جاڭا حابارلار

تۇڭعىش كەزەكتى جۇڭگو شينجياڭ قىس جانە كوكتەمگى ساياحات حالىقارالىق فوتو سۋرەت-كەسكىن مەرەكەسىنە توراپتا داۋىس بەرۋ قيمىلى رەسمي باستالدى

    كەلۋ قاينارى: شينجياڭ حالىق راديو ىستانسياسى    2018-04-19 19:17:25  

ستانسيامىزدىڭ ءتىلشىسى جين لەي مەن پراكتيكانت ءتىلشىسى لو يۋانميڭنىڭ حابارى: 2017-2018-جىلعى تۇڭعىش كەزەكتى جۇڭگو شينجياڭ قىس جانە كوكتەمگى ساياحات حالىقارالىق فوتو سۋرەت-كەسكىن مەرەكەسىنە توراپتا داۋىس بەرۋ قيمىلى 4-ايدىڭ 18-كۇنى رەسمي باستالدى. سوڭعى باعالاۋ ناتيجەسى 5-ايدىڭ باس شەنىندە جاريالانادى.
2017-، 2018-جىلعى تۇڭعىش كەزەكتى جۇڭگو شينجياڭ قىس جانە كوكتەمگى ساياحات حالىقارالىق فوتو سۋرەت-كەسكىن مەرەكەسىن اۆتونوميالى رايوندىق ساياحات ىستەرىن دامىتۋ كوميتەتى ۇستىنە الىپ وتكىزدى، ونداعى ماقسات ـــ سان-سالالى فوتو سۋرەت-كەسكىن تۋىندىلارى ارقىلى شينجياڭنىڭ قىس پەن كوكتەم مەزگىلىندەگى ساياحات بايلىعىن جاپپاي ايگىلەپ، شينجياڭنىڭ كوركەم كورىنسىن، گۋمانتيارلىق عۇرىپ-ادەتىن، قالا جانە اۋىل-قىستاقتىڭ دامۋىن، قوعامنىڭ جاراسىمدىلىعىن بەينەلەۋ. 4-ايدىڭ 18-كۇنىنە دەيىن، جيىنى 3 مىڭ 365 پارشا فوتو سۋرەت جانە جۇزدەن ارتىق ميكرو كەسكىن تۋىندىسى قابىلداندى. فوتو سۋرەت-كەسكىن مەرەكەسىن ۇيىمداستىرۋ كوميسسياسىنىڭ نىسانعا جاۋاپتىسى حاي دۇڭۋي بىلاي دەدى: « قابىلدانعان تۋىندى مەجەدەگى ساننان استى، جارىسقا قاتىناسۋعا تىزىمدەلۋ ىنتاسى وتە جوعارى، مەملەكەت بويىنشا 15 ولكە، قالا، اۆتونوميالى رايوننان فوتو سۋرەت-كەسكىن شەبەرلەرى جارىسقا قاتىناستى، رايونىمىزداعى 15 ايماق، وبلىس، قالانى تۇگەل شارپىدى، وسى فوتو سۋرەت-كەسكىن اۋەسكەرلەرى وزگەشە تۇرعىدا، شينجياڭنىڭ ءتورت ماۋسىمنىڭ ەرەكشە كوركەم كورىنىسىن تاماشا بەينەلەدى.

ورتالىق تەلەۆيزياسىنىڭ جۇرگىزۋشىسى نىعىمەتتىڭ بەيجيڭدە تۇرمىس كەشىرگەنىنە ۇزاق ۋاقىت بولعانىمەن، ءبىراق ول اتا-مەكەنىنىڭ دامۋ وزگەرىسىنە ۇنەمى نازار اۋدارىپ كەلەدى، وسى رەت ول دا ءوزىنىڭ فۋتو سۋرەت تۋىندىسىن جارىسقا قاتىناستىردى. ول بىلاي دەدى: «شينجياڭعا مەيلى قايسى مەزگىلدە بارساڭىز دا، ۇمىتسىزدەنبەيسىز، اسىرەسە، قىستا اۋا رايى جاقسى، كۇن شايداي اشىق بولادى. كوپشىلىكتىڭ مەنىڭ اتا-مەكەنىمە بارىپ، شينجياڭنىڭ ءار ماۋسىمىنىڭ كوركەم كورىنسىنەن ءلاززاتتانۋىن قارسى الامىن». ۇعىسۋعا قاراعاندا، 2017-2018-جىلعى تۇڭعىش كەزەكتى جۇڭگو شينجياڭ قىس جانە كوكتەمگى ساياحات حالىقارالىق فۋتو سۋرەت-كەسكىن مەركەسىنە توراپتا داۋىس بەرۋ قيمىلى 4-ايدىڭ 23-كۇنىنە دەيىن جالعاسىپ، ودان ارى ىلە-شالا مامانداردى ۇيىمداستىرىپ، باعالاۋ جۇمىسى باستالىپ، سوڭىندا تۋىندىلاردىڭ دارەجەسى بەلگىلەنەدى ەكەن.


بەرىپ كەت ورامالىڭدى

دوستار

الىستاعى اق ەركە