جاڭا حابارلار

ءار ۇلت بۇقاراسىنىڭ باسقا جەردە ەمدەلۋىنە قولايلىلىق جاسالدى

    كەلۋ قاينارى: شينجياڭ حالىق راديو ىستانسياسى    2018-04-16 11:13:30  

ستانسيامىز ءتىلشىسى دۇڭ جيۇڭ مەن پراكتيكانت ءتىلشى تۇرسىناي اسەننىڭ حابارىن تىڭداڭىزدار: قازىرگە دەيىن، رايونىمىزدا باسقا جەردە ەمدەلۋ اقىسىن ەسەپتەن كوتەرتكەندەر 7 مىڭ 487 ادام-رەتكە جەتىپ، ءار ۇلت بۇقاراسىنىڭ باسقا جەردە ەمدەلۋىنە قولايلىلىق جاسالدى. الداعى جەردە، رايونىمىز باسقا جەرلەردە جۇمىس ىستەگەندەردىڭ ەمدەۋ قامسىزداندىرۋىنىڭ ەسەبىن جابۋعا قىزمەت وتەۋدى اناعۇرلىم كەمەلدەندىرمەكشى.
جىل باسىنان بەرى، رايونىمىز 2017-جىلى بۇكىل ەلىمىزدەگى بارلىق ولكە-رايون، قالامەن جانە بيڭتۋانمەن ولكە جانە ءوڭىر اتتاپ ەمدەلگەندەردىڭ ەمدەلۋ اقىسى ەسەبىن جابۋ نەگىزىندە، ولكە جانە ءوڭىر اتتاپ ەمدەلگەندەردىڭ ەمدەلۋ اقىسى ەسەبىن جابۋ كولەمىن ۇزدىكسىز كەڭەيتۋ ۇگىت تەبىنىن كۇشەيتكەندىكتەن، بيىل 1-توقساندا، رايونىمىز بويىنشا ولكە جانە ءوڭىر اتتاپ ەمدەلگەندەردىڭ ەمدەلۋ اقىسى ەسەبىن جاپقانى 3 مىڭ 538 ادام-رەتكە جەتتى. اۆتونوميالى رايوندىق قوعامدىق قامسىزداندىرۋ ىستەرىن باسقارۋ مەكەمەسىنىڭ باس بۇعالتىرى ۋاڭ ۋي بىلاي دەدى: «كەزەكتە، اۆتونوميالى رايونىمىز نەگىزگى ەمدەۋ قامسىزداندىرۋىن، مول قارجىلى ەمدەۋ كومەك سوماسىن، سالماقتى ناۋقاستاردى قامسىزداندىرۋ قاراجاتىن شيپاحانادا «ءبىر تالون ۇلگىسىندە» ەسەپتەپ ەسەپ جابۋدى، شيپاحانا اۋىستىرۋ ءراسمياتىن شيپاحانادا ءبىر تەرەزەلىك ورىننان ءبىتىرۋدى نەگىزىنەن جۇزەگە اسىردى. ەندىگى جەردە، سىرت جەرلەردە جۇمىس ىستەگەندەردىڭ ەمدەۋ قامسىزداندىرۋىنىڭ ەسەبىن جابۋعا قىزمەت وتەۋدى اناعۇرلىم كەمەلدەندىرەدى. سىرت جەرلەردە جۇمىس ىستەگەندەر جاڭادان كاسىپتەنگەن ورنىندا ەمدەۋ قامسىزداندىرۋىنا قاتىناستىرىلادى، مۇنداي بولعاندا، اۋىرۋ كورسەتۋ اقىسىن ەسەپتەن كوتەرتۋ ماسەلەسى تۇبەگەيلى شەشىلەدى. ەگەر سول جەردە ەمدەۋ قامسىزداندىرۋىنا قاتىناسا الماسا، ءبىز ولارعا قاتىستى قىزمەت وتەۋ ءتۇرىن دايىنداپ بەرەمىز. ولار سىرت جەرلەرگە بارۋدان بۇرىن شينجياڭداعى ەمدەۋ قامسىزداندىرۋىنا قاتىناسۋ ءراسمياتىن ويداعىداي ءبىتىرىپ، سىرت جەرلەرگە جۇمىس ىستەۋگە بارۋدان ىلگەرى ەستەلىككە الدىرۋى ءتيىس. وسىلاي ىستەگەندە، ولاردىڭ سىرت جەرلەرگە بارعان سوڭ، باسقا جەردە ەمدەلۋ تاسىلىمەن اۋىرۋ كورسەتۋ اقىسىن ەسەپتەن كوتەرتۋ ماسەلەسىن شەشۋگە بولادى». 3-ايدىڭ اياق شەنىنە دەيىن، مەملەكەتتىڭ باسقا جەردە شيپاگەرگە كورىنۋ تەكشەسى ارقىلى رايونىمىزدان باسقا جەرگە بارىپ ەمدەلگەندەردىڭ سانى 64 مىڭ 300 ادام رەتكە جەتكەن. اۆتونوميالى رايوندىق قوعامدىق قامسىزداندىرۋ ىستەرىن باسقارۋ مەكەمەسى ەمدەۋ قامسىزداندىرۋى ورتالىعىنىڭ قىزمەتكەرى سۇي يۇيجيە، ولكە ارا باسقا جەردە ەمدەلىپ تىكەلەي ەسەپتەن كوتەرتۋدەگى قولايلىلىقتان يگىلىكتەنۋ ءۇشىن، ءسوزسىز، باسقا جەردە ەمدەلەتىندەردىڭ الدىن الا تىزىمگە الدىرۋى قاجەت ەكەنىن ەسكەرتە كەلىپ بىلاي دەدى: «باسقا جەردە ۇزاق ۋاقىت تۇراتىندارعا باسقا جەرگە قونىس اۋدارعان زەينەتكەرلەر، باسقا جەرگە تۇراقتاپ ۇزاق ۋاقىت تۇراتىندار، باسقا جەردە ۇزاق ۋاقىت ۇيرەنۋدە، قىزمەتتە جۇرگەندەر قامتىلادى، ولار شينجياڭنان اتتاناردان بۇرىن، الدىمەن جەرگىلىكتى ورىنداعى قوعامدىق قامسىزداندىرۋ ىستەرىن بىتىرەتىن قۇرىلىمدارعا بارىپ، باسقا جەردە ەمدەلەتىندەردى تىزىمگە الدىرۋ ءراسمياتىن ءبىتىرۋى كەرەك. ءراسمياتتى بىتىرگەننەن كەيىن، بارعان جەرىندە ەمدەلۋىنە بولادى. تۇرعان جەرىنەن باسقا ولكەلەرگە بارىپ ەمدەلۋىنە تۋرا كەلگەن قامسىزداندىرۋعا قاتىناسقاندار العاشقى شيپاحانادان اۋىسۋدان بۇرىن، سول شيپاحانانىڭ ەمدەۋ قامسىزداندىرۋ تاراۋىندا باسقا جەرگە بارىپ ەمدەلەتىنىن تىزىمگە الدىرۋى كەرەك، سوندا عانا قامسىزداندىرۋعا قاتىناسۋشى باسقا جەرگە بارعاندا ىركىلىىسىز ەمدەلە الادى». 


بەرىپ كەت ورامالىڭدى

دوستار

الىستاعى اق ەركە