جاڭا حابارلار

رايونىمىزداعى حالىق باسقارۋىنداعى كاسىپورىنداردىڭ قىزمەتكەر قابىلداۋ-ۇسىنىس ەتۋ اپتالىق قيمىلى باستالدى

    كەلۋ قاينارى: شينجياڭ حالىق راديو ىستانسياسى    2018-04-12 10:31:43  

ستانسيامىز ءتىلشىسى دۇڭ جىيۇڭنىڭ حابارى: اۆتونوميالى رايونىمىزداعى حالىق باسقارۋىنداعى كاسىپورىنداردىڭ قىزمەتكەر قابىلداۋ-ۇسىنىس ەتۋ اپتالىق قيمىلى 4-ايدىڭ 11-كۇنى رەسمي باستالدى، تۇڭعىش رەتكى قابىلداۋ-ۇسىنىس ەتۋ قيمىلى شينجياڭ ۋنيۆەرسيتەتىندە ءساتتى وتكىزىلدى.
4-ايدىڭ 11-كۇنى تۇستەن كەيىن ساعات 3 جارىمدا قيمىل باستالا سالىسىمەن، شينجياڭ ۋنيۆەرسيتەتىنىڭ دەنە-تاربيە سارايىنا كاسىپ ىزدەگەن ستۋدەنتتەر تولىپ كەتتى، كەي وقۋشىلار كاسىپورىننىڭ قىزمەتكەر قابىلداۋعا جاۋاپتى ادامدارىمەن اڭگىمەلەسسە، كەيبىرەۋلەرى وزدەرىنىڭ كاسىپ جوسپارى بويىنشا باعىتتامالى كاسىپ ىزدەدى. شينجياڭ ۋنيۆەرسيتەتى حانزۋ ءتىلى حالىقارالىق وقۋ-اعارتۋ كاسىبى 4-جىلدىعىنىڭ وقۋشىسى ابيدام دولقۇن تىلشىگە بىلاي دەدى: «حاتشىلىق نەمەسە اكىمشىلىك ورىننان قىزمەت تاۋىپ تاجىريبە توپتاۋ ويىم بار، مۇنداعى ماقساتىم ــــ كۇڭزى ينستيتۋتىنا بارىپ حانزۋ ءتىلى ساباعىن بەرەتىن وقىتۋشى بولىپ، جۇڭگونىڭ ءداستۇرلى مادەنيەتىن تانىستىرۋ».

قىزمەتكەر قاجەت ەتەتىن 296 مەكەمە ورىن قيمىلعا قاتىناستى، بۇلار ەنەرگيا، حيميا ونەركاسىپ، زات اينالىمى، تاسىمال، ءدارى -دارمەك سياقتى ءار سالاعا سايادى، وسى ورىندار دايىنداعان قىزمەت ورنى 6 مىڭنان اسادى. جۇڭلياڭ سانجى استىق -ماي ونەركاسىپ شەكتى سەرىكتەستىگىنىڭ قىزمەتكەر قابىلداۋعا جاۋاپتى ادامى چىن يۋان : «قىزمەتكەر قابىلداۋ ورنىنان 30 قىزمەتكەر قابىلداۋمەن بىرگە،وسى تەكشەدەن پايدالانىپ، مەكتەپتەرمەن كەلىسىم جاساسامىز. وسى ورايدا جوعارى مەكتەپتەرمەن سەلبەستىكتى كۇشەيتىپ، تاڭداۋلى دارىندىلاردى كاسىپورىنعا قابىلداپ، تاماشا اينالىم قالىپتاستىرىپ، كاسىپورىننىڭ دارىندى زاپاس قوسىنىن قۇرامىز»،-دەدى.
ۇعىسۋعا قاراعاندا، اۆتونوميالى رايونىمىزداعى حالىق باسقارۋىنداعى كاسىپورىنداردىڭ قىزمەتكەر قابىلداۋ -ۇسىنىس ەتۋ اپتالىق قيمىلى «دالمە -ءدال قىزمەت وتەپ، كاسىپتەنۋدى جەبەپ، دارىندىلاردى جيناپ، دامۋدى ىلگەرىلەتۋ» دەگەندى باستى تاقىرىپ ەتىپتى. شينجياڭ ۋنيۆەرسيتەتىندە قابىلداۋ -ۇسىنىس ەتۋ قيمىلىن وتكىزۋدەن تىس، بۇكىل شينجياڭنىڭ ايماق -وبلىستارىندا الۋان فورمامەن قىزمەتكەر قابىلداۋ-ۇسىنىس ەتۋ قيمىلىن وتكىزەدى، قيمىل ۋاقىتى 4-ايدىڭ 22-كۇنىنە دەيىن جالعاسادى ەكەن. اۆتونوميالى رايوندىق الەۋمەتتىك كاسىپتەندىرۋگە قىزمەت وتەۋ مەكەمەسىنىڭ باستىعى پاريدا رەيىم تىلشىگە بىلاي دەدى: «اۆتونوميالى رايوندىق ادام كۇشى بايلىعى بازارى ءار اپتادا 3 رەت قابىلداۋ-ۇسىنىس ەتۋ قيمىلىن وتكىزەدى، جۇما كۇنى كولەمدى قيمىل وتكىزەدى. وسىلايشا ءتۇرلى شارالاردى قولدانىپ، كاسىپ ىزدەۋشىلەرگە ويداعىداي قىزمەت ەتەمىز».


بەرىپ كەت ورامالىڭدى

دوستار

الىستاعى اق ەركە