جاڭا حابارلار

شينجياڭ ادامزات قيمىل جاسايتىن 61 ورىندى بوساتىپ تۇقىمى قۇرۋعا تاياعان 4 تۇياقتى قۇرلىق تاسباقاسىنىڭ تىرشىلىك ورتاسىن بىرتىندەپ قالپىنا كەلتىردى

    كەلۋ قاينارى: شينجياڭ گازەتى    2018-04-20 17:35:34  

بۇل شينجياڭ قورعاس 4 تۇياقتى قۇرلىق تاسباقاسى مەملەكەتتىك جاراتىلىستىق قورىعىنان تۇسىرىلگەن 4 تۇياقتى قۇرلىق تاسباقاسىنىڭ سۋرەتى

 شينحۋا اگەنتتىگىنىڭ 4 - ايدىڭ 18 - كۇنى ۇرىمجىدەن بەرگەن حابارى (ءتىلشى گۋان شياۋشياۋ). شينجياڭ 2017 - جىلدان بەرى ىلگەرىندى - كەيىندى ادامزات قيمىل جاسايتىن 61 ورىندى بوساتىپ بەرىپ، ەلىمىزدەگى تۇقىمى قۇرۋعا تاياعان جابايى حايۋانات − 4 تۇياقتى قۇرلىق تاسباقاسىنىڭ جانە باسقا دا سيرەك كەزدەسەتىن جانۋار تۇرلەرىنىڭ تىرشىلىك ورتاسىن بىرتىندەپ قالپىنا كەلتىردى.
  مەملەكەتتىك 1 - دارەجەلى ءتۇيىندى قورعالاتىن حايۋانات 4 تۇياقتى قۇرلىق تاسباقاسى «جۇڭگوداعى تۇقىمى قۇرۋعا تاياعان حايۋاناتتاردىڭ قىزىل تىستى كىتابىنا» «ەرەكشە حاۋىپ ءتونۋ» دارەجەسى بويىنشا تىركەلدى، ول ەلىمىزدە قورعاس اۋدانىندا عانا تىرشىلىك ەتەدى، جەرگىلىكتى ادامدار «ءشول تاسباقاسى» دەپ اتايدى، دۇنيە جۇزىندە ساقتالعان سانى از قۇرلىق تاسباقاسى ءتۇرىنىڭ ءبىرى، ونىڭ ۇستىنە وسى ءتۇرى عانا سولتۇستىكتەگى ءشولدى وڭىرگە تارالعان.
  1983 - جىلى وسى سيرەك كەزدەسەتىن ءارى باعالى جابايى حايۋاناتتى قورعاۋ ءۇشىن شينجياڭ جالپى اۋماعى 520 مىڭ مۋلىق ەل ىشىندەگى تۇڭعىش باۋىرمەن جورعالاۋشىلار جاراتىلىستىق قورىعىن قۇردى. 2016 - جىلى 5 - ايدا وسى قورىق مەملەكەت دارەجەلى جاراتىلىستىق قورىق دەڭگەيىنە كوتەرىلدى، سونداي - اق 2017 - جىلى 8 - ايدا شينجياڭ قورعاس 4 تۇياقتى قۇرلىق تاسباقاسىنىڭ مەملەكەت دارەجەلى جاراتىلىستىق قورىعىن باسقارۋ مەكەمەسى قۇرىلدى.
  2017 - جىلى مەملەكەتتىك ورتانى قورعاۋ تاراۋلارى قورعاۋ رايونىندا ادامزات قيمىل جاسايتىن 95 ورىندى الىس ارالىقتان باقىلادى، ولشەدى. كەزەكتە شينجياڭ رەتتەۋ - وڭاۋ ارقىلى كونە ۇيلەر، كەرپىش زاۆودى، شاڭعى الاڭى سياقتى ادامزات قيمىل جاسايتىن 61 ورىندى شاقتى جانە كوشىردى، ەنەرگيا، سۋ يگىلىگى، حابارلاسۋ سياقتى 11 ورىننىڭ قۇرىلعىلارىنان سىرت، الداعى 3 جىلدا ادامزات قيمىل جاسايتىن 23 ورىندى ءۇرتىس رەتتەيدى، وڭايدى.
  شينجياڭ قورعاس 4 تۇياقتى قۇرلىق تاسباقاسىنىڭ مەملەكەت دارەجەلى جاراتىلىستىق قورىعىن باسقارۋ مەكەمەسىنىڭ ورىنباسار باستىعى لين شىجۇڭ بىلاي دەدى: جەرگىلىكتى ورىن تاعى قورىقتى شارلاپ تەكسەرۋ تەبىنىن ارتتىرۋ، جايلىم اشۋ سياقتى قورىقتىڭ ەكولوگيالىق ورتاسىن ءبۇلدىرۋ سىندى زاڭسىز ارەكەتتەرگە سوققى بەرۋ ارقىلى جاساندى جولمەن باعىلعان 4 تۇياقتى قۇرلىق تاسباقاسىن باسقارۋ - قورعاۋ تەبىنىن اناعۇرلىم كۇشەيتتى.
  ەڭ جاڭا تەكسەرۋ ناتيجەسىنەن كورسەتىلۋىنشە، 4 تۇياقتى قۇرلىق تاسباقاسىنىڭ تارالۋ كولەمى 20 - عاسىردىڭ 60 - جىلدارىنداعى 500 شارشى كيلومەتردەن 180 شارشى كيلومەترگە تارايعان، جابايى شوعىر توپتارىنىڭ سانى دا نەشە ميلليوننان 200 قانشاعا كۇرت ازايعان، ونىڭ ۇستىنە جابايى شوعىر توبى قۇرىلىمىنىڭ ۇيلەسىمدى بولماۋى تابيعي كوبەيۋ مولشەرىنىڭ ەرەكشە تومەندەۋىنە اپارىپ سوققان. جاراتىلىستىق قورىقتى بەلسەنە قورعاۋ جانە جاساندى جولمەن كوبەيتۋ ارقىلى جاساندى شوعىر توبىنىڭ سانى 1000 اينالاسىنا جەتكەن بولسادا، الايدا جابايى شوعىر توبىنىڭ سانى ءالى دە وتە از.

  (شينحۋا اگەنتتىگى)


بەرىپ كەت ورامالىڭدى

دوستار

الىستاعى اق ەركە