جاڭا حابارلار

«شۇعىلالى جۇڭگو . جەرگىلىكتى كورمە» تۇڭعىش كورمەسىنىڭ جياڭسۋ ءبولىمى قازاقستاننىڭ مەملەكەتتىك مۇراجايىندا اشىلدى

    كەلۋ قاينارى: حالىق تورابى    2018-04-20 16:34:51  

 حالىق تورابى، 19 – ءساۋىر، بەيجيڭ. جۇڭگونىڭ قازاقستاندا تۇراتىن ەلشىحاناسى ۇيىمداستىرعان «شۇعىلالى جۇڭگو . جەرگىلىكتى كورمەسى» 17 – ءساۋىر كۇنى قازاقستاننىڭ مەملەكەتتىك مۇراجايىندا اشىلدى، جەلىلەس كورمەنى جياڭسۋ ولكەسى دايىندادى. جۇڭگونىڭ قازاقستاندا تۇراتىن باس ەلشىسى جاڭ حانحۇي مەن قازاقستان مەملەكەتتىك مۇراجايىنىڭ باستىعى ساتىبالدين بىرلىكتە اشىلۋ سالتىنا قاتىناستى ءارى ءسوز سويلەدى.
  جاڭ حانحۇي بىلاي دەدى: جۇڭگونىڭ قازاقستاندا تۇراتىن ەلشىحاناسى قازاقستاننىڭ مەملەكەتتىك مۇراجايىندا وتكىزگەن جەلىلەس جەرگىلىكتى كورمەسىندە جۇڭگونىڭ رەفورما جاساپ، ەسىك اشقان 40 جىلدان بەرگى ءارقايسى رايونداردا، ءارقايسى سالادا جەتكەن شۇعىلالى جەتىستىكەرىن تانىستىردى. رەفورما جاساپ، ەسىك اشقان 40 جىلدان بەرى، جۇڭگودا دۇنيەنى ٴدۇرسىلكىندىرگەن وزگەرىستەر تۋىلدى. جۇڭگو كوممۋنيستىك پارتياسىنىڭ باسشىلىعىندا، جۇڭگونىڭ ەكونوميكاسى قۇلدىراعان داۋىردەن دامىپ الەمنىڭ ەكىنشى ورنىنا شىقتى، جان باسىندىق ىشكى ءوندىرىستىڭ جالپى ءونىم قۇنى 200 دوللاردان بىلتىرعى جىلعى 8800 دوللارعا ارتتى. جياڭسۋ ولكەسى جۇڭگوداعى ەكونوميكاسى ءبىرشاما دامىعان ولكە، جوعارى ورەدەگى جاساۋ كاسىبى، بيولوگيالىق ءدارى – دارمەك، ەلەكتروندىق ساۋدا، جاڭا ماتەريال، جاڭا ەنەرگيا قاتارلى سالالاردا مىعىم ساپالى وندىرىسكە يە. جۇڭگو – قازاقستان (ليانيۇنگاڭ) زات تاسىمالى سەلبەستىك بازاسى جياڭسۋ ولكەسىنە ورنالاسقان، جياڭسۋ ولكەسى جۇڭگو – قازاقستان شەكارا وتكەلى تاسىمالى سەلبەستىگىندە ماڭىزدى رولعا يە.
  ساتىبالدين بىلاي دەدى: قازاقستان – جۇڭگو ەكى ەلدىڭ مادەنيەت سالاسى، اسىرەسە ءوزارا كورمە وتكىزۋ جاعىنداعى تىعىز سەلبەستىگى ەكى ەل حالقىنىڭ ءوزارا تۇسىنىستىگىن تەرەڭدەتتى. «شۇعىلالى جۇڭگو . جەرگىلىكتى كورمەسى» قازاقستان بۇقاراسىنىڭ جۇڭگونى جان – جاقتى، تەرەڭ تانۋىنداعى تەرەزە. قازاقستان جاق جۇڭگونىڭ قازاقستاندا تۇراتىن ەلشىحاناسىمەن بىرلىكتە قازاقستان – جۇڭگو مادەنيەت سەلبەستىگىن ىلگەرىلەتىپ، ەكى ەل حالقىنىڭ قارىم – قاتىناسىن دامىتۋعا پەيىلدى.
  قازاقستان مەملەكەتتىك مۇراجايى تاريح زەرتتەۋ مامانى ابسەمەتوۆا بىلاي دەدى: رەفورما جاساپ، ەسىك اشقان 40 جىلدان بەرى، جۇڭگو ءارقايسى سالادا شۇعىلالى تابىستارعا قول جەتكىزدى، جۇڭگونىڭ وزىنە ساي كەلەتىن جۇڭگوشا ەرەكشەلىككە يە دامۋ جولى مەن دامۋ فورماسىن الىپ شىقتى. جۇڭگونىڭ دامۋ تاجىربيەسى كوپتەگەن مەملەكەتتەردىڭ ۇيرەنۋى مەن ونەگە الۋىنا تاتيدى. جۇڭگو ۇزاق تاريح پەن شۇعىلالى مادەنيەتكە يە، قازاقستان حالقى جۇڭگونى تانۋعا قىزىعادى. بۇل رەتكى كورمە ارقىلى قازاقستان حالقى جۇڭگونىڭ ۇزاق تاريحى، مادەنيەتى مەن دامۋ جەتىستىكتەرىن ىشكەرىلەي ٴتۇسىندى.
  رەفورما جاساپ، ەسىك اشقان 40 جىلدان بەرگى جۇڭگونىڭ ءارقايسى سالاداعى قول جەتكىزگەن جەتىستىكتەرىن تانىستىرۋ ءۇشىن، جۇڭگونىڭ قازاقستاندا تۇراتىن ەلشىحاناسى ءساۋىر ايىنىڭ ورتا شەنىنەن باستاپ «شۇعىلالى جۇڭگو . جەرگىلىكتى كورمەسى» جەلىلەس كورمەسىن وتكىزدى. جەلىلەس كورمە التى كورمە الاڭىن قامتىپ، جۇڭگونىڭ ون نەشە ولكەسى رەفورما جاساپ، ەسىك اشۋدان بەرگى قول جەتكىزگەن جەتىستىكتەرىن تانىستىرادى. كەلەسى كورمەدە 2018 – جىلعى شاڭحاي سەلبەستىك ۇيىمى باسشىلار ءماجىلىسىن وتكىزەتىن جەر شاندۇڭ ولكەسى تانىستىرىلادى.


بەرىپ كەت ورامالىڭدى

دوستار

الىستاعى اق ەركە