جاڭا حابارلار

جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، حالىق تەڭىز ارمياسىن الەمدىك بىرەگەي تەڭىز ارمياسى ەتىپ جاپپاي قۇرىپ شىعۋ باسا دارىپتەلدى

    كەلۋ قاينارى: شينجياڭ گازەتى    2018-04-16 11:22:46  

شي جينپيڭ نانحاي تەڭىز ايدىنىنداعى اسكەري پاراتقا قاتىناستى

4 - ايدىڭ 12 - كۇنى تۇستەن بۇرىن ورتالىق اسكەري ىستەر كوميتەتى نانحاي تەڭىز ايدىنىندا سالتاناتتى اسكەري پارات وتكىزىپ، حالىق تەڭىز ارمياسىنىڭ شىت جاڭا بەينەسىن ايگىلەپ، مەملەكەتتى قۇدىرەتتەندىرۋدەگى، ارميانى قۇدىرەتتەندىرۋدەگى مىعىم سەنىمدى تاسقىنداتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري قوسىندى كوزدەن كەشىردى جانە ماڭىزدى ءسوز سويلەدى.

 سۋرەتتە: شي جينپيڭ تەڭىزدەگى قوسىن قۇرامالارىن كوزدەن كەشىرۋدە.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

 شينحۋا اگەنتتىگىنىڭ 4 - ايدىڭ 12 - كۇنى سان - يادان بەرگەن حابارى (تىلشىلەر لي شۋانلياڭ، ۋ دىڭفىڭ). ۇدەرە العا تارتقان جاڭا ءداۋىر تىڭ ساپارعا جەلكەن جايدى. 4 - ايدىڭ 12 - كۇنى تۇستەن بۇرىن ورتالىق اسكەري ىستەر كوميتەتى نانحاي تەڭىز ايدىنىندا سالتاناتتى اسكەري پارات وتكىزىپ، حالىق تەڭىز ارمياسىنىڭ شىت جاڭا بەينەسىن ايگىلەپ، مەملەكەتتى قۇدىرەتتەندىرۋدەگى، ارميانى قۇدىرەتتەندىرۋدەگى مىعىم سەنىمدى تاسقىنداتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري قوسىندى كوزدەن كەشىردى جانە ماڭىزدى ءسوز سويلەدى. ول مىنالاردى باسا دارىپتەدى: جاڭا ءداۋىر ساپارىندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كۇرەسى بارىسىندا، قۇدىرەتتى حالىق تەڭىز ارمياسىن كوركەيتۋ مىندەتى ءدال بۇگىنگىدەي كوكەي تەستى بولعان ەمەس. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ساياسيدى باسشىلىققا الىپ ارميا قۇرۋعا، رەفورما جاساۋ ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى كوركەيتۋگە، ارميانى زاڭ بويىنشا جونگە سالۋعا تاباندى بولىپ، تەڭىز ارمياسىن وسىزامانداندىرۋ ءۇردىسىن تاباندىلىقپەن جەدەلدەتىپ، جاڭالىق اشۋعا شەبەر، وزگەدەن وزۋعا باتىل بولىپ، حالىق تەڭىز ارمياسىن الەمدىك بىرەگەي تەڭىز ارمياسى ەتىپ جاپپاي قۇرىپ شىعۋعا قۇلشىنۋ كەرەك.
  حايناندا گۇل - بايشەشەك قۇلپىرىپ، نانحاي تەڭىزىن كوكتەم تولقىنى تەربەدى. ساعات 9 مولشەرىندە شي جينپيڭ تەڭىز ارمياسى بەلگىلى قۋعىنداۋشى كەمە بولىمشە اترەتىنىڭ كەمەتۇراعىنا كەلىپ، كوزدەن كەشىرۋ مىندەتىن ورىندايتىن چاڭشا كەمەسىنە شىقتى. كوزدەن كەشىرۋشى كەمەگە تەڭىز ارمياسىنىڭ ەڭ جوعارعى قۇرمەتى بويىنشا تۋلار ءىلىنىپ، كەمەدە 5 جۇلدىزدى قىزىل تۋ، 1 - تامىز ارميا تۋى جەلبىرەپ، اسكەري وركەستر جۇڭحۋا حالىق رەسپۋبليكاسىنىڭ مەملەكەت گيمنىن ورىندادى. شي جينپيڭ ۇشۋ الاڭقىسىندا سوعىس كەمەسىنىڭ قۇرمەت قاراۋىلدارىن كوزدەن كەشىردى. وسىدان سوڭ، كوزدەن كەشىرۋشى كەمە گۋدوك شالىپ، ورنىنان قوزعالىپ، قورعاۋشى كەمەلەردىڭ قورعاۋىندا اسكەري پارات وتەتىن تەڭىز ايدىنىنا قاراي ءجۇزدى.

4 - ايدىڭ 12 - كۇنى تۇستەن بۇرىن ورتالىق اسكەري ىستەر كوميتەتى نانحاي تەڭىز ايدىنىندا سالتاناتتى اسكەري پارات وتكىزىپ، حالىق تەڭىز ارمياسىنىڭ شىت جاڭا بەينەسىن ايگىلەپ، مەملەكەتتى قۇدىرەتتەندىرۋدەگى، ارميانى قۇدىرەتتەندىرۋدەگى مىعىم سەنىمدى تاسقىنداتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري قوسىندى كوزدەن كەشىردى جانە ماڭىزدى ءسوز سويلەدى.

سۋرەتتە: شي جينپيڭ ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  وسى كەزدە حالىق تەڭىز ارمياسىنىڭ 48 سوعىس كەمەسى قۇرىش بەينەمەن ايبىن كورسەتىپ، 76 سوعىس ۇشاعى ۇشۋعا قانات قومدادى، باتىر تۇلعالى 10 مىڭنان استام كوماندير - جاۋىنگەر ساپ تۇزەپ تۇردى... بۇل جاڭا جۇڭگو تاريحىندا تەڭىزدە وتكەن كولەمى ەڭ ۇلكەن اسكەري پارات، جاڭا داۋىردەگى حالىق تەڭىز ارمياسىنىڭ اسقاق ايبىنمەن كورىنىس بەرۋى سانالادى.
  كەمەلەر قۇراماسى ايبىندى ايبات كورسەتىپ، تولقىن جارىپ ارىنداي العا تارتتى... كوك تەڭىزدە تولقىن جارعان كەمەلەردىڭ سالتانات شەرۋى 70 جىلعا جۋىق ۋاقىتتان بەرگى حالىق تەڭىز ارمياسىنىڭ قاجىماس كۇرەسىن ايشىقتاپ، پارتيا 18 - قۇرىلتايىنان بەرگى قۇدىرەتتى حالىق تەڭىز ارمياسىن قۇرۋدىڭ وراسان زور تابىسىن ايگىلەدى.
  ساعات 10 مولشەرىندە كوزدەن كەشىرۋشى كەمە بەلگىلەنگەن تەڭىز ايدىنىنا جەتتى. تەڭىز ارمياسىنىڭ سىليڭيۋانى شىن جينلۇڭ، ساياسي كوميسسارى چين شىڭشياڭ تەڭىزدەگى قۇراما ساپتىڭ ساقاداي سايلانىپ بولعانىن مالىمدەدى، شي جينپيڭ كوزدەن كەشىرۋدى باستاۋ تۋرالى بۇيرىق ءتۇسىردى.
  ساپقا ءبولىنۋ مارشىنىڭ ەكپىندى اۋەنىندە پاراتتان وتەتىن كەمەلەر سوعىستىق قۇراما توپتارى بويىنشا ستراتەگيالىق سوققى بەرۋشىلەر، سۋ استىنان شابۋىلداۋشىلار، قيىر تەڭىزدە سوعىس جۇرگىزۋشىلەر، اۋياماتكامەن سوققى بەرۋشىلەر، قوس مەكەندى قۇرلىققا شىعۋشىلار، تاياۋ تەڭىزدە قورعانۋشىلار، كەشەندى قامتاماسىز ەتۋشىلەر سىندى 7 شايقاس توبىنا ءبولىنىپ، تاۋ قوپارىپ، تەڭىز قوتارارداي ەكپىنمەن تولقىن جارا ءجۇزىپ ءوتتى. پاراتتان وتەتىن ۇشاقتار كەمەگە قوناتىن تىك ۇشاقتار، سۇڭگۋىر كەمەگە قارسى بارلاۋ - شايقاس جۇرگىزۋشىلەر، الدىن الا ساقتاندىرۋ بويىنشا قولباسشىلىق ەتۋشىلەر، قيىر تەڭىزدە سوعىس جۇرگىزۋشىلەر، تەڭىزدە ەكپىندى ۇرىس سالۋشىلار، الىس ارالىقتان كومەك بەرىپ قورعاۋشىلار، اۋەنى مەڭگەرىپ سوعىس جۇرگىزۋشىلەر سياقتى 10 اۆياتسيالىق ساپ قۇراپ، پاراتتان وتەتىن كەمەلەر قۇراماسىنىڭ ۇستىنەن ۇشىپ ءوتتى. سۋ استىندا سۇڭگۋىر كەمەلەر ءجۇزىپ، تەڭىز بەتىندە سوعىس كەمەلەرى جۇيتكىپ، اۋەدە كۇمىس قانات تۇلپارلار سامعاپ، تەڭىز بەن اسپاندى تۇتاستىرعان ايبىندى سيمفونيا قالىپتاستىردى.

4 - ايدىڭ 12 - كۇنى تۇستەن بۇرىن ورتالىق اسكەري ىستەر كوميتەتى نانحاي تەڭىز ايدىنىندا سالتاناتتى اسكەري پارات وتكىزىپ، حالىق تەڭىز ارمياسىنىڭ شىت جاڭا بەينەسىن ايگىلەپ، مەملەكەتتى قۇدىرەتتەندىرۋدەگى، ارميانى قۇدىرەتتەندىرۋدەگى مىعىم سەنىمدى تاسقىنداتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري قوسىندى كوزدەن كەشىردى جانە ماڭىزدى ءسوز سويلەدى. سۋرەتتە: شي جينپيڭ چاڭشا كەمەسىندەگى ءبىرءبولىم كوماندير - جاۋىنگەرلەرمەن بىرگە سۋرەتكە ءتۇستى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  پاراتتان وتەتىن كەمەلەر كوزدەن كەشىرۋشى كەمەنىڭ الدىنان وتكەن كەزدە، ۇزاق گۋدوك بەرىلىپ، كوماندير - جاۋىنگەرلەر رەتتى ساپ تۇزەپ، ءتوراعا شي جينپيڭگە قۇرمەت ءبىلدىردى. «جولداستار، سالەمەتسىزدەر مە!»، «ءتوراعا، سالەمەتسىز بە!»، «جولداستار، جاپا شەكتىڭىزدەر!»، «حالىق ءۇشىن قىزمەت ەتەمىز!». شي جينپيڭنىڭ تەرەڭ سۇيىسپەنشىلىككە تولى ىقىلاستى سالەمىنە كوماندير - جاۋىنگەرلەر ەكپىندى، جىگەرلى جاۋاپ قاتتى. باس قولباسشى مەن كوماندير - جاۋىنگەرلەردىڭ تىلەكتەرى تىعىز توعىستى.

  بۇل رەتكى تەڭىزدەگى اسكەري پاراتتا لياۋنيڭ اۋياماتكا قۇراماسى ەرەكشە بەينەمەن كوزگە ءتۇستى، كوپتەگەن جاڭا ۇلگىدەگى سۇڭگۋىر كەمەلەر، سوعىس كەمەلەرى، سوعىس ۇشاقتارى شوعىرلى كورىنىس بەردى، پارتيا 18 - قۇرىلتايىنان كەيىن جابدىقتالعان كەمەلەر پاراتتان وتەتىن كەمەلەردىڭ جارتىسىنان كوبىن يەلەدى.
  تەڭىزدەگى قۇرامالاردى كوزدەن كەشىرگەن سوڭ، شي جينپيڭ كوزدەن كەشىرۋشى كەمەنىڭ جۇرگىزۋ كابەنكەسىنە بارىپ، تەرەزەدەن پاراتتان وتكەن كەمە قۇرامالارىنىڭ كورىنىسىن تاماشالادى. كەمە قۇرامالارى تولقىن جارا العا تارتتى، سالتاناتىنا سالتانات قوسىلدى.
  ساعات 11 مولشەرىندە شي جينپيڭ ماڭىزدى ءسوز سويلەدى. ول مىنالاردى اتاپ كورسەتتى: قۇدىرەتتى حالىق تەڭىز ارمياسىن كوركەيتۋ جۇڭحۋا ۇلتىنىڭ تەڭىزگە قۇلاش سەرمەپ، قۇدىرەتتەنۋدى كوزدەگەن سان عاسىرلىق ارمانىن ارقالاعان، ول جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى كەپىلى. جۇڭگو كوممۋنيستىك پارتياسىنىڭ پارمەندى باسشىلىعىندا، حالىق تەڭىز ارمياسى ءار دايىم داۋىلدى، تولقىندى شوقتىقتاپ، سان مىڭ شاقىرىمدىق تەڭىز ايدىنىن شارلاپ، قيىر تەڭىز - مۇحيتتا جۇرەكتىلىكپەن اتويلاپ، ءداۋىردىڭ دامۋ اعىمىن قارىشتى قاداممەن قۋىپ جەتىپ، كۇللى دۇنيەنىڭ نازارىن اۋدارعان ۇلى جەتىستىككە قول جەتكىزدى. بۇگىنگى حالىق تەڭىز ارمياسى شىت جاڭا بەينەمەن دۇنيە ءجۇزىنىڭ شىعىسىندا قاسقايىپ تۇر! پارتيا مەن حالىق باتىر دا داڭقتى حالىق تەڭىز ارمياسىن ماقتانىش ەتەدى جانە ماقتان تۇتادى!
  شي جينپيڭ تەڭىز ارمياسىنىڭ ساردارلارى مەن ساربازدارىنان مىنالاردى تالاپ ەتتى: پارتيانىڭ اسكەري قوسىنعا ابسوليۋتتى باسشىلىعى سىندى ءتۇبىرلى پرينسيپ پەن ءتۇزىمدى جاپپاي دايەكتىلەندىرۋ، پارتيا قۇرىلىسىن شىنايى كۇشەيتۋ، مۇرات - سەنىمدى بەكەمدەپ، داڭقتى ءداستۇردى اسقاقتاتىپ، پارتيانىڭ قولباسشىلىعىنا بويسۇناتىن، ساياسيدا بەرىك الۋەتتى تەڭىز قوسىندارىن تۇلعالاۋعا قۇلشىنۋ كەرەك. رەفورمانى جاپپاي تەرەڭدەتىپ، عىلىم - تەحنيكادا جاڭالىق اشۋدى بار كۇشپەن ىلگەرىلەتىپ، جاڭاشا سوعىس كۇشتەرىن جەدەل دامىتىپ، تەڭىزدە سوعىس جۇرگىزۋدىڭ وسى زامانعى جۇيەسىن كۇش سالا ورناتىپ، كوپ ءتۇرلى اسكەري مىندەتتەردى ءساتتى ورىندايتىن قابىلەت پەن دەڭگەيدى كۇش سالا جوعارىلاتۋ كەرەك. جاۋىنگەرلىك قۋات ولشەمىن جاپپاي تياناقتاندىرىپ، ناقتى سوعىستىق اسكەري جاتتىقتىرۋ ءىسىن مىقتى ۇستاپ، ايرىقشا ساق كۇيدى ساقتاپ، پارتيا مەن حالىقتىڭ شاقىرۋىنا ءارقاشان دايىن تۇرىپ، مەملەكەتتىڭ ۇقىق - مۇددەسىن باتىل قورعاپ، دۇنيە ءجۇزى مەن ءوڭىردىڭ بەيبىتشىلىگى مەن ورنىقتىلىعىن قورعاۋ ءۇشىن تىڭ، اناعۇرلىم كەسەك ۇلەس قوسۋعا قۇلشىنۋ كەرەك.

4 - ايدىڭ 12 - كۇنى تۇستەن بۇرىن ورتالىق اسكەري ىستەر كوميتەتى نانحاي تەڭىز ايدىنىندا سالتاناتتى اسكەري پارات وتكىزىپ، حالىق تەڭىز ارمياسىنىڭ شىت جاڭا بەينەسىن ايگىلەپ، مەملەكەتتى قۇدىرەتتەندىرۋدەگى، ارميانى قۇدىرەتتەندىرۋدەگى مىعىم سەنىمدى تاسقىنداتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري قوسىندى كوزدەن كەشىردى جانە ماڭىزدى ءسوز سويلەدى.

سۋرەتتە: اۋياماتكامەن سوققى بەرۋشىلەر توبى كوزدەن كەشىرۋدى قابىلداۋدا.

سۋرەتتى شينحۋا اگەنتتىگى تاراتقان (مو شياۋلياڭ تۇسىرگەن)

 شي جينپيڭ: حالىق تەڭىز ارمياسىنىڭ، ءسوز جوق، بورىشتىڭ ۇددەسىنەن شىعىپ، ماڭىزدى تاپسىرمانى ادا ەتىپ، جاڭا داۋىردە ۇزدىكسىز شۇعىلالى ناتيجە جاراتاتىنىنا كامىل سەنەمىن، - دەدى.
  شي جينپيڭنىڭ ماڭىزدى سوزىنە كوماندير - جاۋىنگەرلەر ۇزاق قىزۋ قول شاپالاق سوقتى.
  تەڭىزدەگى اسكەري پارات اياقتاعان سوڭ، شي جينپيڭ لياۋنيڭ كەمەسىندەگى جيان - 15 ۇشاعىنىڭ ۇشۋ جاتتىعۋ جاعدايىن كوردى. 4 سوعىس ۇشاعى بىرىنەن سوڭ ءبىرى گۇرىلدەي كوككە كوتەرىلىپ، بىردەن بۇلتتاردى ءتىلىپ قانات قاقتى. وسىدان سوڭ، شي جينپيڭ كوزدەن كەشىرۋشى كەمەنىڭ ءجۇزۋ كارتاسى بولمەسىنە بارىپ، ءجۇزۋ ەستەلىگىنە ءوز قولتاڭباسىن سالتاناتپەن قالدىردى.
  شي جينپيڭ تەڭىز ارمياسى كوماندير - جاۋىنگەرلەرىن ەستەن شىعارىپ كورگەن ەمەس. ءتۇس الەتىندە ول تەڭىز اسكەرلەرى اسحاناسىنا كەلىپ، تەڭىز اسكەرلەرىمەن بىرگە تۇسكى اسقا وتىرىپ، ولاردىڭ ۇيرەنۋ، جاتتىعۋ، تۇرمىس جاعدايلارىن دەن قويا سۇراپ ۇعىستى. كوزدەن كەشىرۋشى كەمە كەمەتۇراققا توقتاعان سوڭ، شي جينپيڭ الدىڭعى ۇشۋ الاڭقىسىندا كوماندير - جاۋىنگەرلەردى قابىلداپ، ولارمەن ىقىلاستى تۇردە قول الىسىپ، بىرگە ەستەلىك سۋرەتكە ءتۇستى. شي جينپيڭدى قاۋمالاعان كوماندير - جاۋىنگەرلەردىڭ جۇزدەرىنەن باقىت پەن قۋانىش لەبى ەستى.
  قوشتاسار ءسات تە جەتتى، كەمەدەگى كوماندير - جاۋىنگەرلەر قوشتاسۋعا قيمادى. كەمەدەگى قۇرمەت قاراۋىلدارى ۇشۋ الاڭقىسىندا تاعى ءبىر مارتە رەتتى ساپ تۇزەپ، تەڭىز ارمياسىنىڭ ەرەكشە قۇرمەتى بويىنشا شي جينپيڭگە قۇرمەت ءبىلدىردى.
  شي جينپيڭنىڭ كوزدەن كەشىرۋى پاراتتان وتكەن قوسىنداردىڭ ناقتى سوعىستىق اسكەري جاتتىعۋىنا قۇدىرەتتى قوزعاۋشى كۇش ۇستەدى. پاراتتان وتكەن قوسىندار پارتيا مەن حالىقتىڭ ماڭىزدى تاپسىرماسىن ارقالاپ، دەرەۋ جاتتىعۋ جۇرگىزەتىن تەڭىز ايدىنىنا جول الدى، تەڭىز بەتىندە وڭىرلەر ارا ناقتى سوعىستىق جاتتىعۋ جاپپاي باستالدى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ اسكەري پاراتتى باسقاردى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا، ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زۋوچىڭ، مياۋ حۋا، جاڭ شىڭمين اتالعان قيمىلعا قاتىناستى.


بەرىپ كەت ورامالىڭدى

دوستار

الىستاعى اق ەركە