جاڭا حابارلار

ۇرىمجىدەن لاحور قالاسىنا قاتىنايتىن اۋە لەنياسىن اشۋ جوسپارلاندى

    كەلۋ قاينارى: شينجياڭ حالىق راديو ىستانسياسى    2018-04-19 18:33:29  

ستانسيامىزدىڭ ءتىلشىسى جين لەي مەن ەرىكتى ءتىلشى ياڭ ياۋي حابارلايدى: وڭتۇستىك اۆياتسيا شەكتى جارنا سەرىكتەستىگىنىڭ شينجياڭ بولىمشەسى بيىل جازدا ۇرىمجىدەن پاكيستاننىڭ لاحور قالاسىنا قاتىنايتىن اۋە لەنياسىن اشۋدى جوسپارلادى، ءارى ۇرىمجىدەن قازاقستاننىڭ استاناسى استانا قالاسىنا دەيىنگى اۋە لەنياسىنىڭ قاتىناسىن قالپىنا كەلتىرىپ، «ءبىر بەلدەۋ، ءبىر جول» ستراتەگياسىنىڭ دامۋىنا كۇش قوساتىن بولدى.
لاحور پاكيستاننىڭ ەكىنشى ۇلكەن قالاسى جانە ايگىلى تاريحي مادەنيەت ق لاسى، وڭتۇستىك اۆياتسيا شەكتى جارنا سەرىكتەستىگىنىڭ وسى رەت تىڭنان اشاتىن ءۇرىمجى-لاحور لەنياسى ۇرىمجىدەن لاحورعا توتە قاتىنايتىن تۇڭعىش اۋە لەنياسى. كەزەكشى ايروپىلان 2018-جىلى 6-ايدىڭ 21-كۇنىنەن باستاپ اپتاسىنا ەكى كەزەك قاتىنايدى. كەزەكشى ايروپىلان قاتىناعان كەزدە، ۇرىمجىدەن لاحورعا بارىپ كەلەتىن ايروپىلاننىڭ بەلەت باعاسى ەڭ تومەن بولعاندا 2 مىڭ يۋان بولادى. سونىمەن بىرگە، وڭتۇستىك اۆياتسيا شەكتى جارنا سەرىكتەستىگى 6-ايدىڭ 11-كۇنى ءۇرىمجى-استانا ارالىعىنا قاتىنايتىن كەزەكشى ايروپىلاننىڭ قاتىناسىن قالپىنا كەلتىرەدى، بۇل لەنياداعى كەزەكشى ايروپىلاندار دۇيسەنبى، سارسەنبى، جۇما كۇندەرى قاتىنايدى. ءۇرىمجى-الماتى اۋە لەنياسىن قوسقاندا، وڭتۇستىك اۆياتسيا شەكتى جارنا سەرىكتەستىگىنىڭ ۇرىمجىدەن قازاقستان قالالارىنا قاتىنايتىن اۋە لەنياسى ەكىگە كوبەيەدى.


بەرىپ كەت ورامالىڭدى

دوستار

الىستاعى اق ەركە