جاڭا حابارلار

ءۇرىمجىنىڭ ىركىلىسسىز قاتىناس ينجەنەرياسى مەن اۆتوكولىك توقتاتۋ ينجەنەرياسى باستالىپ، بۇقارانىڭ ءجۇرىس-تۇرىسىنا قولايلىلىق جاسالاتىن بولدى

    كەلۋ قاينارى: شينجياڭ حالىق راديو ىستانسياسى    2018-04-20 16:49:00  

قاتىناس-تاسىمالدىڭ ىركىلىسسىزدىگىنە كەپىلدىك ەتىپ، اۆتوكولىكتى توقتاتۋ قيىن بولۋ سياقتى ماسەلەلەردى شەشۋ ءۇشىن، بيىل ءۇرىمجى قالاسىنىڭ حالىق تۇرمىسىنا قاتىستى 10 ءىرى ينجەنەريانىڭ ىشىندەگى ىركىلىسسىز قاتىناس ينجەنەرياسى مەن اۆتوكولىك توقتاتۋ ورنى ينجەنەرياسى باستالدى.
4-ايدىڭ 18-كۇنىنەن باستاپ، ءۇرىمجى قالاسىنداعى اۆتوكولىك كوپ كەپتەلەتىن جول بولەكتەرىنە جاڭادان قوسىلعان اينالىپ ءجۇرۋ ءوڭىرى، ەسكەرتۋ ەكرانى ارقىلى باستاۋ سياقتى شارالار رەسمي اتقارىلا باستادى. شينمين باتىس جولى، حۇڭشان جول ايرىعى سياقتى جەرلەردە ءتىلشى ءتورت كوشەدەگى قىزىل شىراقتىڭ جانىنا اۆتوكولىكتىڭ اينالۋ ءوڭىرى ەسكەرتپە ەكرانىنىڭ ورناتىلعاندىعىن كورگەن. ءۇرىمجى قالالىق قوعام حاۋىپسىزدىگى مەكەمەسى شۇيموگۋ رايوندىق قاتىناس ساقشى ۇلكەن اترەتىنە قاراستى نانحۋ جولى ورتا اترەتىنىڭ باستىعى حوۋ چۋانجوۋ تانىستىرىپ بىلاي دەدى: جۇرۋگە دايىندالۋ وڭىرىنەن 3 اۆتوكولىك جولىن سىزدىق، ءبىر سيگنال شىراعى جانعاندا 15 اۆتوموبيل وتە الادى. ءبىز حالىق ساقشىلارىنىڭ اۆتوكولىكتەردى جولعا سالۋ ادىسىندە ءبىر ءتۇرلى سيگىنال شىراعىن قولدانۋدى قاتىناس-تاسىمال ىستەرىن ۇيىمداستىرۋدى ابزالداندىرۋ شاراسى ەتىپ، ولاردىڭ قىسىمى مەن قىزمەت سالماعىن جەڭىلدەتۋگە كۇش سالدىق.
بيىل جىل باسىنان بەرى، ءۇرىمجى قالالىق قوعام حاۋىپسىزدىگى مەكەمەسىنىڭ قاتىناس ساقشى تارماق اترەتى قاتىناس كوپ كەپتەلەتىن 45 جول بولەگىن رەتتەپ، 20 سترەولى كوپىردىڭ شىعار اۋزىن ىركىلىسسىزدەندىردى. الداعى جەردە، ءۇرىمجى قالاسى ءىس جۇزىندىك جاعدايعا ساي، ناقتىلى رەتتەۋ-وزگەرتۋ قۇرىلىس جۇمىسىن ىستەيدى. 4-ايدىڭ 18-كۇنى، ءۇرىمجى قالالىق ەكونوميكالىق-تەحنيكالىق اشۋ رايونىنىڭ انجۇي كوشەسىندەگى تۇيىق جولدى اشۋ ينجەنەرياسى قۇرىلىس جۇمىسىن قاۋرىت جۇرگىزە باستادى. وسى جول بولەگىندە مەجەمەن 6-ايدىڭ اياعىندا اۆتوموبيل رەسمي قاتىنايدى، سول كەزدە ول باينياۋحۋ اۋماعىنىڭ جول قاتىناس ماسەلەسىن ءونىمدى شەشەدى. ءۇرىمجى قالالىق ەكونوميكالىق-تەحنيكالىق اشۋ رايونى قۇرىلىس جۇرگىزۋ ىستەرىن جان-جاقتىلى باسقارۋ، قىزمەت وتەۋ ورتالىعىنىڭ قىزمەتكەرى جاڭ شىنيۋان بىلاي دەدى: «وسى جول بولەگى 500 مەتردىڭ ۇستىندە عانا بولعانىمەن، تۇيىق جول اشىلعاننان كەيىن ونداعى جول تورابى مەن سول ماڭداعى قاتىناس جول تورابىن ءتىپتى دە ىركىلىسسىزدەندىرەدى».
اۆتوموبيىل توقتاتۋ قيىن بولۋ ماسەلەسىن باسەڭدەتۋ ءۇشىن، بيىل، ءۇرىمجى قالاسى از دەگەندە 10 سترەولى اۆتوموبيل توقتاتۋ ورنىن سالادى. قازىر، تيانشان رايونىندا ەكى اۆتوموبيل توقتاتۋ ورنىنىڭ قۇرىلىسى باستالدى، سالىنىپ بولعاننان كەيىن، 200 گە جۋىق اۆتوموبيل توقتاتۋعا بولادى. قاتىناس قىسىمى اۋىر شينحۋا تولايىم بازارىنىڭ ءبىرىنشى ءنومىرلى عيماراتىنىڭ الدىندا، 4 ميلليون 200 مىڭ يۋاننان ارتىق قارجى قوسىلعان جەر استىنداعى 4 قاباتتىق سترەولى اۆتوموبيل توقتاتۋ ورنى دا سالىنۋ ۇستىندە. قۇرىلىس سالعىزۋشى جاق بولعان شينجياڭ جينرۇيفىڭ ساۋدا شەكتى جارنا سەرىكتەستىگى شينحۋا تولايىم بازارىنىڭ جاۋاپتىسى ليۋ جىفىڭ تىلشىگە، قازىر تۇلعالىق قۇرىلىستىڭ ءبىتىپ، شامامەن 5-ايدا پايدالانۋعا بەرىلەتىنىن ايتا كەلىپ بىلاي دەدى: سترەولى اۆتوموبيل توقتاتۋ ورنىنىڭ اۋماعى شامامەن 600 شارشى مەتر، سىناق كەزەڭىندەگى قىزمەت نەگىزىنەن اياقتادى، سىرتى قاپتالعاننان كەيىن پايدالانۋعا بەرىلەدى، ءبىرىنشى، ەكىنشى قاباتتارىنا دالالىق اۆتوموبيل، ءۇشىنشى، ءتورتىنشى قاباتتارىنا جەڭىل اۆوموبيل توقتايدى، جالپى 108 اۆتوموبيل توقتايتىن ورىن بار.
وسى نىسان قۇرىلىسىنىڭ باستالۋىنان ءۇرىمجى قالاسىنىڭ تۇرعىندارى زور ءۇمىت كۇتەتىندىكتەرىن ايتىپ، كەيبىرەۋى قۇرىلىستىڭ ەرتەرەك سالىنىپ ءبىتىپ، وزدەرىنە كوپتەپ قولايلىلىق تۋىلۋىن ءتورت كوزبەن كۇتىپ وتىرسا، كەيبىرەۋى، قىزمەت ورىنى وسى اراداعىلاردىڭ اۆتوموبيل توقتاۋىنىڭ قيىن ەكەنىن، ءبىر جەرگە توقتاتىپ قويعاننان كەيىن قايتىپ شىعۋدىڭ ءوزى قيىنعا سوعاتىنىن، ۇكىمەت اۆتوموبيل توقتاتۋ ورىندارىن سالعاننان كەيىن، وسى ارادا دۇكەن اشاتىندارعا قولايلى بولاتىنىن ايتتى.


بەرىپ كەت ورامالىڭدى

دوستار

الىستاعى اق ەركە