جاڭا حابارلار

ورتتەن ساقتانۋ، ءورت ءوشىرۋ بارلاۋشى قۇلتەمىرلەرى رەسمي پايدالانىلدى

    كەلۋ قاينارى: شينجياڭ حالىق راديو ىستانسياسى    2018-04-16 11:13:30  

ءوز حابارىمىز: تاياۋدا، جۇڭشيڭ اۋىر ونەركاسىپ ماشينا شەكتى سەرىكتەستىگى وندىرگەن تۇڭعىش توپتاعى 50 ورتتەن ساقتانۋ، ءورت ءوشىرۋ بارلاۋشى قۇلتەمىر رەسمي پايدالانۋعا بەرىلدى، وسى قۇلتەمىرلەر ءۇرىمجى گانچۋانباۋ ەكونوميكا-تەحنيكا اشۋ رايونىنداعى قوعام حاۋىپسىزدىگى ءورت ءوشىرۋ تاراۋلارىنا جەتكىزىلىپ، ءورت ءوشىرۋ-قۇتقارۋ قىزمەتكەرلەرىنىڭ ورنىنا ءورت ءوشىرۋ مىندەتىن اتقارادى. ءورت ءوشىرۋ بارلاۋشى قۇلتەمىر ەلىمىز جاعىنان قوپارىلىستىڭ الدىن الۋ سپات كۋالىگى مەن ءورت ءوشىرۋ سپات كۋالىگىنە يە، ول مۇناي، حيميا-ونەركاسىبى، جانار گاز، ەلەكتر، ماي باگى، قامبادا ساقتاۋ سياقتى تەز جانىپ وڭاي قوپارىلىس جاسايتىن ورتادا ءورت ءوشىرۋ-قۇتقارۋ مىندەتىن اتقارۋعا ۇيلەسەدى. «ادام جاقىنداۋعا بولمايتىن» ۋلى، تەز جاناتىن، وڭاي قوپارىلىس تۋىلاتىن كۇردەلى ورتادا، «ادام ورنىنا قۇلتەمىر ىستەتۋ» ارقىلى ءورت ءوشىرۋ-قۇتقارۋ قىزمەتكەرلەرىنىڭ ورنىنا ءورت ءوشىرۋ مىندەتىن اتقارادى.
بىلتىر 12-ايدا، جۇڭشيڭ اۋىر ونەركاسىپ ماشينا شەكتى سەرىكتەستىگىنىڭ ەرەكشە قۇلتەمىر كاسىپ بازاسى ۇرىمجىدەگى گانچۋانباۋ ەكونوميكا-تەحنيكا اشۋ رايونىنا رەسمي ىرگە تەپتى. الداعى ءبىر نەشە جىل ىشىندە، بۇل جەر شينجياڭداعى ەڭ ۇلكەن قۇلتەمىر جاساۋ بازاسىنا اينالادى. بۇل بازا نەگىزىنەن ءورت ءوشىرۋ بارلاۋشى قۇلتەمىرىن، حاۋىپتى ورىنداردا شارلاۋ جۇرگىزەتىن قۇلتەمىر، تەمىر جول تەكسەرەتىن قۇلتەمىر، سۋ استىندا بارلاۋ جۇرگىزەتىن قۇلتەمىر سياقتى ءبىر نەشە ءتۇرلى قۇلتەمىر وندىرمەكشى. مەجەمەن جىل سوڭىنا دەيىن، 300 قۇلتەمىر ءوندىرىپ بازارعا سالماقشى، 3 جىل ىشىندە مىڭ قۇلتەمىر ءوندىرۋدى جوسپارلاپ وتىر. سوڭعى جىلدارى شينجياڭدا جابدىق جاساۋ كاسىبىنىڭ جەدەل دامۋىنا بايلانىستى، ونەركاسىپ قۇلتەمىرىن ءوندىرۋ تەحنيكاسى رايونىمىزدا تەز جەتىلىپ، كوپتەگەن ءىرى كاسىپورىندى شينجياڭعا كەلىپ ىرگە تەبۋگە باۋرادى. رايونىمىز شىعارعان «جۇڭگو جاساۋ كاسىبىنىڭ 2025-جىلعى شينجياڭ ارەكەت جوباسىندا»: ونەركاسىپ قۇلتەمىرىن، ينجەنەريا ماشيناسىن، جاڭا ەنەرگيا جابدىعىن جاساۋ سالاسىندا، ءبىر توپ زەردەلى جابدىق پەن زەردەلى ونىمدەردى زەرتتەپ جاساۋ جانە ۇلگى رەتىندە پايدالانۋ كەرەك، دەپ ايقىن اتاپ كورسەتىلدى. 2025-جىلعا بارعاندا، ونەركاسىپ قۇلتەمىرى سياقتى زەردەلى جابدىقتار رايونىمىزدا كەڭىنەن قولدانىلاتىن بولادى.


بەرىپ كەت ورامالىڭدى

دوستار

الىستاعى اق ەركە