جاڭا حابارلار

كوكتەم ماۋسىمىندا دەنساۋلىققا پايدالى ازىقتار

    كەلۋ قاينارى: شينجياڭ حالىق راديو ىستانسياسى    2018-04-12 12:58:03  
كوكتەم مەزگىلى اۋرۋ  وڭاي قوزعالاتىن ماۋسىم. كوكتەمدە كۇن جىلى، جەل كوپ سوعاتىندىقتان، باكتەريا مەن ۆيرۋس سياقتى ميكرو ورگانيزىمدەر  وڭاي ءوسىپ-ءوربيدى. سوندىقتان كوكتەمدە تۇماۋ سياقتى اۋرۋلار كوپ بولىپ، دەنساۋلىعى ءالسىز قارتتار  جونىنەن الىپ ايتقاندا، دەنساۋلىقتارىنا ەرەكشە كوڭىل بولگەنى ءجون.
  كوكتەم كەلگەندە باۋىرىندا پاتولوگيالىق وزگەرىس تۋىلعان ادامداردا، اسىرەسە، باس اۋرۋ، باس اينالۋ بەلگىلەرى وڭاي بايقالادى. وسى زامانعى مەديتسينا ىلىمىندە دە كوكتەمگى اۋارايىنىڭ وزگەرىسىنەن ادامداردا قان قىسىمى جوعارىلاۋ، باس اۋرۋ، باس  اينالۋ، ۇيقىسىزدىق سياقتى اۋرۋ بەلگىلەرى كورىلەتىندىگى انىقتالدى.ازىق-تۇلىكپەن ەمدەۋ ءادىسى: ءار كۇنى بانان مەن مانداريننان 250 دە 500 گرام نەمەسە 100 گرام بانان قابىعىن سۋعا بىقتىرىپ، ءشاي ورنىندا تۇتىنۋ؛ ويتكەنى باناندا قان قىسىمىن تۇسىرەتىن كالي يونى بار. بۇدان سىرت، ۇنەمى كالي قۇرامى مول ليمون، المۇرت، جاسىل بۇرشاق سياقتىلاردى تۇتىنۋ ارقىلى جوعارى قان قىسىمى اۋرۋىنان ساقتانۋعا بولادى جانە دە 500 گرام  بالدىركوكتى سۋعا قايناتىپ، لايىقتى مولشەردە شەكەر قوسىپ، شاي ورنىندا تۇتىنۋ نەمەسە 250 گرام بالدىركوك پەن 10 تال شىلاندى سۋعا قايناتىپ، شاي ورنىندا ءىشۋ كەرەك. جەر جاڭعاعى ءدانىن سىركە سۋىنا شىلاپ، 5 كۇننەن كەيىن ءار كۇنى تاڭەرتەڭ اش قۇرساقتا 10 تال جەسە، قان قىسىمدى تومەندەتۋ ءونىمى كورنەكتى بولادى.
  اسقازان، سونداي-اق ون ەكى ەلى ىشەك اۋرۋى دا كوكتەمدە وڭاي قوزعالادى، سوندىقتان ازىقتانعاندا قۇرامىندا كرەاتين مەن پۋرين ءسىلتىسى سياقتى زاتتار مول تاۋىق سورپاسى، بالىق سورپاسى، سيىر ەتى سورپاسى جانە  بوساي (ساۋمالدىق)، بۇرشاق تەكتەستەر، حايۋاناتتاردىڭ ىشكى مۇشەلەرى، تىتىركەندىرەتىن دامدەندىرگىشتەردى تۇتىنۋدان ساقتانۋ كەرەك، ويتكەنى جوعارىدا ايتىلعان ازىقتاردىڭ اسقازان ءسولىن ىدىراتۋ نەمەسە ءىشتى كەپتىرۋ رولى كۇشتى  بولاتىندىقتان، اسقازان-ىشەك قىزمەتىن اۋىرلاتادى. ازىق-تۇلىكپەن ەمدەلۋ جاعىندا بالمەن ەمدەلۋ ءادىسىن قولدانۋ قاجەت. مۇندا بالدى قاسقانعا سالىپ بۋلاپ، اش قۇرساقتا ءار كۇنى 100 ميلليليتردەن ۇشكە ءبولىپ ىشەسىز نەمەسە سيىر سۇتىنەن 250 ميلليتردى پىسىرىپ، 50 گرام بال، 6 گرام  بلەتيللانى ارالاستىرىپ ىشەسىز. بۇلاردىڭ اسقازاندى جاقسارتىپ، دەنەنى قۋاتتاندىرۋ ءونىمى كورنەكتى بولادى.
  قارتتاردىڭ سوزىلمالى كەڭىردەكشە قابىنۋ اۋرۋى دا كوكتەم ماۋسىمىندا قوزعالادى. بۇل اۋرۋدىڭ قوزعالۋىنان ساقتانۋ ءۇشىن، قاقىرىق تۇسىرەتىن كوكباۋىردى، بۇيرەكتى، وكپەنى قۋاتتاندىراتىن ازىقتاردى كوپ جەڭىز. ماسەلەن، جاپون مۇشمۇلاسى، ماندارين، المۇرت، شامگۇل ءدانى، ءلالاگۇل، شىلان، جاڭعاق، بال سياقتى ازىقتىقتاردى تۇتىنۋ اۋرۋدىڭ اسقىنۋىن جەڭىلدەتەدى. تاعام نەعۇرلىم قاتىقسىز بولۋى، تەڭىز ونىمدەرى مەن مايلى زاتتاردى جەمەۋ، ەت ونىمدەرىنەن گورى، كوكونىس، بۇرشاق ىرىمشىگى سياقتى ونىمدەردى جەۋدىڭ الدەقايدا عىلمي نەگىزى بار. تىتىركەندىرگىش قاسيەتكە يە قىزىل بۇرىش، قارا بۇرىش، ۋسارىمساق سياقتى ونىمدەردى، قانت قۇرامى جوعارى، سونداي-اق سۇرلەنگەن ازىقتىقتاردى از تۇتىنىپ، تىنىس جولى اۋرۋلارىنىڭ قايتادان قوزعالۋىنىڭ الدىن الۋىمىز كەرەك

بەرىپ كەت ورامالىڭدى

دوستار

الىستاعى اق ەركە