جاڭا حابارلار

رايونىمىز وقۋشىلاردىڭ سان-سالالى كاسىپتەنۋ جولىن كەڭەيتۋىنە كومەكتەسەدى

    كەلۋ قاينارى: شينجياڭ حالىق راديو ىستانسياسى    2018-04-20 18:13:35  

ستانسيامىزدىڭ حابارى: بيىل، اۆتونوميالى رايونعا قاراستى جوعارى مەكتەپتەردەن وقۋ تاۋىساتىندار مەجەمەن 92 مىڭ ادامداي بولىپ، وتكەن جىلدىڭ وسى مەزگىلىندەگىنەن 6 مىڭ ادامنىڭ ۇستىندە ارتادى. بيىل رايونىمىز قابىلەتتى جوعارىلاتۋ، شارۋاشىلىق قۇرۋعا باستاۋ، مەكتەپ دالمە-ءدال قىزمەت ەتۋ، كاسىپتەنۋگە كومەكتەسۋ-سۇيەمەلدەۋ، ۇقىق-مۇددەنى قورعاۋ سياقتى «5 ءىرى ارەكەت جوسپارىن» اتقارىپ، جوعارى مەكتەپ تاۋىسقان وقۋشىلاردىڭ سان-سالالى كاسىپتەنۋ جولىن كەڭەيتۋىنە كومەكتەسەدى.
ۇعىسۋعا قاراعاندا، قازىر اۆتونوميالى رايونىمىزدىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارى جوعارى مەكتەپ جانە كاسىپورىندارمەن بىرلەسىپ ارەكەتكە كەلىپ، ءتۇرلى فورماداعى ۇسىنىسپەن قابىلداۋ قيمىلىن ارت-ارتىنان ورىستەتىپ، جوعارى مەكتەپ تاۋىسقان وقۋشىلاردىڭ مەكتەپتەن كەتپەي تۇرىپ ادام ىستەتەتىن ورىندارمەن تىلەكناماعا قول قويۋىنا بارىنشا مۇمكىندىك جاساعان. ال مەكتەپ ءبىتىرىپ كەتكەن وقۋشىلارعا ادام كۇشى بايلىعى جانە قوعامدىق قامتاماسىزداندىرۋ تاراۋلارى مەن جوعارى مەكتەپتەر جان-جاقتىلى ۇزدىكسىز ىشكەرىلەي قىزمەت كورسەتىپ، مەكتەپ تاۋىسقان وقۋشىلاردى نەگىزگى ساتىعا، كاسىپورىندارعا بارىپ، كاسىپتەنۋگە نەمەسە دەربەس شارۋاشىلىق قۇرۋعا باستاعان جانە شابىتتاندىرعان.
سونىمەن بىرگە، بيىل رايونىمىز نەگىزگى ساتىندا جەتىلۋ جوسپارىن جالعاستى اتقارىپ، مەكتەپ تاۋىسقان وقۋشىلاردىڭ قالا مەن اۋىلدىڭ نەگىزگى ساتىلارىنا، جاپالى، شەتكەرى، شالعاي رايوندارعا، وڭتۇستىك شينجياڭداعى ءۇش ايماق، ءبىر وبلىسقا، ورتا، شاعىن، ۇساق كاسىپورىندارعا بارىپ، كاسىپتەنۋگە جانە شارۋاشىلىق قۇرۋعا شابىتتاندىرادى. جاڭالىق اشقان وقۋشىلارعا نىسان جانە قارجى، تەحنيكا، بازار جاعىندا ءۇرتىس قاتىناس جاسادى. ساياسات، قارجى جاعىندا قولداۋدى كۇشەيتىپ، شارۋاشىلىق قۇرۋعا كەپىلدىك قارىز اقشا بەرۋ، شارۋاشىلىق قۇرۋعا ءبىر رەتتىك قوسىمشا قاراجات بەرۋ، شارۋاشىلىق قۇرۋ ورنىن جالعا الۋ قوسىمشا قاراجاتىن بەرۋ سياقتى سۇيەمەلدەۋ ساياساتتارىن ويداعىداي تياناقتاندىرىپ، مەكتەپ تاۋىسقان وقۋشىلاردىڭ شارۋاشىلىق قۇرۋىنا، جاڭالىق اشۋىنا ءتۇرلى جولدارمەن كومەكتەسەدى. ۇعىسۋعا قاراعاندا، بيىل اۆتونوميالى رايوننىڭ جوعارى مەكتەپتى بيىل تاۋىساتىن وقۋشىلاردى كاسىپتەندىرۋ مولشەرى نىسانانسى %88 ەكەن. 3-ايدان باستاپ، 2018-جىلعى اۆتونوميالى رايوننىڭ جاي جوعارى مەكتەپ تاۋىسقان وقۋشىلاردى مەكتەپتە ۇسىنىسپەن قابىلداۋ جەلىلەس قيمىلى جوعارى مەكتەپتەردە ىركەس-تىركەس ورىستەتىلدى، ناقتىلى ۇسىنىسپەن قابىلداۋ ۋاقىتى شينجياڭنىڭ الەۋمەتتىك كاسىپتەنۋگە قىزمەت ەتۋ تورابىندا جاريالاندى.


بەرىپ كەت ورامالىڭدى

دوستار

الىستاعى اق ەركە