جاڭا حابارلار

شي جينپيڭ بو - اۋ ازيا تالقى مىنبەرى القاسىنىڭ قازىرگى جانە ەندى قىزمەتكە وتىراتىن القالارىمەن توپتىق كەزدەستى

    كەلۋ قاينارى: شينجياڭ گازەتى    2018-04-13 18:25:03  

4 - ايدىڭ 11 - كۇنى مەملەكەت ءتوراعاسى شي جينپيڭ حايناننىڭ بو - اۋىنداعى مەملەكەتتىك قوناق ۇيدە بو - اۋ ازيا تالقى مىنبەرى القاسىنىڭ قازىرگى جانە ەندى قىزمەتكە وتىراتىن القالارىمەن توپتىق كەزدەستى.
سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

  شينحۋا اگەنتتىگىنىڭ 4 - ايدىڭ 11 - كۇنى حايناننىڭ بو - اۋىنان بەرگەن حابارى (تىلشىلەر حوۋ ليجۇن، داي چاۋ). مەملەكەت ءتوراعاسى شي جينپيڭ 4 - ايدىڭ 11 - كۇنى حايناننىڭ بو - اۋىنداعى مەملەكەتتىك قوناق ۇيدە بو - اۋ ازيا تالقى مىنبەرى القاسىنىڭ قازىرگى جانە ەندى قىزمەتكە وتىراتىن القالارىمەن توپتىق كەزدەستى.
  شي جينپيڭ مىنالاردى اتاپ كورسەتتى: بو - اۋ ازيا تالقى مىنبەرى 1997 - جىلعى ازيا قارجى داعدارىسىنان كەيىن قۇرىلدى، ول ازيا مەملەكەتتەرىنىڭ سىن - سايىستارعا قول ۇستاسا توتەپ بەرەتىن ورتاق تانىمىن ايگىلەپ، وڭىرلىك ەكونوميكانىڭ ءبىر تۇلعالانىپ دامۋ تالابىنا ۇيلەستى. مىنبەر قۇرىلعان 17 جىلدان بەرى، ازيانى تياناق ەتىپ، دۇنيە ءجۇزىن بەتكە الىپ، ازيانىڭ ورتاق تانىمىن ۇيىستىرۋ، ازيانىڭ ىنتىماقتاستىعىن ىلگەرىلەتۋ، ازيانىڭ تاعدىرلاس ورتاق تۇلعاسىن قۇرۋ جونىندە ماڭىزدى رول اتقاردى. مىنبەردىڭ بيىلعى جىلدىق ءماجىلىسى «ەسىك اشىپ، جاڭالىق جاراتقان ازيا، گۇلدەنىپ - دامىعان الەم» تاقىرىبىندا ىشكەرىلەي تالقى جۇرگىزدى، كوپشىلىك جابال بىلاي دەپ قارادى: الەمدىك ەكونوميكا جاڭا كەزەكتى قاۋىرت دامۋدى، اۋقىمدى رەتتەلۋدى باستان كەشكەن جاعدايدا، تاريح اعىمىنا ۇيلەسىپ، وزگەرىس جاساۋدى، جاڭالىق اشۋدى ىلگەرىلەتۋىمىز ءتيىس؛ كوپشىلىك مىناعان سەنەدى: ەكونوميكالىق ءوسۋدىڭ قوزعاۋشى قۋاتى جەتكىلىكسىز بولۋىنا، ساۋدا قورعانىمپازدىعىنىڭ سىن - سايىسىنا مەڭزەس، ەسىك اشۋعا، سيىسىمدى بولۋعا، ىنتىماقتاسىپ تەڭ ۇتۋعا تاباندى بولۋعا ءتيىسپىز؛ كوپشىلىك ءبىر نيەتپەن كۇش قوسىپ، قول ۇستاسا العا باسىپ، ازيا مەن دۇنيە ءجۇزىنىڭ اناعۇرلىم جارقىن بولاشاعىنا جول اشۋدى قالايدى. ءار ەلدىڭ ساياساتكەرلەرى ۇرپاقتار ءۇشىن باس قاتىرىپ، ۇزاق بولاشاقتىق جوبا جاساۋى كەرەك.
  شي جينپيڭ مىنالاردى باسا دارىپتەدى: جۇڭگونىڭ رەفورما جاساپ، ەسىك اشقان 40 جىلدىق تاجىريبەسى مىناداي ماڭىزدى وي سالادى: جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ دامۋى دا جۇڭگوعا مۇقتاج. جۇڭگو رەفورما جاساپ، ەسىك اشۋ ارقىلى ءوز دامۋىن جۇزەگە اسىرىپ، جۇڭگو كەرەمەتىن جاراتتى، سونىمەن بىرگە، ءوزىن دامىتۋ ارقىلى دۇنيە ءجۇزىنىڭ العا باسۋىنا كۇش قوستى. جۇڭگو بەيبىت دامۋ جولىنان اۋىتقىماي ءجۇرىپ، ءوزارا پايدا جەتكىزىپ، تەڭ ۇتاتىن ەسىك اشۋ ستراتەگياسىن اتقارىپ، ءوزارا قۇرمەتتەيتىن، تەڭ، ءادىل، ىنتىماقتاسىپ، تەڭ ۇتاتىن جاڭاشا حالىقارالىق قارىم - قاتىناس ورناتۋدى ىلگەرىلەتەدى؛ ءىرى ەلدەردىڭ سايكەسۋى مەن ىنتىماقتاستىعىن ىلگەرىلەتىپ، كورشى ەلدەرمەن تاتۋ دوستىق قارىم - قاتىناستى دامىتىپ، جاھاندىق جونگە سالۋعا اناعۇرلىم بەلسەندى تۇردە قاتىناسىپ، سىن - سايىستارعا ءار ەلمەن تىزە قوسا وتىرىپ اناعۇرلىم ءونىمدى تۇردە توتەپ بەرەدى؛ ءوز بولاشاق تاعدىرىن الەم حالقىنىڭ بولاشاق تاعدىرىمەن تىعىز بىرلەستىرىپ، جۇڭگو حالقىنىڭ باقىتىن كوزدەۋمەن بىرگە، ادامزاتتىڭ العا باسۋ ىستەرى ءۇشىن دە كۇرەسىپ، ىنتىماقتاستىق اۋقىمىن ونان ارى كەڭەيتىپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتىپ، باياندى بەيبىت، جاپپاي حاۋىپسىز، بىرگە گۇلدەنگەن، اشىق، سيىسىمدى، تازا، كورىكتى الەم قۇرادى؛ «ءبىر بەلدەۋ، ءبىر جول» قۇرىلىسىن ۇزدىكسىز ىلگەرىلەتىپ، اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولىپ، حالىقارالىق ىنتىماقتاستىقتىڭ جاڭا تۇعىرىن قالىپتاستىرىپ، بىرگە دامۋعا جاڭا قوزعاۋشى كۇش ۇستەپ، «ءبىر بەلدەۋ، ءبىر جولدىڭ» اناعۇرلىم كوپ مەملەكەت پەن حالىققا پايدا جەتكىزۋىنە مۇمكىندىك جاسايدى.
  شي جينپيڭ مىنالاردى باسا دارىپتەدى: جۇڭگو بو - اۋ ازيا تالقى مىنبەرىن وتكىزۋشى ەل رەتىندە، تالقى مىنبەرى ءۇشىن اناعۇرلىم كەڭ دامۋ ءورىسىن ازىرلەيدى، سونىمەن قاتار تالقى مىنبەرىنىڭ جۇڭگونىڭ دامۋىنا ۇزدىكسىز نازار اۋدارۋىن جانە قولداۋ كورسەتۋىن، جۇڭگو مەن دۇنيە ءجۇزىنىڭ بىرگە گۇلدەنۋىن ىلگەرىلەتۋ ءۇشىن بەلسەندى رول اتقارۋىن ءۇمىت ەتەدى. ءبىرىنشى، ازيانى تياناق ەتىپ، ازياعا قىزمەت كورسەتۋ. تالقى مىنبەرى ازيانىڭ ورتاق تانىمىن ۇيىستىرىپ، ازيا ءۇنىن جەتكىزىپ، ازيا جوباسىن ۇسىنىپ، ازيانىڭ اناعۇرلىم كوپ دارىپتەمەلەرىن حالىقارالىق ورتاق تانىم، حالىقارالىق ارەكەت دەڭگەيىنە كوتەرىپ، ازيانىڭ دۇنيە جۇزىندەگى ىقپال كۇشىن ۇزدىكسىز جوعارىلاتۋى كەرەك. ەكىنشى، الەمدى قۇشاعىنا الىپ، ەسىك اشۋ، سيىسىمدى بولۋ. تالقى مىنبەرى دۇنيە جۇزىنەن دامۋعا قوزعاۋشى كۇش الىپ، شىعىس، باتىس وركەنيەت جەمىستەرىن توعىستىرىپ، كوبىرەك «سىرتقا شىعىپ»، دۇنيە ءجۇزى كولەمىندە سەلبەستىك سەرىكتەستىك تورى قۇرىلىسىن كۇشەيتىپ، «دوستار شەڭبەرىن» ۇزدىكسىز كەڭەيتۋى كەرەك. ءۇشىنشى، ەرەكشەلىكتى كورنەكتىلەندىرىپ، جارقىن ءتۇيىن قالىپتاستىرۋ. تالقى مىنبەرى ءار سالا قايراتكەرلەرىنىڭ بۇكپەسىز پىكىرلەسۋىن جەبەپ، كوپتىڭ اقىلىن قورىتىپ، ءار ەل ۇكىمەتى مەن كاسىپورىندارىنىڭ ىنتىماقتاستىق جۇرگىزۋىنە اقىل - پاراساتتىق تىرەك ۇسىنىپ، حالىقارالىق قوعام ءتۇيىندى تۇردە نازار اۋدارىپ وتىرعان ماسەلەلەرگە مەڭزەس، اناعۇرلىم كوپ «بو - اۋ جوباسىن» ورتاعا قويۋى كەرەك.
  بو - اۋ ازيا تالقى مىنبەرىنىڭ قازىرگى القا مەڭگەرۋشىسى ياسۋو فۋكۋدا، ەندى قىزمەتكە وتىراتىن القا مەڭگەرۋشىسى پان كيمۇن، قازىرگى القالارى پاكيستاننىڭ بۇرىنعى زۇڭليى ازيز بەن فرانسيانىڭ بۇرىنعى زۇڭليى راففارەن، ەندى قىزمەتكە وتىراتىن القالارى فيليپپيننىڭ بۇرىنعى زۇڭتۇڭى اررويو مەن يتاليانىڭ بۇرىنعى زۇڭليى پرودي ىلگەرىندى - كەيىندى لەبىز ءبىلدىردى. ولار بىلاي دەستى: ءتوراعا شي جينپيڭ كەشەگى جىلدىق ءماجىلىستىڭ اشىلۋ سالتىندا سويلەگەن ارقاۋ سوزىندە جۇڭگونىڭ دامۋ بەتالىسىن ايقىن كەسكىندەپ، كەلەلى ەسىك اشۋ شارالارىن جاريالادى، ءسوز رەفورما رۋحىنا تولى، ايرىقشا كەرەمەت، كىسىنى ءتانتى ەتەرلىك جانە اسەرلى بولدى. جاھاندانۋ مەن كوپ جاقتىلىق سىن - سايىسقا ءدوپ كەلگەن قارساڭدا، اتالعان ءسوز تەرەڭ ءمان الادى، ول الەمدىك ەكونوميكانىڭ دامۋىنا تىڭ، قۋاتتى قوزعاۋشى كۇش ۇستەپ، ادامدارعا دۇنيە ءجۇزىنىڭ قايدا باراتىنى تۋرالى دۇرىس بەتالىس كورسەتتى، ول ماڭىزدى ساتتە كورسەتىلگەن دۇرىس جاۋاپ سانالادى، اتاپ ايتساق، جۇڭگو جۇڭگوشا سوتسياليستىك جولىمەن جۇرۋگە، رەفورما جاساپ، ەسىك اشۋعا، باياندى دامۋعا، ساپالى دامۋعا، جاڭالىق اشۋ ارقىلى دامۋعا كۇش سالىپ، جۇڭگونىڭ اناعۇرلىم كەسەك تابىسقا جەتەتىنى تۋرالى ادامدارعا نىق سەنىم باعىشتادى. جۇڭگونىڭ تابىسقا جەتۋى تەرەڭ ىقپال جاساپ، ازياعا جانە دۇنيە جۇزىنە گۇلدەنۋ ورايىن الا كەلەدى، سونداي - اق الەمنىڭ باسقا دا مەملەكەتتەرىنە ۇلگى بولدى. جۇڭگو الەمدىك ەكونوميكانىڭ ماڭىزدى قوزعالتقىشىنا اينالىپ، كليمات وزگەرىسىنە توتەپ بەرۋ سياقتى حالىقارالىق ىستەردە ماڭىزدى، ناتيجەلى رول اتقاردى. حالىقارالىق قوعامداعى ءار تاراپ جۇڭگو سياقتى رەفورما جاساۋ، ەسىك اشۋ، جاڭالىق اشۋ ارقىلى دامۋ جولىمەن ءجۇرۋى، توماعا تۇيىقتىق، قاساڭدىق، قورعانىمپازدىق جانە ءبىر جاقتىلىق سىندى كەرى كەتەر جولمەن جۇرمەۋى، ازيانىڭ تاعدىرلاس ورتاق تۇلعاسى مەن ادامزاتتىڭ تاعدىرلاس ورتاق تۇلعاسىن بىرگە قۇرۋى ءتيىس. تالقى مىنبەرى بۇل ءۇشىن ءوز قۇلشىنىسىن كورسەتۋگە دايىن.
  كەزدەسۋدىڭ الدىندا، شي جينپيڭ تالقى مىنبەردىڭ قازىرگى جانە ەندى قىزمەتكە وتىراتىن القا مەڭگەرۋشىلەرىمەن، ورىنباسار القا مەڭگەرۋشىلەرىمەن، باس حاتشىسىمەن توپتىق سۋرەتكە ءتۇستى.
  ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە