جاڭا حابارلار

رايونىمىزدىڭ جەر-جەرى مەملەكەت حاۋىپسىزدىگى تاربيەسى كۇنى تاقىرىپتىق قيمىلدارىن وتكىزىپ، جالپى حالىقتىڭ حاۋىپسىزدىك تانىمىن جوعارلاتتى

    كەلۋ قاينارى: شينجياڭ حالىق راديو ىستانسياسى    2018-04-16 21:01:41  

ستانسيامىزدىڭ جيناق حابارى: 4-ايدىڭ 15-كۇنى 3-رەتكى جالپى حالىقتىڭ مەملەكەت حاۋىپسىزدىگى تاربيەسى كۇنى. وسى كۇنى رايونىمىزدىڭ جەر-جەرى تۋ شىعارۋ سياقتى الۋان ءتۇرلى قيمىلدار وتكىزىپ، مەملەكەت حاۋىپسىزدىگى تانىمى جونىندە ۇگىت-تاربيە جۇرگىزدى.
تۇستەن بۇرىن، قاراقاش اۋدانىنداعى مەكەمە ورىندار، قىستاقتار، الەۋمەتتىك اۋماقتار جالپى حالىقتىڭ مەملەكەت حاۋىپسىزدىگى تاربيەسى كۇنى بايلانىسىمەن تۋ شىعارۋ سالتىن وتكىزدى، ءار ۇلت كادرلارى مەن بۇقارا مەملەكەت تۋى الدىندا مەملەكەت گيمىنىن ورىنداپ، ايبىندى سەرت بەرىپ، مەملەكەت حاۋىپسىزدىگىن جانە شينجياڭنىڭ قوعام ورنىقتىلىعى مەن باياندى تنىشتىعىن باتىل قورعايتىندىقتارىن ءبىلدىردى. قاراقاش اۋداندىق قوعام حاۋىپسىزدىگى مەكەمەسى ەرەكشە مىندەت وتەيتىن ساقشى ۇلكەن اتىرەتىنىڭ ساقشىسى حى جۇڭشي: «مەملەكەت حاۋىپسىزدىگىنقاشاندا ماڭداي الدى ورىنعا قويىپ، بورىشتى ەستە بەرىك ساقتاپ، قىزمەتتى تىڭعىلىقتى ىستەپ، مەملەكەت حاۋىپسىزدىگى قىزمەتىنىڭ جاڭا جاعدايىن جاراتۋ جولىندا قۇلشىنا كۇرەس جاسايمىن»،-دەدى.
قاعىلىق اۋدانى شيچىڭ پارتيا قىزمەتى كوميتەتى ۋحاۋيا الەۋمەتتىك اۋماعىندا تۋ شىعارۋ سالتى اياقتاعان سوڭ، الەۋمەتتىك اۋماق قىزمەتكەرلەرى تۇرعىنداردى «مەملەكەت حاۋىپسىزدىگى زاڭى»، «لاڭكەستىككە قارسى تۇرۋ زاڭى»، «تىڭشىلىققا قارسى تۇرۋ زاڭى« سياقتى قاتىستى زاڭداردى ۇيرەنۋگە ۇيىمداستىرىپ، تۇرعىنداردىڭ مەملەكەت حاۋىپسىزدىگىن سانالىلىقپەن قورعاۋ ساناسىن كۇشەيتتى. قاعىلىق اۋدانى شيچىڭ پارتيا قىزمەتى كوميتەتىنىڭ ۇگىت جوراسى ما شياۋحۋا بىلاي دەدى: «الەۋمەتتىك اۋماقتاعى تۇرعىنداردى اتتانىسقا كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاۋاپكەرلىكتى بىرگە ارقالاپ، ورتاق قۇلشىنىپ، مەملەكەت حاۋىپسىزدىگىن قورعاۋدىڭ بەرىك حالىقتىق قورعانىس شەبىن قۇرىپ، حالىق بۇقاراسىنىڭ حاۋىپسىزدىك سەزىمى مەن باقىت سەزىمىن ۇزدىكسىز كۇشەيتۋىمىز كەرەك».
تاڭەرتەڭ ساعات ءدال 9 دا ونسۋ اۋدانى قىزىل قالاشىعى قاراسا قىستاعى تۇرعىندار كوميتەتىنىڭ كەڭ اۋلاسىندا، بارلىق قىستاق تۇرعىنى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىندەگىلەر، «قىستاقتىڭ ەكى كوميتەتىنىڭ » القاسىنداعىلار تۋ شىعارۋ سالتىنا قاتىناستى. اۆتونوميالى رايوندىق ارىز-شاعىم مەكەمەسىنىڭ قاراسا قىستاعىندا تۇراتىن قىستاقتىڭ ءبىرىنشى شۋجيى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى ياۋ جاۋميڭ بىلاي دەدى: «ءاربىر قىستاق تۇرعىنى قوجايىندىق جاۋاپكەرلىك سەزىمدە بولىپ، مەملەكەت حاۋىپسىزدىگىن قورعاۋ سىندى زاڭدا بەلگىلەنگەن مىندەتىن سانالىلىقپەن اتقارىپ، مەملەكەتتىڭ حاۋپسىزدىگىنە زيان جەتكىزەتىن ارەكەتتىڭ ءجىپ ۇشىن دەر كەزىندە مالىمدەپ، «بارلىق ادامنىڭ مەملەكەت حاۋپسىزدىگىن قورعاۋ جاۋاپكەرلىگى بولۋ، بارلىق ادام قوعامنىڭ جاراسىمدىلىعىنان، ورنىقتىلىعىنان ورتاق يگىلىكتەنۋ» سىندى تاماشا جاعداي جاراتۋعا قۇلشىنۋ كەرەك.
4 -ايدىڭ 15-كۇنى، جەكسەنبى. قۇمىل قالاسى ەدىقۇت رايوندىق ورتا مەكتەپ 2-جىلدىعىنىڭ وقۋشىسى ازەزىم ءالي تاڭەرتەڭ الەۋمەتتىك اۋماقتىڭ تۋ شىعارۋ سالتىنا قاتىناستى. ول بىلاي دەدى : بۇگىن قاسيەتتى دە ايباتتى مەملەكەت تۋى الدىندا تاعى ءبىر رەت تەرەڭ تاربيە الدىم. ەكونوميكا، مادەنيەت، تۇرمىس سياقتى ءارقايسى جاقتار مەملەكەت حاۋىپسىزدىگىمەن تىعىز قاتىستى، ءبىز مەملەكەت حاۋىپسىزدىگى تانىمىن بەرىك ورناتۋىمىز كەرەك. قايتىپ بارعان سوڭ، ۇيدەگىلەرگە، دوستارىما، ساباقتاستارىما وسى جاعىنداعى بىلىمدەردى ۇگىتتەيمىن. كوپشىلىك بىرلىكتە مەملەكەتىمىزدىڭ حاۋىپسىزدىگى، ورنىقتىلىعى، جاراسىمدىلىعى ءۇشىن ۇلەس قوسۋىمىز ءتيىس.
سول كۇنى، قۇلجا قالاسىنىڭ ءادىليا جۇيەسىندەگى قىزمەتكەرلەر تۋ شىعارۋ، كەڭەس بەرۋ تەكشەسىن قۇرۋ، ۇگىت قاعازىن تاراتۋ سياقتى فورمالارمەن بۇقاراعا مەملەكەت حاۋىپسىزدىگى بىلىمدەرىن ۇگىتتەدى. قۇلجا قالاسىنىڭ تۇرعىنى داۋلەتجان جازىقبەك ۇلى: «توراپ جالپىلاسقان وسى زاماندا، ءبىز مەملەكەت حاۋىپسىزدىگىنە ىقپال جەتكىزەتىن، قوعامنىڭ ورنىقتىلىعىن بۇلدىرەتىن كەيبىر مازمۇنداردى كورمەۋىمىز، تاراتپاۋىمىز كەرەك. ەگەر ماڭايىمىزدا مەملەكەت حاۋىپسىزدىگىن بۇلدىرەتىن ادامدار نەمەسە وسىنداي مازمۇندار بايقالسا، مەملەكەتتىڭ حاۋىپسىزدىك تاراۋلارىنا دەرەۋ مالىمدەۋىمىز قاجەت»،-دەدى.


بەرىپ كەت ورامالىڭدى

دوستار

الىستاعى اق ەركە