جاڭا حابارلار

ءار ءبىر بالانىڭ اقاۋسىز ەرجەتۋىنە مۇمكىندىك جاسايىق

    كەلۋ قاينارى: شينجياڭ گازەتى    2018-04-23 17:19:51  

ءۇرىمجى قالاسىنداعى مەكتەپ جاسىنا تولماعان 240 مىڭ بالا «ماپەلەۋ ينجەنەرياسىنان» يگىلىكتەندى
ءتىلشىمىز ليۋ جيڭ

 4 - ايدىڭ 12 - كۇنى ءۇرىمجى قالاسى سايباق رايونى چاڭجياڭ جولى بولىمشە رايونى جيڭ - ار جولى الەۋمەتتىك اۋماعىنداعى «جاقسى بالا» بالاباقشاسىنداعى بالالار «ماپەلەۋ ينجەنەرياسىنىڭ» ءنارلى ءسۇتىن ىشۋدە.
سۋرەتتى حان لياڭ تۇسىرگەن

  «اسىقپاي ىشە عوي، قۇلىنىم». 4 - ايدىڭ 15 - كۇنى ءۇرىمجى قالاسى شۇيموگوۋ رايونى لۇڭشىڭ جولى ءمالى باسقارماسىنا قاراستى كاڭنيڭ الەۋمەتتىك اۋماعىندا گۋان جيا - ان ەسىمدى 2 جاسار ءسابي الەۋمەتتىك اۋماق قىزمەتكەرى بەرگەن «ماپەلەۋ ينجەنەرياسى» دەگەن جازۋى بار ءبىر قالتا ءسۇتتى اقىرىن ىشە باستادى. «نەمەرەم، راسىندا، باقىتتى. پارتيانىڭ ابزال ساياساتىنا العىس ايتامىن!»، - دەدى گۋان جيا - اننىڭ اتاسى قۋانا.
  پارتيا 19 - قۇرىلتايى بايانداماسىندا «سالاماتتى جۇڭگو ستراتەگياسىن اتقارۋ. حالىقتىڭ دەنساۋلىعى جونىندەگى ساياساتتى كەمەلدەندىرىپ، حالىق بۇقاراسىنا دەنساۋلىق جاعىندا جان - جاقتى، تولىق قىزمەت ەتۋ كەرەك» دەپ ايقىن العا قويىلدى. ءۇرىمجى قالالىق پارتكوم، قالالىق ۇكىمەت پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، سالاماتتى شينجياڭ، سالاماتتى ورتالىق قالا قۇرىلىسىن كۇش سالا ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن اناعۇرلىم كۇشەيتتى.
  ءۇرىمجى قالاسىنىڭ 2018 - جىلعى «حالىق تۇرمىسى قۇرىلىسىنا قاتىستى 10 ناقتى ءىستىڭ» ءبىرى رەتىندە، ءۇرىمجى قالاسى 4 - ايدىڭ 15 - كۇنىنەن باستاپ «ماپەلەۋ ينجەنەرياسىن» جاپپاي باستاپ، تۇراقتى تۇرعىندار اراسىنداعى 0 جاستان 6 جاسقا دەيىنگى مەكتەپ جاسىنا تولماعان 240 مىڭ بالانىڭ ءاربىرىن ءار كۇنى ءبىر قالتا تەگىن ءنارلى سۇتپەن قامدادى. ءتىلشى بۇل جونىندە ارالاپ ۇعىستى.
  «ماپەلەۋ ينجەنەرياسى» جاپپاي باستالدى  
  4 - ايدىڭ 15 - كۇنى «ماپەلەۋ ينجەنەرياسى» دەگەن جازۋى بار زات جەتكىزەتىن كەبەجەلى اۆتوكولىك 160 ساندىق ءسۇتتى ءۇرىمجى قالاسى شۇيموگوۋ رايونى شينميڭ جولى اۋماعىنىڭ نانداحۋ الەۋمەتتىك اۋماعىنا جەتكىزدى. ءۇرىمجى قالاسى شۇيموگوۋ رايوندىق بازار باقىلاۋ - باسقارۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا نانداحۋ الەۋمەتتىك اۋماعىندا تۇراتىن قىزمەت اترەتىنىڭ مۇشەلەرى مەن الەۋمەتتىك اۋماقتىڭ قىزمەتكەرلەرى جەدەل ارەكەتتەنىپ، وتباسىلارىن ارالاپ، ساندىق - ساندىق سۇتتەردى قاراستى اۋماقتاعى تۇرعىنداردىڭ ۇيىنە جەتكىزدى.
  «ۇلىم مەكتەپتە وقۋشىلار ءسۇتىن ىشە الادى. ال قازىر كەنجە قىزىم ماپەلەۋ ينجەنەرياسى سىندى ابزال ساياساتتان يگىلىكتەنىپ وتىر»، - دەدى نانداحۋ الەۋمەتتىك اۋماعىندا تۇراتىن جەكە كاسىپكەر ءدىلشات قادىر. وسى ءبىر ساندىقتاعى ءاربىرى 200 ميلليليترلىك 10 قاپ ءسۇت ءدىلشاتتىڭ بالاسىنىڭ 10 كۇندىك ءسۇتى. بۇدان بىلاي قىزى ايشا ءدىلشات ءار 10 كۇندە ءبىر ساندىق ءنارلى سۇتكە يە بولا الادى.
  ۇعىسۋعا قاراعاندا، «ماپەلەۋ ينجەنەرياسىنىڭ» وقۋ جاسىنداعى بالالاردى تۇتاس قامتىمىن شىن مانىندە جۇزەگە اسىرۋ ءۇشىن، بيىل 3 - ايدىڭ باسىنان باستاپ ءۇرىمجى قالاسىنداعى الەۋمەتتىك اۋماقتار (قىستاق) تۇڭعىش رەت جاعداي ۇعىسىپ، جاپپاي تەكسەرۋ جۇرگىزىپ، وتباسىلارىن ارالاپ ۇگىت جۇرگىزۋ، تەلەفوندا ۇقتىرۋ، ۇگىت قاعازىن جاپسىرۋ سياقتى فورمالار ارقىلى قالا تۇرعىندارىنا «ماپەلەۋ ينجەنەرياسىنا» قاتىستى ساياساتتى ۇگىتتەگەن.
  ءۇرىمجى قالاسىنىڭ «ماپەلەۋ ينجەنەرياسىنىڭ» باستالۋ سالتى 3 - ايدىڭ 30 - كۇنى تيانشان رايونى بايگە الاڭى اۋماعىنىڭ حۇڭچي الەۋمەتتىك اۋماعىندا وتكىزىلدى. ءارقايسى رايونداردا جانە اۋداندا دا بولىمشە ءماجىلىس ورنى قۇرىلىپ، باستالۋ سالتى ءبىر ۋاقىتتا وتكىزىلدى. تاڭداپ بەكىتىلگەن الەۋمەتتىك اۋماقتاردا جارتى اي سىناق رەتىندە ءسۇت جەتكىزگەننەن، سىناق رەتىندە جۇمىس جۇرگىزگەننەن كەيىن، 4 - ايدىڭ 15 - كۇنى ءۇرىمجى قالاسىنىڭ «ماپەلەۋ ينجەنەرياسى» 7 رايوندا، ءبىر اۋداندا جاپپاي باستالدى.
  ءۇرىمجى قالاسى 2009 - جىلدان باستاپ وقۋشىلارعا ءسۇت ىشكىزۋ ينجەنەرياسىن باستاپ اتقارىپ، 300 مىڭنان استام ورتا، باستاۋىش مەكتەپ وقۋشىلارىنا يگىلىك جاراتتى. بيىل قالا بويىنشا ماپەلەۋ ينجەنەرياسىن اتقارىپ، 0 جاستان 6 جاسقا دەيىنگى مەكتەپ جاسىنا تولماعان بالالاردىڭ ءبارىن ءار كۇنى اقىسىز ءبىر قالتا سۇتپەن قامداپ، نارەستەدەن 9 جىلدىق مىندەتتى وقۋ - اعارتۋ ساتىسىنا دەيىنگى بالالاردىڭ ءبارىن تۇتاس شارپىدى.
  «ءۇرىمجى قالاسى نوپوسىنداعى نەمەسە ءۇرىمجى قالاسىندا ءۇرتىس 6 ايدان استام ۋاقىت تۇرعان 0 جاستان 6 جاسقا دەيىنگى مەكتەپ جاسىنا تولماعان بالالاردىڭ ءبارى ءار كۇنى اقىسىز ءبىر قالتا ءسۇت ىشە الاتىن بولدى. تاراۋلار مەن ورىندار قاتىستى قۇرىلىم قۇرىپ، ارناۋلى ادام جاۋاپتاندىرىپ، بىردە - ءبىر وتباسى، بىردە - ءبىر بالانىڭ قاعىس قالماۋىنا كەپىلدىك ەتىپ، ءتيىمدى ساياساتتىڭ جۇرت جۇرەگىنە تەرەڭ ۇيالاپ، ناقتاپ تياناقتانۋىنا مۇمكىندىك جاراتتى»، - دەدى ءۇرىمجى قالاسى ەگىن، مال شارۋاشىلىق مەكەمەسىنىڭ قوسىمشا ازىق - تۇلىك، سۋ ونىمدەرى باسقارماسىنىڭ ورىنباسار باستىعى جين شياڭدۇڭ.
  ءنارلى ءسۇت تۇرعىنداردىڭ ۇيىنە جەتكىزىلدى
  «راقىمەت اپاي، ءسۇت ىشكەندى ەرەكشە جاقسى كورەمىن!»، - دەدى 6 جاستاعى ما حاۋيۇي كاڭنيڭ الەۋمەتتىك اۋماعىنداعى ءسۇت جەتكىزەتىن ەرىكتىگە. اسحانا اشاتىن ما حاۋيۇيدىڭ اتاسى: ءبىز كۇندە اسحانانىڭ ساۋداسىمەن بولىپ مۇرنىمىزعا سۋ جەتپەيدى، بالاعا كوڭىل بولگەنگە قايدان مۇرسا بولسىن، قازىر بالالار ءار كۇنى اقىسىز ءسۇت ىشۋمەن بىرگە، الەۋمەتتىك اۋماق تاعى ارنايى ۇيىمىزگە جەتكىزىپ بەرەتىن بولدى، پارتيانىڭ ساياساتى جاقسى - اق قوي، - دەدى.
  4 - ايدىڭ 15 - كۇنى كاڭنيڭ الەۋمەتتىك اۋماعى ءسۇت جەتكىزۋشىلەر اترەتىن قۇردى، ءۇرىمجى قالاسى شۇيموگوۋ رايونى وقۋ - اعارتۋ مەكەمەسىنەن «ۇعىسۋ، تيىمدىلىك جاساۋ، توعىستىرۋ» بويىنشا كاڭنيڭ الەۋمەتتىك اۋماعىندا تۇراتىن قىزمەت اترەتى مەن الەۋمەتتىق اۋماقتىڭ 12 ەرىكتىسى 3 گرۋپپاعا ءبولىنىپ، ءنارلى سۇتتەردى الەۋمەتتىك اۋماقتىڭ قاراستىلىعىنداعى تۇرعىنداردىڭ ۇيىنە جەتكىزدى.
  «ءبىز الەۋمەتتىك اۋماقتىڭ قاراستىلىعىنداعى 1188 وتباسىن ارالاپ جاعداي يەلەپ، شارتقا تولاتىن 129 وتباسىن ساناققا الدىق، بالالاردىڭ ءار كۇنى جاڭا ءسۇت ىشۋىنە كەپىلدىك ەتۋ ءۇشىن، ءسۇت جەتكىزۋ ماشيناسى كەلە سالىسىمەن سۇتتەردى تۇرعىنداردىڭ ۇيىنە دەرەۋ جەتكىزەمىز»، - دەدى كاڭنيڭ الەۋمەتتىك اۋماعى پارتيا باس ياچەيكاسىنىڭ شۋجيى ياڭ كىتاۋ.
  قۇرباننىڭ ءۇشتۇرپان اۋدانىنان ۇرىمجىگە كەلىپ جۇمىس ىستەگەنىنە 18 جىل بولدى، سول كۇنى ونىڭ 3 جاسار ۇلى الەۋمەتتىك اۋماق تاراتقان «ماپەلەۋ ينجەنەرياسىنىڭ» ءنارلى ءسۇتىن تاپسىرىپ الدى. «بۇرىن ۇلىما ءار كۇنى 2 يۋاندىق ءسۇت الىپ ىشكىزەتىنمىن، قازىر ماپەلەۋ ينجەنەرياسىنىڭ ارقاسىندا تۇرمىس قاراجاتىمىزدىڭ ءبىر ءبولىمى ۇنەمدەلىپ قالاتىن بولدى»، - دەدى قۇربان. ول تاعى بىلاي دەدى: «پارتيا مەن ۇكىمەت ۇنەمى ءبىز بۇقارانىڭ قامىن جەيدى، شىن جۇرەكتەن العىس ايتامىز!».
  باقىلاۋ - باسقارۋدى كۇشەيتىپ، ساپاعا كەپىلدىك ەتەمىز
  «ماپەلەۋ ينجەنەرياسى» ءنارلى ءسۇتىنىڭ ساپاسىنا كەپىلدىك ەتۋ ءۇشىن، 3 - ايدىڭ باسىندا ءۇرىمجى قالالىق حالىق ۇكىمەتى ساتىپ الۋ ورتالىعى «ماپەلەۋ ينجەنەرياسى» ءنارلى ءسۇتىن ساتىپ الۋدى مەردىگەرگە شاقىرۋ حۇجاتىن دايىنداپ، ءۇرىمجى قالاسىنداعى قاتىستى باسشىلار ءارى ەگىن، مال شارۋاشىلىعى مەكەمەسى، ازىق - تۇلىك، ءدارى - دارمەك باقىلاۋ - باسقارۋ مەكەمەسى سياقتى قاتىستى ورىنداردىڭ جاۋاپتىلارى شينجياڭنىڭ 4 ءسۇت كاسىپورنىنا تەكسەرۋ - زەرتتەۋ جۇرگىزدى. 3 - ايدىڭ 13 - كۇنى اشىق مەردىگەر شاقىرۋ ارقىلى شينجياڭ شييۇيچۇن ءسۇت شارۋاشىلىعى شەكتەۋلى سەرىكتەستىگى، تيانرۇن بيو - تەحنيكا شەكتەۋلى سەرىكتەستىگى، مايچۇر توبى شەكتەۋلى جارنا سەرىكتەستىگى قاتارلى 3 كاسىپورىن «ماپەلەۋ ينجەنەرياسى» ءنارلى سۇتىمەن قامداۋ، جەتكىزۋ تولىمدىلىعىنا يە بولدى.
  «ءبىز <ازىق - تۇلىك حاۋىپسىزىگى زاڭى، ازىق - تۇلىك ءوندىرىسىن، تيجاراتىن كۇندەلىكتى باقىلاۋ، تەكسەرۋ، باسقارۋ ءادىسى سياقتى زاڭ - تۇزىمدەر جانە قاتىستى باسقارۋ بەلگىلەمەلەرى بويىنشا، ءسۇت ونىمدەرىنىڭ ساپا حاۋىپسىزدىگىن باقىلاۋ - باسقارۋدى كۇشەيتتىك ءارى قالالىق اۋىل شارۋاشىلىق ونىمدەرىنىڭ ساپا حاۋىپسىزدىگىن تەكسەرۋ ورتالىعىن، قالالىق حايۋاناتتار اۋرۋىن تىزگىندەۋ جانە دياگنوزداۋ ورتالىعىن ۇيىمداستىرىپ، مەردىگەرلىككە قابىلدانعان 3 سەرىكتەستىكتىڭ ءسۇت قاينارىن ءوندىرۋ بازاسىنا تەكسەرۋ جۇرگىزىپ، ءسۇت قاينارى بازاسىنىڭ باعىمشىلىق ارحيۆى، يممۋنيتەت ارحيۆى جانە باعىمشىلىق ورتاسى، باعىمشىلىققا قاجەتتى زاتتاردى باسقارۋ ءتۇزىمى، ءسۇت ونىمدەرىنىڭ ساپاسى سياقتى جاقتارعا جاپپاي تەكسەرۋ جۇرگىزدىك. شيكى، جاڭا ءسۇت ۇلگىسىنەن 6 رەت، باعىمشىلىق جەم - شوبىنەن 3 رەت ۇلگى الىپ تەكسەردىك، تەكسەرىلگەن ۇلگى ونىمدەردىڭ تولىمدىلىعى %100كە جەتتى»، - دەدى جين شياڭدۇڭ.
  «مايچۇر توبى مەردىگەرلىككە قابىلدانعاننان كەيىن، ءنارلى ءسۇت ارناۋلى ءوندىرىس لەنياسىن جاڭادان قۇردى، ءنارلى سۇتكە ەشقانداي انتيسەپتيكا قوسىلمايدى، ەرەكشە جوعارى تەمپەراتۋرادا ميكروبىن لەزدىك جويىپ، باكتەرياسىز قوراپتاعىش ماشيناسىندا قوراپتالادى. ءسۇتتىڭ ماي قۇرامى مەن بەلوك قۇرامى بازارداعى باسقا سۇتتەردەن جوعارى، 0 جاستان 6 جاسقا دەيىنگى بالالاردىڭ قورەكتىك قاجەتىنە ۇيلەسەدى»، - دەدى مايچۇر توبى جارنا سەرىكتەستىگى ءسۇت ونىمدەرى باس ديرەكتورىنىڭ كومەكشىسى جاۋ يان.
  «ءبىز سۇتپەن قامدايتىن كاسىپورىنداردىڭ ساپا حاۋىپسىزدىگىنىڭ تۇلعالىق جاۋاپكەرلىگىن تياناقتاندىرىپ، قاراستىلىعىمىزداعى ماپەلەۋ ينجەنەرياسى ءنارلى ءسۇتىنىڭ ءوندىرىس، جەتكىزۋ جالپى بارىسىنا باقىلاۋ - باسقارۋ جۇرگىزىپ، باقىلاۋ - باسقارۋ شيكى ءسۇتتىڭ زاۆودقا كىرۋىن تەكسەرىپ الۋ، ءوندىرىس بارىسىن تەجەۋ، ءونىمنىڭ زاۆودتان شىعۋىن تەكسەرۋ، ساقتاۋ، جەتكىزۋ سياقتى بارلىق بۋىندارىن قامتىپ، ءنارلى ءسۇتتىڭ ساپا حاۋىپسىزدىگىنە جان - جاقتىلى كەپىلدىك ەتەمىز»، - دەدى ءۇرىمجى قالاسى ازىق - تۇلىك، ءدارى - دارمەك باقىلاۋ - باسقارۋ مەكەمەسىنىڭ ورىنباسار باستىعى جاڭ ۋي.


بەرىپ كەت ورامالىڭدى

دوستار

الىستاعى اق ەركە