارميا مەن حالىقتى توعىستىرۋداعى تۇيىندى سالا جانە الدىنعى شەپ ءارى ارميا مەن حالىقتىڭ توعىسۋىندا ەڭ ومىرشەڭدىك جانە كومەسكى كۇشكە يە سالا، كەزەكتەگى ينفورماتسيا تەحنيكاسى مەن اسكەري ىستەردە جاڭالىق جاراتۋ تاريحي ورايىن مىقتى يگەرىپ، ءوندىرگىش كۇش پەن كۇرەسشەڭدىك قۋات، بازار جانە شايقاس مايدانىنىڭ ىشكى قاتىناسىن تەرەڭ تۇسىنىپ، توراپ ينفورماتسياسىندا ارميا مەن حالىقتى توعىستىرۋدىڭ قىزمەت مەحانيزمى مەن قاعيداسىن مىقتى يگەرىپ، جالپى فاكتورلى، كوپ سالالى، جوعارى ءونىمدى بولعان ارميا مەن حالىقتىڭ تەرەڭ توعىسىپ دامۋ جاعدايىن جاراتۋ كەرەك.
شي جينپيڭ مىنالاردى باسا دارىپتەدى: دۇنيە ءجۇزىنىڭ ينتەر تورابىن جونگە سالۋ جۇيەسىن رەفورمالاۋ- جالپى اۋقىم، جۇرت تىلەگى. حالىقارالىق توراپ ورتاسىن وڭاۋدا كوپ جاق بولىپ اتسالىسۋعا تاباندى بولىپ، ۇكىمەتتەر، حالىقارالىق ۇيىمدار، ينتەر تورابى كاسىپورىندارى، تەحنيكالىق توپتار، حالىقتىق قۇرىلىمدار، جەكە ازاماتتار قاتارلى ءتۇرلى تۇلعالاردىڭ رولىن ساۋلەلەندىرۋ ءتيىس.
 
ب م ۇ جۇلگەسىندە توراپتى جونگە سالۋدى جەبەپ قانا قالماستان مەملەكەتكە ۋاكىلدىك ەتە المايتىن تۇلعالاردىڭ بەلسەندى رولىن ءتىپتى دە ايتارلىقتاي ساۋلەلەندىرۋ قاجەت. «ءبىر بەلدەۋ، ءبىر جول» قۇرىلىسى سياقتىلاردى وراي ەتە وتىرىپ، ءبىر بەلدەۋ، ءبىر جول بويىنداعى ەلدەر، اسىرەسە دامۋ جولىنداعى ەلدەرمەن توراپ نەگىزدىك قۇرىلعىلارى قۇرىلىسى، سيفىرلى شارۋاشىلىق، توراپ حاۋىپسىزدىگى سياقتى جاقتارداعى سەلبەستىكتى كۇشەيتىپ، 21- عاسىرداعى سيفىرلى جىبەك جولىن قۇرۋ كەرەك.
 
شي جينپيڭ مىنالاردى اتاپ كورسەتتى: پارتيا ورتالىق كوميتەتىنىڭ توراپ ينفورماتسياسى قىزمەتىنە شوعىرلى ءبىرتۇتاس باسشىلىعىن كۇشەيتىپ، توراپ ينفورماتسياسى ىستەرىنىڭ قاي- قاشاندا دۇرىس باعىتپەن ىلگەرىلەۋىنە كەپىلدىك ەتۋ ءتيىس. جەر- جەرلەر مەن تاراۋلار توراپ ينفورماتسياسى قىزمەتىنە وسكەلەڭ ءمان بەرىپ، ونى ءتۇيىندى قىزمەت جوسپارى مەن ماڭىزدى تالقى كۇن تارتىبىنە ەنگىزىپ، جاڭا جاعداي- تىڭ ماسەلەلەردى دەركەزىندە شەشۋلەرى، جۇمىسشىلار- جاستار- ايەلدەر سياقتى توپ- ۇيىرمەلەردىڭ ابزالدىلىعىن تولىق ساۋلەلەندىرىپ، كاسىپورىن- عىلمي زەرتتەۋ ورىندارى، جوعارى مەكتەپ، زەيىن قامباسى سياقتىلاردىڭ رولىن ايتارلىقتاي ساۋلەلەندىرىپ، تۇتاس قوعامنىڭ كۇشىن توپتاپ توراپ ينفورماتسياسى قىزمەتىن ءبىر نيەت- ءبىر تىلەكپەن ىلگەرىلەتۋلەرى ءتيىس. ءار دارەجەلى باسشى كادىرلار اسىرەسە جوعارى دارەجەلى كادىرلار ينفورماتسيالاندىرۋ تالابىنا، ينتەر تورابىن نىعايتۋ وي جەلىسىنە ىرىقتى ۇيلەسىپ، ينتەر تورابى قاعيداسىن مەڭگەرۋ قۋاتىن، توراپ اڭىسىنا جەتەكشىلىك ەتۋ قۋاتىن، ينفورماتسيالاندىرىپ دامىتۋدى مەڭگەرۋ قۋاتىن، سونداي- اق توراپ حاۋىپسىزدىگىن قامتاماسىزداندىرۋ قۋاتىن ۇزدىكسىز ارتتىرۋلارى قاجەت. ءار دارەجەلى پارتيا ۇكىمەت ورگاندارى مەن باسشى كادىرلار ينتەر تورابى ارقىلى بۇقارانى ۇيىمداستىرۋ، ۇگىتتەۋ، جەتەكشىلىك ەتۋ جانە قىزمەت وتەۋ قابليەتتەرىن جوعارىلاتۋى ءتيىس. توراپتى زاڭ بويىنشا باسقارۋدى، زاڭ بويىنشا جۇرگىزۋدى، زاڭ بويىنشا پايدالانۋدى جەبەپ، ينتەر تورابىنىڭ زاڭمەن باسقارىلۋ ارناسىندا اقاۋسىز اينالىمعا تۇسۋىنە كەپىلدىك ەتۋ كەرەك. توراپ ينفورماتسياسى سالاسىنداعى دارىندىلاردى جەتىلدىرۋدىڭ تۇلعالىق جوسپارىن زەرتتەپ جاساپ، دارىندىلاردى دامىتۋداعى ءتۇزىلىس- مەحانيزم رەفورماسىن جەبەپ، دارىندىلاردىڭ جاسامپازدىق ومىرشەڭدىك كۇشىن قاتار ارتتىرىپ، اقىل- پاراساتىن تولىق ىسكە قوسۋ ءتيىس. «4 ءتۇرلى تانىمدى» ۇزدىكسىز كۇشەيتىپ، پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولىپ، قوسىندى زور تەبىنمەن ايتارلىقتاي قۇرىپ، جالپى بەتتىك قاتاڭ باسقارىپ، توراپ ينفورماتسياسى سالاسىنداعى ءار دارەجەلى باسشى كادىرلاردى ايتارلىقتاي تاڭداپ جانە مىندەتكە قويىپ، توراپ ينفورماتسياسى ىستەرىنىڭ دامۋىن قايسار ۇيىمدىق جانە قوسىندىق كەپىلمەن قامتاماسىزداندىرۋ ءتيىس.
 لي كىچياڭ ءماجىلىستى باسقارعان كەزىندە مىنالاردى اتاپ كورسەتتى: باس شۋجي شي جينپيڭ ماڭىزدى ءسوز سويلەپ، پارتيا مەن مەملەكەت ىستەرى جالپى جاعدايىن شىعار ءتۇيىن ەتىپ، پارتيانىڭ 18- قۇرىلتايىنان بەرگى ەلىمىزدىڭ توراپ حاۋىپسىزدىگى مەن ينفورماتسيالاندىرۋ قىزمەتىندە قول جەتكىزگەن تاريحي تابىستارىن جانە بولىپ وتكەن تاريحي وزگەرىستەردى جالپى بەتتىك قورىتىندىلادى، توراپ جاعىندا ەگەي ەل قۇرۋ ستراتەگيالىق وي جەلىسىنىڭ باي مازمۇنىن جۇيەلى بايىمداپ، توراپ ينفورماتسياسى ىستەرىنىڭ الداعى دامۋىنا ساياتىن ءبىر قىدىرۋ ماڭىزدى نازاريا مەن ءامالي ماسەلەلەرگە عىلمي جاۋاپ بەرىپ، ينفورماتسيا توڭكەرىسىنىڭ تاريحي ورايىن مەڭگەرۋگە، توراپ حاۋىپسىزدىگى مەن ينفورماتسيالاندىرۋ قىزمەتىن كۇشەيتۋگە، توراپ سالاسىندا ەگەي ەل بولۋ قۇرىلىسىن جەدەلدەتۋگە ايقىن باعدار سىلتەپ، نەگىزدىك قاعيدا كورسەتتى، بۇل ماڭىزدى ءارى تەرەڭ مانگە يە. كوپشىلىك مۇقيات ۇيرەنىپ- ۇعىنىپ، ىشكەرىلەي وي جۇگىرتىپ، ءىس جۇزىندىكپەن بايلانىستىرىپ، تانىمدى تەرەڭدەتىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزى رۋحىنا شىنايى شوعىرلاندىرۋ كەرەك. ساياسي تۇرعىنى اناعۇرلىم جوعارىلاتىپ، پارتيانىڭ ۇزاق ۋاقىتتار بويى بيلىك جۇرگىزۋ جانە مەملەكەتتىڭ باياندى تىنىشتىعى تۇرعىسىنان جاۋاپكەرلىك- بورىش سەزىمدەرىن شىنايى كۇشەيتىپ، توراپ حاۋىپسىزدىگى مەن ينفورماتسيالاندىرۋ قىزمەتىن تاعى دا تىڭ ساتىعا كوتەرۋ ءتيىس.
 
ۋاڭ حۋنيڭ قورىتىندى ءسوز سويلەپ بىلاي دەدى: باس شۋجي شي جينپيڭ ماڭىزدى ءسوز سويلەپ ادامزات تاريحىنىڭ دامۋ جانە پارتيا مەن مەملەكەت جالپى جاعدايى تۇرعىسىنان ينفورماتسيالاندىرۋ رەفورماسىنىڭ بەتالىسى مەن ءبىزدىڭ ارقالاعان تاريحي بورىشىمىزعا عىلمي تالداۋ جاساپ، توراپ جاعىندا ەگەي ەل قۇرۋ ستراتەگيالىق وي جەلىسىن جۇيەلى بايىمداپ، توراپ ينفورماتسياسى ىستەرىن دامىتۋعا ساياتىن ءبىر قىدىرۋ ماڭىزدى نازاريا مەن ءامالي ماسەلەلەرگە ىشكەرىلەي جاۋاپ بەردى، بۇل جاڭا داۋىردەگى توراپ حاۋىپسىزدىگى مەن ينفورماتسيالاندىرىپ دامىتۋعا جەتەكشىلىك ەتۋدەگى پروگراممالىق قۇجات. ءسوزسىز مۇقيات ۇيرەنىپ- ۇعىنىپ، يدەيا مەن ارەكەتتى پارتيا ورتالىق كوميتەتىنىڭ توراپ ينفورماتسياسى قىزمەتى جايلى ستراتەگيالىق ورنالاستىرۋىمەن بىرلىككە كەلتىرىپ، شەگە رۋحىمەن ءتۇرلى قىزمەتتى ناقتى ۇستاپ تياناقتاندىرۋ كەرەك.
 
ج ك پ ورتالىق كوميتەتىنىڭ توراپ حاۋىپسىزدىگى مەن ينفورماتسيالاندىرۋ كوميتەتى كەڭسەسى، ونەركاسىپ جانە ينفورماتسيالاندىرۋ مينيسترلىگى، قوعام حاۋىپسىزدىگى مينيسترلىگى، بەيجيڭ قالاسى، شاڭحاي قالاسى، حۋبي ولكەسى، گۋاڭدۇڭ ولكەسى جانە گۋيجوۋ ولكەسىنىڭ جاۋاپتى جولداستارى ماجىلىستە اۋىس- كۇيىس جاساپ ءسوز سويلەدى.
 


بەرىپ كەت ورامالىڭدى

دوستار

الىستاعى اق ەركە