جاڭا حابارلار

اپامنىڭ تابا نانىن ەلىمىزدىڭ بارلىق جەرىندە ساتامىن

    كەلۋ قاينارى: شينجياڭ حالىق راديو ىستانسياسى    2018-04-13 19:34:30  

تىلشىلەرىمىز حي حۇڭۋي، ياڭ شۋحان

3 - ايدىڭ 11 - كۇنى 25 جاستاعى تولى اۋداندىق جەرگىلىكتى سالىق مەكەمەسىنىڭ كادرى چىن ياڭ 79 جاستاعى جۇپ قۇراعان تۋىسى نۇكەن ءابىل قىزىنا امانداسا بارعاندا: اپا، ءۇيىمىزدىڭ نانى قاجەتتى قاناعاتتاندىرا الماي قالدى، اۋەلى، ەلىمىزدىڭ جەر - جەرىنەن تاپسىرىس بەرىپ جاتىر! - دەدى. ءوزى پىسىرعان تابا ناننىڭ ۇشاقپەن شينجياڭنان شىققانىن ەستىگەندە، نۇكەن اپانىڭ جۇزىنە كۇلكى ءۇيىرىلىپ: ەگەر سەنىڭ كومەگىڭ بولماعان بولسا، ءبىزدىڭ نانىمىزدىڭ اتاعى قايدان شىقسىن! - دەدى.
  وتكەن جىلى عانا قىزمەتكە قاتىناسقان چىن ياڭ نۇكەن اپامەن تانىسىپ تۋىس بولعاننان كەيىن، قىزمەتتەن سىرتقى ۋاقىتتارىندا ۇنەمى كوكونىس، جەمىس - جيدەكتەرىن الىپ اپاسىنا امانداسا بارىپ تۇرادى. چىن ياڭ تىلشىگە: اپام ءار جولى مەنى نانىن پىسىرىپ، ەتىن اسىپ كۇتىپ الادى، مەن اپام مەن كەلىنى ميراشگۇل پىسىرعان ناننىڭ وتە ءدامدى ەكەنىن بايقادىم، قارنىڭ اشپاسادا ناندى جەگىڭ كەلىپ تۇرادى. تابا ناننىڭ ۇنىنا ءسۇت، سارى ماي قوسىپ يلەيدى، نان اشىعان سوڭ تاعى دا يلەيدى، كوپ يلەگەن سايىن جاقسارىپ، پىسقان سوڭ جەگەن سايىن جەگىڭ كەلەدى، - دەدى.
  تابا ناندى پىسىرۋدىڭ وزىندىك ەرەكشەلىگى بار. اۋلانىڭ ىشىنە قي جاعىپ، تابانى وتقا قويادى، چىن ياڭ جەڭگەسى ميراشگۇلدىڭ تاباعا قامىردى سالىپ، ونان سوڭ بەتىنە قىزارىپ جانعان قي وتى سالىنعان تابانىڭ قاقپاعىن جاپقانىن كوردى. مولشەرمەن 20 مينۋتتا ءيىسى اڭقىپ، بۋى بۇرقىراعان نان پىسىپ شىقتى.

  ءبىر جولى چىن ياڭ اپاسىمەن اڭگىمەلەسىپ وتىرىپ، جەڭگەسىنىڭ بالاسىن اۋدان قالاشىعىنا اپارىپ وقىتپاقشى ەكەن، ءوزى دە تولى اۋدانى قالاشىعىنا بارىپ بالاسىنىڭ قاسىندا تۇرىپ جۇمىس ىستەمەكشى ەكەنىن بىلەدى. الايدا جەڭگەسى كەتسە ۇيدەگى ەنەسىنە قارايتىن ادام جوق بولعاندىقتان، بالاسىن اۋدان قالاشىعىنداعى تۋىسىنىڭ ۇيىنە تۇرعىزىپ وقىتپاقشى بولادى. وسىلايشا بالانىڭ ءار ايداعى تۇرمىس قاراجاتى وتباسىنا اۋىرتپالىق اكەلەدى.
  تابادان بۋى بۇرقىراپ ەندى عانا پىسىپ شىققان ناندى كورگەندە، چىن ياڭعا «نان وسىنشاما ءدامدى تۇرسا، نەلىكتەن ءۇنحاتتاعى دوستار شەڭبەرىندە ساتۋىنا كومەكتەسپەيمىن!؟» دەگەن وي تۋادى.
  چىن ياڭ بۇل ويىن اپاسى مەن جەڭگەسىنە ايتادى، وزدەرى پىسىرعان ناندى توراپتا ساتىپ اقشا تابۋعا بولاتىنىن ەستىگەندە، ەكەۋى العاشىندا بۇعان سەنگىسى كەلمەيدى، ءبىراق اقىرى چىن ياڭنىڭ ۇسىنىسىنا قوسىلادى.
  دەرەۋ ىسكە كىرىسكەن چىن ياڭ قول تەلەفونىنا تابا ناننىڭ سۋرەتىن ءتۇسىرىپ، تانىستىرۋىن جانە ءوزىنىڭ تەلەفون ءنومىرىن قوسا جازىپ، دوستار شەڭبەرىنە جولدايدى. ول بۇنى دوستار شەڭبەرىنە جولداپ جارتى ساعاتقا جەتپەي، تۇڭعىش رەت تاپسىرىس قابىلدارىن ويلاماعان - دى. سول كۇنى جاڭادان پىسىرىلعان تابا نان دەرەۋ ساتىلىپ بولادى.

  ميراشگۇل اسەرلەنگەنىنەن: باۋىرىم دوستار شەڭبەرى ارقىلى مەنىڭ نانىمدى ساتىسقان ەدى، بىرنەشە كۇنگە جەتپەي - اق تولى اۋدانى قالاشىعىنان، كورشىلەس اۋدان - قالالاردان، ءتىپتى، ەلىمىزدىڭ جەر - جەرىنەن 53 تاپسىرىس ءتۇسىپ، ساتقان نانىم 1000 يۋاننىڭ ۇستىندە بولىپ، مەنىڭ جۇمىس ىستەپ تاپقان اقشامنان دا كوپ بولدى، - دەيدى. وسىدان كەيىن، تەك تاپسىرىس جينالىپ بەلگىلى مولشەرگە جەتسە بولدى، چىن ياڭ بوس ۋاقىتىنان پايدالانىپ ماشيناسىن ايداپ بارىپ ناندى الىپ، ودان كەيىن جەدەل جولداما سەرىكتەستىگىنە اپارىپ پوچتادان جولداپ تۇرادى. ۋاقىت ۇزارا كەلە، جەدەل جولداما سەرىكتەستىگىنىڭ جاۋاپتىسى سۇڭ شۋە دە ءمان - جايدى بىلەدى. «ماعان دا بىرەۋ قوسا سال!»، سۇڭ شۋە دە نان ساتۋشىلاردىڭ قاتارىنا قوسىلادى ءارى ءبىر تيىن دا جەدەل جولداما اقىسىن المايدى.
  ءسويتىپ، تابا ناننىڭ اتاعىنىڭ بىرتىندەپ اسپانداۋىنا بايلانىستى، قاريدارلاردىڭ قاجەتىنە قاراي، ءبىر وتباسى تابا نانعا وزگەرىس ەنگىزەدى. ىشكى ولكەدەگى قاريدارلار اڭىس ەتكەن نان وتە ۇلكەن دەگەن ماسەلەگە نەگىزدەلە وتىرىپ، ولار بۇرىنعى 2 كيلوگرامدىق ناندى ءبىر كيلوگرامعا، جارتى كيلوگرامعا ءتۇسىرىپ، باعاسىن دا سايكەستى رەتتەيدى. چىن ياڭ: ناندى ءدامدى پىسىرعان سايىن ساۋداسى دا كۇسەت بولا ءتۇستى، مەن دە ىشتەي قاباعات قۋاندىم، - دەيدى.
  ەندىگى قادامدا، چىن ياڭ تاعى تۋىسىنىڭ ءبىر دۇكەن اشۋىنا كومەكتەسىپ ءارى ماركاسىن تىزىمگە الدىرىپ، تابا ناندى ءتىپتى دە كوپ، ءتىپتى دە شالعاي جەرلەرگە شىعارىپ ساتۋدى ويعا الدى، وسىلاي بولعاندا اپاسىنىڭ وتباسىن اۋقاتتاندىرىپ قانا قالماستان، تاعى سول جەردەگى كوپتەگەن ادامداردى بىرگە اۋقاتتانۋعا جەبەۋگە بولادى.
  چىن ياڭنىڭ ىستەگەن جاقسىلىعىن نۇكەن اپانىڭ وتباسىنداعىلار كوكەيىندە ساقتادى. 2018 - جىلدىڭ كوكتەم مەرەكەسىنىڭ ءبىر كۇنى، كەزەكشىلىك ىستەپ وتىرعان چىن ياڭنىڭ ءالى تاماق ىشپەگەنىن بىلگەن اپاسى ءجۇرىپ - تۇرۋى قيىنداعانىنا قاراماستان ەرتەمەن تۇرىپ تۇشپارا ءتۇيىپ ءارى قانت - كامپيت جانە ساڭزىسىن دايىنداپ، ۇلى مەن كەلىنىنەن چىن ياڭنىڭ مەكەمەسىنە جىبەرىپ بەرەدى. «ول مەن ءۇشىن كوپتەگەن جاقسى ىستەر ىستەدى، ال مەن وعان تاماق قانا جاساپ بەردىم. ماعان وسىنداي جاقسى تۋىس تاۋىپ بەرگەن كوممۋنيستىك پارتياعا راقىمەت!»، - دەيدى نۇكەن اپا.


بەرىپ كەت ورامالىڭدى

دوستار

الىستاعى اق ەركە