جاڭا حابارلار

رايونىمىزدىڭ جەر- جەرىندە ءبىر توپ ءتۇيىندى ينجەنەريالار ىركەس-تىركەس باستالدى

    كەلۋ قاينارى: شينجياڭ حالىق راديو ىستانسياسى    2018-04-13 17:59:27  
ستانسيامىزدىڭ جيناق حابارى: جۋىردا، رايونىمىزدىڭ جەر- جەرىندە شارت- جاعدايى كەمەلدەنگەن ەكونوميكا، حالىق تۇرمىسى قۇرىلىسى ينجەنەريالارى ىركەس-تىركەس باستالدى نەمەسە قايتا باستالدى.
كەزەكتە مەملەكەتتىك ءتۇيىندى ينجەنەريا ــــ گولمۋدتان كورلاعا دەيىنگى تەمىر جول ينجەنەرياسىنىڭ شينجياڭ بولەگىنىڭ قۇرىلىسى شۇعىل جۇرىلۋدە، مۇندا S5 بولەگىندەگى باشگوگىن ءبىرىنشى ءنومىرلى تۋنەلى جۋىردا ءساتتى تۇتاستى.
 تۋنەلدىڭ ورنى تارىم ويپاتىنان چيڭحاي- شيزاڭ ۇستىرتىنەن وتەتىن وڭىردە، تاۋلى ءوڭىردىڭ جولى ويلى- قىرلى، گەولوگيالىق جاعدايى كۇردەلى بولىپ، قۇرىلىستىڭ قيىندىق دارەجەسىن ارتتىردى.
 جۇڭگو تەمىر جول ءۇشىنشى مەكەمەسىنىڭ S5 بولەگى ءۇشىنشى قۇرىلىس رايونىنىڭ ورىنباسار اعا ينجەنەرى ليۋ جىڭۋي، مىندەتتىڭ ورىندالۋىنا كەپىلدىك ەتۋ ءۇشىن، قۇرىلىس جۇرگىزۋشى جاقتىڭ ىلگەرىندى- كەيىندى 9 ءتۇرلى وزىق تۋنەل تەحنولوگياسىن قولدانعانىن تانىستىرا كەلىپ: «S5 بولەگىندە جالپى 12 تۋنەل بار، ءۇشىنشى قۇرىلىس رايونىندا جالپى 8 تۋنەل قازۋدى ۇستىمىزگە الدىق. باشگوگىن ءبىرىنشى ءنومىرلى تۋنەلىنىڭ سالىنىپ بولۋى قۇرىلىسى اياقتاماعان وزگە تۋنەل قازۋ قوسىنىن بارىنشا شابىتتاندىرىپ، گولمۋد-كورلا تەمىر جولىنىڭ تۇتاسىپ وندىرىسكە قوسىلۋى تىڭ ىلگەرلەۋشىلىككە قول جەتكىزدى»،-دەدى.
2018- جىلى گولمۋد- كورلا تەمىر جولىنىڭ شينجياڭ بولەگىندە 275.44 كيلومەتر رەلىس جاتقىزۋ جوسپارلاندى، شينجياڭ مەن چيڭحايدى تۇتاستىراتىن وسى بولات تەمىر ءىرى ارناسى مەجەمەن 2020- جىلى سالىنىپ بولىپ پويەز قاتىنايدى.
 بۇكىل ەلىمىزدىڭ جەر-جەرىنىڭ كوگىلدىر اسپان ينجەنەرياسىن، گازداندىرۋ ينجەنەرياسىن پارمەندى جالپىلاستىرىپ اتقارۋىنا بايلانىستى، تابيعي گاز بازارى بارعان سايىن كەڭەيدى. بيىل تارىم مۇناي الابى سەرىكتەستىگى قاراسۋ گاز الابىنان تىڭنان 12 گاز قۇدىعىن اشىپ، تابيعي گازدىڭ جىلدىق ءونىم مولشەرى ءبىر ميلليارد 200 ميلليون تەكشە مەترگە جەتتى. قۇرىلىستى جۇرگىزگەن جاق ـــ سىچۋان مۇناي تابيعي گاز قۇرىلىس ينجەنەريا شەكتى سەرىكتەستىگى شينجياڭ بولىمشە سەرىكەستىگى قاراسۋ نىسان ءبولىمىنىڭ مەڭگەرۋشىسى حان لياڭ: «وتە- موتە، قاراسۋ گاز الابىنىڭ كىشىن وڭىرىندە كوپ جەردەن گاز قۇدىعىن اشىپ، بىرنەشە وڭىردە ءبىر ۋاقىتتا قۇرىلىس باستاعاندىقتان، حاۋىپسىزدىك جانە ساپانى باسقارۋ مەڭگەرۋ قىسىمى توتەنشە ارتتى. ءبىز ارناۋلى تۇردە حاۋىپسىزدىكتى ءبىرىنشى ورىنعا قويۋدى، ساپانى ماڭداي الدى ورىنعا قويۋدى باستى تاقىرىپتىق قيمىل ەتتىك»،- دەدى.
 قاراسۋ گاز الابى گازدى باتىستان شىعىسقا جەتكىزۋدەگى تىرەكتى گاز قاينارىنىڭ ءبىرى ءارى تارىم مۇناي الابى سەرىكتەستىگىنىڭ تابيعي گاز وندىرەتىن باستى شەبى سانالادى. جوبا بويىنشا، 2020- جىلعا بارعاندا، قاراسۋ گاز الابىندا تىڭنان ارتقان تابيعي گاز ءوندىرىس قۋاتى 7 ميلليارد تەكشە مەترگە جەتەدى.
 باي اۋدانىندا سۋ بايلىعى ەرەسەن مول، شينجياڭ شينحۋا مۇزارت وزەنى سۋ ەلەكتر اشۋ شەكتى سەرىكتەستىگى ءبىر ميلليارد 435ميلليون يۋان قارجى قوسىپ، جوبالاپ سالعان اۆتونوميالى رايوننىڭ ءتۇيىندى ينجەنەرياسى ـــ شينجياڭ مۇزارت وزەنى ءۇشىنشى دارەجەلى سۋ ەلەكتر ستانسياسى قازىر جەدەل سالىنۋدا.سۋ ەلەكتر ستانسياسى تيانشاننىڭ ىشكى وڭىرىندە، سۋ جەتكىزەتىن تۋنەلدىڭ جالپى ۇزىندىعى 12.8كيلومەترگە جەتىپ، قازىر ەلىمىزدەگى ەڭ ۇزىن سۋ جەتكىزۋ تۋنەلى سانالادى.تۋنەلدى قازعان قۇرىلىس ورنىندا، بۇرعى گۇرىلدەپ، قۇرىلىس جۇرگىزۋشىلەر قالىڭ قىزمەت كيمىن كيىپ، قاربالاس جۇمىس ىستەۋدە.شينجياڭ مۇزارت كولى ءۇشىنشى دارەجەلى سۋ ەلەكتر ستانسياسى شەكتى سەرىكتەستىگى پارتيا ياچەيكاسىنىڭ شۋجيى، باس مەڭگەرۋشىسى پىڭ چۇڭ: «قورشاعان ورتانى قورعاۋ جاعىنا قوسىلعان قارجى 43 ميلليون يۋانعا جەتىپ، تولىق سالىنىپ بولىپ وندىرىسكە قوسىلعاننان كەيىن جىلدىق ورتاشا توك تاراتۋ مولشەرى 540ميلليون كيلوۋات-ساعاتقا جەتىپ، جىلىنا 500مىڭ توننا ولشەمدى كومىردى ۇنەمدەپ، كومىرتەگى قوس توتىعى سياقتى ءتۇرلى جىلىجاي گازىنىڭ ىعىستىرىلۋىن ءونىمدى ازايتادى. سوندىقتان، بۇل جەرگىلىكتى ەكونوميكانىڭ دامۋىن جەبەۋمەن بىرگە، قورشاعان ورتانى قورعاۋدا دا اسا زور ۇلەس قوسادى»،- دەدى.
كەزەكتە، جەر- جەردەگى قۇرىلىس نىساندارىنىڭ ارت- ارتىنان باستالۋى جەرگىلىكتى ارتىق ەڭبەككۇشتەردىڭ باسقا سالادا كاسىپتەنۋىن جەبەدى. مەملەكەتتىك تاس جول 218- لەنياسىنداعى زەكتىدەن تۇرگەنگە دەيىنگى جول بولەگى ينجەنەرياسىنىڭ بەسىنشى بولەگىنىڭ قۇرىلىسى ورنىندا، قۇرىلىس جۇرگىزۋشى جاق سول توڭىرەكتەگى كوپتەگەن اۋىل- قىستاق تۇرعنىن قابىلدادى. قۋانالى اناربەك ۇلى كۇنەس اۋدانى تۇرگەن اۋىلى قاراوي قىستاعىنىڭ تۇرعىنى، ءبىر ءۇيلى جاندا نەبارى بىرنەشە مۋ جەر عانا بار، وتكەن جىلدان باستاپ ول لەنيا بويىنداعى جوعارى قارقىندى تاس جول قۇرىلىس ورنىندا جۇمىس ىستەپ، اي سايىن 3 مىڭ يۋانداي ەڭبەكاقىعا يە بولدى. ول: «ۇيدە جەر از، بۇرىن جان-جاقتان ۇساق- تۇيەك جۇمىستار ىستەيتىنمىن، وتكەن جىلى 4- ايدان باستاپ، قۇرىلىس ورنىندا جۇمىس ىستەپ، كۇنىنە 100 يۋاننان ارتىق ەڭبەكاقى الدىم، بيىل وسى جۇمىسپەن شۇعىلدانعانىما ون نەشە كۇن بولدى، كىرىسىم ارتتى. مەن جۇمىستى تىندىرىمدى ىستەپ، اقشانى مولىنان تابامىن»،-دەدى.
وسى نىساننىڭ اعا ينجەنەرى حۋاڭ حى، قازىر قۇرىلىس جۇرگىزۋشى جاقتىڭ تۇرگەن اۋىلدىق ۇكىمەتپەن كەدەيلەردى سۇيەمەلدەۋ سەرىكتەستىك قاتىناسىن ارناۋلى ورناتىپ، كاسىپتەنۋگە باۋراۋ تاسىلىمەن بۇرىنعىدان دا كوپ كەدەي قىستاق تۇرعىنىن كەدەيلىكتەن قۇتىلىپ اۋقاتتانۋعا باستاعانىن تانىستىرا كەلىپ:«وتكەن جىلى 56كەدەي وتباسىمەن سەرىكتەسىپ كەدەيلىكتەن قۇتىلدىردىق، بيىل جىل باسىنان بەرى 11 وتباسىن كەدەيلىكتەن قۇتىلدىرىق. قۇرىلىس جۇرگىزۋشى جاق ەڭ الدىمەن جەرگىلىكتى ديحان جۇمىسكەرىن قابىلداپ، جەرگىلىكتى تاس جول قۇرىلىسىنا ويداعىداي قىزمەت ەتۋدەن سىرت، تاعى دا جەرگىلىكتى ەڭبەككۇشتەردىڭ كاسىپتەنۋ ماسەلەسىن شەشتى»،- دەدى.

بەرىپ كەت ورامالىڭدى

دوستار

الىستاعى اق ەركە