جاڭا حابارلار

2018-جىلعى شينجياڭنىڭ «جان ازىعى تيانشاندا» اتىنداعى جالپى حالىقتىق كىتاپ وقۋ قيمىلى باستالدى

    كەلۋ قاينارى: شينجياڭ حالىق راديو ىستانسياسى    2018-04-19 19:25:46  

ستانسيامىزدىڭ ءتىلشىسى دۇڭ جىيۇڭ حابارلايدى: 23-رەتكى «دۇنيە جۇزىلىك كىتاپ وقۋ كۇنى» كەلۋ بايلانىسىمەن، اۆتونوميالى رايوندىق اقپارات باسپا-ءسوز، راديو-كينو-تەلەۆيزيا مەكەمەسى ۇيىمداستىرعان «جان ازىعى تيانشاندا» اتىنداعى 2018-جىلعى جالپى حالىقتىق كىتاپ وقۋ-ارناۋلى تاقىرىپتىق تەلە ساۋىق كەشى 4-ايدىڭ 18-كۇنى شينجياڭ تەلەۆيزياسىنىڭ ستۋدياسىندا وتكىزىلدى، ءسويتىپ، «كىتاپ وقۋ، جاڭا ءداۋىر، جاڭا ساپار» نەگىزگى تاقىرىبىنداعى شينجياڭنىڭ «جان ازىعى تيانشاندا»--بىرگە كىتاپ وقيىق اتىنداعى 2018-جىلعى جالپى حالىقتىڭ كىتاپ وقۋ جەلىلەس قيمىلىنىڭ شىمىلدىعى اشىلدى.
پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى، بۇكىل پارتيانى، بۇكىل ەلدەگى ءار ۇلت حالقىن باستاپ، رەفورما جاساپ، ەسىك اشۋدىڭ جانە وسىزامانداندىرۋ قۇرىلىسىنىڭ تىڭ ساپارىن باستادى. شينجياڭداعى ءار ۇلت حالقى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19-قۇرىلتايىنىڭ رۋحىن جەتەكشى ەتىپ، نازاردى باس نىساناعا شوعىرلاندىرىپ، شينجياڭنىڭ قوعام ورنىقتىلىعى مەن باياندى تىنشىتىعىن قۇلشىنا جۇزەگە اسىرىپ، كىتاپ ارقىلى ءبىلىمىن تولىقتاپ، ءبىلىم ارقىلى ءامالياتقا جەتەكشىلىك ەتىپ، جۇڭگوشا سوتسياليزمنىڭ جاڭا داۋىرىندە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن جازۋ ءۇشىن قاجىماي-تالماي قۇلشىندى. سوڭعى جىلدارى، اۆتونوميالى رايونىمىز ىلگەرىندى-كەيىندى « شينجياڭ مادەنيەت قويماسى»، «كوركەم شينجياڭ قۇرىپ، وتان ارمانىن جۇزەگە اسىرايىق» باستى تاقىرىبىنداعى تاربيەلىلىك سيپات الاتىن جەلىلەس ۇلاسپالى سۋرەت، «شينجياڭنىڭ ۇلتتىق ادەبيەت جاسامپازدىعى جانە از ۇلت-حانزۋ تىلىندە ءوزارا اۋدارىلعان تۋىندىلار ينجەنەرياسى» سياقتى ماڭىزدى باسىلىم نىساندارىن اتقاردى. «شينجياڭ مادەنيەت قويماسى» كىتابى باستاپ قۇراستىرىلعاننان بەرى، قازىرگە دەين 140 تومى باسپادان شىقتى. «شينجياڭنىڭ ۇلتتىق ادەبيەت جاسامپازدىعى جانە از ۇلت-حانزۋ تىلىندە ءوزارا اۋدارىلعان تۋىندىلار ينجەنەرياسى» بويىنشا 298 تۋىندى باسىلىم كوردى. شىعىس جەلى ينجەنەرياسىنىڭ 1-2-مەرزىمدىك نىساندارى ءساتتى اتقارىلدى. قازىرگە دەيىن، شينجياڭداعى 853 اۋىل-قالاشىق، 8 مىڭ 640 اكىمشىلىك قىستاق جانە 160 ءمالى باسقارماسى، ءبىر مىڭ 720 الەۋمەتتىك اۋماققا ۇيعۇر، حانزۋ، قازاق، موڭعۇل، قىرعىز، سىبە سياقتى 6 ءتىل-جازۋداعى كىتاپتاردان جيىنى 3 مىڭ 555 ءتۇر بويىنشا 29 ميلليون 760 داناسى تەگىن ۇسىنىلدى. شينجياڭ بويىنشا اۋىل كىتاپحاناسىنان جيىنى 8 مىڭ 677 ى سالىندى.
ساۋىق كەشتى كەسكىنگە الۋ ورنىندا، پارتيا، ۇكىمەت ورگاندارى، اسكەري ءبولىم، نەگىزگى ساتى سياقتى ءتۇرلى سالانىڭ ۇقساماعان كاسىبىنەن كەلگەن كادر-بۇقارا ولەڭ-جىرلاردى بىرگە وقۋ، كلاسسيكالىق شىعارمالاردى بىرگە داۋىستاپ وقۋ، جۇڭگو ارمانىن بىرگە جۇزەگە اسىرۋ سياقتى ءتۇرلى باستى تاقىرىپتاعى ماقالالاردى ارقاۋ ەتە وتىرىپ، وقىعان اڭگىمەلەرىنە ورتاقتاستىرىپ، كىتاپ وقۋدان العان اسەرلەرىن كوسىلە اڭگىمەلەپ، كىتاپ وقۋ قيمىلىن دارىپتەدى. سونىمەن بىرگە، جالپى حالىقتىق كىتاپ وقۋ قيمىلىنىڭ شينجياڭنىڭ جەر-جەرىندە ىشكەرىلەي ورىستەتىلۋىن، ءار ۇلت بۇقاراسىنىڭ كىتاپتى كوپ وقۋ، جاقسى كىتاپتاردى وقۋ ارقىلى عىلىم، مادەنيەت بىلىمدەرىنەن ءنار الىپ، كىتاپ وقۋ بارىسىندا ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە مۇراتتاستىعىن ۇزدىكسىز كۇشەيتىپ، ۇلتتار ىنتىماعىن، قوعام ورنىقتىلىعى مەن باياندى تىنىشتىقتى قورعاعان جاندى ميسالدارىن ءتۇرلى جاقتاردان تانىستىردى. باي مازمۇندى ادەبيەت-كوركەمونەر نومىرلەرى ارقىلى كىتاپ وقۋدان كەلگەن كوڭىلدىلىكتى جانە كىتاپ وقۋدىڭ ادام ءومىرىن وزگەرتۋدەگى ماڭىزدى ءمانىن جاندى بەينەلەپ، بىرگە كىتاپ وقۋ ارقىلى بىلىمنەن ورتاق يگىلىكتەنۋدى جەبەپ، ساناعا جاڭا نۇر قۇيىپ، مادەنيەت سەنىمدىلىگىن ايگىلەۋگە مۇمكىندىك جاسادى. «جان ازىعى تيانشاندا » اتىنداعى جالپى حالىقتىق كىتاپ وقۋ قيمىلى كەزىندە، شينجياڭداعى شينحۋا كىتاپ دۇكەندەرى تاڭداۋلى باسىلىمداردى كورمەگە قويۋ-ساتۋ قيمىلىن ورىستەتىپ، ارنالى تاقىرىپتاعى پوكايلار مەن سورەلەردى ورنالاستىرىپ، ءتۇيىندى وقىلاتىن كىتاپ تۇرلەرىن تانىستىرىپ، جىلجىمالى كىتاپ ساتۋدى ۇيىمداستىرۋ، شينحۋاكىتاپ دۇكەندەرىنىڭ تيجارات ۋاقىتىن ۇزارتۋ سياقتى فورمالار ارقىلى وقىرمانداردىڭ كىتاپ ساتىپ الۋىنا قولايلىلىق جاسايدى. ءار ۇلت بۇقاراسىنىڭ كىتاپ وقۋ ىنتاسىن جۇمىلدىرادى. جەر-جەردىڭ الەۋمەتتىك اۋماق كىتاپحالارى، اۋىل كىتاپحانالارى دا باستى تاقىرىپتا لەكسيا سويلەۋ، كيلاسسيكالىق شىعارلامالاردى داۋىستاپ وقۋ، كىتاپ وقۋ جونىندە ماقالا جيناۋ، زەيىن سىناۋ جارىسى سياقتى فورماسى الۋان ءتۇرلى باستى تاقىرىپتىق كىتاپ وقۋ قيمىلدارى ارقىلى قالا-اۋىلداردا كىتاپ وقۋدىڭ تاماشا جاعدايىن جاراتادى. رايونىمىزدىڭ ءىشى-سىرتىنداعى گازەت-جۋرنال، توراپ سياقتى اقپارات قۇرالدارى دۇنيە جۇزىلىك كىتاپ وقۋ كۇنى شولۋى، جاقسى كىتاپ جەتەكشىسى سياقتى ءتۇرلى فورماداعى ارناۋلى ستون اشىپ، ارناۋلى تاقىرىپ بەلگىلەپ، جالپى حالىقتىق كىتاپ وقۋ قيمىلىنىڭ ورىستەتىلۋ جاعدايى مەن قوعامداعى ونىمدىلىگىن ۇگىتتەپ، «جالپى حالىق كىتاپ وقۋ ــ جان ازىعى تيانشاندا» اتىنداعى جالپى حالىقتىق كىتاپ وقۋ قيمىلىن ورتاق ىلگەرىلەتەدى. «جان ازىعى تيانشاندا» اتىنداعى 2018-جىلعى جالپى حالىقتىق كىتاپ وقۋ ارناۋلى تاقىرىپتىق تەلە ساۋىق كەشى 4-ايدىڭ 23-كۇنى شينجياڭ جاساندى سەرىك تەلەۆيزياسىندا تۇڭعىش رەت تاراتلادى.


بەرىپ كەت ورامالىڭدى

دوستار

الىستاعى اق ەركە