جاڭا حابارلار

رايونىمىز ءار ۇلت ايەلدەرىنىڭ كاسىپتەنىپ، شارۋاشىلىق قۇرىپ، ومىرلىك ارمان-تىلەگىن جۇزەگە اسىرۋىن بەلسەنە قولدادى

    كەلۋ قاينارى: شينجياڭ حالىق راديو ىستانسياسى    2018-04-20 19:12:58  

ستانسيامىزدىڭ تىلشىلەرى دۇڭ جىيۇڭ، ليۋ چياڭ، سۇي ۋي، پراكتيكانت ءتىلشى شۇي ۋيفىڭنىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا: الەۋمەتتىك كاسىپتەنۋگە جان-جاقتىلى قىزمەت ەتىپ، بارلىق ادامنىڭ قاجىرلى ەڭبەگى ارقىلى ءوزىن دامىتۋىنا وراي جاراتۋ كەرەكتىگى العا قويىلدى. رايونىمىز ايەلدەر قاۋىمىنىڭ كاسىپتەنۋ، شارۋاشىلىق قۇرۋ قىزمەتىنە توتەنشە ءمان بەردى، كەزەكتە وڭتۇستىك شينجياڭداعى ءۇش ايماق، ءبىر وبلىستى ءتۇيىن، نىساندى سۇيەنىش، تاربيەلەۋدى تۇتقا ەتىپ، ءار ۇلت ايەلدەر قاۋىمىنىڭ كاسىپتەنىپ، شارۋاشىلىق قۇرۋىن، ومىرلىك ارمان-تىلەگىن جۇزەگە اسىرۋىن بەلسەنە قولدادى.
تاياۋدا، ياركەن اۋدانى حاڭدي قالاشىعى جوعارعى ءدوڭ وستەك قىستاعىنداعى يناق شاشتاراز ورتالىعىنىڭ جاۋاپتىسى ارزىگۇل مامەت وزگەشە ارىنمەن ءار كۇنى دۇكەنگە ەرتە كەلىپ، تازالىق ىستەپ، الارمانداردى قابىلداۋمەن بولدى. ءتىلشى، ونىڭ شاعىن شاشتارازحاناسىنىڭ تازا دا رەتتى، ۇستارا، قايشى، شاش بۇيرالاعىش سياقتى جابدىقتاردىڭ تولىق ەكەنىن، بەتىن اجارلاندىرۋعا، شاشىن جاساتۋعا كەلگەندەردىڭ اياعى ۇزىلمەيتىنىن كوردى. ارزىگۇل مامەت، مۇنىڭ اۆتونوميالى رايوندىق ايەلدەر بىرلەستىگىنىڭ ۇيىمداستىرىپ اتقارعان «كوركەمدىكتەن بىرگە يگىلىكتەنۋ اتىنداعى اۋىل-قىستاق ايەلدەرىنىڭ اجارلاندىرۋ، شاش جاساۋ دۇكەنى نىسانىنىڭ» ارقاسى ەكەنىن، تاياۋدا ءوزىنىڭ تەحنيكا ۇيرەنىپ عانا قالماستان، تاعى جاڭا جابدىقتارعا يە بولىپ، دۇكەنىنىڭ كولەمىن كەڭەيتىپ العانىن، قازىر ساۋداسىنىڭ بارعان سايىن جاقسارعانىن ايتا كەلىپ بىلاي دەدى: « پارتيانىڭ جاقسى ساياساتىنا العىس ايتامىن، قازىر كۇنىنە 200 يۋان تابامىن. تاعى بىرنەشە شاكىرت تاربيەلەمەكپىن، كوپشىلىك بىرگە كەدەيلىكتەن قۇتىلىپ، دوڭگەلەك داۋلەتتى تۇرمىسقا ۇمتىلامىز».
جىل باسىنان بەرى، اۆتونوميالى رايوندىق ايەلدەر بىرلەستىگى وڭتۇستىك شينجياڭنىڭ ءۇش ايماق، ءبىر وبلىسىندا «كوركەمدىكتەن بىرگە يگىلىكتەنۋ اتىنداعى اۋىل-قىستاق ايەلدەرىنىڭ اجارلاندىرۋ، شاش جاساۋ دۇكەنى نىسانىن » اتقارىپ، ءار قىستاقتا ءبىر «شاشتارازحانا» بولۋدى جوسپارلادى. ءبىرىنشى ماۋسىمنىڭ وزىندە، «شاشتارازحانادان» 565 ى ىسكە كىرىسىپ، ءبىر مىڭ 41 ايەلدىڭ كاسىپتەنۋىن جەبەدى. ياركەن اۋداندىق ايەلدەر بىرلەستىگى پارتگرۋپپاسىنىڭ شۋجيى جاڭ حاييان بىلاي دەدى: «قىستاقتىڭ بارىندە شاشتارازحانا بار، قولىندا ونەرى بار ءبىر ايەل ەكى كەدەي وتباسىنىڭ كاسىپتەنۋىنە جەتەكشىلىك ەتەدى، شاشتارازحانانىڭ ءار كۇنگى كىرىسى 200 دە 300 يۋانعا جەتەدى، بۇل كەدەي ايەلدەردى كەدەيلىكتەن قۇتىلۋعا باستايدى. كوپشىلىك ءوزارا ۇيرەنىپ، اۋىس-كۇيىس جاساپ، وركەنيەتتى، داۋىرگە ساي وسىزامانعى تۇرمىس كەشىرىپ جاتىر».
بۇدان سىرت، ايەلدەردىڭ شارۋاشىلىق قۇرىپ، كاسىپتەنۋىنىڭ جاڭا فورماسىنا سايكەسۋ ءۇشىن، اۆتونوميالى رايونىمىز تاعى ايەلدەردى تاربيەلەۋ قاجەتىنە ۇشتاستىرىپ، «تاربيەلەۋدى اۋىلدارعا جەتكىزۋ» قيمىلىن جاپپاي ورىسەتىپ، قاشقار، حوتان، تۇرپان سياقتى جەرلەرگە بارىپ، كيىم ءپىشۋ، اسپازىلىق، وتباسىلىق قىزمەت وتەۋ سياقتى جاقتارداعى شەبەرلىككە تاربيەلەۋدى ايەلدەرگە جەتكىزدى.
گۇما اۋداندىق كاسىپتىك تەحنيكا مەكتەبى اشقان وتباسىلىق قىزمەت وتەۋ بوبەكتەردى باعۋعا تاربيەلەۋ كۋرسىسىندا، 75 كۋرسانت بوبەكتەردى قالاي باعۋدى ۇيرەنىپ جاتتى. كۋرسانت ماحپيرات مامەت بىلاي دەدى: «مۇنداي تاربيەلەۋگە قاتىناسقانىما وتە قۋانىشتامىن، كۇندەرىم ءماندى ءوتىپ جاتىر. كۋرستى تاۋىسقاننان كەيىن ماڭىمداعى تۋىس-تۋعان، دوس-جاراندارىمدى، قوس قولىمىزعا سۇيەنىپ، كەدەيلىكتەن قۇتىلىپ، اۋقاتتانۋ جولىنا تۇسۋگە باستايمىن».
وتباسىلىق قىزمەت وتەۋگە تاربيەلەۋ كۋرسىسىنا ساباق بەرەتىن وقىتۋشى، گۇما اۋداندىق ءمۇناۋار وتباسىلىق قىزمەت وتەۋ شەكتى سەرىكتەستىگىنىڭ باس مەڭگەرۋشىسى ءمۇناۋار ءماتتۇرسىن تىلشىگە تاربيەلەنگەن تولىمدى كۋرسانتتىڭ كاسىپتەنۋ مولشەرى %100 كە جەتەتىنىن ايتا كەلىپ بىلاي دەدى: «گۋما اۋدانىندا بوبەكتەردى قىرقىنان شىعارىپ بەرۋ، وتباسىلىق قىزمەت وتەۋ جاعىنداعى قاجەت وتە جوعارى. تاربيەلەۋ كۋرسىسى اياقتاعاننان كەيىن، سەرىكتەستىگىمىز كۋرسانتتاردى جيناپ، ولارمەن توقتام جاساسىپ، ولاردىڭ مامىلەسىنە كەپىلدىك ەتەدى».
باس شۋجي شي جينپيڭ دۇنيە جۇزىلىك ايەل باسشىلار كەڭەسىندە بىلاي دەپ باسا دارىپتەدى: جۇڭگو ەر مەن ايەلدىڭ تەرەزەسى تەڭ سىندى نەگىزگى مەملەكەت ساياساتىن اناعۇرلىم بەلسەنە دايەكتىلەندىرىپ، ايەلدەردىڭ «جارتى الەمدىك» رولىن ساۋلەلەندىرىپ، ايەلدەردىڭ ەڭبەك ەتىپ، شارۋاشىلىق قۇرىپ، تىرشىلىك تىلەگى مەن ارمانىن جۇزەگە اسىرۋىن قولدايدى. رايونىمىز باس شۋجيدىڭ ءسوزىنىڭ رۋحىن بەلسەنە دايەكتىلەندىرىپ، تياناقتاندىرىپ، 2017-جىلى 30 ميلليون يۋان قارجى قوسىپ، وڭتۇستىك شينجياڭنىڭ توقىما كيىم-كەشەك جاعىنداعى « ۇشقىن ينجەنەرياسى» نىسانى مەن قولونەر بۇيىمدارىن جاساۋ كولەمىن كەڭەيتۋ نىسانىن قولداپ، جيىنى 26 مىڭ ايەلدىڭ كاسىپتەنۋىن جەبەدى. اۆتونوميالى رايوندىق ايەلدەر بىرلەستىگى پارتكومىنىڭ شۋجيى، ورىنباسار ءتورايىمى حۋ حانمين، الدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ايەلدەردىڭ كاسىپەنۋ، شارۋاشىلىق قۇرۋ قىزمەتىن جالعاستى ويداعىداي ىستەيتىنىن ايتا كەلىپ بىلاي دەدى: «باس شۋجي شي جينپيڭ: «جۇڭگو حالقىنىڭ تاماشا تۇرمىستى اڭساۋى بارىسىندا، ءار-ءبىر ايەلدە ءومىرىن نۇرلاندىرا الاتىن جانە ارمانىن جۇزەگە اسىرا الاتىن وراي بار»، ــ دەدى. ايەلدەردىڭ وسىنداي جاڭا داۋىردە، تاماشا تۇرمىستى اڭساۋى بارىسىندا كوپ ناتيجەرلەردى جاراتۋىنا بولادى. بۇدان كەيىن، وڭتۇستىك شينجياڭنىڭ ءۇش ايماق، ءبىر وبلىسىنداعى بارلىق قىستاقتا شاشتارازحانا قۇرىلادى، وتە-موتە، ەرەكشە كەدەي قىستاقتارعا تۇگەلدەي جالپىلاستىرىلادى؛ جۇرگىزىلىپ جاتقان ۇشقىن ينجەنەرياسى مەن قولونەر بۇيىمدارىن جاساۋ كولەمىن كەڭەيتۋ نىسانىن بەكەمدەپ، اناعۇرلىم كوپ كاسىپتەنۋگە جەتەكشىلىك ەتىپ، اناعۇرلىم كوپ ايەلدەر قاۋىمىنىڭ زاڭدى، ورتاق ءتىلدى، شەبەرلىكتى ويداعىداي ۇيرەنىپ، ولاردىڭ ەڭبەك ەتۋ بارىسىندا باقىت سەزىمىنە، تابىس سەزىمىنە جانە حاۋىپسىزدىك سەزىمىنە كەنەلۋىنە مۇمكىندىك جاساۋ كەرەك.


بەرىپ كەت ورامالىڭدى

دوستار

الىستاعى اق ەركە