جاڭا حابارلار

شوكىرات زاكىر قازاقستاندىق قوناقتارمەن كەزدەستى

    كەلۋ قاينارى: شينجياڭ گازەتى    2018-04-23 17:31:07  

 ءتىلشىمىز يۋان لەي 4 - ايدىڭ 21 - كۇنى ۇرىمجىدەن حابارلايدى. 4 - ايدىڭ 17 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قازاقستان سىرتقى ىستەر مينيسترىنىڭ ءبىرىنشى ورىنباسارى مۇحتار تىلەۋبەردىمەن كەزدەستى.
  شوكىرات زاكىر بىلاي دەدى: جۇڭگو - قازاقستان قارىم - قاتىناسىنىڭ دامۋ بەتالىسى جاقسى، ءتۇرلى سالالارداعى ىنتىماقتاستىعى ۇزبەي تەرەڭدەۋدە، ەكى ەل باسشىلارى كوپ رەت ءوزارا ساپارلاي بارىپ، جۇڭگونىڭ شينجياڭى مەن قازاقستاننىڭ قارىم - قاتىناسى، ەكونوميكا - ساۋدا ىنتىماقتاستىعى ءۇشىن تاماشا شارت - جاعداي جاراتتى. جاقىنعى جىلداردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ءتۇرلى ىستەرى ايتارلىقتاي ىلگەرىلەپ، ەكونوميكاسى تەز قارقىنمەن اقاۋسىز دامىپ، حالىقتىڭ تۇرمىسى ۇزدىكسىز جاقسارىپ، ۇلتتارى ىنتىماقتى، دىندەرى جاراسىمدى، قوعامدىق جالپى جاعدايى جاراسىمدى، ورنىقتى بولىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى كۇش سالا ىلگەرىلەتىلۋدە. قازاقستان جىبەك جولى ەكونوميكالىق بەلدەۋى جاعالاۋىنداعى ەل رەتىندە، جىبەك جولى ەكونوميكالىق بەلدەۋىن بىرگە قۇرۋ بارىسىندا ورنىن باسۋعا بولمايتىن رولىن ساۋلەلەندىرۋدە. جۇڭگونىڭ شينجياڭى قازاقستانمەن ءتۇرلى سالالارداعى ىنتىماقتاستىقتى جاپپاي تەرەڭدەتۋدى، جىبەك جولى ەكونوميكالىق بەلدەۋى قۇرىلىسى ءۇشىن بىرگە ۇلەس قوسۋدى قالايدى.
  مۇحتار تىلەۋبەردى بىلاي دەدى: قازاقستان - جۇڭگو ەكى ەلىنىڭ دوستىق قاتىناسى ۇزاق تاريحقا يە، ديپلوماتيالىق قاتىناس ورناتقان 26 جىلدان بەرى، ەكى ەلدىڭ ساياسات، ەكونوميكا، قارجى قوسۋ سياقتى سالالارداعى ىنتىماقتاستىعى ۇزدىكسىز دامىدى. قازاقستان ۇزاق ۋاقىتتان بەرى جۇڭگونىڭ شينجياڭىنىڭ ءبىرىنشى ساۋدا سەرىگى، جىبەك جولى ەكونوميكالىق بەلدەۋى قۇرىلىسىنا بەلسەنە ات سالىسىپ، جۇڭگومەن ساۋدا، قارجى قوسۋ سياقتى كوپ سالالاردا ىنتىماقتاستىقتى كۇشەيتۋدى قالايدى. قازاقستان ۇكىمەتى جۇڭگومەن شەكارالاساتىن الماتى وبلىسىن جانە شىعىس قازاقستان وبلىسىن جۇڭگونىڭ شينجياڭىمەن اناعۇرلىم تىعىز ىنتىماقتاستىقتى دامىتىپ، جۇڭگونىڭ شينجياڭىمەن ونەركاسىپ - ساۋدا سالاسىنداعى اۋىس - كۇيىستى كۇشەيتىپ، ءوزارا ساۋدا جانە قارجى قوسۋ ورەسىن تاعى ءبىر ساتى جوعارىلاتۋعا شابىتتاندىرادى.
  اۆتونوميالى رايون باسشىلارىنان جۋ حايلۇن، جاڭ چۇنلين، قازاقستاننىڭ جۇڭگودا تۇراتىن باس ەلشىسى شاحرات نۇرشوۆ كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە