جاڭا حابارلار

شي جينپيڭ دۇنيە شارۋاشىلىق تالقىسىنىڭ ٴتوراعاسى شۆابپەن كەزدەستى

    كەلۋ قاينارى: جۇڭگو قازاق راديو تورابى    2018-04-17 18:19:11  

.ٴوز حابارىمىز: مەملەكەت ٴتوراعاسى شي جينپيڭ 4-ايدىڭ 16-كۇنى حالىق سارايىندا دۇنيە شارۋاشىلىق تالقىسىنىڭ ٴتوراعاسى شۆابپەن كەزدەستى
شي جينپيڭ بىلاي دەپ كورسەتتى: كەزەكتە، دۇنيە شارۋاشىلىعىندا ٴبىر قدىرۋ بەلسەندى جاقسى بەتالىس جارىققا شىقتى، الايدا كوپتەگەن ماسەلەلەر تۇبەگەيلى شەشىم تابا قويعان جوق. مەن وتكەن جىلى داۋوس تالقسىندا جەر شارى شارۋاشىلىعىنىڭ ارتۋ قوزعاۋشى كۇشى كەمشىل، جەر شارى شارۋاشىلىعىن جونگە سالۋداعى تەبىن باياۋ، جەر شارى شارۋاشىلىعىنىڭ دامۋىندا تەڭسىزدىك بولۋ قاتارلى 3 ٴتۇبىرلى قايشىلىقتىڭ ٴالى دە اۋىر ەكەندىگىن ورتاعا قويعان ەدىم. تاياۋدان بەرى، الەميلەنۋگە قارسى تۇرۋ مەن ساۋدا قورعانىمپازدىق نسايى باس كوتەرىپ، دۇنيە شارۋاشىلىعىنىڭ حاۋپى ارتىپ، تۇراقسىز فاكتولار كوبەيدى. 4-رەتكى ونەركاسىپ توڭگەرىسى وركەندەپ كەلەدى، الدا قاتەر مەن سايىسستاردا ورىن تەۋىپ وتىر. قازىر دۇنيە جۇزى ٴدۇپ كەلىپ وتىرعان ماسەلە مەن سايىس ٴبىرشاما كوپ بولعانىمەن، تاعى دا تەڭ اقىلداسۋ، كوپ جاقتىلى سەلبەستىكتى كۇشەيتۋ ارقىلى توتەپ بەرۋ قاجەت. تاريح بىزگە: توماعا تۇيقتىققا جول جوق ەكەندىگىن، تەك اشىق سەلبەستىك جاساعاندا عانا، دامۋ جولىمىزدىڭ داڭعىل بولاتىندىعىن تالاي مارتە دالەلدەدى. ٴىرى ەلدەر بۇل بارىستا ماڭىزدى ەرەكشە جاۋاپكەرشىلىك ارقالاۋى ٴتيىس. جۇڭگو جاۋاپكەرشىلىگى كۇشتى ٴىرى ەل رەتىندە، حالىقارالىق قوعاممەن بىرلىكتە، اشىق ۇستاۋ نەگىزىندە سەلبەسىپ، سەلبەسىپ ورتاق يگىلىك جاراتىپ، دۇنيە جۇزىنە جاڭا تىنس سيلاپ، ورنىقتى، كوركەم بولاشاق جاراتۋ بارسىندا بەلسەندى رولىن ساۋلەلەندىرىپ، تىپتى دە كوپ سىندارلى ۇلەس قوسۋدى قالايدى. تاياۋدا عانا اياقتاعان بو-اۋ ازيا تالقسىنىڭ جىلدىق ماجىلىسىندە مەن جۇڭگونىڭ سىرتقا ەسىكتى ايقارا اشۋى جونىندەگى ٴبىر قدىرۋ كەلەلى شارالارىن جاريالادىم. ٴبىز ايتقانىمىزدى ورىنداۋعا كۇش سالامىز، ۇيتكەنى بۇل ٴبىزدىڭ جۇڭگو حالىقىنا، دۇنيە حالىقىنا بەرگەن ايبىندى ۋادەمىز.
شي جينپيڭ بىلاي دەدى: جۇڭگونىڭ دۇنيە شارۋاشىلىق تالقىسىمەن بولعان سەلبەستىگى جانە جۇڭگونىڭ رەفورما ەسىك اشۋ ىستەرىنىڭ اياق الىسى نەگىزىنەن قارايلاس. ەكى جاق ٴداۋىرمەن بىرگە العا باسىپ،سەلبەستىكتى كۇشەيتىپ، دۇنيە شارۋاشىلىعىنىڭ ارتۋىنداعى جاڭا قوزعاۋشى كۇشتەردى قاراستىرىپ، جەر شارىندىق سايىستى شەشۋگە سەپتىگىن تيگىزەتىن قازىرگى كەزدە اتقارۋعا بولاتىن جوبانى تابۋعا كۇش سالۋى كەرەك.
شۆاب بىلاي دەدى: ٴتوراعا شي جينپيڭنىڭ وتكەن جىلى دۇنيە شارۋشىلىق تالقىسىنىڭ جىلدىق ماجىلسىندە تارتىمدى لەكسيا جاساعاندىعى ٴالى دە سانامىزدان كوتەرىلگەن جوق، مۇنى تۇتاس دۇنيە حالقى مويىنداپ وتىر. ٴسىزدىڭ بو-اۋ ازيا تالقىسى 2018-جىلدىق ٴماجىلىسىنىڭ باستالۋ سالتىنداعى تاقىرىپتىق لەكسياڭىز تاعى ٴبىر مارتە تۇتاس دۇنيەنىڭ نازارىن اۋدارىپ، كەڭ كولەمدە القاۋعا يە بولدى. ٴسىز ادامزاتتىڭ تاعدىرلاس ورتاق تۇلعاسىن قۇرۋدى قۋاتتاپ، دۇنيە شارۋاشىلىعىن اشىق ۇستاۋدى دارىپتەدىڭىز، شارۋاشىلىق الەميلەنۋگە بەت الىپ، كوپ جاقتىلى ساۋدا تۇزىلىسى ٴبىر قدىرۋ سايىستارعا كەز كەلگەن جاعدايدا، دۇنيەدەگى ٴار ەل حالىقىنىڭ دامۋىنا ايقىن باعدار كورسەتىپ، تىڭ ٴومىرشەڭدىك كۇش قوستىڭىز. دۇنيە شارۋاشىلىق تالقىسى شارۋاشىلىقتىڭ الەميلەنۋى مەن كوپ جاقتىلىعىن دارىپتەپ، قورعانىمپازدىق پەن سىڭار جاقتىلىققا قارسى تۇرادى. دۇنيە شارۋاشىلىق تالقىسى وتكەن 40 جىلداعى جۇڭگومەن بولعان سەلبەستىگىن ماقتانش ەتەدى،ٴبىر بەلدەۋ ٴبىر جول قۇرىلىسىن قولداپ، جاڭالىق جاراتىپ دامۋدى جەبەۋ قاتارلى جاقتاردا جۇڭگومەن ۇزاق ۋاقىت سەلبەستىك ورناتىپ،جەر شارىن جونگە سالۋ جۇيەسىن كۇشەيتىپ، دۇنيە جۇزىلىك ماسەلەلەردى شەشۋگە ات سالىسۋدى قالايدى.


بەرىپ كەت ورامالىڭدى

دوستار

الىستاعى اق ەركە