جاڭا حابارلار

اۆتونوميالى رايوندىق كوكتەمگى اۋىل شارۋاشىلىق ءوندىرىسى قىزمەتى تەلەۆيزور-تەلەفون ءماجىلىسى اشىلدى

    كەلۋ قاينارى: شينجياڭ حالىق راديو ىستانسياسى    2018-04-12 10:47:01  

ستانسيامىزدىڭ ءتىلشىسى لەي ميڭ حابارلايدى: اۆتونوميالى رايوندىق كوكتەمگى اۋىل شارۋاشىلىق ءوندىرىسى قىزمەتى تەلەۆيزور-تەلەفون ءماجىلىسى 4-ايدىڭ 11-كۇنى اشىلدى. ماجىلىستە مىنالار تالاپ ەتىلدى: شينجياڭدا جوعاردان تومەنگە دەيىن باس شۋجي شي جينپيڭنىڭ «اۋىل شارۋاشىلىق، اۋىل-قىستاق، ديحاندار» يدەياسىن ىشكەرلەي دايەكتىلەندىرۋ، تياناقتاندىرۋ، اۋىل شارۋاشىلىق وندىرىسىندەگى ءتۇيىندى مىندەتتەردى اناعۇرلىم ايقىنداپ، شارالاردى قامتاماسىزداندىرۋدى نىعايتىپ، جاۋاپكەرلىكتى تياناقتاندىرۋدى كورنەكتىلەندىرۋ، اۆتونوميالى رايوندىق پارتكومنىڭ «اۋىل شارۋاشىلىق، اۋىل-قىستاق، ديحاندار» قىزمەتى جونىندەگى ءتۇرلى ورنالاستىرۋلارىن ءتۇبىرلى تياناقتاندىرىپ، ناقتى ناتيجەگە جەتۋ كەرەك. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى، ءارى ءسوز سويلەدى.
ماجىلىستە بىلاي دەپ اتاپ كورسەتىلدى: شينجياڭدا جوعاردان تومەنگە دەيىن ەڭ تومەنگى شەك وي جەلىسىن نىعايتىپ، اۋىل شارۋاشىلىق ءوندىرىسى قىزمەتىندەگى ءتۇيىندى مىندەتتەردى اناعۇرلىم ايقىنداۋ قاجەت. كوكتەمگى ءبيداي تۇقىمىن ءسىڭىرۋ ۋاقىتى تىعىز، مىندەت اۋىر بولۋ سىندى ءىس جۇزىندىك قيىنشىلىقتارعا نازار اۋدارىپ، استىق حاۋىپسىزدىگىنە اكىمشىلىك باستىق جاۋاپتى بولۋ ءتۇزىمى تالابى بويىنشا، استىق حاۋىپسىزدىگى جاعىنداعى ستراتەگيالىق ەڭ تومەنگى شەكتى مىقتى يگەرىپ، استىق حاۋىپسىزدىگىن ماڭداي الدى ورىنعا قويىپ، بيىلعى ءبيداي ەگۋ جوسپارىن بار كۇشپەن ورىنداۋ؛ شىلان، جاڭعاق، الما، المۇرت سياقتى جەمىس اعاشى ونىمدەرىن ءتۇيىن ەتىپ، ۇلگى كورسەتۋ سيپاتتى ءبىر توپ جەمىس اعاشى قۇرىلىس نىسانىن جەدەل سالىپ، بيىل ساپانى جوعارىلاتىپ، ونىمدىلىكتى ارتتىراتىن جەمىس باقشاسىن 2 ميلليون مۋدان اسىرۋعا كۇش سالۋ، جەمىس اعاشىن مانەرلەپ باسقاعا اينالدىرۋدى، جاستاي ساقتاۋدى جانە ايگىلى ماركانى ساتۋدى كۇشەيتۋ، جەمىس اعاشى كاسىپ تىزبەگىن ۇزارتىپ، مانەرلەپ باسقاعا اينالدىرىپ قۇنىن جوعارىلاتۋدى جەبەۋ؛ مال شارۋاشىلىق وندىرىسىندەگى «ءتورتتى ساپالاندىرىپ، ءبىردى جۇيەلەندىرۋدى» جالپىلاستىرۋ قولدانۋ قىزمەتىن شىن مانىندە كۇشەيتۋ كەرەك.
ماجىلىستە مىنالار تالاپ ەتىلدى: جەر-جەر قامتاماسىزداندىرۋ شارالارىن نىعايتىپ، «ءبىرىنشى كاسىپتىڭ دەڭگەيىن جوعارلاتۋ» نەگىزىن اناعۇرلىم بەكەمدەۋ قاجەت. اۋىل شارۋاشىلىعى جاعىندا، استىق حاۋىپسىزدىگىنە كەپىلدىك ەتۋ العى شارتىندا، ساپالى استىق كاسىبى قۇرىلىمىن بەلسەنە جەبەۋ؛ ەرەكشە جەمىس اعاشى كاسىبى جاعىندا، ساپا ارقىلى ورمان شارۋاشىلىعىن كوركەيتۋ، جاسىل دامۋ ارقىلى ورمان شارۋاشىلىعىن كوركەيتۋ، عىلىم-تەحنيكا ارقىلى ورمان شارۋاشىلىعىن كوركەيتۋ جولىمەن ءجۇرۋ؛ مال شارۋاشىلىعى جاعىندا، سولتۇستىك شينجياڭدا اۋىل شارۋاشىلىق رايوندارىنىڭ مال شارۋاشىلىق كاسىبىن كۇش سالا دامىتۋ، وڭتۇستىك شينجياڭدا ەگىمشىلىك، باعىمشىلىق اينالىمىن، اۋىل شارۋاشىلىعىن، ورمان شارۋاشىلىعىن، مال شارۋاشىلىعىن بىرگە دامىتۋ سىندى ءوندىرىس ۇلگىسىن ورناتۋ ءتيىس. ءىشنارا اۋىل شارۋاشىلىق ءوندىرىس قۇرال-جابدىقتارى باعاسىنىڭ قىمباتتاۋ ماسەلەسىنە ايىرىقشا ءمان بەرىپ، بەلسەنە توتەپ بەرۋ قاجەت. اۋىل شارۋاشىلىق ماشينالارىنىڭ جەتەكشى رولىن تولىق ساۋلەلەندىرۋ، عىلىم-تەحنيكالىق قىزمەت وتەۋ قۋاتىن جوعارلاتۋ ارقىلى ءوندىرىس تاسىلىنە بۇرىلىس جاساۋ جاعىندا ىلگەرلەۋشىلىككە قول جەتكىزۋ ءتيىس. بيىل اۋىل-قىستاقتارداعى كوتەرمەگە بەرۋ ءتيجارات ۇقىعىن تىزىمدەۋ، كۋالىك تاراتۋ، اۋىل-قىستاقتاردىڭ كوللەكتيۆ مەنشىك ۇقىعى تۇزىمىنە رەفورما جاساۋ، اۋىل شارۋاشىلىق ونىمدەرىنىڭ باعاسىنا رەفورما جاساۋ، اۋىل شارۋاشىلىق تىڭ جەر اشۋ رەفورماسى، مەملەكەت مەنشىگىندەگى ورمان شارۋاشىلىق رايونى مەن ورمان الاڭىنا رەفورما جاساۋ، وزەن، كولدەردى باسقارۋعا، قورعاۋعا ارناۋلى ادام جاۋاپتى بولۋ ءتۇزىمىن جاپپاي ورناتۋ سياقتى رەفورمالاردى ءتۇيىندى مىقتى يگەرۋ قاجەت. اپاتتان ساقتانىپ، اپات زيانىن ازايتۋ قىزمەتى مەن اۋا رايى قىزمەت وتەۋ قىزمەتىن جاقسى ىستەپ، ەگىس اتىزى سۋ يگىلىگى قۇرىلىسىن جەدەلدەتىپ، اۋىل شارۋاشىلىعىنىڭ، اۋىل-قىستاقتاردىڭ ءتۇرلى رەفورماسىن تىڭعىلىقتى ىلگەرلەتۋ كەرەك.


بەرىپ كەت ورامالىڭدى

دوستار

الىستاعى اق ەركە